Dagblaðið Vísir - DV - 26.05.1999, Blaðsíða 16

16
MIÐVIKUDAGUR 26. MAÍ 1999
MIÐVIKUDAGUR 26. MAÍ 1999
41
Elfa Ásdís Óiafsdóttir, 15 ára Eyjamær, reynirað stöðva markadrottninguna
Olgu Færseth úr KR í leik liðanna í gærkvöld. DV-mynd ÞÖK
Fyrsta umferð úrvalsdeildar kvenna:
Sprækar
úr Eyjum
- en KR sterkara og vann, 3-1
„Eyjastelpumar em sprækar og
verða það í allt sumar. Það er alveg
ljóst að við munum ekki rúlla yfir
þetta mót, viö vitum það manna
best sjálfar. Við þurfum að hafa fyr-
ir hverju því einasta sem við emm
að gera. Við vorum að spila á móti
9 manna vörn, við þurftum að leysa
það og tel að við höfum gert það
ágætlega á köflum. ÍBV er með
þrælsterkt lið og þegar erlendu leik-
mennirnir verða komnir til þeirra
verða þær enn sterkari og ég er
dauðfegin að við unnum þennan
leik,“ sagði Helena Ólafsdóttir, fyr-
irliði KR eftir leik KR og ÍBV í
fyrstu umferð efstu deildar kvenna í
knattspyrnu.
KR var sterkari aðilinn í þessum
leik og tók leikinn strax í sínar
hendur, en mörkin létu á sér
standa. Það var ekki fyrr en á 36.
mínútu að Olga Færseth slapp í
gegnum þétta vöm ÍBV þar sem
henni var bmgðið og hún skoraði
sjálf úr umdeildri vítaspyrnu sem
dæmd var.
Seinni hálfleikur var líkt og sá
fyrri, KR sótti stíft en Eyjastúlkur
náðu nokkrum skyndisóknum.
Guðlaug Jónsdóttir og Helena Ólafs-
dóttir skoruðu sitt markið hvor fyr-
ir KR áður en Bryndís Jóhannes-
dóttir minnkaði muninn fyrir ÍBV.
Guðlaug Jónsdóttir lék langbest í
liði KR ásamt Olgu Færseth og Hel-
enu Ólafsdóttur og er ljóst að KR-
liðið kemur feikilega sterkt til þessa
íslandsmóts.
Petra F. Bragadóttir markvörður
lék best í liði ÍBV og þær Bryndís
Jóhannesdóttir, Iris Sæmundsdóttir
og Hrefna Jóhannesdóttir áttu
einnig góða spretti í skemmtilegu
Eyjaliði sem á örugglega eftir að
verða í toppbaráttunni í sumar.
Þegar Bryndís skoraði fyrir ÍBV í
gær voru liðnar 880 mínútur síöan
Sigríður F. Pálsdóttir þurfti síðast
að ná í boltann úr markneti KR á
heimavelli. Valsarinn Eva Halldórs-
dóttir skoraði síðast hjá henni og
KR-vörninni 11. ágúst 1997 og voru
því liðnir rúmir 9 leikir frá því að
skorað var hjá KR í Frostaskjólinu.
Átta Blikamörk
Breiðablik átti ekki í teljandi
vandræðum með Fjölni í Kópavogi
og sigraði 8-0 en staðan í hálíleik
var 4-0. Margrét R. Ólafsdóttir skor-
aði 3 mörk, Erla Hendriksdóttir
skoraði 2, þar af annað úr víta-
spyrnu, og þær Kristrún L. Daða-
dóttir, Eyrún Oddsdóttir og Erna
Sigurðardóttir skoruðu sitt markið
hver.
„Ég er ánægður með 3 stig og er
sáttur við þau átta mörk sem eru
komin. En nú einbeitum við okkur
að næsta verkefni, sem er gegn KR
á sunnudag," sagði Jörundur Áki
Sveinsson, þjálfari Breiðabliks.
