Dagblaðið Vísir - DV - 28.08.1999, Blaðsíða 4

36
LAUGARDAGUR 28. ÁGÚST 1999
I
•i
Hér sést vel hversu langt hjólið er. Takið eftir framgafflinum og stýrinu sem að Gunnar smíðaði sjáifur.
„Mig langar í þríhjól"
.. þegar ég er orðinn stór!
Vélin, sem fengin er úr gömlu rúgbrauði, skilar sínu enda
þríhjólið mun léttara farartæki en það.
Svona segir í gömlum texta í lagi
með Sniglabandinu og Gunnar
Vagn Aðalsteinsson gæti einmitt
verið sá sem sungið er um. í fyrra
lét hann gamlan draum sinn um að
smíða þríhjól rætast á fertugasta og
þriðja aldursári. En er þetta bíll?
...eða er þetta hjól? ...eða er þetta
kannski fljúgandi furðuhlutur? Það
getur reynst erfitt að skilgreina það
nákvæmlega þar sem að upphaflega
var þetta bíll að mestu leyti. Sam-
kvæmt skilgreiningu löggjafans
væri þetta orðinn bíll ef að eigin
þyngd hans væri komin yfir 450 kíló
en þar sem að það nær því ekki er
það skilgreint sem mótorhjól á
þremur hjólum. Þríhjól þurfa síðan
að uppfylla skOyrði um lágmarks-
breidd, ljósabúnað og svo framveg-
is.
Farartæki Gunnars hóf aldur
sinn sem rúgbrauð, þ.e. að vélin og
hluti grindarinnar kemur úr slikum
bíl. Afgangurinn af grindinni var
svo smíðuð af Gunnari sjálfum. Vél-
in er 1600 rúmsentímetra og setti
Gunnar á hana stærri hedd. Hún er
svo með svokallaðri hálfsjálfskipt-
ingu sem er gírstöng án kúplingar.
Skelina fékk hann frá Bandaríkjun-
um og lét sprauta hana héma heima
með góðri hjálp Bílanausts sem
einnig að-
stoðaði
hann með
ýmsa smá-
hluti í grip-
inn. Gunnar
er hagleiks-
maður og lét
það ekki
vefjast fyrir
sér að smíða
sjálfur fram-
gaffalinn
sem er af
„Springer"
gerð, hann
er tvöfaldur
og neðst á
honum er
liður sem gengur til þannig að aftari
hluti hans gengur niður á meðan
fremri hluti hans gengur upp og
fjaðrar þar á nokkrum öflugum
gormum.
Ýmislegt úr hjólinu er svo fengið
úr mótorhjólum eins og til dæmis
framdekk og bremsur sem eru úr
Kawasaki. Bremsudælan að framan
og handfóngin sjálf koma svo úr
Harley Davidson en afturbremsu-
dælan er úr Willys. Hjólið er svo á
stórum 255x65x15 dekkjum að aftan
enda fmnst það mjög vel þegar hjól-
inu er ekið að það fjaðrar allt mjög
mjúklega. Reyndar hjálpar þar til að
hjólið er nokkuð langt og passað
upp á að hafa ferilinn á framhjólinu
langan líka þannig að það hvili eins
mikill þungi á því eins og hægt er.
Fyrir vikið er það léttara í akstri og
leitast síður við að rétta sig af í
beygju eins og styttri hjól myndi
gera.
Gunnar ætlar ekki að láta hér við
sitja og er að smíða á hjólið farang-
urskistu og er að koma fyrir hljóm-
flutningstækjum. Á dagskránni er
svo jafnvel smíði á öðru þríhjóli
með 6-8 strokka vél og þá fram í og
verður það verðugt verkefni að fást
við.
-NG
Opel:
Zafira
gengur vel
100.000 pantanir komnar
Nýi fjölnotabíllinn frá Opel,
Zafira, hefur fengið betri viðtökur
en nokkur hjá Opel-verksmiðjun-
um gat látið sig dreyma um.
Aðeins fáeinum mánuðum eftir
að salan hófst í Evrópu hafa verk-
smiðjumar fengið meira en eitt
hundrað þúsund pantanir á bíln-
um.
Það eru best búnu gerðirnar
sem njóta mestrar hylli, meira en
tveir þriðju nýrra kaupenda velja
CD-gerðina og hvað vélar áhrærir
er það 1,8 lítra ECOTEC 16 ventla
vélin sem er vinsælust. Nýja spar-
neytna 2,0 lítra dísilvélin, 2,0 DI,
16V, sem er 82 hestöfl, er einnig
vinsæl á sumum mörkuðum.
Zafira er smíðaður í Bochum í
Þýskalandi en þar hafa verksmiðj-
umar vart undan, unnið er á há-
marksafköstum og 900 Zafírar
rúlla þar út á degi hverjum. Heild-
arsalan á þessu ári er ætluð
125.000 bílar og i Bochum reikna
menn með að ná 200.000 bílum á
næsta ári.
Hvað öryggið áhrærir bætast
nýju virku höfuðpúðamir við frá
og með septembermánuði og í
aukabúnaðarlista hafa bæst við
hæðarstillanleg sportsæti og tvö-
föld hallanleg sóllúga.
Hingað á næstunni
Hjá Bílheimum, umboðsaðila
Opel á íslandi, er reiknað með
Zafira á næstunni, sennilega eftir
sex til átta vikur. Það verður
spennandi að sjá hvort bíllinn
nær sömu vinsældum hér á landi
og hjá nágrönnum okkar en
reikna má með því að minni vél
og búnaður eigi frekar upp á pall-
borðið hér vegna tolla. -JR

>
Hrukk ukrem...
fyrir bílinn þinn
með réttum lit!
• Litað bón sem fyllir í smáar rispur og
skemmdir í lakkinu
• Hreinsar og verndar
• Gefur frábæran gljáa
• Auðvelt í notkun
turtle wax