Dagblaðið Vísir - DV - 03.06.1999, Blaðsíða 8

8
FIMMTUDAGUR 3. JÚNÍ 1999
Útlönd
Níu létust í
flugslysi í
Arkansas
Að minnsta kosti níu manns
létu líflð við brotlendingu MD-
80 þotu bandaríska flugfélagsins
American Airlines á flugvellin-
um i Little Rock í Arkansas í
gær. Um borð í vélinni voru 139
farþegar og sex flugliðar. Að
minnsta kosti 80 manns voru
fluttir á sjúkrahús með bein-
brot, brunasár og reykeitrun.
Þrumuveður var þegar flugslys-
ið varð.
Að sögn þeirra sem komust
lifs af var lendingin hörð. Vélin
hefði runnið stjórnlaust og
brotnað. Síðan hefði komið upp
eldur.
Leitað að eitr-
uðum mat í
ESB-löndum
Hillur vörumarkaða í flestum
Evrópusambandslöndum eru nú
tæmdar af vörum sem geta inni-
haldið díoxín í kjölfar eggja- og
kjúklingahneykslisins í Belgíu.
Fjarlægja á allar vörur þar sem
innihaldið er minnst tvö pró-
sent egg.
Gripið hefur verið tii neyðar-
laga til þess að leita að matvæl-
um sem geta innihaldið díoxín
er valdið getur krabbameini.
Það gæti verið að finna í pasta,
majónesi, kökum og fleiru.
Belgar bönnuðu á fóstudaginn
alla sölu á kjúklingum og eggj-
um eftir að í ljós kom að díoxín
var í afurðunum. Díoxínið mun
hafa verið í hænsnafóðri. Tveir
ráðherrar hafa sagt af sér vegna
málsins.
Sáttasemjarar í Kosovo-deilu enn í Belgrad:
Síðasta tilraunin
Sáttasemjarar Evrópusambandsins
og Rússlands í Kosovo-deilunni gera
nú úrslitatilraun til að fá Slobodan
Milosevic Júgóslavíuforseta til að
fallast á friðsamlega lausn.
Þeir Martti Ahtisaari Finnlands-
forseti og Viktor Tsjernomyrdín,
fyrrum forsætisráðherra Rússlands,
fóru til Belgrad í gær með friðartil-
lögur G-8 hópsins svokallaða, eða sjö
helstu iðnríkja heims og Rússlands.
Til stóð að serbneska þingið ræddi
tillögurnar í morgun.
Tshemomyrdín sagði eftir fund
með Milosevic í gær að stjómvöld i
Belgrad stæðu frammi fyrir erfiðri
ákvörðun.
„Auðvitað er valið erfitt en um-
fram allt verða stjórnvöld í
Júgóslavíu sjálf að velja. Morgundag-
urinn verður erfiður," sagði
Tsjernomyrdín við fréttamenn í gær.
Embættismaður í fylgdarliði Aht-
isaaris sagði að Júgóslavíustjórn
hefði borið fram nokkrar spurningar
varðandi friðaráætlunina og að við-
ræðunum yrði haldið áfram í dag,
fimmtudag.
Tsjernomyrdín og vestrænum
embættismönnum tókst á síðustu
stundu í gær að jafna ágreining um
innihald friðartillagnanna á fundi í
Bonn. Ekki liggur ljóst fyrir í smáat-
riðum hvernig tillögurnar hljóða,
einkum hvað varðar stjórnkerfi al-
þjóðlegra friðargæslusveita í Kosovo.
Bill Clinton Bandaríkjaforseti
hvatti Milosevic til að fallast á skil-
mála Atlantshafsbandalagsins
(NATO) og koma þannig í veg fyrir
enn frekari hörmungar.
Loftvamaflaugur voru þeyttar í
Belgrad í morgun. Nóttin var hins
vegar friðsæl þótt Tsjernomyrdín
fengi að kenna á rafmagnsskömmtun
þar sem hótel hans var rafmagns-
laust um tíma. Loftárásir vom gerð-
ar annars staðar.
Slobodan Milosevic Júgóslavíuforseti og aðstoðarmenn hans ræða við ViktorTsjernomyrdín og Martti Ahtisaari, sátta-
semjara í Kosovo-deilunni, í Belgrad í gær. Viðtæðunum verður fram haldið í dag.
Stuttar fréttir i>v
Grunaðir um íkveikju
Tveir 19 ára unglingar eru
grunaðir um að hafa kveikt í
diskótekinu í Gautaborg þar sem
67 brunnu inni í fyrra. Þeim var
sleppt eftir yfirheyrslu vegna
ónógra sannana.
Styðja ieiðtoga sinn
Skæruliðar Kúrda lýstu i gær
yfir stuðningi við yfirlýsingu
leiðtoga síns,
Abdullahs
Öcalans, um að
vilja binda enda
á baráttuna
fyrir aðskilnaði
frá Tyrkjum.
Réttarhöld fara
nú fram yfir
Öcalan á fangaeyjunni Imrali.
Öcalan kveðst vilja binda enda á
blóðbaðið gegn því að sleppa við
dauöarefsingu. Hann sagði 5
þúsund sjálfmorðsárásarmenn
tilbúna til hefndaraðgerða yrði
hann hengdur.
Torginu lokað
Öryggisverðir hafa tekið sér
stöðu við Torg hins himneska
friðar í Peking sem hefur verið
lokað. Á morgun eru 10 ár liðin
frá blóðbaðinu á torginu þegar
yfirvöld réðust á lýðræðissinna.
Hraktir á flótta
Indversk yfirvöld segja að
tekist hafi að hrekja skæruliða í
norðurhluta Kasmír á flótta með
nýrri árásarhrinu.
Samband rithöfunda
Stofnað hefur verið samband
rithöfunda í íran I þeim tilgangi
að vemda tjáningarfrelsi.
Sambandið er sagt óháð en þó
talið í tengslum við hófsaman
forseta írans, Mohammed
Khatami.