Dagblaðið Vísir - DV - 09.08.1999, Blaðsíða 3

MÁNUDAGUR 9. ÁGÚST 1999
21
I>V
Sport
Penny fer til Phoenix
Penny Hardaway, fyrrum leikmaður Orlando Magic í NBA-
deildinni, hefur gert samning við Phoenix Suns og er þar með
þriðja stórstjarna Orlando Magic sem fer frá liðinu á einni viku
en Horace Grant er farinn til Seattle og Nick Anderson til
Sacramento. Mörg lið voru á eftir Penny, svo sem Los Angeles
Lakers, en Hardaway valdi að semja við Suns.
Hardaway vildi ekki spila lengur stöðu leikstjórnanda, líkt og
hjá Orlando, og sú ósk hans rætist í eyðimörkinni hjá Phoenix
þar sem fyrir er Jason Kidd, einn besti leikstjómandi NBA og
sá sem átti flestar stoðsendingar á síðasta ári. Líklegt
byrjunarlið Suns er: Jason Kidd, Penny Hardaway, Cliff
Robinson, Tom Gugliotta og miðherjinn Luc Longley. -ÓÓJ
Bestu tlmar á Bretlandi
Bandarísku spretthlaupararnir Marion Jones, til hægri
og Maurice Green, náðu bæði tveimur fljótustu tímunum
sem náðst hafa í 100 metra hlaupi á Bretlandi.
Skötuhjúin náðu þessum tímum á breska stigamóti Al-
þjóða frjálsíþróttasambandsins sem fram fór í London á
laugardag. Maurice Green hljóp á 9,97 sekúndum, sá fyrsti
til að hlaupa undir 10 sekúndum á breskri grund. Bruny
Surin varð í öðru sæti á 10,02 og þriðji varð Bretinn Dwa-
in Chambers. Ólympíumeistarinn, Donovan Bailey, varð _____________
að sætta sig við síðasta sætið. Marion Jones hljóp 100 metranna á 10,80 sekúndum hjá kon-
unum og varð fyrsta konan til að hlaupa undir 11 sekúndum í Bretlandi. -ÓÓJ
Kristín Elsa Erlendsdóttir, einn efnilegsti kylfingur landsins:
Lifir fýrir golf
Hvað finnst þér?
Hvers vegna telur þú að
áhugi á golfi hafi aukist
svona mikið meðal al-
mennings?
(Spurt á Landsmótinu í golfi.)
Gisli Einarsson alþingismaður:
Vegna þess að það hefur verið
gert mikið af því að bæta um-
hverfi golfvallanna og ímynd
golfsins sem almenningsíþróttar
og það er fleirum og fleirum
ljóst að golflð er almennings-
íþrótt sem hægt er að byrja í á
hvaða aldri sem er.
Einar Gíslason, lagerstjóri
og Alda Björk Einarsdóttir:
Vegna jákvæðari fréttaum-
fjöllunar og svo er þetta frábær
útivera.
Hrafnhildur Þórarinsdóttir
verslunarmadur:
Fyrst og fremst útivera og
góður félagsskapur.
Hafdís Ævarsdóttir:
Vegna þess að golflþróttin
hefur verið kynnt mikið
undanfarin ár og almenningur
komist að því hvað þetta er
góð hreyfmg í góðum
félagsskap.
Sigurður Röngvaldsson sölu-
maður:
Þetta er góð útivera og sýnt
meira í sjónvarpinu. Golf er frá-
bær íþrótt þegar menn fara að
kynnast þessu.
Kristín Elsa Erlendsdóttir skaust
upp á stjömuhimininn á Landsmót-
inu í golfí um helgina. Kristín, sem
er rétt nýorðin 17 ára, hafnaði í
þriðja sæti á mótinu sem telst mjög
góður árangur. Hún hefur búið
ásamt fjölskyldu sinni í Danmörku
og stundað golfið þar af fullum
krafti en hún var aðeins 11 ára
þegar hún byrjaði.
Hvernig líkaði þér í Danmörku?
„Mér líkaði mjög vel enda er ég
að flytja þangað aftur eftir átta
daga, ég er að fara í golfskóla. Þetta
er svona verslunarskóli, bara eins
og héma heima þannig að ég verð
síðan stúdent. Það tekur bara þrjú
ár og ég bý á golfvellinum í golfhúsi
og ég verð keyrð og sótt í skólann og
fer svo út á golfvöll alla daga.“
Hvernig lýst þér á að vera aó fara
út?
