Dagblaðið Vísir - DV - 14.06.1999, Blaðsíða 6

6
MÁNTJDAGUR 14. JÚNÍ 1999
Fréttir
Hlunnindabændur í Múlasveit hrjáöir af ágangi refs:
Sveitarfélagið vanrækir grenjaleit
- segja æðarbændur - rangt, segir sveitarstjóri
Jarðeigendur í vestanverðri A-
Barðastrandarsýslu sem nýta æð-
arvarp á jörðum sem ekki eru leng-
ur í ábúð segja að ref hafi fjölgað
þar gríðarlega síðustu tvö ár.
Vegna hans sé æðarvarpið í upp-
námi. Þeir telja að sveitarfélagið,
Reykhólahreppur, vanræki að láta
eyða grenjum til að halda viðkomu
refsins í skefjum. Vegna þeirrar
vanrækslu hafl ref fjölgað mjög.
„Reykhólahreppur leitar bara að
grenjum í gamla Reykhólahreppn-
um og Gufudalshreppi en sleppir
okkur hinum sem fjær liggjum.
Við höfum barist fyrir því að fá
einhvem skilning á þessu en það
hefur ekki tekist," segir Þórður
Óskarsson, hlunnindabóndi í
Firði, í samtali við DV.
Þórður segir að þau svör sem fá-
ist hjá sveitarstjórninni séu þau
að sveitarfélagið hafi ekki efni á
því að láta leita grenja á þessu
svæði eftir að ríkið dró úr greiðsl-
um til grenjaleitar. Þá sé litinn
stuðning að fá hjá embætti Veiði-
stjóra þar sem það sé orðið hálf-
gerð refaverndarstofnun, gagn-
stætt því sem það var stofnað til.
Æðarbændur á svæðinu segja að
hin mikla fjölgun refa hafi valdið
því að samkeppnin innan stofns-
ins um æti er mun harðari og ref-
urinn því farinn að synda miklu
lengra en áður út í eyjar og hólma
til að komast í fugl og egg.
Fram hefur komið í DV að arn-
arstofninn hefur átt erfiðara upp-
dráttar við norðanverðan Breiða-
fjörð en sunnanverðan. Aðspurð-
ur um hvort ref gæti verið um að
kenna sagði Þórður það ekki
ósennilegt. Bæði tæki refurinn öll
egg og gerði ekki greinarmun á
eggum arnarins og annarra fugla.
Auk þess kepptu yrðlingarnir og
örninn um sama ætið síðsumars
og að haustinu.
Áki Ármann Jónsson veiðistjóri
sagði í samtali við DV að staða
refsins hefði breyst með nýjum
lögum um veiðar viiltra dýra frá
því að vera tegund sem sérstök
eyðingarlög giltu um. í stað þess
markmiðs sem áður gilti, að út-
rýma ref, sé markmiðið nú að
draga úr tjóni af völdum hans. Nú
sé það á könnu sveitarfélaga að
sjá um þá framkvæmd og þeim í
Ref hefur fjölgað mjög í Múlasveit og ógnar æðarvarpinu, segja landeigend-
ur.
sjálfsvald sett hvort þau ráða
menn á launum við að leita
grenja. Af háifu rikisins væru
greiddar sjö þúsund krónur fyrir
unninn ref sem ætti að vera nægi-
legur hvati til þess að menn
veiddu ref.
Guðmundur H. Ingólfsson sveit-
arstjóri Reykhólahrepps sagði í
samtali við DV að sveitarfélagið
hefði launað refaveiðimönnum
um allt héraðið, lika vestur i
Múlasveit þar sem enginn hefur
lengur fasta búsetu, heldur ein-
ungis hlunnindabændur sem þar
hafa sumardvöl. „Að mínu mati
ber okkur ekki skylda til að kosta
veiðimenn fyrir hlunnindi frí-
stundabænda. Þó gerum við það
því við greiðum fyrir minkaleit og
að hluta til tófuleit," sagði Guð-
mundur. Gagnrýni á hendur sveit-
arfélaginu fyrir aðgerðarleysi í
þessum efrium sagði hann órétt-
mæta. „Við eyðum stórfé í að eyða
mink og tófu í Múlasveitinni enda
þótt enginn jarðeigendanna greiði
gjöld til sveitarfélagsins sem
neinu nemur,“ sagði sveitarstjóri.
