Dagblaðið Vísir - DV - 17.05.1999, Blaðsíða 6

6
MÁNUDAGUR 17. MAÍ 1999
Fréttir dv
Munaði litlu að Bervík ræki upp i brim og kletta:
Svitnaði þegar
var afstaðið
- segir Kristján Kristjánsson skipstjóri
Sjötíu tonna bátur, Bervík frá
Ólafsvík, var hætt komin í 8 vind-
stiga illskuveðri og miklum sjó út af
Grindavík í gærdag. Báturinn var á
leið til Þorlákshafnar þegar drapst á
vélinni. Olíudæla hafði brugðist.
Bátinn fór að reka upp og fram und-
an bjargið og súrrandi brimið þar.
Þyrla frá Landhelgisgæslunni kom
fljótt á staðinn og var við öllu búin.
Enn fremur var áhöfnin á Goðafossi
reiðubúin að hjálpa ef með þyrfti.
Spotti var tilbúinn til að koma yfir I
fossinn til að draga bátinn frá.
Kristján Kristjánsson var skip-
stjóri um borð í bátnum sem er kom-
inn suður til að stunda humarveiðar
við Suðurland. Hann sagði í gær að
tekist hefði að koma vélinni í gang
þegar aðeins ein sjómíla var eftir upp
í klettana. Vélstjórinn hélt slöngunni
frá olíudælunni meðan dólað var inn
í Grindavíkurhöfh, hálftíma stím.
„Ég mátti ekki vera að því að
svitna fyrr en eftir að allt var yfir-
staðið, þetta leit ekkert of vel út, en
rættist úr,“ sagði Kristján Kristjáns-
son í gærkvöldi. -JBP
Humarstofninn:
Svipað
og í fyrra
„Við erum búnir að skoða
svæðið frá Lónsdýpi að Eyjum
og þetta er svipað ástand og í
fyrra,“ segir Ragnar G.D. Her-
mannsson, skipstjóri á hafrann-
sóknarskipinu Dröfn RE, sem
nú er hálfnuð að skoða humar-
miðin suður af landinu. Árlega
eru tekin reynslutog á ákveðn-
um stöðum og árangur þess er
notaður sem mælikvarði.
Humarstofhinn hefur verið í
lægð nokkur undanfarin ár.
Dröfn RE hélt út frá Þorláks-
höfn í gærkvöld til að skoða
miðin vestan Vestmannaeyja.
Nokkrir humarbátar hafa verið
við veiðar í allan vetur. Umdeilt
er að nú megi veiða allt árið í
stað þess aö áður var upphaf
vertíðar að vori ákveðið með til-
liti til ástands stofnsins.
-rt
Fegurðardrottningar í ævintýraferð til Vestmannaeyja:
Omeiddar frá spranginu
DV, Vestmannaeyjum:
Á laugardaginn héldu stúlkurnar
í fegurðarsamkeppni íslands t mikla
ævintýraferð til Vestmannaeyja og
eyddu deginum í að skoða það sem
Eyjarnar hafa upp á að bjóða. Með i
ferð var fólk úr dómnefnd og fleiri
aðstandendur keppninnar og áttu
þau öll frábæran dag enda tóku
Vestmannaeyjar á móti stúlkunum
með frábæru veðri.
Hópurinn kom til Eyja með flug-
vél íslandsflugs og af flugvellinum
var haldið sem leið lá á golfvöll
Eyjamanna. Þar fengu stúlkumar
aö kynnast leyndardómum golfsins
undir leiðsögn tveggja Eyjapeyja.
Þessi fyrstu kynni þeirra af golfl-
þróttinni verða ekki tíunduð hér en
hafa verður í huga að enginn verð-
ur óbarinn biskup.
