Dagblaðið Vísir - DV - 12.05.1999, Blaðsíða 8

24 SPORTBÍLAR
MIÐVIKUDAGUR 12. MAÍ 1999
Bryddað verður upp á nýjung á
Avital sportbílasýningunni í
Laugardalshöll, en þar mun
fara fram í fyrsta sinn hljómtækja-
keppni. Keppt verður í tveimur
greinum, annars vegar hljóm-
gæðakeppni, þar sem skipt er í
flokka eftir verði tækjabúnaðar, og
hins vegar í hljómstyrkskeppni.
Hljómstyrkskeppnin felst í því að
keppt er í raun í því hver getur
framleitt sem mestan hávaða. Keppt
er eftir svonefndum SPL-reglum og
skipt í flokka eftir flatarmáli hátal-
ara, og sá sem mælist með mest
hljóð í dB, eða desibelum, vinnur.
í hljómgæðakeppninni er dæmt
eftir frágangi við ísetningu, hljóm-
styrk og hljómgæðum. Gefin eru
stig fyrir eftirtalin atriði: ísetningu,
'sem vegur 20% í stigagjöfinni,
hljómstyrk sem einnig vegur 20%
og mæld hljómgæði eða tíðnisvið
sem vegur 20%. Loks er um að ræða
hljómgæðin sjálf eins og eyra dóm-
nefndarmanna heyrir þau, og vegur
þessi þáttur 40%.
Sýna verður búnaðinn í bílnum,
og myndir af honum ef hann er að
einhverju leyti falinn eftir smíði og
frágang. Alls verða flmm manns í
dómnefndinni og til að gæta jafn-
vægis er efsta og neðsta stigagjöf
bílar með 3 tólf tommu bassa, sem
jafngilda 0,219 fermetrum. í þriðja
flokki eru engcir takmarkanir.
Hver keppandi fær 45 sekúndur
til að ná hámarks hljómstyrk, en
mælt er með dB-mæli.
6000 músíkvött
„Það er í raun ekki hægt að mæla
hljómstyrkinn á sama hátt og við
mælum venjuleg hljómtæki í bíl-
um,“ segir Guðmundur Valdimars-
son, einn þeirra sem var að vinna
við bílinn sinn á verkstæðinu hjá
Aukareif fyrir nokkrum dögum, en
þar var hann að setja mikið hljóm-
kerfi í venjulegan Honda Civic, ár-
gerð Í92. „Ef við gerum tilraun til að
setja þann hljómstyrk sem kerfið
hjá mér mun gefa, þá má reikna
með að það jafngildi um 6.000 mús-
íkvöttum."
Ef þetta er borðið saman við
venjulegan heimilsbíl með dágóðum
hljómtækjum þá er þetta um 150-
faldur sá styrkur.
„Ég verð með átta 12 tommu
bassa og níu öfluga magnara, einn
fyrir hvem bassahátalara og sá ní-
undi sér um hátalarana frammi í
bílnum, þar á meðal má telja fjóra
miðjuhátalara og 4 svonefnda
„tvítera."
- nýjung á sportbílasýningunni
Gæsilegur bíll með enn glæsilegra hljómkerfi. BMW-inn hans Bjarna Knútssonar er kominn með öfiugt hljómkerfi sem
vart á sinn líka á landinu. Hér er Bjarni að ganga frá tenginum í skottinu sem rúmar í dag hljómkerfi í stað farangurs. í
botninn er búið að setja sérsmíðaða öfiuga þurrgeyma og tengingar eru gullhúðaðar til að tryggja betra samband.
Keppni í hQómgæðum
og hljómstyrk
felld út, þannig að eftir standa þrír
dómar sem lagðir eru saman og
mynda meðaltal.
Keppt er i þremur flokkum. í
fyrsta flokki eru bílar með tækja-
búnað allt að 120.000 krónur, í öðr-
um flokki eru bílar með tækjabúnað
allt að 240.000 krónur og loks í
þriðja flokki keppa bílar án verðtak-
markana á búnaði. Keppendur í
fyrsta og öðrum flokki þurfa að
sýna nótur eða gilda verðlista yflr
þann búnað sem er í bílnum.
