Dagblaðið Vísir - DV - 01.09.1999, Blaðsíða 11

MIÐVIKUDAGUR 1. SEPTEMBER 1999
11
x>v____________________________________________________________________________________Fréttir
Sala á árskortum leikhúsanna aö heQast:
Slegist
um sölu á árskortum
- innkoma Iðnó hefur hleypt lífi í baráttuna
Nú fara að hefjast sýningar hjá
stærstu leikhúsum landsins og
margir eflaust farnir að huga að
því hvað verði á boðstólum í vetur.
Að vanda stendur leikhúsunnend-
um til boða að kaupa ársmiða og
vanda þarf valið þvi fjölbreytnin
hefur sjaldan verið meiri. Leikfé-
lag Reykjavíkur hefur nú farið af
stað með mikla auglýsingaherferð,
Iðnó býður nú áskriftarkort á öðru
starfsári sinu eftir endurnýjun og
Þjóðleikhúsið kynnir dagskrá vetr-
arins um mánaðamótin.
Ferskleiki Iðnó hefur komið
sér vel
Að sögn Jóhannesar Skúlasonar,
markaðs- og kynningarstjóra Leik-
félags Reykjavíkur, hefjast sýning-
ar þar 15. september, en fyrsta
frumsýning verður 24. september.
„Við seldum á síðasta leikári 98.287
miða sem var aukning um 40.000
frá árinu áður. Á þessum 10 árum
í nýja húsnæðinu höfum við selt
nálægt 650.000 miða. Ég er bjart-
sýnn fyrir leikárið og tel þessa
fersku viðbót sem Iðnó hefur verið
Jóhannes Skúlason.
hafa gert okkur gott því öll jákvæð
umfjöllun um leikhúsin skilar sér í
betri aðsókn," segir Jóhannes.
Salan fram úr björtustu
vonum
„Við fengum um 40.000 leikhús-
gesti á síðasta leikári sem verður
Karl Pétur Jónsson.
að teljast mjög gott. í síðustu viku
riðum við svo á vaðið með nýja
tegund af kortum sem bjóða upp á
að leikhúsgestir velji sjálfir sýn-
ingarnar á kortinu. Öllum korthöf-
um Visa var boðið kortið á 7500 kr.
og hefur salan farið fram úr björt-
ustu vonum. Fyrstu 200 kortin
seldust upp á innan við klukku-
tíma en ekki
liggja fyrir tölur
um heildarsölu
til þessa,“ segir
Karl Pétur Jóns-
son hjá Leikfélagi
íslands í Iðnó.
Við þurfum
engu að kvíða
„Dagskrá leik-
ársins verður
kynnt 1. septem-
ber eins og verið
hefur undanfarin
ár,“ segir Guðrún
Bachmann,
markaðs- og
kynningarfulltrúi
hjá Þjóðleikhúsinu. „Áskriftarsal-
an hefst 3. september og um leið
endurnýjun áskriftarkorta liðins
leikárs. Áskriftarsalan hefur í
gegnum tíðina verið traustur
grunnur undir leikárið og býst ég
við að svo verði áfram. í fyrra
fengum við um 90.000 gesti. Það
hafa í mörg ár verið breyttar
markaðsaðstæður hér og það er
Þjóðleikhúsið er einnig í siagnum.
ekki meiri uggur í okkur nú held-
ur en áður, en i ár höldum við upp
á 50 ára afmæli Þjóðleikhússins.
Það bíða eflaust margir eftir því að
sjá hvað er í boði í leikhúsunum
en þetta snýst allt um hvað maður
fær við að kaupa kort þannig að
við þurfum engu að kviða.“
-hdm
Geysigóð kartöflu-
uppskera í Eyjafirði
DV, Akureyri:
„Þrátt fyrir að allt hafi verið með
seinni skipunum í vor og menn hafi
margir verið að setja niður 2-3 vikum
siðar en oftast er litur mjög vel út með
kartöfluuppskeru hér í Eyjafirði,“ seg-
ir Ólafur Vagnsson, ráðunautur hjá
Búnaðarsambandi Eyjafjarðar, um
væntanlega kartöfluuppskera bænda
þar um slóðir nú í haust.
Ólafur segir að nú þegar sé kom-
in ágætisuppskera og ef menn geti
dregið í 2-3 vikur að taka upp og
tíðarfar verði hagstætt séu horfur á
að uppskeran verði með því albesta
sem gerist og verði allt að fimmtán-
fóld. „Það er ekki nóg með að upþ-
skeran verði mjög góð að magninu
til, heldur bendir allt til þess að
kartöflurnar sem fást verði mjög
góðar. Þær verða þurrefnisríkar og
það helst oft í hendur góð uppskera
og góðar afurðir,“ segir Ólafur.
