Dagblaðið Vísir - DV - 30.06.1999, Blaðsíða 19

MIÐVIKUDAGUR 30. JÚNÍ 1999
19
DV
_______________________________________________________________Fréttir '
í hvalaskoðun með Norðursiglingu á Húsavik:
Sjáum hvali í 99%
allra ferða okkar
- segir Hörður Sigurbjarnarson framkvæmdastjóri
DV, Akureyri:
„Hvalur klukkan tvö,“ kallar Þór-
unn Harðardóttir sem er uppi í
frammastri hvalaskoðunarbátsins
Hauks frá Húsavík. Við erum stödd
á Skjáfandaflóa, undir Víknafjöll-
um, og um borð í Hauknum eru um
30 manns, flestir erlendir ferða-
menn. Við kall Þórunnar líta allir
fram á við til hægri og sjá þar hval
kafa skammt frá bátnum. Skammt
frá eru tveir aðrir hvalaskoðunar-
bátar Norðursiglingar, Knörrinn og
Náttfari, og einnig Moby Dick sem
gerður er út af öðru fyrirtæki á
Húsavík.
Hvalaskoðun er orðin geysilega
vinsæl afþreying ferðamanna sem
hingað koma og íslendingar láta sjá
sig meira og meira í slíkum ferðum.
Á engan er hallað þegar fullyrt er að
Húsavík sé miðstöð þessara hvala-
skoðunarferða og Skjálfandaflói
vestanverður aðalvettvangurinn.
Morgun einn í síðustu viku þegar
DV brá sér í slíka ferð með Hauki,
sem Norðursigling gerir út, fóru um
90 manns út með þremur bátum fyr-
irtækisins og um 30 manns biðu eft-
ir að komast í ferð strax eftir há-
degi.
Hörður Sigurbjamarson, fram-
kvæmdastjóri Norðursiglingar, seg-
ir eitt af markmiðum fyrirtækisins
að varðveita íslenska eikarbáta og
gefa þeim framhaldslíf með nýjum
verkefnum. Bátar fyrirtækisins eru
af síðustu kynslóð eikarskipa við
norðanvert Atlanshaf, Knörrinn
sem var smíðaður 1963 á Akureyri,
Haukur smíðaður 1973 í Reykjavik
og Náttfari sem smíðaður var í
Stykkishólmi árið 1965.
Hvalir út um allt
Hörður var í brúnni á Hauki og
Þórunn dóttir hans ávarpaði ferða-
langana þegar lagt var úr höfn. Hún
tjáði þeim hvað í vændum væri og
að siglt yrði í tæplega klukkustund
yfir að Víknafjöllum. Á leiðinni út-
býtti hún vettlingum og húfúm til
þeirra sem það vildu, og yfirhafnir
stóðu einnig gestunum til boða. Á
útleiðinni fékk Hörður tilkynningu
Hvalur fram undan. Hrefnurnar komu oft mjög nálægt bátunum og voru ekki nema um 10 metra frá þegar best lét.
DV-mynd gk
um það í talstöðina að fjölmargir
hvalir væru á slóðinni, mest hrefn-
ur og hnísur, en einnig hefði sést til
sandreyðar.
Þegar Víknafjöllin nálguðust fór
að draga til tíðinda. Hvalir sýndu
sig strax, og Þórunn, sem kom sér
fyrir hátt uppi í mastri, kallaði til
fólksins hvar hvalina væri að sjá.
Það var reyndar hálfgerður óþarfi
því hvalimir voru nánast allt í
kringum bátinn, köfuðu og heyra
mátti ánægjuraddir frá fólkinu með
það sem fyrir augu bar.
Svona var dólað áfram fram og
aftur í um klukkustund og síðan var
stefnan sett á Húsavík að nýju. Á
heimleiðinni báru Hörður og Þór-
unn fram veitingar, kaffi, kakó og
meðlæti og þegar Húsavíkurhöfn
nálgaðist ávarpaði Þórunn ferða-
langana, þakkaði þeim fyrir ferðina
og hlaut gott lófatak að launum. Hörður Sigurbjarnarson á bryggjunni á Húsavík áður en lagt var í hann.
