Dagblaðið Vísir - DV - 27.07.1999, Blaðsíða 9
ÞRIÐJUDAGUR 27. JULI 1999
9
I>V
Útlönd
Mikilvægur áfangi í lífi Vilhjálms Karlssonar:
Prinsinn tekur beygju
fyrir Ijósmyndarana
Vilhjálmur prins á Bretlandi
sýndi fréttaljósmyndurum í gær
hversu efnilegur ökumaður hann
er, þegar hann tók glæsilega beygju
fyrir framan Highgrove, sveitaset-
ur Karls Bretaprins, föður hans.
Þetta var í fyrsta sinn sem ljós-
myndurum hafði verið sérstaklega
boðið til að taka myndir af prinsin-
um á heimavelli frá því Díana
prinsessa, móðir hans, lést í
bílslysi í París fyrir tæpum tveim-
ur árum.
Vilhjálmur prins var þó ekki
einn í bílnum þar sem með honum
var ökukennarinn Chris Gilbert,
sem starfar við ökuskóla Lundúna-
lögreglunnar.
Karl ríkisarfi og Harrý, yngri
bróðir Vilhjálms, stóðu í dyrunum
og fylgdust með því þegar ökumað-
urinn ungi ók silfurgráum Ford
Focus upp malarborna heimreiðina
og lagði honum. Vilhjálmur
Vilhjálmur prins er einbeittur á svip í fyrsta opinbera ökutíma sínum við
Highgrove, sveitasetur Karls ríkisarfa.
skrúfaði niður rúðuna og brosti
framan í fulltrúa fjölmiðlanna.
Þetta var í fyrsta sinn sem prins-
inn hitti ökukennara sinn. Hann
hefur þó fengið ofurlitla reynslu,
því allt frá því hann varð sautján
ára í síðasta mánuði hefur hann
fengið að aka um á nýja
Volkswagen Golf-bílnum sem hann
fékk í afmælisgjöf.
í kjölfar dauða Díönu prinsessu
tóku breskir fjölmiðlar upp aðra
siði og strangari reglur þar sem
þeir hétu því að virða einkalíf
barna ríka og fræga fólksins. Síðan
þá hefur verið slegin skjaldborg
um prinsana ungu og hefur faðir
þeirra gengið hart fram í að koma
í veg fyrir ágang fjölmiðla.
Bresku blöðin sögðu að mynda-
takan í gær hefði verið skipulögð í
þeim tilgangi, meðal annars, að
biðja um gott veður fyrir prinsana
þegar sumarleyfistíminn fer í hönd.
—
■
Joanne Mein liðsforingi er fyrsta konan sem hefur fengið inngöngu í listflugsveit ástralska flughersins. Hefur sveitin þó starfað í tuttugu ár. Joanne sýndi
listir sínar yfir flóanum úti fyrir Melbourne i morgun og flaug meðal annars á hvolfi, eins og hér sést.
Rússland verði
vinsamlegt öll-
um fjárfestum
Sergei' Stepasjín, forsætisráð-
herra Rússlands, hét því í gær að
Rússland framtiðarinnar yrði
heiðarlegt, opið og vinsamlegt öll-
um þeim sem þar vildu fjárfesta.
Hann sagði jafnframt að aldrei
yrði aftur snúið til kommúnisma
eða þeirrar stefnu sem ríkti á tím-
um kalda stríðsins.
Rússneski forsætisráðherrann
lét orð í þessa veru falla á fundi
amerísk-rússneska viðskiptaráðs-
ins í Washington. Stepasjín er þar
til að ræða við Bill Clinton forseta
og aðra háttsetta bandaríska emb-
ættismenn.
Stepasjin sagði að Rússar væru
staðráðnir í að hrinda í fram-
kvæmd nýrri stefnu sem sam-
þykkt var í samráði við Alþjóða-
gjaldeyrissjóðinn.
Líklegt er talið að gjaldeyris-
sjóðurinn samþykki stórt lán til
Rússa á morgun.
Viðhaldsmaður á hóteli ákærður:
Myrti náttúrufræðing í
Yosemite-þjóðgarðinum
Cary Stayner, 37 ára gamall hótel-
starfsmaður, var í gær ákærður fyr-
ir morð eftir að hann viðurkenndi
fyrir lögreglu að hafa drepið og síð-
an hálshöggvið náttúrufræðinginn
Joie Ruth Armstrong i Yosemite-
þjóðgarðinum. Stayner var handtek-
inn á laugardag.
