Dagblaðið Vísir - DV - 21.09.1999, Blaðsíða 15

ÞRIÐJUDAGUR 21. SEPTEMBER 1999
15
Guðrun Geirsdottir hargreiðslumeistari:
Tíska að smekk
hvers og eins
Hárið er alltaf síðara á vetnma
en á sumrin en við sjáum til
dæmis að núna eru röndóttu
strípurnar, sém hafa verið vinsælar
upp á síðkastið, alveg búnar, segir
Guðrún Geirsdóttir, hárgreiðslu-
meistari hjá Hárþihgi. „Núna eru að
koma inn rauðir og brúnir litir og
áherslan er lögð á heilbrigt og eðli-
legt útlit. Litirnir eiga að tóna vel
við háralitinn sem fyrir er og gefa
hreyflngu í hárið en ekki skapa and-
stæðu við það, eins og verið hefur.
Permanentið er að koma aftur, sér-
staklega í síðu hári, líka rúllukrull-
ur og tjásustíllinn sem hefur verið
vinsæll er að detta út að mestu. Hár-
ið er formað meira en áður og
beinni og ákveðnari línur eru að
koma inn,“ segir Guðrún. „í sam-
kvæmisgreiðslum er farið að færast
í vöxt að nota aukahár, þá gjaman í
öðrum lit. Svo má nefna að „vöfll-
umar“ em að koma aftur. Ekki
svona stífformaðar eins og var á sín-
um tíma, heldur frekar til að gefa
lauslega lyftingu eða á einhvem
hluta hársins eftir smekk.
Islendingar alltaf til í
eitthvað nýtt
„Hvað fmnst þér einkenna stíl ís-
lendinga í samanburði við það sem þú
sérð í útlöndum? „íslendingar fylgjast
mjög vel með öllum tískustraumum
og eyða miklu í hár og umhirðu þess.
Við erum alltaf til í að breyta og gera
eitthvað nýtt og skemmtilegt. Nánast
hver einasta kona hérlendis er með
skol, strípur eða lit í hárinu og þó
karlmennimir séu rólegri í tíðinni er
algengt að þeir breyti til. Þetta finnst
erlendum hárgreiðslumeisturum mjög
merkilegt. Annars er einkennið á tísk-
unni núna að allt er leyfilegt. Þeir
dagar þegar allir voru steyptir í sama
mót era löngu liðnir. Maður þarf ekki
annað en að fara út á götu til að sjá
þetta. Nú fer það bara eftir hug-
myndaflugi og smekk hvers og eins
hvemig útlit hann velur sér. Þá eru
fótin líka oft í stíl og það er bara flott.
Þess vegna er svo skemmtilegt að
vinna i þessari grein í dag,“ segir
Guðrún og brosir. -HG
Aukahár í
samkvæmisgreiðslunni
Guðrún segir að hárið á Olgu
sé mjög sítt og þungt og því
sé gott að hafa styttur í þvi
til að létta það aðeins. Hún hefur
fallegan ljósan lit sem er upplitað-
ur af sólinni og því er aðeins
hreyfing í hárinu sem er mjög fal-
legt. Hárið er dökkt í rótina en það
útlit er einmitt að koma inn í
haust og vetur að sögn Guðrúnar.
Olga fékk samkvæmisgreiðslu eft-
ir nýjustu tísku. Notað er aukahár
í greiðsluna, bæði ljósara og
dekkra en hár Olgu er. Það er í
samræmi við tískuna í vetur og
dregur fram háralitinn hennar.
Kristín segir að Olga sé sum-
artýpa sem þýðir að henni fara vel
kaldir og bjartir en einnig dökkir
litir. Olga fékk kvöldförðun og
Kristín byrjaði á að nota stiftfarða
eins og hún notaði á Fríðu og laust
púður yfir. Hún hefur mjög góða
húð og vel plokkaðar augabrúnir
en Kristín segir að það skipti
miklu því allt augnsvæðið verði
skýrara og fallegra þegar augna-
brúnirnar eru vel plokkaðar.
