Dagblaðið Vísir - DV - 25.05.1999, Side 2

2
ÞRIÐJUDAGUR 25. MAÍ 1999
Fréttir
Salan á Mjólkursamlagi KÞ til KEA:
Hefði átt að seljast
á almennum markaði
- segir Kári í Garöi
Bændur á félagssvæði Kaupfélags
Þingeyinga eru ekki á eitt sáttir um
þá niðurstöðu sem varð í gjaldþroti
kaupfélagsins við yfirtöku KEA á
eignum þess, ekki síst Mjólkursam-
lagi KÞ. Kári Þorgrímsson, bóndi í
Garði í Mývatnssveit, telur að of
mikill asi hafi verið á mönnum og
að ekki hafi verið fullreynt hvort
markaðsvirði fengist fyrir Mjólkur-
samlagið. Hann kvaðst lengi hafa
verið mjög hlynntur því að komið
yrði upp mjólkurvinnslufyrirtæki
sem væri rekið af öðrum aðilum en
bændum en það tækifæri hefði ekki
verið notað. „Ég er sannfærður um
að núverandi fyrirkomulag er mjög
óheppilegt. Mér er alveg sama hvort
Jóhannes í Bónusi eða KEA borgar
mér fyrir mjólkina. Dagur Jóhann-
esson, oddviti í Haga í Aðaldal, er
þessu ekki sammála. Hann telur að
skásti kosturinn í þeirri stöðu sem
upp var komin hafi verið tekinn
þegar KEA yfirtók eignir og rekstur
KÞ.
DV hefur áður greint frá því að
KEA fékk Mjólkursamlag KÞ fyrir
237 milljónir króna. Fjármálasér-
fræðingar sem DV ræddi við í síð-
ustu viku voru sammála um að
markaðsvirði Mjólkursamlagsins
væri mun hærra, eða um 500 millj-
ónir króna. Kröfur bænda, sem ekki
höfðu fengið greitt fyrir innlagða
mjólk í samlagið, námu um 140
milljónum króna þannig að hefði
KEA greitt um 380 milljónir fyrir
Mjólkursamlagið hefði veriö hægt
að greiða bændum inneign þeirra
hjá samlaginu. Hefði samlagið verið
selt fyrir 500 milljónir hefði verið
123 milljóna króna afgangur.
„Ég veit ekki til þess að Jóhannes
i Bónusi hafi nefnt slíkar tölur þeg-
ar hann hringdi kvöldið fyrir kaup-
félagsfundinn heldur að hann vildi
borga eitthvað meira en KEA,“
Kári Þorgrímsson, bóndi í Garði í
Mývatnssveit.
sagði Dagur Jóhannesson við DV.
Dagur segir að burséð frá því þá
hafi spurningin verið um það að
væntanlegur kaupandi kæmi að öll-
um kaupfélagspakkanum en ekki
bara að Mjólkursamlaginu einu.
„Það hefði ekkert bjargað málunum
að kaupa eitt mjólkursamlag. Menn
voru að koma í veg fyrir að rekstur-
inn í heild stöðvaðist. Þess vegna
var staðið að þessu á þennan hátt,“
sagði Dagur.
„Ég er fullviss um það að verið er
að selja þessi fyrirtæki frá kaupfélag-
inu undir því verði sem hefði mátt
telja eðlilegt að fengist fyrir þau und-
ir öðrum kringumstæðum. Hversu
mikið lægra það er við núverandi
kringumstæðum skal ég ekki segja,
en það er örugglega eitthvað, Ég er
eindregið þeirrar skoðunar að það
hefði átt að leita eftir sölu á mjólkur-
samlaginu á almennum markaði,“
sagði Kári Þorgrímsson. -SÁ
Hengilssvæðið:
Alls óvíst um
stórskjálfta
Ragnar Stefánsson, jarðeðlisfræð-
ingur á Veðurstofu íslands, segir að
það sé alls óvíst að stór jarðskjálfti
sé að brjótast út á Hengilssvæðinu
eins og hefði mátt
ráða af frétt Stöðv-
ar 2 í fyrrakvöld.
Hann segir að
fylgst verði með
því næstu daga
hvort slík merki
sjáist. Það sé
oftúlkun á niður-
stöðum skoska
jarðeðlisfræðings-
ins Stuarts Cramp-
ins að sú spenna
sem hefur verið að
safnast upp á tilteknum stað í jarð-
skorpunni á Hengilssvæðinu sé
bein ávísun á að harður jarðskjálfti
sé í þann mund að skella á.
Ragnar segir að fjölmargir sam-
verkandi þættir leiði til jarðskjálfta
og það geti gefið afar ranga mynd
að grípa einn þeirra úr samhengi
umræðunnar og telja hann vera
spá. „Við þurfum að vita hvar
skorpan er veikust fyrir hverju
sinni til að átta okkur á hvar jarð-
skjálfinn verður," sagði Ragnar við
DV. -SÁ
Sjá Heim, bls. 21
Ragnar Stef-
ánsson jarö-
eölisfræöingur.
Ekki er aö undra þó aö menn klóri sér í höföinu þegar blessuð sólin tekur upp á því að verma kroppinn í rigningartíð-
inni. Þessi öldungur var líka svo sannarlega í sólarmiöju í Kópavogslauginni og kunni því vel. DV-mynd Hilmar Þór
Alþingishússgarðurinn:
Friðaður veggur brotinn niður
Suður- og vesturhliðar veggjarins
utan um garð Alþingishússins hafa
verið brotnar niður vegna fram-
kvæmda við byggingu skrifstofu-
húsnæðis fyrir Alþingi. Veggurinn
er frá árinu 1895 og er því friðaður
samkvæmt lögum. Þetta kom fram á
Vísi.is í gær og þar sagði jafnframt
að ætlunin væri að taka sneið af
garðinum til að gera akstursleið í
bílakjallara væntanlegs skrifstofu-
húsnæðis Alþingis.
