Dagblaðið Vísir - DV - 03.06.1999, Blaðsíða 10

Dagblaðið Vísir - DV - 03.06.1999, Blaðsíða 10
10 FIMMTUDAGUR 3. JUNI 1999 Spuriúngin Hvert er neyðarlegasta atvik sem þú hefur lent í? Ari Freyr Skúlason, 12 ára: Þegar ég datt einu sinni niður stigann hjá ömmu minni. Ólafur Jafet Bachmann, 16 ára: Ég sparkaði í stelpu og fótbrotnaði. Ég var í gifsi í sex vikur. Jóhann Birgir Guðmundsson, 12 ára: Þegar ég handleggsbrotnaði en sumarfríið eyðilagðist eiginlega. Hörður Ingason, 12 ára: Eg fót- brotnaði og gat ekki labbað í nokkr- ar vikur. LUja Rós Pálsdóttir, 13 ára: Þeg- ar ég datt á línuskautum en ég fékk smáskurð á bakið. Ólöf Edda Guðjónsdóttir, 13 ára: Þegar ég datt fyrir framan fullt af fólki. Lesendur Hagvaxtarskeiðiö úr böndunum? - ekki ef rétt er að málum staðiö Ingólfur Arnarson skrifar: Margir þykjast sjá að nú sigi á seinni hluta hagvaxtarskeiðsins hér á landi. Það er hins vegar ekk- ert eðlilegt að svo verði. Góðæri er í nágrannalöndum okkar, svo og í Vesturheimi, og því ættum við ekki að þurfa að lúffa fyrir verð- bólgu eða annarri efnahagsóáran á íslandi. Fari svo að hagvöxtur hér sé á niðurleið og verðbólga á næsta leiti er það einungis okkur sjálfum að kenna. Engin ytri einkenni eru í sjónmáli sem valda vaxandi verð- bólgu. Það geta t.d. engir aðrir en við sjálfír gert við því að fólk stendur í stappi með afborganir lána af nýj- um bílum eða öðrum óþarfa fjár- festingum. Nóg er til á markaðnum af ágætum lítt notuðum bílum, og vel með förnum að auki, sem ættu að geta nýst fólki næstu árin. Það eru heldur engin haldbær rök tryggingafélaga fyrir hækkun ábyrgðatrygginga af bílum, þótt Al- þingi hafi af hreinni fávisku sett ný lög um hækkun skaðabóta til þeirra sem slasast af völdum bifreiðaá- rekstra. Eða hækkun bensínverðs, sem ríkið stendur að þessa dagana. Allt þetta eru heimatilbúin vand- ræði, og óþarfi að tengja þau við vaxandi verðbólgu. Ef stjórnvöld hér á landi eru einhvers megnug eiga þau að segja; hingað og ekki lengra, og stöðva tilraunir opin- berra eða hálfopinberra fyrirtækja, svo sem bankastofnana til vaxta- hækkana og tryggingafyrirtækja (sem heyra imdir ríkið að miklu leyti vegna tilskilins leyfis ríkisins „Fari svo að hagvöxtur hér sé á niðurleið og verðbólga á næsta leiti er það ein- ungis okkur sjálfum að kenna," seglr m.a. í bréfinu. til starfrækslu) til gjaldskrárhækk- ana. - Segja einfaldlega við slíkar stofnanir og fyrirtæki: Hagræðið nú hvert ykkar sem betur getur. Erlendar skuldir eru háar og því á að stöðva vöxt þeirra. Þjóðarút- gjöld eru einnig alltof há, þau á því að stöðva að mestu. Við þurfum t.d. ekki fleiri byggingar af opinberu tagi, hvorki sjúkrahús né skólahús. Það er nóg húsrými fyrir í opin- berri eigu sem nýta má - bæði í höf- uðborginni og utan hennar. Það eina sem hið opinbera ætti að leggja áherslu á eru vegaframkvæmdir (jarðgöng með talin). Á meðan reiknað er með tæplega 5% hagvexti á þessu ári og kaup- mætti ráðstöfunartekna upp á önn- ur 5% er ekki ástæða til að kviða lokum hagvaxtarskeiðsins. - En þar verður ríkið og forsvarsmenn þess líka að standa vörð gegn þrýstihóp- um í atvinnu- og viðskiptalífi