Baráttusigur Vals
Valur vann baráttusigur gegn ÍA
á Skipaskaga, 2-1. Rakel Logadóttir
skoraði fyrsta mark leiksins fyrir
Val á 24. mínútu en Áslaug Ákadótt-
ir jafnaði úr vítaspyrnu einni mín-
útu fyrir leikhlé. Það var síðan Ás-
gerður H. Ingibergsdóttir sem
tryggði Val sigurinn og þrjú stig
meö marki 9 mínútum fyrir leiks-
lok.
Stjörnusigur í Grindavík
Stjarnan sigraði nýliða Grinda-
víkur, 3-1, í Grindavík en staðan í
hálfleik var 2-1. Elva B. Erlingsdótt-
ir skoraði fyrstu tvö mörk Stjörn-
unnar í fyrri hálfleik en Auður
Skúladóttir þjálfari skoraði þriðja
markið í þeim síðari. Petra Rós
Ólafsdóttir skoraði fyrsta mark
Grindavíkur í efstu deild kvenna.
-ih/ÓÓJ
Marko kemur aftur
Marko Tanasic, sem lék í sjö
ár með Keflvíkingum, er á ný á
leið til félagsins. Ef allt gengur
eftir er von á leikmanninum
meö fjölskyldunni til landsins á
föstudaginn.
„Hann hafði samband við okk-
ur og bað okkur um liðsinni að
komast úr landi með fjölskyldu
sinni. Okkur fannst ekki annað
hægt en að hjálpa honum að
komast burt frá þeim hörmung-
um sem nú geisa í Júgóslavíu.
Það verður eflaust styrkur að fá
Tanasic en hann er að sögn í
ágætisformi þó hann hafi ekki
verið að leika með neinu félagi í
vetur,“ sagði Rúnar Arnarson,
formaður knattspyrnudeildar
Keflavíkur, í samtali við DV í
gærkvöld. -JKS
Bikarkeppnin
1. umferð bikarkeppni karla í
knattspymu var leikin í
fyrradag. Úrslit urðu þessi:
GG-Haukar.....................0-1
Reynir S.-Þróttur R.23........4-5
Stjarnan23-Bruni..............1-2
Hvöt-Þór A....................1-3
Boltaf.Norðfj.-Huginn/Höttur frestað
Augnablik-tA23................1-4
Leiknir F.-Þróttur N......(frl.) 0-1
Hamar-Fram23 .................1-7
ÍBV23-Víkingur R.23 ..........0-2
Valur23-Þróttur Vogum.........2-3
Völsungm'-Tindastóll..........1-3
FH23-Breiðablik23.............1-4
Njarðvlk-KR23.................2-1
Afturelding-Grindavík23.......2-3
Neisti H.-Magni...........(frl.) 1-2
-VS
Friöbjörn Oddsson, GK, sigraði á
opna Albatros-golfmótinu hjá Keili á
mánudaginn. Leikinn var höggleikur
og var Friðbjöm með 70 högg en
Helgi Runólfsson, GK, kom næstur
með 73. Með forgjöf sigraði Gústaf
Alfreðsson, GR, á 63 höggum.
Steingrimur Húlfdánarson, GK,
sigraði á opna Búnaðarbankamótinu
hjá Keili síðasta laugardag. Stein-
grímur fékk 43 punkta en næstur
kom Einar Gunnarsson, GK, með 38
punkta.
Sœmundur Hinriksson, GS, sigraði
á fyrsta Bláa-Lónsmóti timabilsins
hjá Golfklúbbi Sandgerðis á Vallar-
húsavelli um helgina. Sæmundur og
Bjarni S. Sigurösson, GSG, léku
báðir á 78 höggum en Sæmundur
sigraði í bráðabana. Sæmundur sigr-
aði einnig með forgjöf á 63 höggum.
Þaö var Komatsu-bíll Gisla G. Sig-
urössonar sem var á stærstu mynd-
inni í umfjöllun DV um DV-Sport tor-
færana í blaöinu í gær, ekki „Dam-
an“ hans Siguröar Arnar Jónsson-
ar.