Alþingishússgarðurinn er elsti
skrúðgarður landsins og hefur hald-
ist að mestu óbreyttur til þessa
dags. Garðurinn var alla tíð mikið
áhugamál Tryggva Gunnarssonar
landsbankastjóra og fór hann fram
á að verða jarðsettur í garðinum og
varð Alþingi við þeirri ósk.
Magnús Skúlason, framkvæmda-
stjóri Húsafriðunarnefndar, sagði
nefndina ekki hafa gefið leyfi fyrir
niðurbroti veggjarins og alls ekki
fyrir breytingum á garðinum. Þá
hefur Vísir.is heimildir fyrir því að
erindi hafi ekki borist núverandi
fornleifanefnd. Formaður fráfarandi
fornleifanefndar, Páll Sigurðsson,
kannast ekkert við málið.
Ólafur G. Einarsson sagði í sam-
tali við Vísi.is að veggurinn hefði
verið tekinn niður stein fyrir stein
og hann yrði settur aftur saman í
upphaflegri mynd að framkvæmd-
um loknum.
Suður- og vesturhliöar veggjarins um garö Alþingishússins hafa veriö
brotnar niöurvegna byggingar skrifstofuhúsnæöis. DV-mynd HH
Stuttar fréttir i>v
Peningum stolið
Brotist var inn í skrifstofur Vid-
eohallarinnar klukkan tvö aðfara-
nótt mánudags. Þær eru beint fyrir
ofan búðina í Lágmúla. Þetta var á
afgreiðslutíma og uppgötvaðist þeg-
ar starfsstúlka Videohallarinnar
fór upp á skrifstofu til þess að ná í
myndbandshulstur. Þjófarnir náðu
tæpum tveimur milljónum króna.
Tíkin Tína fannst dauð
Tikin Tína, sem týndist í janú-
ar síðastliðn-
um, fannst á
laugardaginn.
Hún lá dauð í
skurði í ná-
grenni Hafra-
vatns. Hún var
enn í bláu káp-
unni sinni með
rúllur i feldinum
Banaslys í Borgarfirði
Banaslys varð í Borgarfirði kl.
hálfeitt aðfaranótt laugardags
þegar bíil með fimm ungum pilt-
um fór út af Borgarfjarðarbraut
rétt við Varmaland og fór nokkr-
ar veltur. Einn piltanna var úr-
skurðaður látinn á slysstað. Tveir
voru alvarlega slasaðir. Hinn
látni hét Kristján Óskar Sigurðs-
son, Grenigrund 48, Akranesi.
Viðgerð kostar milljónir
Kostnaður við viðgerð á öðrum
veltiugga Herj-
ólfs skiptir
milljónum
króna, að sögn
Gríms Gísla-
sonar, stjórnar-
formanns út-
gerðarinnar.
Hann skemmd-
ist fyrir um mánuði og hefur skip-
ið verið í viðgerð í Rotterdam.
Fagranesið var leigt í staöinn.
Gert er ráð fyrir því að Herjólfur
geti hafið áætlunarferðir að nýju
á fimmtudag. Mbl. greindi frá.
Hækka iðgjöld
Tryggingafélögin undirbúa hækk-
un iðgjalda lögboðinna bifreiða-
trygginga vegna gildistöku breyt-
inga á skaðabótalögum 1. maí. Nýju
lögin fela í sér 58 prósenta hækkun
á bótum vegna líkamstjóns.
Skarkoli sýktur
Helmingur skarkolastofnsins i
Faxaflóa er með bráðdrepandi
sveppasýkingu. Sjúkdómurinn
leggst á nýru skarkola og leiðir
hann til dauða. RÚV greindi frá.
Innbrot í geymslur
Brotist var inn í 17 geymslur í
geymsluhúsnæði við Brekkugötu
í gær. Ekki er enn búið að hand-
sama innbrotsþjófana.
Surtsey inc.
Nýtt netþjónustufyrirtæki í
Minneapolis í Bandaríkjunum,
Surtsey inc., ber heiti eldfjallaeyj-
unnar góðu. Morgunblaðið segir
ástæðu nafngiftarinnar þá að Net-
ið og Surtsey séu nýjustu staðirn-
ir á jarðríki.
Samdráttur í sjónmáli
Aðsókn í íbúðahúsnæði eykst
enn og er gríð-
arleg þensla í
byggingariðn-
aðinum um allt
land. Haraldur
Sumarliðason,
formaður sam-
taka iðnaðar-
ins, telur kröft-
ugan samdrátt í aðsigi á nýbygg-
ingarmarkaðnum og mun hann
koma í kjölfar minnkandi þenslu
í þjóðfélaginu. Rikisútvarpið
greindi frá þessu.
Snör handtök
Mikið snarræði gesta í sumarhús-
um Eimskips að Reynivöllum í Suð-
ursveit kom í veg fyrir að stórtjón
yrði þegar eldur læsti sig í útvegg
eins hússins. Talið er að kviknað
hafi í út frá grilli. Gestimir réðu
niðurlögum eldins og rifu klæðning-
una af veggnum og komu þar með í
veg fyrir frekari útbreiðsiu hans.