í hljómstyrkskeppninni gengur
keppnin í raun út á það að fram-
leiða sem mest hljóð og þar er
einnig keppt í þremur flokkum. í
fyrsta flokki eru bílar með tvo 12
tommu bassa, sem jafngilda 0,146
fermetrum. í öðrum flokki keppa
Kraftloftsíur fáanlegar
í margar gerðir bíla.
Tómstundahúsið
Nethyl 2 Ártúnsholti
Sími 587 0600
Bassahátalaramir átta verða þar
sem aftursætið er í venjulegum Ci-
vic og magnaramir í farangursrým-
inu. Hljómbúnaðurinn allur er frá
Aukaraf, frá DLS, bætt er við öflug-
um Optima-rafgeymum frá Bílabúð
Benna og geislapilarinn er banda-
rískur, Custic.
„í hljómstyrkskeppni er ekki spil-
uð hefðbundin hljómlist, aðeins
bassi,“ segir Guðmundur. „Það eru
til sérstakir geisladiskar með hljóð-
um fyrir svona keppnir og þeir
verða notaðir einnig hér. Ég stefni
að því að geta framleitt 140 dB með
þessum búnaði, en heimsmetið er
176 dB.“
Hundrað tímar eftir
En það er ekki tekið út með sæld-
inni að smiða bil fyrir svona
keppni. „Ég er búinn að vera í tvo
mánuði, 150 eöa jafnvel 180 tima, að
smíða bílinn fram að þessu og ætli
það séu ekki um 100 tímar eftir, eða
allur sá tími sem ég hef fram að
keppni," segir Guðmundur, sem var
í óða önn að sníða út fyrir einum
bassahátalaranum þegar við vorum
í heimsókn.
En hvað kostar svona ævintýri?
„Ætli kostnaðurinn sé ekki kominn
1 kringum milljónina," segir Guð-
mundur, sem ætlar að hafa þessi
voldugu tæki áfram í bílnum eftir
keppnina, alla vega fram á sumar.
En þetta er vel tryggt að sögn Guð-
mundar og búið er að setja mjög öfl-
ugt þjófavarnarkerfi í bílinn.
Meira en ár í smíðum
„Ég byrjaði að smíða hljómkerfið
í mínum bíl fyrir meira en ári, í
febrúar i fyrra,“ segir Bjami Knúts-
CC NCEPT
Bón- og w\eö
bílahreinsivörur gíwáSSS? 'JJ-AKK HF.
son hjá Aukaraf, sem í frístundum
sínum hefur verið að koma fyrir öfl-
ugu hljómkerfl i bílinn sinn, BMW
750 frá árinu e91, glæsilegan bíl með
öfluga V12 vél.
„Ég er búinn að setja í bílinn
fjóra öfluga bassahátalara og bæta
við tveimur öflugum hátölurum að
framan, auk þess að sérsmíða breyt-
ingu á mælaborðinu til að koma
tveimur tvíterum þar fyrir líka.“
Kassinn utan um bassahátalar-
ana er haganlega felldur inn í þann
stað á bílnum sem aftursætisbakið
er venjulega og er opið inn í hátal-
araboxið frá farangursrýminu og
spegill í botni þess sýnir vel hvað
það hefur að geyma.
„Boxið er 106 lítrar og er gert úr
MDF og stáli, framhliðin sem hátal-
amir eru felldir inn í era úr stáli.
Það þarf líka tvo menn til að lyfta
því, ætli það sé ekki á bilinu 90 til
100 kíló,“ segir Bjami.
Fjórir auka rafgeymar era felldir
ofan í botn farangursrýmisins, þar
sem varadekkið er venjulega, enda
veitir ekki af því kerfið tekur allt að
eitt þúsund ampera straum þegar
kveikt er á því, enda er ætlunin að
það geti sent frá sér allt að 136 dB
hljómstyrk.