Sigurvin Ólafsson lék í gærkvöld
sinn fyrsta knatt-
spymuleik síðan hann
fótbrotnaði illa við
lundaveiðar i Vest-
mannaeyjum síðasta
sumar. Sigurvin lék
allan leikinn með 23-
ára liði Fram sem sigr-
aði Hamar, 7-1, í 1.
umferð bikarkeppn-
innar í Hveragerði og skoraði eitt
marka Fram. -VS
Hollendingur hjá Fram
Marcel Oerlemans, þrltugur Hollendingur, ættaður frá Surinam, kom
í gær til reynslu hjá Fram. Oerlemans, sem er sóknarmaður, lék með
Haarlem í hollensku B-deildinni í vetur og skoraði eitt mark í 9 leikjum.
Tvö ár þar á undan spilaði hann með Ried í austurrísku A-deildinni og
gerði þar 18 mörk í 70 deildaleikjum. Þar áður spilaði hann með First
Vienna í austurrísku B-deildinni og gerði þá 32 mörk í 58 leikjum. -VS
Blaifd í poka
Bland i poka
Júdómenn í sviösljósinu á fyrsta degi Smáþjóðaleikanna:
Flögur gull
DV, Liechtenstein:
íslendingar voru mjög sigursælir í
júdókeppni leikanna en fjögur gull-
verðlaun og tvenn bronsverðlaun
komu í hlut islendinga. Þetta er miklu
betri árangur en á leikunum í Reykja-
vík fyrir tveimur árum en þá tókst ís-
lenska júdóliðinu ekki að ná í gullverð-
laun.
Vernharð Þorleifsson hafi mikla yf-
irburði í -100 kg flokknum og vann alla
andstæðinga sína á ippon. Vemharð
þurfti ekki að hafa mikið fyrir sigrum
sínum enda kappinn í feiknagóðu
formi.
„Góður árangur og skref fram
á við“
„Miðað við leikana heima er þetta
mjög góður árangur og mikið skref
fram á við. Ég átti ekki í vandræðum
með andstæðinga mína en maður verð-
ur samt alltaf að halda vöku sinni.
Minnstu mistök geta kostaö mann sig-
urinn og maður má aldrei vanmeta
andstæðinga sína. Það var gaman að
taka fyrsta gullið og sýna gott fordæmi
fyrir strákana sem kepptu á eftir mér.
Við erum núna komnir með einstak-
lega þétta kjarna og ef við náum að
gera rétta hlutina sé ég fram á bjarta
tíma. Ég stefni ótrauður á ólympíuleik-
ana í Sydney og ég veit að fleiri í lið-
inu hafa sett sér það markmið líka,“
sagði Vernharð Þorleifsson.
í -90 kg flokki sigraði Þorvaldur
Blöndal. í úrslitaglímunni mætti hann
Kýpurbúa og tókst Þorvaldi að leggja
hann á ippon eftir tveggja og hálfrar
mínútu bardaga.
„Þessi sigur minn í úrslitaglímunni
var aldrei í hættu þó svo að það hafi
tekið á þriðju mínútu að innbyrða sig-
urinn. Ég var reyndar orðinn talsvert
þreyttur. Ég hefði alls ekki sætt mig
við silfrið því ef maður vinnur ekki
sigur á svona móti getur maður ekki
ætlað sér einhverja stóra hluti. Nú er
Norðurlandamót fram undan heima í
júní og svo er heimsmeistaramótið í
haust og ef ekkert kemur upp á eru það
svo ólympíuleikamir í Sydney," sagði
Þorvaldur Blöndal.
Bjami Skúlason vann öruggan sigur
í -81 kg flokki en hann lagi andstæðing
sinn frá Mónakó á ippon strax eftir 15
sekúndur.
