Dagblaðið Vísir - DV - 06.09.1999, Blaðsíða 2

2
MÁNUDAGUR 6. SEPTEMBER 1999
Fréttir
Stuttar fréttir i>v
Landbúnaöarráöherra vill veita almannafé til hestamiðstöövar í Skagafirði:
150 milljóna styrkur
- hneyksli, segja steini lostnir hestamenn utan Skagafjaröar
Innan hrossaræktar og hesta-
mennsku eru menn steini lostnir
yfir þeirri fyrirætlan Guðna Ágústs-
sonar landbúnaðarráðherra að gera
Skagafjörð að miðstöð íslenska
hestsins og kosta til þess 30 milljón-
um króna af almannafé árlega í
fimm ár, samtals 150 milljónum
króna. Undirbúningur málsins hef-
ur staðið yfir um nokkurt skeið og
farið mjög leynt þar til landbúnað-
arráðherra tillkynnti um þetta á
töðugjaldahátíð skagfirskra hesta-
manna þann 28. ágúst sl. Mjög mik-
il reiði er meðal atvinnumanna í
hrossabúskap og hestamennsku
vegna málsins. Sunnlenskir hrossa-
bændur, sem DV ræddi við í gær,
segjast vart trúa því að landbúnað-
arráðherra ætli i alvöru að ausa rík-
isstyrkjum í fyrirtæki, stofnanir og
einstaklinga í einum landshluta og
þannig kippa grundvelli undan
rekstri annarra í sömu greinum
sem njóta ekki þeirrar náðar að búa
í Skagafirði. Verði þetta gert sé það
hneyksli.
„Það kom inn á borð til okkar í
stjórninni þann 4. september bréf
með beiöni um samstöðu með þessu
verkefni. Viö höfum hins vegar
enga vinnupunkta séð um þetta
mál,“ sagði Jón Albert Sigurbjörns-
son, formaður Landssambands
hestamanna, í samtali við DV í gær-
kvöldi.
Byggðaátak
Það hefur ekkert annað komið
fram en að þetta sé einhvers konar
byggðaátak. Ég fagna því vissulega
að stjórnvöld sýni hestamennsk-
unni áhuga og vilji leggja henni lið.
En ef þau vilja gera vel við greinina
í heild þá hljóta þau að byrja á því
að kalla til hagsmunaaðila og sam-
tök innan hennar til skrafs og ráða-
gerða um það hvernig nota eigi fjár-
munina í þágu greinarinnar í heild.
Ef nota á einhverja aðra aðferða-
fræði verða menn að klára málið
sjálfir," sagði Jón Albert Sigur-
björnsson við DV.
DV hefur fengið í hendur grein-
argerð sem Vilhjálmur Egilsson al-
þingismaður hefur sett saman fyrir
landbúnaðarráðherra um málið.
Greinargerðin, sem dagsett er 3.
ágúst sl., heitir Miðstöð íslenska
hestsins. Undirtitill hennar er:
Átak til að efla fagmennsku í
son landbún-
aðarráðherra.
hrossarækt, hesta-
mennsku, hestaí-
þróttum og hesta-
tengdri ferðaþjón-
Sl ustu. Skemmst er
frá því að segja að
í greinargerðinni
er gert ráð fyrir að
sjálfseignarstofn-
_ . . / . . unin Miðstöð ís-
Guðni,AJLUJ3‘f' lenska hestsins
hafi með höndum
flest þau verkefni
sem þegar eru í gangi á vegum fé-
laga og samtaka hestamanna og
hrossabænda. Meðal þeirra eru at-
riði eins og að halda úti vefsíðum
og spjallrásum um hesta og hesta-
mennsku á Netinu. Slík starfsemi
er þegar orðin talsvert fjölbreytt,
m.a. á vegum Landssambands
hestamanna. Þá er talað um sér-
stakt verkefni til að auka þekkingu
á kröfum og þörfum einstakra
markaða fyrir hross, haldið verði
úti sérstöku keppnisliði í fremstu
röð, eins konar landsliði hesta-
manna. Hvorttveggja er sem kunn-
ugt er þegar til. Enn er talað um að
gera sérstakt íslandskort fyrir
ferðamenn þar sem allt sem tengist
hestinum kemur fram. Slíkt kort er
þegar til.