Embættismenn hafa sagt að
Stayner sé einnig grunaður um að
hafa myrt þrjár konur sem voru á
ferðalagi í þjóðgarðinum í febrúar-
mánuði síðastliðnum. Þá eru líkur
að því leiddar að hann hafi einnig
myrt frænda sinn árið 1990.
Talsmenn alríkislögreglunnar
FBI vildu þó ekkert um það segja í
gær hvort eitthvað væri hæft í frétt-
um bandarískrar sjónvarpsstöðvar
Cary Stayner hefur játað á sig morð
á náttúrufræðingi í Yosemite.
um að Stayner hefði játað á sig
morðin í febrúar.
Dagblaðið Los Angeles Times
birti frétt í morgun þar sem það hef-
ur eftir heimildarmönnum að
Stayner hafi játað á sig febrúar-
morðin.
Joie Ruth Armstrong, sem var 26
ára, starfaði fyrir Yosemite-stofnun-
ina. Höfuðlaust lík hennar fannst á
heimili hennar innan þjóðgarðsins
siðastliðinn fimmtudag.
Talsmenn FBI sögðu að Stayner
hefði veitt upplýsingar um morðið
sem enginn utan lögreglunnar hefði
haft vitneskju um. Bill Stayners
sást í nágrenni heimilis Armstrong
klukkustund eftir að síðast var vit-
að um hana á lífi.
Mohammed
konungur er
ekki kvæntur
Fréttum þess efnis aö hinn nýi
konungur Marokkó hafi kvænst
síðastliðinn fóstudag, skömmu
eftir andlát föður hans, hefur ver-
ið neitað. Hassan konungur lést
70 ára að aldri eftir hjartaáfall.
„Marokkó syrgir og þessar fréttir
eru ekki réttar,“ sagði embættis-
maður innan konungshallarinn-
ar. Marokkó mun, samkvæmt
hefðinni, syrgja Hassan í 40 daga.
Öryggisráð Sameinuðu þjóð-
anna vottaði Hassan, konungi
Marokkó sem lést síðastliðinn
föstudag, virðingu sína með einn-
ar mínútu þögn á fundi þar sem
farið var yfir stöðu flóttamanna í
Afriku. Forseti ráðsins, Agam
Hasmy, vottaði syni og arftaka
Hassan, Mohammed VI, samúð og
sagði að missir Marokkó væri
mikUl.
Kofi Annan var á meðal þeirra
sem var viðstaddur útför kon-
ungsins í Rabat á sunnudag.
Stúlka smitast
af HlV-veiru við
blóðgjöf
Skólastúlka smitaðist af HIV-
veirunni við blóðgjöf í fyrsta
skipti í Ástralíu síðan 1985, þegar
farið var að rannsaka blóð. Veir-
an kom í ljós í síðustu viku.
Læknar gáfu þá skýringu að veir-
an væri ekki greinanleg fyrr en 22
dögum eftir smit og að blóöiö
hefði verið gefið innan þess tíma.
Blóðgjafinn, sem var ung kona,
lét vita af ástandi sínu um leið og
henni var um það kunnugt. Rauði
krossinn tilkynnti að von væri á
nýju prófi sem gæti greint
veiruna strax að liðnum 11 dög-
um. Heilbrigðisyfirvöld hafa
einnig gert sitt til þess að sann-
færa almenning um að blóðbank-
ar landsins séu öruggir.
Eiturlyfjahringur
upprættur
á Spáni
Spænska lögreglan sagðist í
gær hafa handtekið 17 manns um
helgina eftir 2 ára rannsókn á eit-
urlyfiahring sem flutti eiturlyf frá
Marokkó til Evrópu. Á síðastliðn-
um tveimur árum hefur lögreglan
komist yfir meira en 54 tonn af
hassi. Spænska lögreglan segir
eiturlyfiasamtökin nú endanlega
upprætt. Fyrr í þessum mánuði
fann spænska lögreglan 15 tonn af
kókaíni í aðgerð sem yfirvöld
sögðu stærsta eiturlyfiatöku í
Evrópu frá upphafi.
Flugvél hrapar
í Kólumbíu
Talið er nær öruggt að 5
bandarískir hermenn og 2
Kólumbíumenn hafi látið lifið í
gær þegar bandarísk flugvél
hrapaði í S-Kólumbíu. Vélin var í
leiðangri tengdum herferð
Bandaríkjanna gegn eitur-
lyfiaútflutningi Kólumbíu.
Bandaríkjamennirnir komu með
240 manna hóp til Kólumbíu í
þeim tiigangi að vinna gegn
framleiðslu eiturlyfia.