„Fyrsta glíman sem ég glímdi var
erfið eins og jafnan er á mótum en þeg-
ar ég var orðinn heitur gekk þetta eins
og í sögu. Bæði undanúrslitaglíman og
glíman um gullið tóku ekki nema
nokkrar sekúndur. Viö höfum sýnt og
sannað að við erum með júdóliðið á
leikunum og liðið okkar að undan-
skildum stelpunum er komið með góða
reynslu. Þetta mót er kannski í léttari
kantinum en það breytir því ekki að
það er nauðsynlegt að keppa erlendis,"
sagði Bjarni Skúlason eftir sigurinn.
í -60 kg flokki fagnaðí Höskuldur'
Einarsson sigri en hann hafði betur
gegn andstæðingi sínum frá Mónakó.
Bjarni Sigursteinsson vann til brons-
verðlauna í 73 kg flokki og Gígja Gunn-
arsóttir vann sömuleiðis bronsverð-
laun í kvennaflokki.
Hefði viljað vinna fimm gullverð-
laun
Jón Óðinn Óðinsson, þjálfari is-
lenska liðsins, gat ekki verið annað en
sáttur við árangur síns fólks.
„Ég hefði viljað vinna fimm gull en
þau urðu bara fjögur að þessu sinni.
Strákamir stóðu sig í heildina mjög
vel og það sama má segja um stelpurn-
ar. Þær em nýliðar og sumar að keppa
á sínu fyrsta móti. Þjóðirnar sem við
emm að mæta á þessu móti era alltaf
að styrkjast. Malta, Kýpur og Mónakó
era með sín lið við æfmgar með bestu
þjóðunum í Evrópu meðan við eram að
gaufa þetta ein saman. íslenskt júdó er
mjög öflugt um þessar mundir. Breidd-
in er orðin mjög mikil og þessir strák-
ar sem vora að vinna gull hér í dag eru
allir komnir í heimsklassa. Við höfum
aldrei átt svona marga í heimsklassa
áður,“ sagði Jón Óðinn.
-GH
Silja Úlfarsdóttir (í miðju) og Guðný Eyþórsdóttir (til hægri) á verðlaunapallinum í Liechtenstein í gær eftir að hafa lent í fyrsta
og öðru sæti í 100 metra hlaupi. Til vinstri er Deirde Caruana frá Möltu sem varð þríðja. DV-mynd L. Vaterland
DV, Liechtenstein:
Setningarathöfn sem fram fór á nýj-
um þjóðarleikvangi Liechtensteina
fór mjög vel fram en eins og oft var
hún nokkuð langdregin. Það kom í
hlut Hans Adams, furstans af Liecht-
enstein, að setja leikana.
Margt tignra gesta var við setning-
una. Auk fursta-
hjónanna var
Albert prins af
Mónakó og
Juan Antonio
Samaranch,
forseti Alþjóða
ólympíunefndar-
innar (til hægri).
Björn Bjarna-
son menntamálaráðherra var við
setninguna svo og Ellert B. Schram,
formaður Óí.
Jón Arnar Magnússon var fánaberi
íslenska liðsins. Þegar islenska liðið
gekk inn á völlinn stöðvaði Jón hóp-
inn sem allur kraup niður og tók
bylgjuna góðu viö mikinn fognuð um
5000 áhorfenda sem voru viðstaddir
setninguna.
Þóroddur Ingvarsson, læknir is-
lenska liðsins, hefur ekki haft mikið
að gera en enginn íslenkur keppandi
hefur orðið fyrir meiðslum. Þóroddur
hefur samt ekki setið auðum höndum
en hann hefur verið að gera við göm-
ul meiðsli og þá hefur hann tekið
virkan þátt í að hvetja sitt fólk.
Ncestu leikar fara fram í San Mar-
ínó árið 2001 en fyrstu Smáþjóðaleik-
amir fóru þar fram árið 1985. Síðan
þá hafa allar sjö þjóðirnar haldið leik-
ana einu sinni.
