Dagblaðið Vísir - DV - 06.09.1999, Blaðsíða 12
12
MÁNUDAGUR 6. SEPTEMBER 1999
Spurningin
Lesendur
Eiga kettir að vera í bandi
eins og hundar?
Sindri Már Guðbjörnsson nemi:
Ef þeir eru óþekkir.
Chorda von Schalkwyk rithöf-
undur: Nei.
Anna Lilja Henrysdóttir nemi:
Mér er alveg sama.
Arna Hilmarsdóttir nemi: Nei,
þeir eiga að fá að vera lausir.
Agla Gauja Björnsdóttir nemi: Já,
þetta er alltaf að sniglast inn um
gluggana hjá fólki.
Berglind Sölvadóttir nemi: Nei,
nei.
Kaþólsk stormsókn
Torfi Jónsson skrifar:
í svartnætti hinna myrku mið-
alda urðu stærstu breytingar á trú-
arlifi Islendinga á þessu árþúsundi
eða allt frá því að Kristni var lög-
tekin á íslandi. Á miðöldum köst-
uðu landsmenn hinni kaþólsku trú
á glæ og tóku upp trú hinnar evang-
elísku-lúthersku kirkju. í formála
bókar sem Halldór Laxness skrifar
um veru sína í Clerveux-klaustrinu
í Lúxembúrg segir Halldór frá því
hvers vegna hann hafi ákveðið að
ganga í klaustur. Hann skýrði það
einhvern veginn þannig að hann
væri forvitinn að vita hvers vegna
íslendingar hefðu kastað þessari trú
með öllu tilheyrandi, þ.e. með því
að hálshöggva fólk og eyðileggja
muni sem höfðu staðið í kirkjum
landsins.
Líkneski af dýrlingum þóttu ekki
samræmast trú Lúthers og voru því
eyðilögð. Síðar meir var einfaldlega
ákveðið að banna aðra trú en þá
lúthersku. En íslendingar áttuðu sig
svo, að einhverju leyti a.m.k., þegar
trúfrelsi var innleitt og í kjölfar
þess virðist sem kaþólska kirkjan á
íslandi hafi verið í stöðugri sókn. Á
heimasíðu sem biskupar kaþólsku
kirkjunnar á Norðurlöndum halda
úti, kemur fram að kaþólskir eru
hlutfallslega fjölmennastir allra
þjóða Norðurlandanna að Svíþjóð
undanskildu.
Hér eru um 3.200 kaþólskir eða
1,2 prósent en Svíar hafa vinning-
inn og hlutfallið 1,87 prósent. Mér
sýnist ekki stefna í annað en frekari
fjölgun því söfnuðurinn hefur vaxið
Kristskirkja í Landakoti. Dómkirkja kaþólskra á fslandi.
jafnt og þétt undanfarin ár. Ég er
sjálfur lútherstrúi en virði kaþólsku
kirkjuna mikið. Almenningur vill
oft gefa henni orð eins og sértrúar-
söfnuður og íhaldsstofnun. Kaþ-
ólska kirkjan er auðvitað engin sér-
trúarsöfnuður heldur heimskirkja
sem stofnuð var við fæðingu Jesú
Krists. Það er lútherstrúin sem er
klofningsbrot kristinna manna sem
hefur ekki viðurkenningu biblíunn-
ar því i henni er sagt að Guð hafi
stofnað eina kirkju. Eina, en ekki
tvær. Ég vona að kaþólikkum gangi
allt í haginn að efla starf sitt hér á
landi því hún á heiður skilinn fyrir
það sem hún hefur gert fyrir landið
og á allt hið besta skilið.
