Dagblaðið Vísir - DV - 14.09.1999, Blaðsíða 4
20
ÞRIÐJUDAGUR 14. SEPTEMBER 1999
Vöxtur tölvuleikjabransans hefur veriö ótrúlega mikill undanfarin ár og er allt útlit fyrir að hann muni halda áfram nœstu ár meö sífellt full-
komnari og áhugaveröari tœkni. Veltan er orðin gríöarlega mikil í þessum iðnaði og farin að slaga hátt í veltu kvikmyndaiðnaðarins enda eru
tölvuleikir mjög áhugaverð afþreying bœði fyrir unga og aldna. í síðustu viku var haldin í London hin árlega ECTS-sýning þar sem flestir af
helstu framleiðendum tölvuleikja, auk annarra fyrirtœkja sem tengjast tölvuleikjum á einhvern hátt, komu saman til að sýna vörur sínar og
sjá annarra. Þetta er stœrsta tölvuleikjasýning sem haldin er utan Bandaríkjanna og auðvitað var DV-Heimur á staðnum til að reyna að átta
sig á því helsta sem er að gerast í bransanum um þessar mundir og sjá forsmekkinn af því sem koma skal á nœstunni. Margt áhugavert bar
fyrir augu og vœri vonlaust að gera því öllu skil en hér á síðunum er að finna það sem vakti hvað mestan áhuga heimsmanns DV.
Leikjatölvurnar áberandi á ECTS:
Spennandi tímar fram undan
- gríðarlegur íjöldi áhugaverðra leikja væntanlegur
Soul Calibur fyrir Dreamcast-leikjatölvuna lítur geysilega vel út og gefur góð
fyrirheit fyrir hina glænýju leikjatölvu frá Sega.
Dreamcast athyglisverð
Þó svo Sega-fyrirtækið hafi ekki
Fótboltaleikurinn ISS Pro Evolution
var valinn besti leikur ECTS. Hér
tekur fulltrúi Konami við
verðlaununum fyrir leikinn.
Það úir og grúir af fólki og sýningarbásum af ýmsu tagi á sýningargólfi
ECTS. Mikil samkeppni er um athygli gestanna og er hávaðinn frá
sýningarbásunum mjög yfirþyrmandi á köflum. DV-myndir KJA
Flott hjá Sony
PlayStation er langvinsælasta
leikjatölvan í Evrópu og hefur hún
miklu hærri markaðshlutdeild á
þeim markaði en í Bandaríkjunum.
Markaðssérfræðingarnir í Sony voru
enda með gríöarlega stóran og vel
heppnaðan bás á sýningunni sem
vakti mikla athygli meðal gesta. Fjöl-
margir PlayStation-leikir voru sýnd-
ir sýningargestum og þeir sem gerðu
hvað mesta lukku voru Gran Turis-
mo II, Final Fantasy VIII, Resident
Evil III og Dino Crisis.
Það var PlayStation-leikur sem var
valinn besti leikur ECTS-sýningar-
innar allrar, en það var leikurinn ISS
Evolution, sem er fótboltaleikur frá
Konami-fyrirtækinu. Konami er ann-
ars þekkt fyrir að dæla út skemmti-
legum leikjum fyrir PlayStation og er
skemmst að minnast hins frábæra
Metal Gear Solid.
Sony er strax byrjað að hita upp
fyrir útkomu PlayStation 2-tölvunn-
ar og það var svo sannarlega gert í
Sony-básnum, þar sem stöðugt voru
sýndar myndir af því sem næsta
kynslóð PlayStation-tölvunnar á að
geta afrekað. Sú sýning vakti mikla
athygli gestanna enda líta kynning-
armyndböndin geysilega vel út og
verður gaman að sjá hvort tölvan
verður í rauninni fær um að keyra
leiki sem eru jafn flottir og Sony vill
vera láta.
Pokémon og Donkey Kong
Nintendo var með talsvert stóran
bás á sýningunni og sýndi þar fjölda
nýrra leikja fyrir Nintendo 64-
leikjatölvuna og GameBoy-hand-
tölvuna. Mikla athygli vöktu Poké-
mon-kvikindin frá Nintendo sem
hafa náð gríðarlegum vinsældum í
Ameríku, en þau voru kynnt fyrir
Evrópumarkað í fyrsta sinn á ECTS
og verður athyglisvert að sjá hvort
Evrópubúar verða jafn ginnkeyptir
fyrir þeim.
Leikurinn Smart Brothers var
sýndur meðal annarra á sýningunni
og leit hann talsvert vel út og Per-
fect Dark einnig. Aðrir leikir sem
sýndir voru á sýningunni voru m.a.