Jón Arnar Magnússon keppir í
þremur greinum
á leikunum og
um helgina verð-
ur hann meðal
keppenda á hinu
árlega tugþraut-
armóti í Götsiz i
Austurríki. Jón
Arnar mun ör-
ugglega fá öflug-
an stuðning á laugardaginn en marg-
ir af íslensku keppendunum ætla að
bregða sér yfir til Götsiz og hvetja
Jón en aðeins um hálftímaakstur er
frá Vaduz til Götsiz.
Veöriö hefur leikiö við keppendur en
eins og alltaf skiptast á skin og skúr-
ir. Fram eftir degi var sól og blíða
eins og hefur verið hér i Liechten-
stein frá þvi á sunnudag en klukkan
16.30 eða rétt um það leyti sem keppn-
in í fijálsum íþróttum hófst skullu á
þrumur og eldingar og i kjölfarið fór
að rigna. Veðurspáin fyrir næstu
daga er hins vegar góð, léttskýjað og
um 23 stiga hiti.
Sumir keppendur sem keppa hér í
Liechtenstein og kepptu í Reykjavík
fyrir tveimur árum muna vel eftir
veðrinu. Kuldi og norðanvindur settu
mjög mark sitt á leikana i Reykjavik
og það kemur skjálfti í fólk þegar
minnst er á Smáþjóðaleikana þar.
Karlalandsliö íslands i blaki vann
Liechtenstein, 3-1, i gær en kvenna-
liðiö tapaði fyrir San Marínó, 1-3.
-GH
„Æðislega gaman að vinna“
- íslenkir frjálsíþróttamenn létu að sér kveða
DV, Liechtenstein:
Keppni í frjálsum íþróttum hófst í
gær og strax á fyrsta degi létu íslend-
ingar að sér kveða. Tvenn gullverð-
laun komu í hlut íslenska liðsins, ein
silfurverðlaun og tvenn bronsverð-
laun.
Silja Úlfarsdóttir kom, sá og sigraði
í 100 metra hlaupi kvenna. Sigurtími
hennar var 12,09 sekúndur og stór-
bætti hún árangur sinn en best átti
hún 12,29 sekúndur. Guðný Eyþórs-
dóttir sem varð hlutskörpust á leikun-
um í Reykjavík hafnaði í þriðja sæti.
„Þetta var æðislega gaman að vinna
þetta en ég átti reyndar ekki að keppa
í þessari grein. 100 metrarnir era
aukagrein hjá mér en ég er aðallega í
200 metranum og keppi reyndar
einnig í 400 metranum hér á leikun-
um. Ég taldi mig alveg eiga möguleika
eins og hinir keppendurnir og ég hitti
á mjög gott hlaup. Það var mjög gleði-
legt að ná bætingu og ég vona að svo
verði einnig í hinum greinunum sem
ég á eftir að keppa í. Ég veit ekki með
200 metra hlaupiö en 400 metrana ætla
ég að vinna,“ sagði Silja Úlfarsdóttir.
í 100 metra hlaupi karla varð Jó-
hannes Már Marteinsson annar á 10,85
sekúndum og Reynir Logi Ólafsson
varð þriðji á 10,86. Sigurvegari varð
Markoullides frá Kýpur en hann kom
örugglega fyrstur í mark á 10,61 sek-
úndu.
Ánægður með annað sætið
Jóhannes var nokkuð sáttur við
frammistöðu sína þó svo að hann
hefði verið nokkuð frá sínu besta sem
er 10,60 sekúndur.
„Ég get ekki verið annað en ánægð-
ur með annað sætið, annað væri bara
hroki. Kýpm'búamir era mjög sterkir
í þessari grein og þessi sem vann á
best 10,12 sekúndur. Ég vonaðist að
sjálfsögðu eftir því að hlaupa á mínu
besta en það var kannski óraunhæft
þar sem ég er búinn að vera meiddur
samfellt í meira en þrjá mánuði. Engu
að síður var gaman að komas.t á pall.
Fram undan er keppni í Evrópubik-
arnum í Króatíu um næstu helgi og
svo er meistaramótið heima í sumar,"
sagði Jóhannes Már.