Svar til Einars Ólafssonar
Þórarinn Jóhann Jónsson skrifar:
Einar Ólafsson ritar grein í DV
þar sem hann hryllir sig yflr ráðum
formanns norska Framfaraflokks-
ins í málefnum nýbúa og segir hann
vera „i raun einn hluta vandamáls-
ins í Noregi." Þar eð þeir Einar og
Carl eru þó sammála um að vanda-
mál séu til staðar varðandi nýbúa
og flóttamenn í Noregi, og ráðlegg-
ingar Carls hins norska hafa birst á
síðum blaðsins, þá væri gaman að
heyra hvað Einar leggur til að við
gerum til að leysa umrædd vanda-
mál. Ekki nema að hann vilji meina
að engin vandamál séu eða muni
verða til staðar hér á íslandi.?
Að lokum, áður en umræddur
Einar afgreiðir þennan bréfritara
sem fordómafullan kynþáttahatara,
þá vil ég nefna eitt. Ég reyni að
meta manneskjur eftir upplagi og
sem einstaklinga án tillits til litar
eða bakgrunns, en ég á það sameig-
inlegt með öllum manneskjum í
þessari veröld að ég vil ekki flytja
vandræði heim í minn eigin garð og
að mér finnst mín trú, mínar venjur
og siðir, og mín viðhorf eiga að
gilda í mínu samfélagi.
Akranes. - Bréfritari telur að bæjaryfirvöld geri ekkert til að leysa vandamál um atvinnuleysi kvenna.
Atvinnuleysi kvenna
á Akranesi
Akumesingur skrifar:
Að undanförnu hefur verið mikið
rætt um fjölgun íbúa á Akranesi í
kjölfar þess að Landmælingar fluttu
starfsemi sína þangað og álver
Norðuráls á Grundartanga tók til
starfa. En hvar er þessi fjölgun öll?
[LÍ©111M1[d)Æ\ þjónusta
allan sólarhringinn
H H
H r\j-) H
Lesendur geta sent mynd af
sér með bréfum sínum sem
'iirt verða á lesendasíðu
Gera má ráð fyrir því aö um 200
störf hafi skapast með tilkomu ál-
versins og Landmælinga sem
Skagamenn borga tugi milljóna til
þess að fá. Fjölgunin er um 100
manns og þá eru þeir ekki teknir
með sem hafa flutt frá Akranesi síð-
ustu sex mánuði. Bæjaryfirvöld á
Akranesi hafa lengi vitað af miklu
atvinnuleysi kvenna þar og ekkert
gert í þeim málum. Þau hafa frekar
lagt peninga í iþróttastarfsemi og þá '
sérstaklega fótboltann heldur en að
styrkja atvinnugreinar fyrir kven-
fólk. Er það furða að fólk vilji ekki
flytja á Ákranes þegar að eiginmað-
urinn fær vinnu en eiginkonan
verður að ganga um atvinnulaus.
Hinn nýi meirihluti Akraneslistans
og Framsóknarflokks er með hang-
andi haus í öllum málum enda er
fyrrverandi forseti bæjarstjómar og
nú formaður bæjarráðs öflum
stundum vestur á Ströndum og þeir
era teljandi á flngrum annarrar
handar fundirnir sem hann hefur
sótt. Guðmundur Páll Jónsson, for-
seti bæjarstjórnar, getur ekki tekið
ákvörðun. Éf ég ætti heima úti á
landi og ætlaði mér að flytjast til
höfuðborgarsvæðisins myndi ég
varla flytja til Akraness. Enda er
þangað ekkert að sækja, hvorki at-
vinnu né annað. Og bæjaryfirvöld á
Akranesi verða að vita það að til
þess að einhver flytji utan af landi
til Akraness verður að auka at-
vinnuframboð kvenna, minnka
styrki í fótboltann og allan klíku-
skap.
Til hamingju, Páll
Sveinn Óskar skrifar:
Ríkisfjölmiðlar eru á greinilegu
undanhaldi, hvort sem um ræðir
umfjöllun í þjóðfé-
laginu eða áhorf.
