Dagblaðið Vísir - DV - 31.08.1999, Blaðsíða 2

m m
18
in ■n■n■m p ■ ■ 11 ■ H ■
Ungur íslendingur í sumarstarfi hjá Microsoft:
Boðið í grillveislu
heim til Bill Gates
- ekki ólíklegt aö framtíöarstarfið veröi hjá fyrirtækinu
ÞRIÐJUDAGUR 31. ÁGÚST 1999
Það er ekki á hverjum degi sem íslendingur fær tækifæri til að heilsa upp á
ríkasta mann í heimi, en það henti Gunnar Ragnar Einarsson, þegar honum
var boðið í grillveislu heim til sjálfs Bill Gates, forstjóra Microsoft.
Það vita það all-
ir sem fylgjast
eitthvað með
tölvuheiminum
að stærsta fyrir-
tækið í bransan-
um er Microsoft.
Fyrirtækið ber höfuð og herðar yfir
keppinauta sína og er markaðsstaða
fyrirtækisins slík að mörgum þykir
nóg um yfirburðina.
Tvítugur íslendingur, Gunnar
Ragnar Einarsson, hefur náð svo
langt í námi sínu að honum var boð-
ið í sumar að starfa við rannsóknar-
deild innan fyrirtækisins. Ekki var
nóg með það, heldur var honum
einnig boðið heim til sjálfs Bill
Gates, forstjóra Microsoft, sem fyrir
löngu er orðin goðsögn í lifanda lífi,
enda orðinn langríkasti maður í
heimi í dag.
DV-Heimur varð að sjálfsögðu
forvitinn þegar fréttist af veru
Gunnars hjá Microsoft og ákvað að
hafa samband við piltinn og biðja
hann um að segja aðeins frá sjálfum
sér og störfum sínum. í ljós kom að
Gunnar er Reykvíkingur en hann
flutti með foreldrum sínum til Kali-
fomíu fyrir nokkrum árum þegar
þau fóru í framhaldsnám. Þegar
Gunnar var 16 ára fluttu þau aftur
til íslands en Gunnar fór síðan aftur
út til Bandaríkjanna í frekara nám.
Hann hefur síðustu árin stundað
BS-nám við UCLA-háskóla í Kali-
fomíu og er þar á þriðja ári.
Sex erfið viðtöl
Það var einn kennara Gunnars
sem benti öðrum fyrrverandi kenn-
ara hans, sem þá var orðinn starfs-
maður í Microsoft Research (MSR),
á Gunnar. MSR er sá hluti
Microsoft er sér um nýjungar og
framtíðarrannsóknir tölvurisans.
„Microsoft borgaði ferð fyrir mig til
höfuðstöðvanna í Redmond, Was-
hington og ég gekk í gegnum sex
nokkuð erfið viðtöl en var ráðinn
áöur en síðasta viðtalið var búið. Ég
byrjaði síðan vinnu við MSR í lok
júni í sumar og hætti nú í byrjun
september," segir Gunnar.
Gunnar segist í raun ekki mega
svara spurningum um það hvað
hann hafi verið að vinna við hjá
MSR. „Það er að vissu leyti mikil
leynd í kring um starfsemina hér og
það era til dæmis engir opnanlegir
gluggar í Microsoft Research," segir
Gunnar og bætir við að það þurfi
meira að segja lykilkort til að kom-
ast inn í matsalinn.
„En í grófum dráttum hef ég ver-
ið að bæði undirbúa nýjung í
Usenet-kerfinu (UseNetið er hægt að
skoða hjá http://www.deja.com)
sem er 20 ára gamalt kerfi sem lík-
ist tölvupósti en er keyrt á fleiri en
300.000 NNTP-þjónum víða um
heim. Þannig er þetta eiginlega mitt
á milli tölvupósts og irksins þar
sem hverju bréfi er dreift á alla
þjónana. Við munum mjög fljótlega
setja fram fyrstu síðurnar okkar á
http://netscan.rese-
arch.microsoft.com en eins og er
þá era þar bara eldri síður sem
segja ekki mikið,“ segir Gunnar.
