Dagblaðið Vísir - DV - 09.06.1999, Blaðsíða 8
24
Suðurland
Við fjöru-
borðið
- ævintýri á Stokkseyri
í gömlu húsi á Stokkseyri, sem eitt sinn var notað sem beitning-
arskúr, hefur veitingastaðurinn Við fjöruborðið verið til húsa
undanfarin sex ár. Staðurinn er rétt innan víð varnargarðinn
sem liggur eftir endilangri suðurströndinni fyrir neðan þorpið.
Eigendurnir eru tvær konur,
Unnur Ása Jónsdóttir og Rut
Gunnarsdóttir. í spjalli við Unni
Ásu kom fram að hún er sveita-
kona í húð og hár, ólst upp undir
Eyjafjöllum og finnst fámenni kost-
ur fremur en ókostur. Fjaran á
Stokkseyri hefur heillað marga,
þar á meðal Unni, en einnig segir
hún einstakt að reka veitingahús í
litlu þorpi þar sem návígið er mik-
ið. Hún bendir á að Stokkseyri hafi
týnst í ferðaþjónustunni, menn
hafi gleymt þorpinu. „Þetta er
skemmtilegur sveitabær sem er að-
eins út úr en samt svo miðsvæðis.
Héðan er stutt til allra átta.“
Matseðillinn er einstæður þar
sem aðeins er boðið upp á einn
rétt, humar, og gestir geta valið
um það hvort þeir snæða hann
innan eða utan dyra. Úti er hægt
að sitja í ægilegu umhverfi Ægis í
skjóli varnargarðsins eða uppi á
garðinum sjálfum og horfa yfir haf-
ið á meðan á máltíðinni stendur.
„Það er mjög skemmtilegt að vera
bara með einn rétt þegar allir eru
svona ánægðir með hann. Það er
viss ævintýraljómi yfír máltíðinni.
Humarinn er borinn fram í skel-
inni, ýmist steiktur upp úr smjöri
eða grillaður. Gestirnir fá viska-
stykki í stað servíettu og fotu til að
henda skelinni í,“ segir Unnur.
Salarkynnin innandyra eru afar
rúm og í veitingaskúrnum eru
sýnd listaverk eftir heimamenn og
aðra. „Gestir okkar hafa fram að
þessu mikið verið fólk í sunnu-
Gisting
í Árnesi eru tvö gistiheimili, eitt með 20 uppbúin
rúm í tveggja manna herbergjum með
setustofu og eldunaraðstöðu og annað með
16 kojum í fjórum herbergjum með setustofu
og pldhúsi.
Þjónusta
í Árnesi er veitingahús með bar. Boðið er upp á morgunverð,
hádegisverð og kvöldverð fyrir hópa og einstaklinga.
Tjaldsvæði
með hreinlætisaðstöðu og heitum potti.
Sundlaug
með heitum potto
er í Árnesi.
Mjög góð aðstaða
fyrir ættarmót og
starfsmannaveislur.
MIÐVIKUDAGUR 9. JÚNÍ 1999
Karlar velta kajökunum meira en konur sem fara varlegar.
dagsbíltúmum en við fáum einnig
mikið af hópum. Fólk er opið fyrir
því sem er öðruvísi og það erum
við,“ segir hún.
Á húðkeip kring-
um Stokkseyri
í samvinnu við „Við fjöruborð-
ið“ bjóðast ferðir kringum þorpið á
húðkeip sem er íslenska orðið yfir
það sem flestir kalla kajak. Rut
Gunnarsdóttir, annar eigandi veit-
ingahússins, og börn hennar,
Gunnar Svanur og Rúna Einars-
börn, sjá um ferðimar. Að sögn
Rúnu er hugmyndin að kajakferð-
unum komin frá bróður hennar,
Helga Val, sem sjálfur býr til
kajaka úr trefjaplasti.
Þau hafa nú siglt með fólk í fjög-
ur ár og Rúna segir að fyllsta ör-
yggis sé gætt. „Það eru auðvitað
Humarmáltíð i fjöruborðinu. Gestir fá humar í fötu og viskustykki í stað
serviettu.
Það er aigengt að stórir hópar komi saman i humarveislu,
alltaf hættur en allir leiðsögu-
mennimir hafa verið í björgunar-
sveitum. Menn velta annað slagið
en því er yfirleitt bara vel tekið,
menn halda bara blautir áfram.
Konur eru yfirleitt einbeittari og
fara varlegar en karlamir, það er
mun oftar sem karlar velta, enda
vilja þeir meiri hraða og spennu,“
segir Rúna.
Samvinnan felst í því að fyrst er
farið með fólk í siglingu kringum
Stokkseyri og að henni lokinni
borða menn humar við fjöruborðið.
„Þetta getur verið mjög skemmti-
legt. Gæsa- og steggjahópar koma
mikið og þeim fylgir oft mikill galsi.
Miðnæturferðirnar eru yndislegar
en þær bjóðast eingöngu um hásum-
arið, þegar bjart er allan sólarhring-
inn, og era mjög rómantískar," seg-
ir Rúna. -þor
Árni Magnússon um jarðskjálftana
Meira í fjölmiðlum
en í Hveragerði
„Hveragerði er heimsins
besti staður," sagði járn-
smiðurinn og skáldið Ásgeir
Jónsson. Um þessi orð segir
Árni Magnússon, aðstoðar-
maður iðnaðarráðherra, sem
fluttist ásamt fjölskyldu sinni
til Hveragerðis fyrir fimm
árum: „Já, alla vega í hópi
þeirra bestu."
Þaðan hefur hann svo keyrt dag-
lega í vinnuna og finnst ekkert til-
tökumál. „Ég held að það sé einfald-
lega þannig að þetta venjist eða ekki
- ég vandist strax.“ Hann telur
Hveragerði vera í hæfilegri fjarlægð
frá Reykjavík og það kost að bærinn
er ekki stærri en hann er. „Hér
Árni Magnússon hefur um fimm ára
skeið búið i Hveragerði en unnið i
Reykjavik og segir það litið
vandamál.
eram við eins og ein stór fjölskylda.
Við höfum kosti dreifbýlisins en
erum þó nálægt höfuðborginni. Það
er stutt að fara í bíó eða út að
borða.“
Um ástæðu þess að fjölskyldan
flutti í Hveragerði segir hann: „Upp-
haflega var það nú einfaldlega
þannig að við þurftum að stækka
við okkur og hér var ódýrara hús-
næði. Síðan heilluðumst við af bæn-
um. Þetta er sjarmerandi bær.“
Hann segir bæinn góðan að búa í
fyrir fjölskyldufólk.
Jarðskjálftar koma óneitanlega
upp í hugann þegar rætt er um
Hveragerði. Sunnlendingar virðast
þó almennt ekki hugsa mikið um
hugsanlegan Suðurlandsskjálfta og
Árni neitar því að jarðskjálftaróm-
antíkin hafi laðað hann að bænum.
„Ég held að þessir jarðskjálftar séu
nú meira í fjölmiðlum en í Hvera-
gerði,“ segir Ámi. -þor