Magnús Aron Hallgrímsson vann
öraggan sigur i kringlukastinu með
kasti upp á 58,28 metra en best á
Magnús 60,62 metra.
Aðstæður ekki upp á það besta
„Aðstæður vora kannski ekki upp
það besta. Það rigndi og hringurinn
var sleipur. Ég er engu síður bara
nokkuð ánægður með árangurinn og
það kom ekki annað til greina en að
koma hingað til að vinna. Þetta er
fyrsta mótið sem ég keppi á í sumar og
framhaldið lofar gópu. Ég er í mjög
góðu formi enda hef ég æft vel í Sví-
þjóð undir handleiðslu Vésteins
Hafsteinssonar. Ég hef sett mér það
markmið að ná lágmarkinu fyrir HM
og þá þarf ég aö kasta 62 metra. Undir
öllum eðilegum kringumstæðum á
mér að takast það,“ sagði Magnús
Aron.
Hinn ungi og stórefnilegi Óðinn
Þorsteinsson varð í 6. sæti með 40,97
metra en þess verður ekki langt að
bíða að hann eigi eftir aö láta að sér
kveða. Á dögunum sló hann unglinga-
met Vésteins Hafsteinssonar og þar
sýndi hann og sannaði að hann á
framtíðina fyrir sér i þessari íþrótt.
-GH
Guðmundur og
Markús aðrir
DV, Liechtenstein:
Guðmundur E. Stephensen og
Markús Ámason urðu í öðru sætinu i
liðakeppninni í borðtennis i gær. ís-
land sigraði Kýpur 3-1, Möltu 3-1 og
Liechtenstein 3-1 en tapaði með
minnsta mun fyrir San Marinó og
I.uxemborg, 2-3. Lúxemborgarar sigr-
uðu, íslendingar urðu í öðra sæti og
Kýpurbúar höfnuðu í þriðja sæti.
Lilja Jóhannesdóttir og Eva Jón-
steinsdóttir urðu í íjórða sæti i liða-
keppni kvenna. Þær sigraðu andstæð-
inga sína frá Liechtenstein, 4-0, en
töpuðu fyrir Möltu 3-1, Lúxemborg
3-0 og San Marínó 3-1.
Rai vann San Marínó-búa í
tennis
Rai Bonifacius stóð sig vel í einliða-
leiknum í tennis en hann hafði betur
gegn Dalbergue frá San Marínó. Úr-
shtin urðu 2-1 fyrir Bonifacius, 3-6,
7-5 og 6-4. Bonifacius sýndi oft góða
takta í leik sínum og var sigur hans
sanngjam. Leik Davíðs Halldórssonar
gegn Risch frá Liechtenstein var hætt
vegna bleytu. -GH
Sport
Urslitakeppni NBA:
Utah lifir enn
Utah lifir enn í úrslitakeppni
NBA, eftir 88-71 sigur á Portland,
i fimmta leik liðanna í undan-
úrslitum Vestm-deildar í nótt.
Portland hafði unnið þrjá leiki í
röð og leiðir enn samt einvígið
3-2. Þetta var í þriðja sinn á 11
dögum sem Utah bjargar sér frá
þvi að detta út en Utah hefur nú
unnið 6 af síðustu 7 leikjum þegar
andstæðingarnir geta slegið þá út.
Karl Malone gerði 23 stig og tók
8 fráköst, Bryon Russell gerði 22
stig, Jeff Hornacek 14 auk þess
sem John Stockton átti 14
stoðsendingar. Hjá Portland gerði
Isaiah Rider 16 stig, Rasheed
Wallace 15 og Damon Stoudamire
12. Portland hitti aðeins 34%.
Sögulegur sigur New York
New York vann á mánudag, Atl-
anta Hawks, 79-66 og þar með ein-
vígið 4-0. Þetta er sögulegur sigur,
því aldrei hefur lið með áttunda
besta árangurinn inn í úrslita-
keppnina, komist alla leið í úrslit
deildanna. New York mæti Indi-
ana og liðin byrja einvígið á
sunnudaginn.
