Dagblaðið Vísir - DV - 07.07.1999, Blaðsíða 4
4
MIÐVIKUDAGUR 7. JÚLÍ 1999
Fréttir________________________________________pv
Ökukennarar órólegir:
Offjölgun í stétt ökukennara
- helmingsQölgun umfram þörf, segir formaöur Ökukennarafélagsins
Um 25 ökukennarar útskrifast nú
annað hvert ár. Ökukennarar telja
þetta vera of mikið og verulega um-
fram eðlilega endumýjunarþörf stéttar-
innar. Páll Andrésson ökukennari seg-
ir í samtali við DV að þessi mikli fjöldi
nýrra ökukennara hafi orðið til þess að
undirboð séu nú algengari og þeir sem
hafa ökukennslu að fullu starfi nái
ekki lengur endum saman. Vegna hins
mikla framboðs hafi mjög harðnað á
dalnum hjá þeim sem era ökukennarar
í fullu starfi.
„Þetta er að minnsta kosti helmingi
of mikið miðað við þörfina, auk þess
sem námið sem nýir ökukennarar
þurfa að fara í gegnum er undir helm-
ingi þess sem gerist í nágrannalöndum
okkar, sem er alvarlegt umhugsunar-
efni,“ segir Guðbrandur Bogason, for-
maður Ökukennarafélags íslands, í
samtali við DV.
Guðbrandur segir að gera megi ráð
fyrir því að maður sem hefur öku-
SkagaQöröur:
Björn
verður
skólastjóri
DV, Akureyri:
Ákveðið er aö Björn Björnsson,
skólastjóri grunnskólans á Hofsósi,
verði skólastjóri sameinaðs grunn-
skóla á Hofsósi, að Hólum og í
Fljótum þegar skólinn tekur til
starfa i haust. Er þar með að mestu
lokið miklu deilumáli sem staðið
hefur yfir undanfarnar vikur.
Björn sótti um stöðuna ásamt
Guðrúnu Helgadóttur, skólastjóra
Myndlista- og handíðaskólans í
Reykjavík, og klofnaði meirihlut-
inn í skólanefnd í afstöðu sinni til
umsækjenda. Framsóknarmenn
og fulltrúar Skagatjarðarlistans
ætluðu að mæla með ráðningu
Guðrúnar en sjálfstæðismenn með
Bimi sem er yfirlýstur sjálfstæðis-
maður. Áður en málið kom fyrir
bæjarstjóm dró Guðrún hins veg-
ar umsókn sína til baka og nú hef-
ur skólanefnd ákveðið að mæla
með ráðningu Björns. -gk
kennslu að aðal-
starfi þurfi að
kenna um 80 nem-
endum á ári. Sé
gengið út frá því
að hver nemandi
taki 20 ökutíma þá
eru það 1600 tímar
á ári sem er fullt
starf.
Páll Andrésson
segir að sá hópur
ökukennara sem
hefur kennslima
að aðalstarfi hafi nú mun minna að
gera og fáir þeirra nái nú orðið fullu
starfi út úr kennsl-
unni þar sem ár-
legur fiöld nem-
enda sé nú vart
meiri en sem nem-
ur hálfu starfi.
„Auðvitað hlýtur
þetta að hafa ein-
hver áhrif á mark-
aðinn, en hugsun-
in var sú i byrjun
að gefa þeim tæki-
færi til að komast í
þetta nám sem búa
úti á landi, á stöðum þar sem ekki eru
ökukennarar. En vissulega hefur öku-
kennurum fiölgaö," sagði Sigurður
Helgason, upplýsingafulltrúi Umferðar-
ráðs, í samtali við DV.
Sigurður sagði að viss kynslóða-
skipti væru að eiga sér stað í hópi öku-
kennara eftir rúmlega áratugs tímabil
stöðnunar þegar enginn einasti nýr
ökukennari útskrifaðist. Hann sagði að
ökukennaranámið samkvæmt núver-
andi fyrirkomulagi tæki um 15 mánuði
samtals. Nemendumir sækja þá nokk-
urra vikna námskeið en vinna auk
þess að verkefnum þess í milli auk þess
sem hluti námsins fer fram á Netinu.
Náminu lýkur síðan með lokaprófi.
-SÁ
Guðbrandur Boga-
son, formaður
Ökukennarafélags
Islands.