-SÁ
Fiugfreyjur Flugleiða fá nýja og ef til vill Parísarhannaða flugfreyjubúninga
frá og með næsta hausti. Alllr litir munu breytast og verða efiaust glaðlegri
en í dag.
Nýjar og flottari Flugleiðir í haust:
Nýtt merki, nýir litir og
allt öðruvísi búningar
Flugleiðir munu gjörbreyta um
útlit frá og með næsta hausti. í
tölvupósti sem starfsmenn fengu í
síðustu viku er talað um „the new
Icelandair“. Nýtt merki félagsins
mun líta dagsins ljós, nýir litir og
skreytingar verða á þotum félags-
ins, - og starfsfólk, áhafnir og fólk í
farþegaafgreiðslum fær nýja og allt
öðruvísi einkennisbúninga sem ef-
laust verða litaglaðari en þeir eru í
dag. Fjölmargir hönnuðir munu
koma við sögu, bæði erlendir sem
og íslenskir. Breytingin mun gerast
smám saman en ekki bara á einni
nóttu, heldur stig af stigi.
Einar Sigurðsson fulltrúi for-
stjóra Flugleiða sagði í gær að hér
væri um að ræða mikið verk sem
gengi undir nafninu „the new
Icelandair". Einar sagði að ráðist
væri í breytingamar með skynsam-
legum hætti, þannig að kostnaður-
inn yrði ekki stórvægilegur.
Blái liturinn hefur verið einkenni
Flugleiða hingað til. Einar Sigurðs-
son sagði að ekki yrði gefið upp
hvaða liti félagið tæki í stað þess
bláa. Ekki kvaðst Einar heldur geta
upplýst hvaða hönnuðir vinna að
búningagerð en flugfélög víða um
heim leita til Parísar þegar flug-
freyjubúningar eru hannaðir. -JBP
heldur áfram'H
Léttur, vatnslteldur
með útöndun úr
Microffber efni.
Lltir: 3 útgáfur.
Stærðlr: S.M.L.XL
mánud - fimmtud hl. 9 -18
föstudaga kl. 9-19
laugardaga kl.10-15
Kostar 20
Grímur Agnarsson vill árétta að fyrirtæki hans, Grímur ehf., sé ekki tengt ör-
yggisþjónustufyrirtækinu Magnum. Grímur hefur notað vinnuheitið lcegu-
ard á mannskapinn sem vinnur hjá honum. DV-mynd HH
Iceguard ehf.:
Ekki tengt
Magnum
Grímur Agnarsson, eigandi fyrir-
tækisins Grímur ehf. á Húsavík, vill
árétta að fyrirtæki hans tengist ekki
á neinn hátt öryggisþjónustufyrir-
tækinu Magnum eins og stóð í frétt
DV um helgina.
Grímur hefur gert verktakasamn-
inga við Hótel Húsavík og Félags-
heimilið ídali sem felast í að hann
sjái um að gera út dyraverðina í
húsinu sem er ekki skylt neinni líf-
varðaþjónustu.
Grímur hefur notað vinnuheitið
Iceguard á mannskapinn sem vinn-
ur hjá honum og í fréttinni sagði að
fyrirtækið hefði engin starfsleyfi.
Hann segir fyrirtækið ekki þurfa
slík leyfí.
Grímur hefur starfrækt Iceguard
ehf. í um tvo mánuði. „Áður en fyr-
irtækið hóf starfsemi sína spurði ég
hjá sýsluskrifstofunni á Húsavík
hvort ég þyrfti að sækja um einhver
starfsleyfi og fékk þau svör að svo
væri ekki. Ég er ekki að gera út líf-
verði eða aðra öryggisverði. Lög-
reglan á Húsavík hefur samþykkt
vinnu þeirra manna sem vinna hjá
mér sem dyraverðir og við höfum
aldrei verið ásakaðir um ofbeldi.
Við veitum þjónustu. Við aðstoðum
gesti húsanna og komum í veg fyrir
ofbeldi."
Grimur segir að öllum sé frjálst að
skoða samþykktir Gríms ehf. sem
hljóðuðu líka upp á forvarnir. -SJ