Spjallað við Bill Gates
Eitt það skemmtilegasta sem
Gunnar lenti í í sumar var að hon-
um var boðið ásamt öðram stúd-
enta-starfsmönnum í Microsoft Re-
search í grillveislu heim til sjálfs
Bills Gates. Við báðum Gunnar um
að lýsa því nánar. „Hann á mjög
flott hús með 30 bíla bílskúr,
bryggju og nokkra hraðbáta bundna
þar og gullsandströnd sem hann
flutti inn frá Mexíkó. Inni í húsinu
er meðal annars lyfta úr gleri fyrir
framan vatnsfoss, risaflatskjáir með
veljanlegum málverkum, Casa-
blanca Bar og margt fleira sem má
nefna.“
En hvemig var svo að eiga orða-
stað við sjálfan Bill Gates? „Það var
mjög skemmtilegt að geta átt nokk-
ur orð við ríkasta mann í heimi.
Bill er faðir Microsoft og ég held að
allir sem ég hef talað við beri ofur-
mikla virðingu fyrir honum og
störfum hans fyrir fyrirtækið. Þeg-
ar ég spjallaði við hann ásamt öðr-
Gumat segist i raurt
ekkimegasvam
spurningum um það
hvað hann hafí verið
að vinna við hjá MSR.
„Það erað vissu leyti
mikil teynd í kringum
starfsemina hér og
það eru tii dæmis eng-
ir opnanlegir gluggar i
Micmsoft Research/*
um kom hann fram sem mjög ná-
kvæmur einstaklingur sem veit
næstum því allt sem gerist innan
fyrirtækisins. Mest var annars talað
um framtíð Microsoft og hvað hon-
um finnist vera braut tölvunnar á
næsta áratug."
Microsoft eins og ísland
Hvernig upplifun er það annars
fyrir íslending að vinna hjá risafyr-
irtæki eins og Microsoft sem veltir
hundraðföldum fjárlögum íslenska
ríkisins á ári hverju? „Ég verð að
játa að það er nokkuð öðruvísi að
vinna hjá Microsoft en til dæmis
skólann eða minna fyrirtæki vegna
þess hve auðvelt það er að biðja um
aukna fjárveitingu, segir Gunnar.
„Héma í okkar þriggja manna deild
í Microsoft vantaði okkur öfluga
tölvu og einum mánuði seinna feng-
um við þriggja milljóna króna
Compaq Proliant-tölvu án nokkurra
vandræða. Þetta er náttúralega
mjög lítill hluti af heildarmynd fyr-
irtækisins en þessu hef ég ekki
kynnst annars staðar. Þeir era mjög
ákafir hérna um að maður klári
verkefnin sin, næstum því hvað
sem það kostar.
Mér fmnst að sem íslendingur sé
ég meira undir það búinn að vera
hluti af 20 þúsund manna fyrirtæki
þar sem hver starfsmaður er þó til-
tölulega stór hluti af heildarmynd-
inni vegna þess að þannig er ís-
lenskt samfélag líka.“
Framtíðin óráðin
En hver eru framtíðaráform
Gunnars að loknu námi? „Þetta er
góð spurning sem ég spyr sjálfan
mig að á hverjum degi. Ég veit ekki
svarið við henni vegna þess að í
þessum hraða tölvuheimi verður
maður að stökkva á hvert einasta
tækifæri sem manni gefst. Það verð-
ur erfitt að neita starfi hjá Microsoft
ef þeir biðja mig um að koma hing-
að strax eftir nám. Yfirmennirnir
eru búnir að segja við mig að ef ég
væri búinn núna um jólin myndu
þeir gera mér tilboð nú þegar. Það
er athyglisverð statistík að 80%
þeirra sem vinna héma um sumar
meðan þeir era í skóla er boðið til
baka strax eftir nám. En mig langar
mikið að auka þekkingu mína og
rannsóknarhæfileika með því að
fara í Masters- eða Doktorsnám,
sem ég held að sé mjög gefandi og
spennandi á tölvusviði, þar sem
stanslausar nýjungar gera það að
verkum að það er nær ótakmarkað
rannsóknarsvið," segir Gunnar að
lokum.
