Dagblaðið Vísir - DV - 07.09.1999, Blaðsíða 10

10
ÞRIÐJUDAGUR 7. SEPTEMBER 1999
Spurningin
Lesendur
Ertu kvíðin(n) þegar þú þarft
að fara til tannlæknis?
Guðjón ívarsson sjómaður: Já, ég
hef þurft að láta svæfa mig.
Stefán Gunnlaugsson nemi: Já,
mjög.
Sveinn Þorláksson, heldri borg-
ari: Nei, alls ekki.
Ingvi Þór Ólafsson nemi: Nei, alls
ekki.
Sjöfn Ýr Hjartardóttir nemi: Ein-
staka sinnum.
Útsölustaðir
ÁTVR
Frá mannfagnaði í vínbúðinni Heiðrúnu.
Andrés skrifar:
Ég hef verið búsettur úti á landi í
um 11 ár og bjó þar áður í Reykja-
vík. í því sjávarþorpi þar sem ég bjó
hef ég ekki þurft að leita langt þeg-
ar mig langar að gera mér glaðan
dag og bragða á áfengi. Enda bær-
inn lítill og aðgengi að útsölustað
Áfengis- og tóbaksverzlunar ríkis-
ins mjög gott. Þegar ég er nú fluttur
til Reykjavíkur átta ég mig betur og
betur á því að ÁTVR sinnir við-
skiptavinum sínum á höfuðborgar-
svæðinu mjög illa. Lengi vel gerðu
þeir það ekki á landsbyggðinni, eins
og t.d. á Egilsstöðum. íbúar þess
bæjcir þurftu að aka til Seyðisfjarð-
ar sem gat tekið allt upp í þrjú kort-
er þegar Fjarðarheiðin var sem ill-
færust yfír köldustu mánuðina. Þar
hefur orðið bót á. En aftur að kjarna
málsins. Útsölustaðir ÁTVR eru að-
eins örfáir á höfuðborgarsvæðinu
miðað viö þann fólksfjölda sem hér
býr. Fólkinu fjölgar en útsölustöð-
unum ekki. Það var ótrúlegt en satt
að þegar ég ætlaði að ná mér í einn
fleyg í gömlu góðu útsölunni á
Snorrabraut þá var hún lokuð.
Næst fór ég á Lindargötu og viti
menn - hún var líka lokuð!
Hvar er þá áfengisútsala fyrir
okkur sem búum í Norðurmýrinni?
Jú, hún er í Austurstræti og svo í
Kringlunni. Þetta er mjög bagalegt í
ljósi þess að oft er svo mikil örtröð
á þessum stöðum að maður nennir
ekki að standa í því að fara þangað
og leita að bílastæði. Skyldi það
vera stefna ÁTVR að reyna að fá
sem fæsta til að versla þar? Því
verða forráðmenn fyrirtækisins að
svara.
Eina raunverulega lausnin til að
mismuna fólki ekki eftir búsetu á
höfuðborgarsvæðinu um hvar það
kaupir áfengi er að gefa viðskiptin
frjáls til matvöruverslana. Útsölur
eru sumar hverjar í barnafataversl-
unum úti á landi en hér í borginni
má ekki einu sinni selja áfengt öl í
Hagkaupi. Hvað varð um ályktun
stjórnar ÁTVR fyrir 2-3 árum þar
sem Hildur Petersen stjórnarfor-
maður lagði til að áfengisverslun
með bjór og léttvín yrði færð til
einkaaðila, þ.e. verslananna? Þorir
enginn stjórnmálamaður að ræða
þessi mál á opinberum vettvangi.
Hvar eru fjölmiðlarnir?
Flokksblöðin dóu og
umræðan með
Sigurður skrifar:
Gamall maður sagði að hann læsi
helst aukablað Morgunblaðsins, Úr
verinu, því hann fyndi sér fátt ann-
að til að lesa. Þessi maður, krati að
upplagi, sagðist ekki kaupa lengur
önnur dagblöð því honum fannst
skortur á málefnalegri umræðu.
Ef litið er yfir þær breytingar
sem orðið hafa á útgáfu dagblaða á
þessum síðasta áratug upplýsinga-
aldarinnar (heitir hún ekki annars
það?) þá hefur þeim fækkað veru-
lega. Alþýðublaðið, Þjóðviljinn,
Tíminn og Vikublaðið heyra sög-
unni til.
Mig rámar einmitt í það að sjálf-
ur Styrmir Gunnarsson Morgun-
blaðsritstjóri hafi sagst sakna mjög
þessara flokksblaða þegar þau
hættu að koma út. Og svo var
ákveðið að kála Helgarpóstinum,
Morgunpóstinum og Pressunni
enda varla þörf á því að hafa slík
blöð að mati sumra. Rannsóknar-
blaðamennskunni var slátrað en
það virðist enginn starfa við það
lengur. Þessir menn eru ekki í sum-
arfríi eins og einhver vitleysingur-
inn hélt fram.
Matarmikil súpa
Lárus skrifar:
Mig langar til að lýsa yfir mikilli
ánægju með súpu sem ég fékk á
veitingahúsinu Asíu við Laugaveg á
dögunum. Ég var þar staddur ásamt
konu minni og tveimur börnum og
rak augun í rétt sem þeir kalla
„Asíu-súpa-klassik“. Þetta er súpa
með núðlum og kjúklingabitum bor-
in fram með hráum engifer og rauð-
um pipar.