Þrátt fyrir að fátt nýtt sé í þessum
áætlunum um Miðstöð íslenska
hestsins þá á engu að síður að leggja
til miðstöðvarinnar af almannafé
um 30 milljónir á ári sem fyrr segir.
Frá landbúnaðarráðuneytinu eiga
að koma 15 milljónir á ári og frá
menntamálaráðuneyti, samgöngu-
ráðuneyti og félagsmálaráðuneyti
fimm milljónir hverju um sig. En
ekki nóg með það: Gert er ráð fyrir
því að um 20 milljónir á ári komi
annars staðar frá, m.a. frá sveitarfé-
laginu Skagafirði. Þessi framlög eigi
síðan að vera við lýði í fimm ár.
Samtals mun því verkefnið kosta
250 milljónir króna.Starfsmenn eru
sagði eiga að vera þrír; fram-
kvæmdastjóri og tveir verkefna-
stjórar, allir með sérþekkingu, ým-
ist í rekstri eða hestatengdum fóg-
um. Launakostnaður þessaha
manna verður um 12 milljónir
króna árlega eða fjórar milljónir á
ári, sé upphæðinni skipt jafnt milli
starfsmannanna.
Ekki náðist i Guðna Ágústsson
landbúnaðarráðherra vegna þessa
máls í gærkvöldi. -SÁ
Hópslagsmál:
Táragas
nauðsyn
- segir varðstjóri
Lögreglan í Reykjavík var kölluð
á laugardagskvöldið á veitingastað-
inn Sport-Kaffi, sem er við Þing-
holtsstræti, til að stöðva slagsmál.
Einn maður veittist að dyraverði og
þegar tveir félagar hans reyndu að
skakka leikinn réðst hann einnig á
þá. Dyraverðir kölluðu til lögreglu
af ótta við mennina en þegar lög-
reglumenn komu á staðinn neituðu
mennirnir að koma með þeim. Urðu
stympingar milli lögreglumann-
anna og þeirra sem hún ætlaði að
handtaka og lauk með því að lög-
reglan sprautaði svokölluðum
Maze-úða á mennina til þess að róa
þá. Eitthvað af úðanum fór á aðra
gesti staðarins og fóru þrír á slysa-
deild til þess að láta skola úr augun-
um á sér. Mikil óánægja var hjá
mörgum gestum um vinnubrögð
lögreglu vegna málsins.
„Það voru ólæti og þrír voru
handteknir. Það voru hópslagsmál
og það segir sig sjálft að þegar
táragasúða er beitt á hóp getur
eitthvað farið á aðra gesti staðar-
ins. Það var mat lögreglumann-
anna á staðnum að þetta væri
nauðsynlegt," segir Jónína Sigurð-
ardðttir, varðstjóri hjá lögreglunni
í Reykjavík. Jónina bætti við að
enginn hefði haft samband við lög-
reglu eftir að þetta gerðist og gert
athugasemd við starfshætti lög- Baðhús Lindu Pétursdóttur opnaði nýja og bætta aðstöðu í gær. Breytingarnar eru mjög umfangsmiklar en
reglu. -EIS nauðsynlegar því sífellt fleiri kjósa að stunda Baðhúsið. DV-mynd S
Þrennt bjargaðist í bruna:
DV, Akranesi:
Allt tiltækt slökkvilið og lögreglu-
lið var kallað út að fjölbýlishúsinu
að Garðabraut 45 á Akranesi á tólfta
tímanum í gær vegna mikils bruna
í íbúð á 3. hæð hússins. Einstæðri
móður og tveimur bömum hafði
tekist að komast út úr íbúðinni sem
er ónýt af eldi og sóti og tölvuverð-
ar skemmdir urðu í húsinu vegna
Frá Slökkkvstarfi á þriðju hæð að Garðabraut 45.
sóts en að minnsta kosti 2-3 spreng-
ingar urðu í íbúðinni.
