Dagblaðið Vísir - DV - 28.06.1999, Blaðsíða 3

21
MÁNUDAGUR 28. JÚNÍ 1999
Sport
Get ekki gengið
- Andri Sigþórsson 5 næstu vikur á sjúkrahúsi, spilar varla meira í ár
Andri Sigþórsson, knattspyrnu-
maðurinn efnilegi úr KR, leikur lík-
lega ekki meira með Vesturbæingum
i úrvalsdeildinni i sumar.
Andri var fluttur á Landspítalann
fyrir helgina og þarf að dvelja þar
næstu fimm vikurnar í það minnsta.
Hann getur ekki gengið, en læknar
hafa ekki fundið út hvað er að.
„Það eru bólgur við lífbeinið, og
það er jafnvel eitthvað að beininu
sjálfu. Þetta er einhvers konar sýk-
ing. Ég ligg hér með sýklalyf í æð og
get ekki gengið, varla hreyft lappirn-
ar, og þarf hjálp til að komast fram
úr rúminu. Það versta er að læknarn-
ir vita ekki hvað þetta er, en væntan-
lega nota þeir þessar fimm vikur sem
ég á að liggja héma til að finna út úr
því með rannsóknum," sagði Andri
þegar DV ræddi við hann í gær.
Píndi mig áfram og bruddi
bólgueyðandi
Andri telur að líkamlegt álag sé að
koma honum í koli, hann hafi ein-
faldlega ekki getað meira.
„Ég er búinn að spila meiddur síð-
an í leiknum við Leiftur í deildabik-
arnum í vor. Ég hef pínt mig áfram,
bruddi bólgueyðandi til að reyna að
vinna á sársaukanum en var alltaf
með verki. Ég tel að líkaminn hafi
einfaldlega sagt stopp, ég hafi verið
búinn að ofgera mér,“ sagði Andri.
Andri hefur verið óheppinn með
meiðsli á ferlinum og misst mikið úr
þó árin séu aðeins 22.
„Það hefur alltaf eitt tekið við af
öðru. Nú var ökklinn orðinn nokkuð
góður, en þá kom þetta til. En ég mun
ekki gefast upp og ætla að standa
þetta af mér eins og annað. Það er þó
nokkuð ljóst að ég leik ekki knatt-
spymu í sumar nema mikil breyting
eigi sér stað,“ sagði Andri Sigþórsson
að lokum.
Brotthvarf Andra er geysilegt áfall
fyrir KR-inga. Hann hefur verið
þeirra hættulegasti sóknarmaður og
skoraði 3 mörk í fyrstu þremur um-
ferðum úrvalsdeildarinnar. -VS
íslensk náttúra var í aðalhlutverki á Arctic Open, enda er mótið orðið frægt víða um heim fyrir sérstöðu sína og um-
gjörð. Þessi kylfingur mundaði kylfuna á Jaðarsvelli og sló kúluna inn í sólarlagið. DV-mynd Anton Brink
Arctic Open á Akureyri;
Heimapiltar bestir
íí) HOREGUR
Jp. ....
Odd Grenland - Rosenborg .... 0-0
Lilleström - Molde...........0-1
Moss - Brann..................0-2
Skeid - Bodö/Glimt............1-3
Stabæk - Viking ..............3-1
Tromsö - Strömsgodset ........3-2
Rosenborg 12 9 2 1 /33-8 29
Molde 12 8 2 2 20-8 26
Brann 12 8 0 4 22-19 24
Stabæk 12 7 2 3 28-16 23
Lilleström 12 7 2 3 26-19 23
Tromsö 12 6 2 4 32-21 20
Odd Grenl. 13 5 2 6 15-26 17
Bodö 13 4 2 7 24-31 14
Viking 12 4 1 7 17-18 13
Válerenga 11 4 1 6 15-19 13
Skeid 13 4 1 8 14-30 13
Moss 13 4 0 9 19-28 12
Strömsg. 12 3 1 8 17-30 10
Kongsving. 11 3 0 8 14-23 9
Tvö frá
Tryggva
Tryggvi Guðmundsson hélt í
gær uppteknum hætti og skoraði
tvívegis fyrir
Tromsö þegar lið-
ið sigraði Ströms-
godset, 3-2, í
norsku A-deild-
inni. Tryggvi
þótti með bestu
mönnum vallar-
ins. Hann hefur
þá gert 6 mörk i
síðustu tveimur leikjum því
hann gerði fjögur í bikarleik síð-
asta miðvikudag. Alls er Tryggvi
kominn með 16 mörk á tímabil-
inu, 7 í deild og 9 í bikar.
Tryggvi kom Tromsö í 1-0 á
13. mínútu og síðan í 2-1 á 30.
mínútu. Það var svo hinn eftir-
sótti Rune Lange sem skoraði
sigurmark norðanmanna um
miðjan síðari hálfleik. Stefán
Gíslason lék síðustu 10 mínút-
urnar með Strömsgodset en Val-
ur bróðir hans var ekki með.
Helgi og Ríkharður skor-
uðu báðir
Stabæk lagði Viking, 3-1, í ís-
lendingaslag í Osló, og þar komu
tvö íslensk mörk í viðbót. Helgi
Sigurðsson kom Stabæk yfir á
13. mínútu en það var síðan Rík-
harður Daðason sem gerði mark
Viking, minnkaði þá muninn í
2-1 í lok fyrri hálfleiks. Fjórir ís-
lenskir landsliðsmenn léku leik-
inn, til viðbótar voru það Pétur
Marteinsson með Stabæk og
Auðun Helgason með Viking, og
spiluðu allir til enda.
