Dagblaðið Vísir - DV - 16.09.1999, Blaðsíða 5

FIMMTUDAGUR 16. SEPTEMBER 1999
5
Fréttir
Þingmenn Vestfiröinga:
Enginn formlegur fundur boðaður
- um vanda Þingeyrar, segir Guðjón Arnar Kristjánsson vegna ummæla Einars Guöfinnssonar í DV
Einar K. Guðfinnsson, fyrsti þing-
maður VestFirðinga, sagði í DV á
mánudag að þvert á það sem haldið
hafi verið fram af Ragnheiði Ólafs-
dóttur á Þingeyri þá hafi þingmenn
Vestfjarða fjallaö formlega um mál-
efni Þingeyrar í vor. Eins hafi þeir
margoft rætt þessi mál á óformleg-
um fundum.
Guðjón Amar Kristjánsson, þing-
maður Frjálslynda flokksins á Vest-
fjörðum, kannast ekki við að form-
legur fundur hafi verið haldinn um
málefni Þingeyrar.
„Mér fmnst hann ekki geta hald-
ið því fram að boðaður hafi verið
formlegur fundur um þessi mál. Það
var boðaður einn fundur í vor þar
sem tekin vora fyrir flugvallamál á
ísafirði og Þingeyri. Þar var einnig
rætt um fyrsta
bréfið sem íbúa-
samtökin Átak á
Þingeyri sendu
frá sér. Ég minn-
ist þess ekki að
það hafi verið
boðaður sérstakur
Guðjón Arnar fundur meðal
Kristjánsson. þingmanna Vest-
fjarða sérstaklega um þessi Þingeyr-
armál. Við hittumst einu sinni í
Vegagerðinni að frumkvæði Einars
Kristins og höfum verið boðaðir á
fundi vestur, t.d. snemma i sumar á
Þingeyri. Á Núpi vorum við líka en
það var fundur á vegum Fjórðungs-
sambands Vestfirðinga og Þróunar-
félagsins sem sveitarstjómarmenn á
Vestfjörðum sátu líka. Að vísu var
ég í sumarfríi í 14 daga í sumar og
veit ekki hvað gerðist þá,“ sagði
Guðjón Amar Kristjánsson. Sam-
kvæmt upplýsingum DV er engin
skrá hcddin um fundi þingmanna
einstakra kjördæma á Alþingi og
því ekki hægt að sannreyna fjölda
boðaðra funda þessara þingmanna
öðruvísi en hjá þeim sjáUúm.
-HKr
Þingeyri:
Þeir höfðu
ekki áhuga á
fiskinum
- segir útgerðarmaður
Málefni Þingeyrar hafa verið mikið
í umræðunni vestra síðustu daga.
Ragnheiður Ólafsdóttir, fráfarandi
formaður íbúasamtakanna Átaks, hef-
ur gagnrýnt harðlega vinnubrögð sem
viðhöfð hafa verið af hálfu bæjaryfir-
valda vegna ástandsins á Þingeyri.
Þar hefur hún ekki hvað síst beint
skeytum sínum að ráðgjafa bæjarins,
Haraldi L. Haraldssyni og sagt að
hunsaðar hafi verið allar hugmyndir
Þingeyringa um úrbætur í atvinnu-
málum.
Magnús Reynir Guðmundsson.
Á meðan undirbúningur að stofnun
á nýju sjávarútvegsfyrirtæki á Þing-
eyri fór fram í sumar bauð Magnús
Reynir Guðmundsson, útgerðarmaður
togarans Cristina Logos, aðgengi að
afla togarans úr Barentshafi.
„Ég og Jón Guölaugur Magnússon
hittum Harald Líndal og spurðum
hvort afli togarans gæti orðið eitt-
hvert innlegg í málefni Þingeyrar. Ég
vildi gefa mönnum kost á því að eiga
öruggan aðgang að afla. Haraldur tók
sér frest til að skoða það en svaraði
því svo að þeir hefðu ekki áhuga á
þessum fiski. Þeir voru þá með aðrar
hugmyndir," sagði Magnús Reynir
Guðmundsson.
Togarinn Cristina Logos er nú gerð-
ur út frá Noregi í samvinnu við Rússa
og veiðir rússneskan kvóta í Barents-
hafi. Fjórir íslendingar eru um borð
ásamt 14 Rússum og leggur togarinn
upp nyrst í Noregi. Upphaflega var
hugmyndin að togarinn aflaði viðbót-
arhráefnis fyrir íshúsfélag ísfirðinga
en eftir að starfsemi var hætt i húsinu
var ekki lengur þörf á þeim afla. Skip-
ið er núna á rækjuveiðum í Barents-
hafi og hefur, að sögn Magnúsar
Reynis, gengið vel. -HKr.
Rækjuveiðar:
Ætla að fylla í
Barentshafi
Frystitogarinn Hólmadrangur ST
70 landaði þokkalegum rækjuafla af
heimamiðum nýlega á Hólmavík
eftir heldur skamma útiveru. Að því
búnu var haldið til veiða í hinu
kalda og fjarlæga Barentshafi þar
sem ætlunin er að fylla skipið af
rækju áður en vetur sveigir að
norður þar.
-Guðfinnur