sem ætla að rúlla óráðsíu úr rekstri sín- um út í verðlagið og þar með allt þjóðlífið. Dagblöð alla daga vikunnar Gunnlaugur Ólafsson skrifar: Þegar ég las bréf Gísla Jónssonar í DV sl. þriðjudag um „Fréttatengd- ar sjónvarpsauglýsingar" og mis- mun á samkeppnisaðstöðu, þar sem bréfritari var að vitna í lokun þátt- ar Davids Lettermans á Skjá 1 vegna þess að hann var ekki þýdd- ur, flaug mér í hug hve öll fjölmiðl- un hér á landi er í raun takmörkun- um háð. Það má ekki senda út ótextað gamanemi eins og þennan Lettermansþátt, það má ekki aug- lýsa inn í myndefni á frjálsum út- varps- og sjónvarpsstöðvum og mis- mununin fer svo hamförum í formi reglu- og lagasetninga hins opin- bera gagnvart þessu öllu. Ekki má gleyma dagblöðunum sem koma út aðeins 6 daga vikunn- ar en ekki sjö. Alls staðar í heimin- um koma dagblöð út 7 daga vikunn- ar. Þegar Sjónvarpið lokaði á fimmtudögum linntu dagblöð ekki látum yfir þeirri forsmán að senda ekki út alla daga. Nú er sú tíð liðin. Við bíðum eftir dagblöðum 7 daga vikunnar, fyrr verða þau ekki al- vörumiðlar. Net þetta og Net hitt, kemur ekki í stað dagblaðanna. Reykjavíkurflugvöll burt strax Steindór skrifar: Þótt menn hafi verið að deila um veru eða brotthvarf Reykjavík- urflugvallar þarf varla að efa að það er þjóðhagslega hagkvæmt að flytja allt flug, hverju nafni sem nefnist, til Keflavíkurfiugvallar. í skoðanakönnun sem gerð var í febrúar af DV kom berlega í ljós að meirihluti kjósenda, eða rúm 60%, vill flytja flugvöllinn. Margir nefndu að vísu Skerjafjörðinn sem nýjan stað, en skoðun fólks var engu að síður sú að Reykjavíkur- flugvöllur skyldi víkja. Nú er Skerjafjörðurinn út úr myndinni sem byggingarstaður flugvallar og líklega Engey líka, því ekkert er rætt um þann stað lengur. Er þá einsýnt að ekkert er Á að fiytja flugvöllinn? Flutnlngur I Reykjavíkurflugvallar Hvert á að flytja flugvöllinn? JJ§Í»& þjónusta allan sólarhringinn Aðeins 39,90 minútan - eda hringið í síma 550 5000 milli kl. 14 og 16 Skoðanakönnun um málið birtist í DV febrúar sl. - Ætla ráðamenn að ganga í berhögg við vilja almennings um að leggja niður hættulegan flugvöll á stað þar sem öryggið er ífyrirrúmi? hægt að fara með flug frá Reykjavík annað en til Keflavíkurflugvallar, þar sem allar aðstæður eru líka hin- ar bestu og fullkomnustu, og örygg- ið samkvæmt alþjóðlegum mæli- kvarða. Er hugsanlegt að ráðamenn vilji ganga í berhögg við vilja al- mennings um að flytja hættulegan innanlandsfiugvöll á stað þar sem öryggið er í fyrirrúmi? Ummæli fólks í könnun DV á sín- um tima eins og þessi: „Ef það kem- ur að stóra slysinu munum við kenna sjálfum okkur um, það getur enginn sagt mér aö flugvélar sem fijúga þvers og kruss lágt yfir borg- inni geti ekki hrapað eins og aðrar flugvélar" sýna að Reykjavíkúrflug- völlur á að víkja strax. Þegar Skerjafórður er ekki lengur í myndinni ætti könnun nú að sýna aö stór hluti þeirra 54% sem vildu flytja Reykjavikurflugvöll í Skerja- förð myndi nú velja Keflavíkurflug- völl. Og hvers vegna ættu ráðamenn ekki að velja þá lausn i stað þess að verja milljörðum króna í gagnslaus- ar endurbætur flugbrauta til