Dagblaðið Vísir - DV - 16.09.1999, Blaðsíða 7

FIMMTUDAGUR 16. SEPTEMBER 1999
7
DV
Fréttir
Víkingasveit yfirbugar Hafnfírðing með slökkvitæki innan klæða:
Stakk tvo og grýtti
lögreglukonu
- nýlega laus úr fangelsi vegna líkamsárásar
„Hann sveiflaði hnífnum með
annarri hendinni og slökkvitækinu
með hinni og hafði í hótunum," sagði
Gísli Þorsteinsson, rannsóknarlög-
reglumaður i Hafnarfírði, er hann lýsti
því þegar æði rann á tæplega 23 ára
gamlan Hafnfirðing á Áiftanesvegi við
Presthól snemma á sunnudagsmorgun.
Stakk maðurinn hníf í læri félaga síns,
kastaði síðan grjóti í höfuð lögreglu-
konu og stakk loks félaga hennar í upp-
handlegg. Sjálfur handleggsbrotnaði
maðurinn í átökunum. Hann hefur ný-
verið setið í fangelsi vegna dóms sem
hann fékk fyrir líkamsárás í miðbæ
Reykjavíkur fyrir stuttu. Málið telst
upplýst og er maðurinn laus úr varð-
haldi en á yfir höfði sér fiölbreyttar
kærur.
Slökkti í félögunum
„Hann var viti sínu fiær af bræði og
virtist í einhvers konar vímu,“ sagði
Gísli um ástand hnífamannsins sem
var fótgangandi á leið í samkvæmi þar
sem hann taldi að kunningjar sínir
væru. Hann mætti kunningjunum,
sem voru á bil á leið úr umræddu sam-
kvæmi, og tóku þeir tal saman. Fljót-
lega sauð upp úr og var árásarmaður-
inn skyndilega kominn með hníf og
slökkvitæki sem hann haföi falið inn-
Lögreglan í Hafnarfirði er með slökkvitækið sem maðurinn
notaði sem árásarvopn. DV-mynd Hilmar Þór
an klæða. „Þetta var sæmi-
lega öflugt dufttæki, svipað og
oft eru í sameignarhúsum,"
sagði Gísli, en tækið hafði
maðurinn tekið í fiölbýlishúsi
við Breiðvang.
Engu togum skipti að of-
beldismaðurinn sprautaði úr
tækinu inn í bílinn og yfir þá
sem í honum voru. Er menn-
irnir í bílnum reyndu að yfir-
buga manninn stakk hann
einn þeir djúpt í lærið og
rispaði annan á hné. Sá er
hlaut áverkann á lærið mun
ekki alvarlega slasaður en er
þó ekki ferðafær.
Ekki er vitað hvers vegna
árásarmaðurinn var með
slökkvitækið með sér. Þó er
Ijóst að ekki var um að ræða
fyrirhyggjusaman skáta sem
hugðist slökkva tilfallandi
elda á leið sinni. „Nei, það er
langur vegur frá því. Hann
hefur gefið skýringu á
slökkvitækinu en hún var þó
ekki trúverðug," sagði Gísli.
Kópavogslögreglan óvíg
Er hér var komið við sögu hafði drif-
ið af hóp vegfarenda og hafði einn úr
þeirra hópi kallað til lögreglu og komu
tveir lögreglumenn úr Hafnarfirði á
vettvang. „Þegar lögreglumennirnir
komu hótaði hann öllu illu svo þeir
kölluðu strax á aðstoð
enda töluvert af fólki á
staðnum og staðan óljós,“
sagði Gísli.
Aðstoð barst frá lögregl-
unni úr Kópavogi sem
sendi tvö lögreglumenn á
staðinn, karl og konu. Ber-
serkurinn tók þá til við að
kasta grjóti í lögreglu-
mennina og lögreglubílana
og fékk lögreglukonan úr
Kópavoginum stóran stein
í höfuðið neðan við eyrað
þannig að skurður hlaust
af og varð að sauma hann
saman.
Nú hafði maðurinn far-
ið úr að ofan og lét svo
ófriðlega að lögreglan af-
réð að kalla til menn úr
Víkingasveitinni og komu
þeir á staðinn úr höfuð-
borginni með skildi og öfl-
ugt mace-úðatæki. Og það
var ekki seinna vænna.
„Hann var þá kominn inn
í Kópavogslögreglubílinn
en lögreglumaðurinn úr Kópavoginum
og víkingasveitarmennimir hlupu til
og handtóku hann en í átökunum varð
sá úr Kópavoginum fyrir hnífsstungu í
upphandlegg," sagði Gísli. „Það var
margt fólk þarna og maður hugsar með
skelfingu tO þess ef hann hefði ekið
bílnum beint inn i hópinn," bætti hann
við.
Handleggsbrotinn og minnislaus
Árasarmaðurinn var að lokum færð-
ur í fangageymslur en ekki yfirheyrð-
ur fyrr en daginn eftir og bar þá fyrir
sig minnisleysi um suma atburði næt-
urinnar. Málið telst hins vegar að
mestu upplýst og á maðurinn yfir höfði
sér kæru fyrir þrjár líkamsárásair,
hótanir og skemmdarverk, en lögreglu-
bilarnir skemmdust nokkuð i at-
ganginunum, m.a. brotnaði rúða í ein-
um þeirra. Maðurinn gekkst undir
skoðun að lokinni handtöku en þó kom
ekki í ljós fyrr en daginn eftir að hann
var handleggsbrotinn en Gísli sagði
ekki vitað hvernig það bar að. „Hann
hafði lent í átökum við félaga sína og
var síöan kolvitlaus í höndunum á lög-
reglunni."
Ofbeldismaðurinn mun ekki eiga
langan afbrotaferil að baki en er þó
þekktur viðskiptavinur lögreglunnar
og hafði t.d. nýverið afplánað dóm fyr-
ir líkamsárás í miðborg Reykjavtkur.
-GAR
Lokað
á morgun
Föstudaginn 1 7. september tökum
við í notkun nýtt upplýsingakerfi
og getum því ekki sinnt afgreiðslu
eða símaþjónustu þann dag.
Starfsemin hefst aftur á mánudag
en við biðjum viðskiptavini um að
sýna þolinmæði meðan starfsfólkið
nær tökum á nýja kerfinu.
Opnað aftur
á mánudaginn
Orkuveita
Reykjavíkur