DV-mynd gk
Stanslaus aukning
Norðursigling tók til starfa árið
1995 en fyrirtækið haföi keypt
Knörrinn árið áður. Tveimur árum
síðar var svo Haukur keyptur og
Náttfari var tekinn í gagnið í vor.
Fyrirtækið er í eigu bræðranna
Harðar og Árna Sigurbjörnssona og
fjölskyldna þeirra og við það starfa
14 manns yfir sumarmánuðina.
„Við fengum um 1700 manns í
ferðirnar árið 1995, um 5600 manns
árið eftir, árið 1997 voru farþegar
9500 og í fyrra um 12 þúsund. Það
hefur því verið stanslaus aukning
og við eigum ekki von á öðru en það
þessi þróun haldi áfram,“ segir
Hörður.
Árangurinn í skoðunarferðum
Norðursiglingar er mjög góður.
„Við höldum nákvæmt bókhald yfir
allar ferðir og hvað sést í þeim og til
þessa höfum við séð til hvala í yfir
99% allra ferða öll árin. Hins vegar
er misjafnt hvaða tegundir hvala
sjást í hverri ferð, og engar tvær
ferðir eru nákvæmlega eins hvaö
það varðar. Hrefnur eru langal-
gengastar og sáust í 94% allra ferða
á síðasta ári, höfrungar sjást mjög
oft en af öðrum tegundum sem við
höfum séð má nefna hnúfubak,
sandreyði, langreyði, andarnefju,
háhyminga og við höfum einnig séð
til steypireyðar þótt það sé fremur
fátítt,“ segir Hörður.
Snar þáttur í ferðaþjónust-
unni
Hörður segir að hvalaskoðunin sé
orðin snar þáttur í ferðaþjónust-
unni á svæðinu en segir nauðsyn-
legt að fleiri þættir ferðaþjónust-
unnar verði virkari og nefnir í því
sambandi að vegurinn upp með Jök-
ulsá að Dettifossi sé ekki opnaður
fyrr en í lok júní. „Það er auövitað
algjört skeytingarleysi yfirvalda að
svona skuli vera, við eigum afl-
mesta foss landsins hérna rétt hjá,
en komumst ekki að honum með
ferðamenn nema í svona þrjá mán-
uði á ári. Það myndi heyrast eitt-
hvað í mönnum fyrir sunnan ef að-
gengið að Gullfossi væri á þennan
veg,“ segir Hörður. -gk
Símar og
Brúöhjónin ásamt vinum sínum. Guðrun Björk og Ingvar eru 2. og 3. frá
hægri á myndinni. DV-mynd gk
Húsavík:
Brúðkaupsferð á hvalaslóðir
DV, Húsavík:
„Við giftum okkur um síðustu helgi
og héldum síðan í brúðkaupsferð um
landið. Við ákváðum bara að elta góða
veðrið og héldum norður í land ásamt
vinum okkar,“ sögðu þau Guðrún
Björk Bjamadóttir og Ingvar Stefáns-
son úr Hafharfirði sem voru í hvala-
skoðunarferð með Norðursiglingu á
Húsavík í síðustu viku.
Brúðhjónin og vinir þeirra voru
ekki einu íslendingamir í ferðinni en
erlendir ferðamenn vom þó í mjög
miklum meirihluta um borð í Hauki,
einum af þremur bátum Norðursigling-
ar. Brúðhjónin' sögðust ánægð með
ferðina.
„Þetta var mjög fínt. Við reiknuðum
ef til vill með að sjá fleiri tegundh
hvala í ferðinni en þetta var samt mjög
skemmtilegt. Við erum búin að vera í
nokkra daga á ferðalagi og förum nú að
drífa okkur heimleiðis að nýju, enda er
þetta orðið ágætt,“ sögðu brúðhjónin
þegar hvalaskoðunarferðinni lauk. -gk