Sigurður Helga-
son, upplýslnga-
fulltrúi
Umferðarráðs.
Hér sjást hausarnir þar sem þeir gapa fyrir ofan hjólageymsluna
DV-mynd S
íbúar í Vesturbergi ævareiðir:
Nennum ekki að
fjarlægja hræin
- segja iðnaðarmennirnir
íbúar í Vesturbergi 146 í Breiðholti
hafa undanfama daga þurft að horfa
upp á tvö fuglshræ sem lafa undan
klæðningu utan á húsinu sem verið
er að skipta um. íbúi í húsinu hefur
margoft kvartað við iðnaðarmennina
frá fyrirtækinu Fjölur hf. sem era að
skipta um klæðningu. Þeir segjast
hins vegar ekki nenna að standa í því
að fiarlægja hræin.
Svo virðist sem fuglarnir hafi far-
ið á milli klæðningar og einangrun-
ar í þeim tilgangi að búa sér til
hreiður en það tókst ekki betur en
svo að þeir hafa lent í sjálfheldu.
Það er afar ógeðfelld sjón að sjá tvo
hræhausa hanga niður beint yfir
inngangi í geymslurnar sem eru
þarna fyrir innan, þar á meðal er
hjólageymsla sem börnin í húsinu
sækja mikið í. -hvs
sandkorn
Æfir brageyrað
Þegnar þingmannsins sigursæla á
Suðurlandi, Árna Johnsens undr-
ast nokkuð hve hæglátur hinn Ijóð-
elski söngvavinur er orðinn. Vest-
mannaeyingur, eindreginn stuðn-
ingsmaður Áma, segir að það sé
vegna þess að þing-
maðurinn sé nú að
æfa brageyrað og
styrkja sig í stuðl-
um og höfuðstöf-
um, því að hann
stefni að því að
verða höfuð-
þingskáld kjör-
tímabilsins fyrst
hann varð ekki ráð-
herra. Stuðningsmaðurinn segir að
Árna muni veitast það létt að skáka
þeim Halldóri Blöndal, Hjálmari
Jónssyni, Jóni Kristjánssyni og öðr-
um þingskáldum út í horn. Ámi geti
nefnilega líka sungið en þeir ekki.
Erill
Hrannar Pétursson, upplýsinga-
fulltrúi Álversins, kom fram í sínu
fyrsta sjónvarpsviðtali í siöustu
viku. Margir starfsmenn Álversins
voru famir að hafa af því töluverðar
áhyggjur að Hrannar myndi halda
sig til hlés og urðu
þvi fegnir að sjá
strákinn á skjánum
þegar fréttastofa
Ríkissjónvai'psins,
þar sem Hrannar
var áður fréttamað-
ur, birti um þriggja
mínútna frétt fyrir
piltinn. Tilefnið
var eitthvað á þá
leið að starfsmaður Álversins til
20-30 ára taldi aðbúnað hjá fyrirtæk-
inu betri í dag heldur en þegar hann
hóf störf hjá því...
Stjórnunarvandi
Ágúst Einarsson, fyrrverandi al-
þingismaður, er ekki að skafa utan af
því í grein í Fiskifréttum hver
ástæða vandamála Vinnslustöðvar-
innar í Vestmannaeyjum er: - Stjóm-
unarvandi. Ágúst segir að fiölmörg
fyrirtæki hérlendis
hafi búið við ná-
kvæmlega sömu skil-
yrði og Vinnslustöð-
in og vegnað vel.
Þeim sem þekkja til
í sjávarútvegi sé
fullkunnugt um
þetta. Almenning-
ur hafi hins vegar
haft allt aðra mynd af
Vinnslustöðinni enda verið í gangi
snjöll auglýsingastarfsemi í sam-
bandi við fyrirtækið, ekki hvað síst i
tengslum við hlutabréfaviðskipti.
Skilur þetta fólk ekki neitt?
Hvað á eiginlega að
gera viö þetta fólk, þarna
á Þingeyri? Hvenær ætl-
ar það að skilja út á hvað
þetta gengur? Hvað þarf
að stafa þetta lengi ofan í
það að það er búið að af-
skrifa það. Út af landa-
kortinu, burt af staðnum.
Þetta er búið. Finito.
Fyrst era seldir togar-
arnir. Svo eru seldir
kvótarnir. Svo er lokað
fyrir fiskvinnsluna. Svo
er lokað i bönkunum,
næst í Byggðastofnun og
nú er bara það eitt eftir
að ganga frá gjaldþrot-
inu.