Turok: Rage Wars, en hann er fjöl-
spilunarafbrigði af hinum vinsælu
Turok-leikjum, Ridge Racer 64-bíla-
leikurinn sem lítur mjög vel út í
Nintendo-útgáfunni og Castlevania
II. Leikurinn sem valinn var bestur
á ECTS fyrir Nintendo 64-leikjatölv- ’
una var Donkey Kong 64, sem leit
ótrúlega vel út á sýningunni, en
eins og margir vita hefur Donkey
Kong fyrirbærið verið til lengi og
útlit fyrir að apinn muni lifa mörg
ár í viðbót.
Leikjatölvurnar
voru áberandi á
ECTS-sýning-
unni, enda er
leikjatölvumark-
aðurinn orðinn
gríðarlega stór og umtalsvert um-
fangsmeiri en markaðurinn fyrir
PC-leiki. Stóru fyrirtækin á þessum
markaði, Sony og Nintendo, létu
fara mikið fyrir sér á sýningunni en
einnig mátti sjá bregða fyrir nýj-
ustu tölvunni á markaðnum,
Dreamcast frá Sega, jafnvel þótt
Sega-fyrirtækið sjálft væri ekki með
bás á ECTS. Lítum aðeins nánar á
hvað fyrirtækin buðu upp á.
I-íul'JÍH
verið með sérstakan bás á ECTS
eins og keppinautamir Nintendo og
Sony voru nýir leikir fyrir
Dreamcast-leikjatölvu fyrirtækisins
vel sýnilegir á sýningunni, enda
fjöldi hugbúnaðarframleiðenda að
kynna væntanlega Dreamcast-leiki
sina. Greinilegt er að leikjaunnend-
ur eigi margs að vænta eftir að tölv-
an kemur loks á markaðinn.
Nokkrir leikir sem sýndir voru
eru mjög athyglisverðir og eiga án
efa eftir að gera mikla lukku. Þetta
eru leikir eins og Sonic Adventure,
sem lítur einstaklega vel út, Sega
Rally 2, sem er ekki síðri í útliti, Soul
Calibur, sem er sennilega sá bardaga-
leikur sem kemst næst því að velta
Tekken úr sessi, og svo boxleikurinn
Let’s Get Ready to Rumble, sem fékk
einmitt verðlaun á ECTS sem besti
Dreamcast-leikurinn.
Neytendur geta ekki
annað en glaðst yfir
þessari þróun, því
harðari samkeppni
þýðir að framleiðendur
keppast við að gera
betrí leiki og koma
með spennandi
nýjungar. Þeirleikír
sem finna mátti á
ECTS sýndu að það
eru góðir tímar fram
undan fyrír
leikjatölvueigendur.
Framtíðin
spennandi
Það var greini-
legt við skoðun
þeirra Dreamcast-
leikja sem á sýn-
ingunni voru að
rætur Sega-fyrir-
tækisins í tölvu-
leikjum í spila-
kössum hafa nokk-
ur áhrif á það
hvemig fyrstu leik-
irnir fyrir tölvuna
eru hannaðir. Þeir
eru talsvert „spila-
kassalegir", þ.e.
mikið um hraða og
spennu en dýpt
leikjanna að sama
skapi ekki mikil.
Athyglisvert verð-
ur að sjá hvort
þetta er almennt
stefna Dreamcast-
leikjahönnuða eða
hvort von er á ann- sega kynnti Dreamcast tölvu sína með heljarinnar
ars konar leikjum í veislu fyrsta kvöld ECTS-ráðstefnunnar. Mikið var um
framtíðinni. dýrðir og mátti sjá ýmsar kynjaverur ráfa um
Það er greinilegt salarkynni.
að samkeppnin er
geysilega hörð á leikjatölvumark-
aðnum um þessar mundir og tals-
verðar hræringar verða á markaðn-
um á næstu missemm í kjölfar þess
að ný kynslóð leikjatölva er væntan-
leg. Neytendur geta ekki annað en
glaðst yfir þessari þróun, því harð-
ari samkeppni þýðir að framleið-
endur keppast við að gera betri leiki
og koma með spennandi nýjungar.
Þeir leikir sem finna mátti á ECTS
sýndu að það eru góðir tímar fram
undan fyrir leikjatölvueigendur.
-KJA
r-~~ " i iil i m <meh' « ■ l 1 ‘ ,] i 0. - s ' JBm ; F «
1 rllll«»«— t W0 [ W'- [ !
Fjölda sýningargripa af ýmsu tagi er að finna á ECTS og þar á meðal eru
tryllitæki á borð við Formúla 1 bíl frá Ferrari.