Ekki er vitað um orsök branans
en samkvæmt heimildum DV er
jafnvel haldið að kviknað hafi í sófa
og eldurinn breiðst út. Rýma þurfti
allt húsið vegna brunans en alls búa
hátt í 60 manns í 20 íbúðum í hús-
inu. -DVÓ
Lögreglumenn hætta
Lögreglumenn auglýstu eftir
störfum á al-
mennum vett-
vangi í Morgun-
blaðinu í gær.
Auglýsingin
vakti mikla at-
hygli og sögöu
talsmenn Félags
lögreglumanna
ástæðuna vera niðurskurð og léleg
kjör lögreglumanna. Böðvar Braga-
son lögreglustjóri sagði að spara
þurfi hátt í 30 milljónir í rekstri
embættisins á síðari hluta ársins,
um 2% af útgjöldum, en gerði ekki
sérstakar athugásemdir.
El Grillo lekur stíft
Komið hefur í ljós að olíulekinn
úr E1 Grillo, sem liggur á botni
sjávar rétt undan ströndum Seyð-
isíjarðar, er meiri en reiknað var
með. Flotgirðing sú sem sett var
upp til þess að varna útbreiðslu á
olíunni gegnir ekki hlutverki sínu
og er olía byrjuð að koma upp
utan hennar. Vísir.is greindi frá.
Flugvöllur lokaður
Samkvæmt nýjustu upplýsing-
um frá starfsmönnum Isafjarðar-
flugvallar verður völlurinn áfram
lokaöur í dag og á morgun. Verið
að setja nýtt slitlag á hann og átti
framkvæmdin að taka þrjá daga.
Flugvöllinn átti að opna aftur á
miðvikudag fyrir viku. Bylgjan
greindi frá.
Gott Kópavogssund
Á þriðja hundrað manns luku
Kópavogssundi
í gær. Aðsóknin
var mikil og
voru dæmi um
að biðraðir
mynduðust við
afgreiðsluna
inn í laugina.
Elsti þátttak-
andinn var 87 ára. Þetta var sjötta
árið í röð sem almenningi gafst
tækifæri á að spreyta sig á vega-
lengdum í Kópavogslaug.
Stoltið til Reykjavíkur
Búrhvalurinn sem fannst rekinn
við Sauðanesvita við Siglufjörð á
fostudag reyndist vera 16,7 m lang-
ur tarfur. Hann var gamall og með
ónýtar tennur. Þá er búið að skera
af honum stoltið sem fer beinustu
leið á Reðursafnið í Reykjavík.
Ók niður 3 konur
Ungur ökumaður brunaði upp á
gangstétt í Bankastrætinu er hann
taldi bíl sinn vera bremsulausan að-
faranótt sunnudags. Hann ók niður
3 konur sem meiddust ekki alvar-
lega. Ævintýrið endaði síðan á
Lækjartorgi þar sem bíllinn stöðv-
aðist með hjálp staurs.
Stakk í gegn
Maður stakk hníf í gegnum
vinstri höndina á sér í Neptúnusi
á Þórshöfn í gær. Að sögn lögregl-
unnar á Þórshöfn eru áverkarnir
ekki eins alvarlegir og þeir kunna
að hljóma. Hann var fluttur með
áætlunarvél til Reykjavíkur í
gær. Bylgjan greindi frá.
Nýrra leiða krafist
Kristinn Tómasson geðlæknir
segir í grein i
Læknablaðinu
að það þurfi að
finna nýjar leið-
ir til að lækna
áfengisvanda-
mál þar sem nú-
verandi aðferðir
virki ekki nógu
vel. Vísar hann þar í nýlega könn-
un þar sem virkni áfengismeðferða
var könnuð. Þórarinn Tyrfmgsson,
yfirmaður Vogs, gagnrýndi niður-
stöður könnunarinnar.
Vilja tækniháskóla
Á textavarpinu kemur það
fram að Samtök iðnaðarins hafa
lagt til við menntamálaráðuneyt-
ið að stofnaður verði tæknihá-
skóli atvinnulífsins með þeirra
þátttöku. Tillögur um stofnun
skólans hafa verið sendar
menntamálaráðherra.
DV-mynd Daníel