Mikið af pitsum
Það er greinilegt að þaö liggur
mikil vinna í þessum bíl af hálfu
Bjama, frágangur á því sem búið er
til fyrirmyndar. Tenginar á raf-
geymum eru með gullhúðuðum
klemmum, bæði til að gefa betri og
öraggari straumflutning og einnig
fyrir augað. Þegar búið er að full-
ganga frá tengingum koma glærar
hlífar yfir tengiskóna.
„Ég er sennilega búinn að setja í
þetta á bilinu 600 til 700 klukku-
tíma, og enn eru um 150 tímar eft-
ir,“ segir Bjarni. „Það er búið að
borða mikið af pitsum á þessum
tíma og lítið um aðrar frístundir."
Sem dæmi um áhugann á verkinu
þá er Bjarni búinn að vera að mestu
án hljómtækja í bílnum allan þenn-
an tíma, og aðeins hefur verið hægt
Litla Hondan hans GuðmundarValdimarssonar verður komin með eitt öflug-
asta hljómkerfl landsins í bíl þegar hann verður tilbúinn. Hér er hann að ganga
frá einum af átta 12 tommu bassahátölurum sem koma í staðinn fýrir aftur-
sætið.
að hlusta á þau þrisvar á smíðatím-
anum, rétt til þess að finna hvernig
til hefði tekist.
Mikil vinna var lögð í það að ein-
angra bílinn til að missa ekki hljóm-
styrkinn út um víðan völl. Byrjað
var á því að líma sérstakar einangr-
unarmottur innan á hliðar bílsins
og síðan einangrað með þéttull.
Bjami keppir í dýrasta flokknum
á sýningunni, en hvað kostar svona
ævintýri? Það lá ekki á lausu hjá
Bjarna, en hann nefndi sem dæmi
að einn magnarinn kostar um 140
þúsund krónur.
Kerfið tekur líka sinn skammt af
straumkerfi bílsins. Einn magnar-
inn tekur um 180 amper í fullri
keyrslu, en alls tekur hljómkerfið
um 340 til 350 amper. Upprunalegur
rafall, 140 ampera, er í bílnum að
sögn Bjarna, en búið er að skipta
um straumstilli til að takast á við
þessa miklu orkunotkun.
„Það er búið að bæta mjög full-
kominni þjófavöm í bílinn, til við-
bótar þeirri þjófavörn sem fylgir
honum frá verksmiðjunum," segir
Bjarni. „Þar til viðbótar má nefna
að hann er kominn með fjarstart og
það er hægt að fjarstýra opnun á
sóllúginni líka.
Sigursælir í Evrópu
Eins og fram kom hér að framan
nota srákarnir búnað frá DLS í bíl-
ana. „Þetta er mjög góður búnaður,
sem sést best á því að þeir hafa ver-
ið mjög sigursælir í keppnum sem
þessum í Evrópu á undanfornu ári,“
segir Ásgeir Öm hjá Aukaraf, sem
selur hljómbúnaðinn frá DLS.
„Hingað til lands mun koma
Finni, Mikko að nafni, búsettur í
Svíþjóð, sem hefúr verið í fremstu
röð þeirra sem keppa í hljómkeppn-
um á borð við þessari og það verður
fróðlegt að heyra í honum í sam-
bandi við þessa frumraun okkar á
þessu sviði," segir Ásgeir Örn í
Aukaraf, en Mikko hefur náð þeim
árangri í sínum bíl að framleiða
163,3 dB með tíu bassahátölurum.
Á þriðja tug keppenda?
Ekki er ljóst þegar þetta er sett á
blað hve margir munu keppa í
þessri fyrstu hljómtækjakeppni, en
að sögn strákanna sem við hittum á
verkstæðinu hjá Aukaraf þá má bú-
ast við allt að þriðja tug keppenda.
Það má búast við ýmsu skemmti-
legu í sambandi við þessa keppni,
enda er hér um frumraun að ræða,
en sjón er sögu ríkari og því er um
að gera fyrir alla áhugamenn um
hljómtæki í bilum að kíkja við í
Laugardalshöllinni þá daga sem
sýningin stendur og fylgjast með
því sem þar verður á boðstólum.
-JR