Þingeyri er bara
krummaskuð sem menn
era hættir að púkka upp
á. Allir þeir sem eiga eitt-
hvað undir sér eru farn-
ir. Löngu farnir og búnir
að selja kvótana og koma sér fyrir í fasteignum á
Laugaveginum eöa á Long Beach og stjómvöld-
um kemur þetta ekki lengur við enda búa bara á
Þingeyri nokkrar fiöldskyldur sem komast ekki
þaðan vegna verðlausra eigna, fyrir utan Pól-
verja sem vora plataðir þama vestur meðan ver-
ið var aða undirbúa lokahnykkinn á gjaldþrotiö.
Enda er ekki einu sinni haft fyrir því að borga
þeim laun!
Þingeyri er ekki lengur til á landakortinu.
Þingeyri var sameinuð ísafiarðakaupstað fyrir
nokkrum áram og þai- með lögð niður. Göngin
vora byggð til að auðvelda fólkinu brottförina.
Einhverjir þráuðust við og stofnuðu íbúasamtök
þegar fiskvinnslunni var lokað.
Þessi íbúasamtök fengu nokkra góðhjartaða
forvígismenn til að senda bænarskrá til Byggða-
stofnunar um aðstoð en Byggðastofnun hafnaði
þeirri hjálparbeiðni með annarri hendinni.
Aftur kom bænarskrá og alþingimenn kjör-
dæmisins töluðu vinsamlega um lausn, rétt eins
og aumingjagóðir stjómmálamenn í Evrópu tala
um flóttafólkið frá Kosovo-Albaníu. Munurinn
var bara sá, að meðan menn vora fengnir í það
að útvega Kosovunum dvalarstaði og brýnustu
nauðsynjar hefur enginn séð ástæðu til að rétta
neina ölmusu til Þingeyringa. Þeir verða að sjá
um sig sjálfir og aftur ullaði Byggðastofnun á
íbúasamtökin og neyðarópin frá Þingeyri.
Landsbankinn fékk lánsumsókn frá fólki á
Þingeyri en sendi hana um hæl ásamt úrklippu
úr dagblöðunum þar sem lýst var hörmungunum
fyrir vestan.
Þingeyringar heimta afsökunarbeiðni frá
bankanum og vilja að Alþingi taki málið upp. En
enginn hlustar enda nennir enginn að vera
púkka upp á kjósendur sem era hvort sem er á
leiðinni í burt.
Nú eru þeir að sækja um byggðakvóta, greyin,
og aftur era það íbúsamtökin, sem halda að ein-
hver vilji hlaupa undir bagga.
Hvenær ætlar þetta fólk að láta segjast?
Hvenær ætlar það að skilja að þetta er búið spil?
Sjónarspilinu er lokið. Það er bara eftir aö
pakka saman.
Dagfari
Regla á óreglunni
Svavar Gestsson, aðalræðismað-
ur íslands i Winnipeg í Kanada,
heldur enn, þótt brottgenginn sé úr
íslenskum stjórnmálum, úti frétta-
riti sínu og málgagni, Netblaðinu
Hugmynd. Þegar þeir Davíð Odds-
son og Halldór Ás-
grimsson réðu Svav-
ar sem sérlegan
sendiherra í Kanada
með aðsetur í skjóli
Jón Baldvins
Hannibalssonar í
Washington en
gerðu hann svo að
aöalræðismanni
þegar Kandamenn neituðu
taka við sendiherra án þess að samið
hefði verið um það fyrst, þá ritaði
Svavar grein í netmálgagn sitt, 6.
tölublað, 2. árgang. í greininni mær-
ir Svavar þá Davíð og Halldór fyrir
að skilja nauðsyn þess að minnast
afreka íslendinga sem fundu Amer-
iku og láta heiminn vita af því. Jafn-
framt boðaði hann að eitthvað yrði
útgáfa Hugmyndar óreglulegri á
næstunni. Úmrædd grein birtist 18.
febrúar sl. en síðan hefur ekkert nýtt
birst á Netmálgagni Svavars. Það má
því segja að þessi útgáfa hans sé
ekki óregluleg, heldur miklu fremur
í mjög föstum skorðum ...
Umsjón: Stefán Ásgrímsson
Netfang: sandkorn @£f. is