Á eftir var boðið upp á veitingar
í golfskálanum þar sem bæjarstjór-
inn i Eyjum, Guðjón Hjörleifsson,
heilsaði upp á stúlkurnar. Farin var
skoðunarferð i boði Ferðaþjón-
ustu Gísla Magnússonar en á eftir
Siglt var milli Eyja og eins og sjá má var athygli stúlknanna óskipt.
Keppendur í Fegurðarsamkeppni íslands fóru til Eyja um helgina. Heimamenn kynntu þeim innstu leyndardóma
Vestmannaeyja og höfðu stúlkurnar bæði gagn og gaman af. Hér eru stúlkurnar ásamt föruneyti og heimamönnum,
Meðal þeirra sem hittu stúlkurnar var Guðjón Hjörleifsson bæjarstjóri. DV-myndir Ómar
var hápunktur ferðarinnar, sigling í
kringum Heimaey með ferðabátn-
um Víkingi undir öruggri stjórn og
leiðsögn Ólafs Jónssonar. Ólafur
lýsti því sem fyrir augu bar og kom
meðal annars við í Fjósunum, sem
er hellir í Stórhöfða. Þá komust
stúlkumar í návígi við bæði há-
hyrninga og höfrunga sem virtust
ekki kunna því illa að koma fyrir
augu stúlknanna. í Klettshelli lék
Ólafur Snorrason á trompett og að
lokum var siglt fram hjá Keikó í
Klettsvík.
Starfsmaður kom um borð í Vík-
ing og upplýsti stöðu mála hjá
Keikó sem svamlaði um í kví sinni
meðan Víking sigldi fram hjá.
Sprang er þjóðaríþrótt Vestmanna-
eyja og sýndi Héðinn Þorkelsson
stúlkunum listir sínar í þeirra eðal-
íþrótt. Það var nóg til að kveikja hjá
þeim áhuga á að prófa og reið Frey-
dís Helga Árnadóttir á vaðið. Þótti
hún sýna bæði kjark og áræði sem
varð til þess að hinar vildu ekki láta
sitt eftir liggja og reyndu sprangið.
Sluppu þær allar ómeiddar úr þeim
hildarleik.
Að spranginu loknu var boðið í
kvöldverð á veitingastaðnum Fjör-
unni sem bauð upp á kræsilega
sjávarrétti. Og til baka héldu stúlk-
urnar svo um kvöldið, þreyttar en
ánægðar með daginn.
Ásbjörg Kristinsdóttir, 19 ára
Reykjavíkurmær, sagðist hafa haft
rosalega gaman af ferðinni. „Ég hef
einu sinni komið til Vestmannaeyja
en þá var ég tólf ára,“ segir Ásbjörg.
„En ég hef aldrei siglt í kringum
Heimaey eða fengið tækifæri til að
skoða náttúruna eins og núna. Það
var gaman að sjá háhyminga og
fuglalífið og við erum mjög heppnar
með veður. Við höfum því fengið að
kynnast náttúru Eyjanna í sinni
yndislegustu mynd.“
Ásbjörg hefur í mörgu að snúast
þessa dagana því hún er á fullu að
lesa undir stúdentspróf í Verslunar-
skólanum og stefnir á nám i verk-
fræði í haust. „Já, það er alveg rétt,
ég hef nóg að gera og ég hefði getað
nýtt tímann betur. Ég tók þó með
mér námsefni sem ég reyni að kíkja
í þegar færi gefst.
Þegar Ásbjörg er spurð hvað
henni finnist standa upp úr eftir
ferðina til Vestmannaeyja svarar
hún eftir nokkra umhugsun: „Ég á
kannski eftir að skella mér í golf í
framtíðinni.“ -ÓG
sem i þér býr!
26" fjallahjól, 21 gíra Shimano
Grip Shift MRX 200 - Ty30, Altus
V-bremsur, áfgjarðirog nöf,
karl- og kvensteil
Verð kr. 26.900,-

Þskkíng Reynsua þjónusta
FÁLKINN
Suðurlandsbraut 8 • 108 Reykjavík • Slmi: 540 7000