Rúnar Kristinsson lék vel með
Lilleström sem tapaði ósann-
gjarnt fyrir Molde, en Heiðar
Helguson var ekki með. -VS
Það voru heimamenn sem röðuðu
sér í efstu sætin á Arctic Open-golf-
mótinu sem haldið var á Akureyri í
fjórtánda skipti og lauk aðfaranótt
laugardagsins. Birgir Haraldsson
lék mjög vel og sigraði á 143 högg-
um, einu yfir pari valiarins, en
næstir komu Sigurpáll Geir Sveins-
son á 148 og Ómar Halldórsson á 149
höggum. Þeir eru allir úr Golfklúbbi
Akureyrar sem hélt mótið að vanda.
Mótið sjálft hófst á fimmtudags-
kvöld og lauk aðfaranótt laugar-
dags. Sjálf dagskráin stóð hins veg-
ar frá miðvikudegi og fram á laug-
ardagskvöld. Þátttakendur voru alls
176, þar af um 60 erlendir sem komu
frá átta löndum. Flestir frá Banda-
ríkjunum og Bretlandi en einnig
voru keppendur mættir frá Dan-
mörku, írlandi, Hollandi, Þýska-
landi, Suður-Afríku og Japan.
Vandamálin leyst með bros
á vör
„Þetta gekk allt virkilega vel,
enda er fólk hér komið með mikla
reynslu og kann vel til verka. Veðr-
ið var stórfenglegt fyrri nóttina og
náttúran skartaði sínu fegursta fyr-
ir erlendu gestina, en seinni nóttina
var sólskinið frekar blautt. Þetta er
alvörumót, eins og sést á árangri
þeirra bestu, en hinsvegar er það
ekki jafn formfast og venjuleg golf-
mót og lausara um suma hluti.
Menn taka fyrst og fremst með sér
góða skapið og leysa með bros á vör
öll vandamál sem upp kunna að
koma,“ sagði Kolbeinn Sigurbjörns-
son, mótsstjóri á Arctic Open, í sam-
tali við DV.
Hrafnkell Túliníus, GO, sigraði í
keppni með forgjöf á 130 höggum
nettó, einu höggi minna en Jim
Hanley frá Bandaríkjunum. Fremst
kvenna án forgjafar varð Erla Ad-
olfsdóttir, GA, sem lék á 170 högg-
um og varð í 28. sæti.
-VS
Bficmd í
Davið Þorsteinsson, blakmaður úr
KA, mun spila með ÍS næsta vetur.
Hann er á leið í nám við Háskóla ís-
lands i Reykjavík. Andri Þór Magn-
ússon úr KAfetar líklega í fótspor
hans en gæti þó farið til Noregs í nám
og spilað með þarlendu liði.
Heiómar Felixson, handknattleiks-
maður úr Stjömunni, tekur væntan-
lega fram knattspyrnuskóna á ný til
að styrkja Þórsara, sem eru í erfiðri
stöðu í 2. deildinni. Heiðmar lék með
Þór í 1. deildinni í fyrra.
Jón Baldvinsson, sendiráðsprestur í
London, mætti í tíunda skiptið á
Arctic Open-golfmótið á Akureyri og
stóð sig með sóma, varð í 25. sæti.
Jón hélt forkeppni í London og kom
með hóp Breta með sér á mótið.
Rúnar Geir Gunnarsson, NK, vann
tvöfaldan sigur bæði með og án for-
gjafar í opna Eimskip-golfmótinu sem
var haldið á Nesvellinum 26. júní.
Ingólfur Pálsson varð annar og
Þórður Ágústsson þriðji en allir eru
þeir í Nesklúbbnum.
Pjetur Sigurðsson verður fjórði
dómari, eða varadómari, á leik IA og
Lokeren i Intertoto-keppninni á
Akranesi þann 10. júli. Dómaratríóið
kemur annars frá Finnlandi og Mika
Peltola dæmir leikinn. Jon Skjervold
frá Noregi dæmir fyrri leik liðanna í
Belgíu næsta laugardag.
Ingólfur Gissurarson sigraöi í
karlaflokki og Bryndis Ernstsdóttir
í kvennaflokki í Mývatnsmaraþoninu
á laugardag en það var jafnframt fs-
landsmótið i greininni. Bryndís hafði
yfirburði í kvennaílokki en Ingólfur
vann karlaílokkinn eftir harða
keppni við Lárus Thorlacius og Sig-
uró Pétur Sigmundsson sem urðu í
tveimur næstu sætum.
Marta Ernstsdóttir
(til hægri), systir
Bryndísar, sigraði i
hálfu maraþoni
kvenna og Jósef
Magnússon í hálfu
maraþoni karla.
ívar Trausti Jósa-
fatsson og Fríða
Rún Þóróardóttir
sigruðu í 10 km
hlaupi í Mývatnsmaraþoninu.
Brynjar Björn Gunnarsson og fé-
lagar í Örgryte gerðu 0-0 jafntefli við
Trelleborg í sænsku A-deildinni í
knattspyrnu í gær. Örgryte tókst þar
með ekki að endurheimta toppsætið.
Helsingborg er þar með 25 stig en Ör-
gryte 23.
Brynjar Björn hefur leikið mjög vel
það sem af ér tímabilinu og sam-
kvæmt heimildum DV fylgist þýska
B-deildarliðið Hannover grannt með
frammistöðu hans.
-JJ/ÓÓJ/VS
ÞÍN FRÍSTUND
-OKKAR FAG
V
INTER
SPORT
Bíldshöfða 20 • 112 Reykjavík • 510 8020
• www.intersport.is