„Verðið sem bændur fá ætti
einnig að geta orðið gott en það er
heildaruppskerumagn í landinu
sem ræður þar mestu. Það hefur oft
verið þannig þegar uppskera hefur
verið góð um allt land að menn hafa
farið að lækka verðið til að tryggja
sig betur á markaðnum. Því miður
eru horfurnar á Suðurlandi nú
þannig að þar geta menn lent í mikl-
um vandræðum vegna sjúkdóma
sem upp hafa komið en það er þó
ekki endanlega útséð hvemig þau
mál fara. Ef þar fer illa mun sann-
ast enn einu sinni að í þessu sem
öðru er máltækið „Eins dauði er
annars brauð“ í fullu gildi,“ segir
Ólafur Vagnsson. -gk
Þurrkar valda
DV, Hólmavík:
Litlu munaði að stjórtjón yrði á
dælubúnaði Vatnsveitu Hólmavíkur
á dögunum þegar vatn hætti að
streyma í inntaksmannvirkin, ekki
síst vegna langvarandi þurrviðris
og svo vegna þess að Ósáin, þar sem
vatnið er tekið, hefur breytt nokkuð
rennsli sínu síðustu árin og ijar-
lægst inntaksmannvirkin. Skjótt
var bmgðist við og rennsli vatnsins
breytt í fyrra horf. Rækjuvinnsla
stöðvaðist og í mikið óefni stefndi
en það tókst að forðast tjón að þessu
sinni. Nú fer senn í hönd sauðfjár-
slátrun með mikilli vatnsnotkun í
viðbót við rækjuvinnslu og almenna
heimilisnotkun. Menn vonast til að
haustrigningar verði þá hafnar fyr-
ir alvöru enda nánast einstakt ef
ekk ifæri að rigna að ráði mjög fljót-
lega. Að sögn Þórs Arnar Jónsson-
ar, sveitarstjóra á Hólmavik, er
mikilvægt að þess háttar búnaði
verði komið upp hið fyrsta og að á
skrifstofu sveitarfélagsins megi sjá
hvernig vatnsbúskapurinn stendur
svo hjá miklu tjóni verði komist.
Ekki aðeins á Hólmavik standa
vatnsmálin illa og ólíkt því sem fólk
á að venjast. Á sumum sveitaheim-
ilum hafa menn orðið að minnka
alla vatnsnotkun og nota ekki
tjóni
þvottavélar á með-
an þetta ástand
varir. Þá hafa tún
bmnnið eftir fyrri
slátt vegna
þurrkanna og sjást
nú stórar gular
skellur einnig þar
sem borið hafði
verið á fyrir
seinni slátt.
Einnig hafa kart-
öflur vaxið illa og
stórsér á kart-
öflugrösum af
sömu ástæðu.
-GF
Foss skammt frá
bænum Miðhúsum
í Broddanes-
hreppi. Fossinn er
alla jafnan vatns-
mikill þegar líða
tekur á sumar en
seytlar nú fast við
bergið eins og
flesta daga ágúst-
mánuðar. DV-
mynd Guðfinnur
Kristján R. Einarsson á Flateyri bregður á leik með öðrum refnum sínum.
DV-mynd GS
Er meö refi
sem gæludýr
DV, Flateyri:
„Ég náði þessum tófuyrðlingum
héma inni á ströndinni við bæinn
Hvilft þar sem mér tókst að hlaupa
þá uppi. Ég hef verið að reyna að
venja þá en hef haft alltof litinn
tíma til að sinna þeim að undan-
fómu. Það er með þessi dýr eins og
önnur gæludýr að það þarf að hugsa
um þau, gefa þeim að borða og
passa upp á að þeim líði vel. Þeir
borða allt sem þeim er gefið, bæði
hundamat og matarafganga sem
falla til á heimilinu. Meiningin er
svo að merkja þá og sleppa þeim
lausum,“ segir Kristján R. Einars-
son, íbúi á Flateyri, en Kristján hef-
ur í búri í garðinum sínum tvo refi
sem hann sinnir og er óhætt að
segja að um óvenjuleg gæludýr sé
að ræða. Kristján hefur smiðað inn
í búrið burstabæ fyrir þá að hvílast
í milli þess sem þeir spóka sig um
utandyra. Hann segir refina hafa
stækkað um fullan helming á þeim
mánuði sem hann hefur haft þá hjá
sér. Kristján hefur nokkuð lagt
stund á veiðar á mink og tófu á und-
anfomum árum.
„Ég náði 17 dýrum í fyrravetur
hér í firðinum. Áf sporum þessara
dýra í snjónum að ráða hefur þeim
fjölgaö nokkuð á undanförnum
áram ég veit ekki ástæðuna fyrir
því en hef heyrt þá skýringu að
stofninn sé orðin svo blandaður
búrdýrum sem séu mikið frjósamari
og því komist fleiri yrðlingar á legg
en áður var,“ sagði Kristján. -GS