„Bara mjög vel, ég hlakka rosa-
lega til. Besta vinkona mín sem er í
danska landsliðinu er jafngömul
mér og við ætlum að búa saman í
húsi. Þetta verður kannski erfitt
fyrst, en þetta er það sem ég vil, ég
stefni á golfið.
Finnst þér undirbúningurinn sem
þú fékkst úti vera aó bera árangur?
„Ég fékk alveg heilmikið út úr
því að vera úti, þar var ég i hörku-
keppni hverja einustu helgi og það
telur náttúrulega, þannig að maður
bætir sig.“
Vellir og veður betri
Myndir þú segja aó aóstœóurnar
til golfiókunar séu betri úti en hér?
„Já, mun betri. Þú getur spilað
miklu meira og vellimir era betri
og veðrið betra. Þú þarft ekki að
spila þrjá mánuði á ári eða fjóra
eins og héma heldur getur þú spil-
að allt árið.“
Æfirðu eitthvaó annaö en golf?
„Já, ég hef verið aðeins að lyfta
og hlaupa, halda mér aðeins í formi.
Ég var í handbolta en ég hætti því.
Ég var hrædd við að meiðast."
Hvað fiinnst þér skemmtilegast við
golfiö?
„Bara, þetta er mikil keppnis-
íþrótt. Þú ert að berjast við sjálfan
þig og það er gaman að vinna sjálf-
an sig þegar gengur vel og bæta sig
og sjá árangur eftir alla vinnuna
sem em margir klukkutímar á dag.
Þá er æðislegt að sjá árangurinn."
Hvernig skap hefurðu í íþróttina?
„Ég verð svolítið pirruð, get tekið
þetta svolítið inn á mig, en maður
verður bara að vera jákvæður, því
þetta er náttúrulega erfitt þegar
ekkert gengur. Einbeiting er mjög
mikilvæg, sérstaklega í svona stóru
móti eins og þessu. Þú verður að
læra að halda einbeitingu í fjóra
klukkutíma.“
Hversu mikilvœg er fiölsyldan þér?
„Alveg rosalega, hún hefur stutt
við bakið á mér síðan ég byrjaði í
þessu, keyrt mig allt og borgað nán-
ast allt fyrir mig sem þarf og er
búin að leggja mikið á sig þannig að
ég geti spilað golf.“
Enginn tími fyrir kærasta
Nú er pabbi þinn kylfusveinn fyr-
ir þig á þessu móti, hjálpar þaó þér?
„Já, ég finn það alveg að hann vill
mér svo vel og er alltaf svo jákvæð-
ur og hann er náttúrulega þarna
fyrir mig. Það er sama hvort ég slæ
lélegt högg, hann segir alltaf: „Þetta
var fínt.“ Mamma mín og systir
mín, Berglind, gengu með mér
seinni níu holurnar í dag og það var
líka rosalega gott.“
Áttu kœrasta?
„Nei, það er enginn tími fyrir svo-
leiðis, ég er alltaf á golfvellinum."
Hvaó meó framtíóina?
„Ég stefni á háskólanám í Banda-
ríkjunum með golfinu."
Áttu þér einhverja fyrirmynd í
golfinu, eöa bara í lífinu?
„Þegar ég byrjaði í golfinu þá var
Ólöf Maria alveg mín fyrirmynd og
svo horfi ég mikið upp til Ragnhild-
ar, hún er svo jákvæð persóna. Það
er svo gaman að horfa á hana og sjá
hvemig hún er. Lífið hjá henni er
bara svo skemmtilegt. Núna er ég
farin að keppa við þær og það er
bara gaman.“
Ertu nœsta stórstjarna okkar ís-
lendinga í golfinu?
„Ég veit það ekki, maður náttúru-
lega stefnir á að ná eins langt og
maður getur. Tíminn verður bara
að sýna það og sanna."
Hefur þú þér einhver önnur
áhugamál?
„Ég hugsa nú bara um golf.
Kannski bara að vera með vinum
mínum og fjölskyldu. Ég er náttúm-
lega rosalega mikil íþróttamann-
eskja og fylgist með öllum íþrótt-
um.“
Hvaö langar þig til þess aó verða?
„Ég ætla að læra viðskiptahag-
fræði í háskólanum, annars stefni
ég stíft á að verða atvinnumaður í
golfi.“
-ÍBE