Nýjasta dæmið
birtist í fjölmiðlum
í síðustu viku þar
sem fram kom að
fréttatími Stöðvar
2 hefur meira
áhorf en fréttatími
Ríkissjónvarpsins.
Það er því að koma
í ljós sem áður var reyndar vitað, að
tilfærsla fréttatíma Ríkisútvarpsins-
Sjónvarps var röng aðgerð. Hún var
undir niðri byggð á samkeppnisá-
stæðum en látið í það skína á yfir-
borðinu að breytt væri vegna þess
að landsmenn kæmu fyrr heim á
kvöldin. Það er skýlaus krafa mín að
Markús Örn Antonsson og aðrir
ráðamenn stofnunarinnar færi
fréttatímana til baka. En það er hins
vegar ástæða til að óska Páli Magn-
ússyni innilega til hamingju.
Ómars-öl
Gylfi hringdi:
Ég er einn af þeim sem ferðast
mjög mikið og fer utan í það
minnsta 15 sinnum á ári. Eitt af því
sem mér finnst tilheyra ferðinni er
að setjast niður í Leifsstöð og fá
mér einn kaldan tfl að róa taugarn-
ar. Þetta hef ég gert í 9 ár og á ekki
orð lengur yflr verðið á ölinu hjá
Ómari í Leifsstöð. Flaskan kostar
340 krónur af Carlsberg-öli. Þetta er
dýrara en hálfur lítri á krana á
mörgum öldurhúsum bæjarins. Það
er meira en ljóst að hið sk. útboð,
sem var ekkert nema blekking, hef-
ur skilað þeim árangri að ölið er
dýrara í dag en það var fyrir 3
árum. Þá kostaði dósin 160 krónur.
Áfram, Flugleiðir!
Kötturinn
bjargaði mér
Kona um sjötugt hringdi:
Veitingastaðurinn Grái köttur-
inn við Hverfisgötu hefur svo gott
sem bjargað lífi mínu. Ég var oft
einmana á rölti um miðbæinn sem
er mér svo kær. Ég settist stundum
inn á þessa nýmóðins kaffistaði en
fann mig ekki þar. Fannst úrvalið
af mat heldur franskt, svona gúr-
mebragur á þessu. En ég sá ljósið
þegar ég gekk fram hjá Gráa kettin-
um um daginn. Ilminn af spældu
eggi og steiktu beikoni lagði um
Hverfisgötuna og síðan hef ég ekki
getað verið án Gráa kattarins.
Guðna til forystu
S.H.H. skrifar:
Ég vil sjá Guðna Ágústsson sem
formann Framsóknarflokksins strax
eftir næsta lands-
þing Framsóknar-
flokksins. Hann er
maðurinn sem
flokkurinn þarfn-
ast til að verða leið-
andi afl í íslensk-
um stjórnmálum á
næstu öld. Sterkur,
framsýnn og hrein- Ágústsson.
skilinn maður sem
of mikið grín hefur verið gert að.
Leiðbeinendum
fjölgar
Fyrrum kennari skrifar:
Skólastarfið er nú hafið og ég get
ekki neitað því sem fyrrum kennari
að mig klæjar í fingurna að fá að
kenna á ný. Ég er hins vegar ein af
þeim sem sögðu upp fyrir þremur
árum þar sem ég sá ekki fram á að
launin dygðu tfl þess að hafa ofan i
og á fjölskyldu mina. í dag er ég bet-
ur launuðu starfi en ekki eins gef-
andi því kennarastarflð gerir erfið-
an dag oft mjög ánægjulegan. Ég sá
að leiðheinendum fjölgar mjög mik-
ið milíi ára og verða 60-70 í Reykja-
vík. Þetta kemur ekki á óvart en er
hins vegar þróun sem verður að
stemma stigu við hið fyrsta. Ég ef-
ast ekki um að þetta fólk sinni
starfl sínu af kostgæfni en börnin
eiga alltaf það besta skilið.