Svo matarmikil er súpan að þegar
ég var búinn að veiöa núðlumar og
kjúklingabitana upp úr súpunni
dugði það á fjóra diska og öÚ fjöl-
skyldan fór mett heim - og ánægð að
auki. Súpan kostar ekki nema rúm-
lega 700 krónur þannig að mér reikn-
ast til að málsverðurinn hafi kostað
innan við 200 krónur á mann. Ég
hvet alla til að reyna þessa matar-
miklu súpu og alls ekki vera hrædd
þjónusta
allan sólarhringinn
Lesendur geta sent mynd af
sér með bréfum sínum sem
birt verða á lesendasíðu
Frá veitingahúsinu Asfu við Laugaveg.
við aö panta ekkert annað en um-
rædda súpu þó fleiri séu saman.
Þjónustulund starfsfólksins á Asíu
er viðbrugðið og kurteisin þvílík að
ekki eru gerðar athugasemdir við
slíkar pantanir. Ekkert nema brosið
skín úr andlitum þjónanna - og það
sama má segja um gestina þegar þeir
yfirgefa staðinn með fullan maga -
og buddu.
Onot á ári
aldraða
Hjörtur Einarsson, Gröf i Dala-
sýslu, skrifar:
Sigurður A. Magnússon, fyrr-
verandi rithöfundur, hefur ráðið
sig sem tæki-
færispenna á DV
og fer oft mikinn
á síðum blaðsins,
enda hallar meira
undan fæti hjá
honum á bók-
menntasviðinu
en um árabil. Er
hér átt við þær
svívirðingar og
rangfærslur sem
hann lætur jafnan falla um Ingi-
björgu Pálmadóttur, heilbrigðis-
og tryggingamálaráðherra, þegar
hann mundar slitið stílvopn sitt,
síðast í tækifærispistli um sk. vís-
indasiðanefnd. Ég þurfti að lesa
hann aftur og aftur til að sannfær-
ast um að pistillinn bæri
pennaglöpum ekki merki, eins og
svo margt sem maðurinn hefur
sett á blað, heldur elliglöpum.
Elliglöp manns á áttræðisaldri
hljóta menn að fyrirgefa, jafnvel
þótt fukyrðaflaumurinn sem ein-
kennir „bókmenntaverkin" beri
hann enn einu sinni ofurliði, en
mikið er þetta brjóstumkennan-
legt og leiðinlegt fyrir mann sem
er fulltrúi kynslóðar sem sleit
barnsskónum fyrir 1930.
Gróska
á Netinu
Netverji hringdi:
Ánægjulegt er að sjá þá grósku
sem orðið hefur í pólitískum
miðlum á Netinu. Útgáfufélagið
Andríki hefur gefið út Vef-Þjóð-
viljann um nokkurt skeið og er
það yfirleitt það fyrsta sem ég
geri þegar ég mæti til starfa að
morgni að lesa daglegan pistil
þeirra. Ég er reyndar ekki alltaf
sammála þeim en mér fmnst um-
fjöllunin vera fagleg. Vinstri
menn hafa myndað mótvægi við
ungu hægri mennina og gefa nú
út vefritið Groska.is sem er sömu-
leiðis ágætt rit en oft virðist fag-
leg umfíöllun víkja fyrir aula-
fyndni. Ég vildi óska þess að fleiri
ungir tækju sig til og gæfu út
vefrit um stjórnmál eða þjóðfé-
lagsmál.
Kjartan
stuttaralegur
Sigurlaug hringdi:
Mér finnst áberandi hvaö Kjart-
an Gunnarsson er stuttaralegur í
svörum. Hann
hefur svarað öll-
um spurningum
fréttamann og
blaðamanna um
ásakanir Sigurð-
ar G. Guðjónsson-
ar lögmanns um
meinta glæpsam-
lega iðju Kjart- Qunnarsson.
ans og annarra
með stuttum svörum sem eru í
raun kjánaleg. Kjartan verður að
vanda sig meira.
Engin svör frá
Seðlabankanum
Gunnar Jónsson hringdi:
Ég hef sl. 6-7 ár hringt í Seðla-
banka íslands og spurt um heims-
markaðsverð á gulli og silfri. En
þegar ég hringdi um daginn var
mér sagt að það væri ekki hlut-
verk bankans að gefa slíkar upp-
lýsingar. Ég var leiddur frá
Heródesi til Pilatusar og fékk að
lokum samband við stúlku sem
sagði það ekki vera hlutverk
bankans og hún hefði fengið þessi
fyrirmæli frá yfirmanni sínum.
Þegar ég spurði hana um nafn
vildi hún ekki gefa mér nafn sitt
upp og gaf mér samband við yfir-
mann sirm, Inga Öm. Hann svar-
aði því sama til en bæði játtu þau
því að bankinn væri það sem kall-
að væri Central Bank. Þeir bank-
ar sjá einmitt um að veita slíkar
upplýsingar á flestum stöðum í
heiminum. En ekki á íslandi.