-KJA
BgBBaMaagJilMB—WIBBaKB——M—.
Tölvu- og verkfræðiþjónustan:
Tekur að sér Tölvuskóla EJS
Olgeir Kristjánsson, forstjóri EJS, segir tölvufræðslu vera best borgið í
höndunum á þeim sem hafa skólastarfsemi að lifibrauði.
Mikið er um nýj-
ungar í starf-
semi Tölvu- og
verkfræðiþjón-
ustunnar nú
þegar haust- og
vetrarmisseri tölvuskólans er að
fara af stað. Má þar nefna að Einar
J. Skúlason hf. hefur samið við
Tölvu- og verkfræðiþjónustuna um
að taka að sér tölvuskólann sem fyr-
irtækiö hefur starfrækt um margra
ára skeið. Þá hafa Tölvu- og verk-
fræðiþjónustan og Efling, eitt
stærsta verkalýðsfélag landsins,
gert með sér samning sem veitir 14
þúsund félagsmönnum Eflingar af-
slátt af öllum námskeiðum Tölvu-
og verkfræðiþjónustunnar. Meðal
nýrra námskeiða er ítarlegt kerfis-
fræðinám en Tölvu- og verkfræði-
þjónustan hefur notið aðstoðar Ráð-
garðs við skilgreiningu á innihaldi
kerfisfræðinámsins.
Tölvu- og verkfræðiþjónustan tek-
ur fyrst og fremst við sérfræðinám-
skeiðunum af Tölvuskóla EJS. Sam-
starf verður við breska tölvuskól-
ann Pygmalion Group sem mun
Samstarf verður við
breska tölvuskólann
Pygmalion Group sem
mun senda sérmennt-
aða kennara sína til
landsins. Námskeiðin
eru ætluð fagfólki í
tölvugeiranum og hafa
hlotið viðurkenningu
víða um heim.
senda sérmenntaða kennara sína til
landsins. Námskeiðin fara fram á
ensku og era hönnuð af Microsoft
Education Service. Þau eru ætluð
fagfólki í tölvugeiranum og hafa
hlotið viðurkenningu víða um
heim. Olgeir Kristjánsson, forstjóri
EJS, segir fyrirtækið hafa komist að
þeirri niðurstöðu að þessari fræðslu
verði best borgið í höndunum á
þeim sem hafa skólastarfsemi að
lifibrauði. „Tölvu- og verkfræði-
þjónustan hefur áratugareynslu í
fræðslumálum og mun örugglega
sinna þessu verkefni af kostgæfni,"
segir Olgeir.
Halldór Kristjánsson, fram-
kvæmdastjóri Tölvu- og verkfræði-
þjónustunnar, segir þessi sérfræði-
námskeið falla vel að starfsemi fyr-
irtækisins. „Við höfum verið að
sinna þessum markaði og samning-
urinn við EJS er enn einn þátturinn
í að styrkja starfsemi okkar og auka
þjónustuna," segir Haildór.
Viðurkennd prófmiðstöð
Fyrir ári varð fyrirtækið fyrst
tölvuskóla á Norðurlöndum til að fá
viðurkenningu Microsoft til þess að
prófa og gefa út sérfræðigráður
(MOUSE) fyrir notendur Microsoft
Office-hugbúnaðar. Nú hefur Tölvu-
og verkfræðiþjónustan hlotið aðra
staðfestingu sem viðurkennd próf-
miðstöð með samningi við Skýrslu-
tæknifélag íslands. Um er að ræða
svokallað Tölvuökuskírteini,
skammstafað TÖK, sem Skýrslu-
tæknifélagið gefur út að evrópskri
fyrirmynd.
Aðrar upplýsingar um starfsemi
og þjónustu Tölvu- og verkfræði-
þjónustunnar má nálgast á endur-
bættri vefsíðu fyrirtækisins á slóð-
inni www.tv.is