Houston 19, Ewing 17, Sprewell 11 -
Smith 14, Mutombo 11, Long 8. -ÓÓJ
Admira fylgdist með Arnari
Útsendarar frá austurríska knattspyrnufélaginu Admira/Wacker mættu á
leik 23-ára liðs KR við Njarðvík í bikarkeppni KSÍ í gærkvöldi, þeirra erinda
að fylgjast með Arnari Jóni Sigurgeirssyni, KR-ingi. Þeir eru að leita að
kantmanni og hugðust skoða Sigþór Júlíusson i leik KR gegn Leiftri í gær
en þeim leik var frestað. í staðinn sáu þeir leikina Valur-ÍBV og Fram-
Keflavík en ekki fer neinum sögum af því hvort þeir hafi þar séð áhuga-
verða leikmenn. -VS

BORGARSKIPULAG REYKJAVÍKUR
BORGARTÚN 3 • 105 REYKJAVÍK • SÍMI 563 2340 • MYNDSENDIR 562 3219
Auglýsing um deiliskipulag og
breytingar á deiliskipulagi í Reykjavík
Rangársel 15
í samræmi við 1. mgr. 26. gr. skipulags- og byggingarlaga er hér með
auglýst til kynningar breyting á deiliskipulagi Miðsvæðis Seljahverfis frá 30.
desember 1988.
Með breytingunni er verið að stækka lóð leikskólans Seljakot og byggja við
núverandi hús.
Langholtsvegur 84
í samræmi við 25. gr. skipulags- og byggingarlaga er hér með auglýst til
kynningar skipulag lóðarinnar Langholtsvegur 84.
Hjarðarhagi 45-47-49
í samræmi við 1. mgr. 26. gr. skipulags- og byggingarlaga er hér með
auglýst til kynningar tillaga að breytingu á deiliskipulagi á Melunum frá 24.
júní 1949. Með breytingunni er verið að stækka húsið Hjarðarhagi 45-49,
gera íbúðir á efri hæð, sameina lóðirnar og stækka.
Síðumúli 24-26
í samræmi við 1. mgr. 26. gr. skipulags- og byggingarlaga er hér með
auglýst til kynningar tillaga að breytingu á deiliskipulagi "Kringlumýrar,
Grensáss, Háaleitis " frá desember 1957. í breytingunni felst að reist verður
bílageymsla á lóðinni Síðumúli 24-26.
Síðumúli 12-14
í samræmi við 1. mgr. 26. gr. skipulags- og byggingarlaga er hér með
auglýst til kynningar tillaga að breytingu á deiliskipulagi "Kringlumýrar,
Grensáss, Háaleitis" frá desember 1957. í breytingunni felst að hækkuð
verða þök á bakhúsum að Síðumúla12-14 og hús nr. 12 breikkað.
Básbryggja 51
í samræmi við 1. mgr. 26. gr. skipulags- og byggingarlaga er hér með
auglýst til kynningar tillaga að breytingu á deiliskipulagi Bryggjuhverfis frá
30. september 1997. Með breytingunni er lóðin Básbryggja 51 stækkuð og
bílageymsla færð til innan lóðar.
Skipholt 62-66-68
í samræmi við 1. mgr. 26. gr. skipulags- og byggingarlaga er hér með
auglýst til kynningar tillaga að breytingu á deiliskipulagi við Skipholt frá 14.
mars 1961. Með breytingunni eru settir nýir skilmálar og byggingarreitir fyrir
lóðirnar Skipholt 62, 66 og 68.
Tillögurnar verða til sýnis í sal Borgarskipulags og Byggingarfulltrúa,
Borgartúni 3, 1. hæð, virka daga kl. 10:00-16:00 frá 26. maí til 23. júni.
Ábendingum og athugasemdum vegna framangreindra kynninga skal skila
skriflega til Borgarskipulags Reykjavíkur, eigi síðar en 7. júlí 1999. Þeir, sem
eigi gera athugasemdir innan tilskilins frests, teljast samþykkja tillögurnar.