bráða- birgða í Vatnsmýrinni? Grassláttur og hundaskítur Ó.H. skrifar: Nú er sumarvinnan að hefjast hjá óskabörnum þjóðarinnar og eru grasafræðingar þar engin undantekning. Öll viljum við hafa borgina okkar hreina og fallega og skiptir vel slegið gras þar miklu máli. En til þess að við getum sleg- ið af okkar alkunnu snilld þurfa hundaeigendur að þrifa óþrifnað- inn sem hundarnir skilja eftir sig, annars þarf að grípa til aðgerða. Við sem höfum verið í grasslætt- inum árum saman hötum fátt meira en að fá hundaskít framan í okkur þegar við rennum orfinu fimlega yfir grassvörðinn. Þess vegna skora ég á alla hundaeig- endur að taka með sér lítinn poka í göngutúrinn og taka upp eftir hundinn. Þetta eru jú „börnin" ykkar. Megi Reykjavík og aðrar minni byggðir vera hreinar er við göngum inn í nýtt árþúsund. Heimsmeistara- mótiö í listdansi Listunnandi skrifar: Mikið hefur verið rætt um póli- tíska spillingu í nýafstaðinni Evr- óvision-keppni. Hún er þó smá- munir miðað við það sem ég sá á áhorfendapöllum í Helsinki ný- verið þar sem heimsmeistaramót- ið í listdansi fór fram. Þegar ég átti leið á salerni sá ég rússneska parið sem sigraði handlanga stóru búnti af rúblum til pólska dómar- ans. Stuttu síðar gaf hann þeim hæstu einkunn, 6.0, þrátt fyrir að þau hefðu gert afdrifarík misstök í dramatískri lokasenu. Þegar úr- slitin voru kunn ærðust áhorfend- ur en þýska parið, sem lenti í öðru sæti, vann hjarta þeirra með mikl- um tilþrifum. Sjaldan hafa starfs- menn á heimsmeistaramóti í list- dansi haft jafnmikið að gera og þegar æstur múgurinn reyndi að ráðast á pólska dómarann sem svo þurfti lögreglufylgd út úr húsinu. Síminn og Espölín Jónatan hringdi: Það er eitt sem ég hætti aldrei að hneykslast á hjá Landssiman- um, að ódýrara skuli að fá síma- númer flutt á milli nafna ef um er að ræða náið skyldmenni. Og munar þar miklu. Hvernig í ósköpunum getur Siminn réttlætt þennan verðmun? Er virkilega dýrara að slá inn nafn ættingja en óskylds manns? Notast Landssím- inn við ættfræðiforritið Espólín en ekki bókhaldsforrit? Hvers konar verðmyndun er að baki svona verðlagningu? Er verið að stuðla að samheldnari fjölskyld- um? Ef svo er ætti Landssíminn að skilgreina ^hlutverk sitt opin- berlega því að ég held að það átti sig ekki allir á þessu félagslega hlutverki Símans. Lítiö af frönsk- um Gylfi hringdi: Ég hef veriö fastagestur á Hard Rock í Kringlunni allt frá því stað- urinn opnaði. Líkar mér staður- inn frábærlega þar sem fer saman frumleiki og gæði í matargerð auk góðrar þjónustu. Það er hins veg- ar eitt sem hefur farið svo í taug- arnar á mér og það svo að ég get ekki hamið mig. Það eru frönsku kartöflurnar sem fylgja með flest- um réttum - þótt auðvitað sé hægt að fá bakaða kartöflu og hrísgrjón á staðnum. Mér virðist sem stað- urinn sé í einhverjum sérstökum sparnaðaraðgerðum en kartöfl- urnar duga rétt ofan í smábarn miðað við stærð skammtsins. Ég trúi ekki að það sé gert viljandi að bjóða upp á franskar af svo skorn- um skammti. Og annað: mér finnst leitt að fá ekki almennilega reikninga á staðnum lengur.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.