Dagblaðið Vísir - DV - 12.05.1999, Blaðsíða 19
SPORTBÍÍAR 35
im*a
7
MIÐVIKUDAGUR 12. MAÍ 1999
Z3
Z3 hefur óumdeilanlega mesta
orkuna og vélarsvörun eftir því.
Viðbragð á honum 0-100 er aðeins
5,4 sekúndur og sú
tala segir nokkuð.
Maður situr vel í Z3
og þótt sest sé langt
niður fylgir því
ekki sú tilfinning að
sitja á gólfinu. Bíll-
inn er þéttur utan
um mann og óneit-
Sigurður anlega heyrist
Hreiðar Hreið- meira í honum af
arsson, 61 árs, ytri hljóðmn en í
umsjónarmað- hinum bílunum
ur DV-bíla. sem allir voru með
harðan topp.
Stjómtæki liggja
vel við og gírskiptingin leikur í
höndum manns. Þetta er bíll sem
svarar umsvifalaust og stendur við
það sem ætlast er til af honum.
í haugarigningunni var blæjan
þétt og fín og ekki vottur af raka á
henni innanverðri eins og stundum
vill verða á tuskutoppi. Galli var þó
að ef maður opnaði glugga til að
spjalla við manninn í næsta bíl, eða
bara á götunni fyrir utan, þá
hriplak beint af rennulausri blæj-
unni inn í bíl og niður á lærið á
manni. En hvað um það, þetta var
sá bíll sem veitti mér mesta ánægju
af akstrinum.
GTV
Líklega er þetta sá af þessum bíl-
um sem hefur mest alhliða notagild-
ið. Hann er rúmgóður og orkaði vel
á mig strax að setjast inn í hann.
Hann svarar eins og engill og situr
vel á vegi. Gírskiptingin er mjög fín
og sætið hentaði mér einkar vel.
Mælaborðið var auðlæsilegt þegar í
stað og yfirhöfuð bauð þessi bíll af
sér góðan þokka.
Þó að vélarorkan sé kannski
minni er í hinum bílunum þremur
nýtist hún afar vel gegnum vel út-
færðan gírkassa og drif. Mér fannst
auðvelt og gaman að keyra þennan
bíl eins létt og staðhættir leyföu við
þær kringumstæður sem í boði voru
og augljóst að hann átti miklu
meira til - sem gaman hefði verið
að geta hagnýtt sér betur. ítalskur
karakterinn leyndi sér ekki - íbúar
stígvélsins neðan á Evrópu kunna
svo sannarlega að búa
til bíla sem gaman er
að aka.
Andartak vafðist fyr-
ir mér hvemig á að
ljúka þessum bíl upp að
utanverðu - en í raun-
inni er það sniðuglega
leyst. Alltént er ekki
vindgnauð af handfang-
inu!
Audi TT
Nýjasta hönnunin í
þessum hópi og sum-
part sú forvitnilegasta.
Er þetta fallegasti bíll-
inn af þessum fjórum?
Þessa stundina finnst
mér það, hvað sem síð-
ar verður.
í slagveðrinu lenti ég
í þeirri ógæfu að þurfa
BMW Z3.
að byrja á því, einn míns liðs og
framan af án leiðsagnar kunnugra,
að draga upp bílrúðuna. Leitaði ég
nú vel og lengi eins og kotungsson
að Búkollu en hafði ekki erindi sem
erfiði. Það var ekki fyrr en ég fékk
tilsögn aö ég fann rofann fyrir rúðu-
vindumar, vandlega falinn framan
á neðri festingu á handfangi hurðar-
innar að innan.
í annan stað hrökk ég við þegar ég
settist inn í bílinn - svo djúpt að ég
var fyrst í stað ekki viss um að ég
sæi almennilega fram úr honum. En
þetta vandist fljótt og eins og Audi er
títt er þetta léttkeyrandi og auðveld-
ur bíll - bíll sem veitir öryggiskennd.
Á þeim kafla sem Audi TT kom í
minn hlut var ekki tilefni til mikilla
tilþrifa en mér fannst gripurinn
þægilegur frekar en æsandi eins og
hinir tveir sem áður hafa veriö
nefndir. Líklega bíll sem gaman væri
að kynnast frekar í góðu tómi.
Porsche Boxter
Fáguö smíð að ytra útliti, full-
hefðbundinn til að vera virkilega
spennandi. Maður situr ágætlega í
Boxter og hefur góða yfirsýn yfir
stjómtæki og líka út úr bilnum en
einna síst þó ef maður þarf að
bakka. Mælaborðið er flóknast í
Boxter af þessum fjórum bílum og
þarf dálitla einbeitingu til að átta
sig á því.
Boxterinn var sá eini sem var
sjálfskiptur af þessum fjómm - þó
með valskiptingu sem að vissu
marki er hægt að nota handskipt
líka ef maður kýs að gera svo. Lik-
lega galt hann þess að vera ekki
með hefðbundna handskiptingu. Að
minnsta kosti fannst mér hann
svara lakar en hinir þrír og vera
þunglamalegri. Millihröðun á hon-
um var ekki frískleg nema notaður
væri handskiptimöguleikinn, og
jafnvel þá ekki eins og ég hefði
vænst af Porsche. Þessi bíll vakti,
því miður, ekki sérstakan áhuga hjá
mér.
-SHH
CC NCEPT
bílahreinsivörur [SLAKK Hf;
tveir flottir
[á sportbílasýningunni í Laugardalshöll]
RÆSIR HF
Skúlasgötu 59, sími 540 5400 www.raesir.is