Kristín notaði á hana fjólubleikan
og steingráan augnskugga með
flólubláum tón. Augnblýanturinn
var gráblár en svarblár eyeliner
fór ofan á hann. Á kinnarnar fór
bleikur kremkinnalitur til að
leggja áherslu á falleg kinnbein. Á
varirnar fór vínrauður blýantur
og dökkur plómuvínrauður vara-
litin. Kristin setti að lokum svo-
kallaðan „star-dust“ augnskugga,
sem er laus og hvítsilfraður, yfir
miðjar varirnar til að fá fram fal-
leg blæbrigði.
Brúnir og gylltir litir
allsráðandi
IFríðu Björgu var sett
brún/koparlitt skol sem tónar
vel við háralitinn hennar og
gylltar strípur yfir. Hún er með
liðað hár og hárgreiðslan sem hún
fékk miðaðist við að draga liðina
fram, ýfa hárið aðeins og fá fram
svolítið „villt" yfirbragð á greiðsl-
una. Kristín segir að hún sé haust-
týpa sem fari vel hlýir, brúnir og
gulir litir.
„Ég setti á hana brúnan og fol-
bleikan augnskugga. Hún getur
ekki notað fjólubláan, því hann er
orðinn of kaldur fyrir hana. Fríða
Björg er með gott augnsvæði til að
mála og góða húð með gylltum tón.
Ég formaði augnlínuna með blaut-
um eyeliner sem er mikið í tísku
um þessar mundir. Línan á að
vera mjó og hún á alls ekki að fara
undir augun. Farðinn hennar var í
stiftformi sem gefur mjög eðlilegt
og áferðarfallegt útlit. Yfir setti ég
svolítið af lausu púðri og sólar-
púðri til að undirstrika kinnbein-
in. Ég skerpti augnabrúnirnar
með augnabrúnageli með smá lit í.
Augnskugginn er brúngylltur og
koparbrúnn og fer vel við hárið.
Hann er með svokallaðri perluá-
ferð en það er millistig milli
mattra og sanseraðra augnskugga.
Þeir eru mikið að koma í haust og
vetur og það er mjög auðvelt að
leika sér með þá,“ segir Kristín.
„Á varirnar notaði ég svo brúnan
varablýant og rauðbrúnan varalit
með gylltum blæ sem ég blandaði
vel saman við eyelinerinn þannig
að engin skil sáust.“
Árangurinn leynir sér ekki, eða
hvað finnst ykkur? -HG
Góð ráð fyrir
heimavinnuna:
Hendið
gamla mask-
aranum
Fyrir þær konur sem em með
fínleg og stutt augnhár, virkar
vel að nota augnháraþykkjara
áður en maskari er settur á. Þá
verða augnhárin fallegri. Þau
virka þá fleiri og þykkari.
Ef maskari er notaður daglega
er góð regla að skipta um hann á
þriggja mánaða fresti. Að öðrum
kosti skapast sýklahætta af hon-
um og hann getur skapað of-
næmi.
Til að varalitablýanturinn end-
ist betur er sniðugt að brjóta að-
eins framan af honum og mála
svolítið inn á varimar. Núna er
skörp varalína ekki í tísku
þannig að það er sniðugt að
blanda saman örlitlum varalit og
blýanti og teikna þannig línu á
varirnar áður en varaliturinn er
borinn á.
Maskarabursti er nytsamlegur
til að hindra að augnhárin kless-
ist saman þegar maskari er not-
aður og gefur fallegra útlit en
augnháragreiður.
Ekki farða augun
Þegar augnskuggar em bornir
á er gott að hafa í huga að farða
ekki yfir augun heldur bera púð-
ur þar yfir. Þá koma ekki línur á
augun eins og vill gerast ef
augnskugginn er borinn ofan á
farða. Þá ber að varast að strjúka
augnskugga yfir augun. Áferðin
verður fallegri og jafnari ef litlar
og léttar hreyfingar eru notaðar
og „dúppað“ á augim.
Þegar kinnalitur er borinn á
viija oft myndast rákir og skil.
Best er að nota púðurkvasta til
að koma í veg fyrir slíkt og fá
eðlilegra útlit. Þegar notað er
laust púður er nauðsynlegt að
bursta yfir andlitið með kvasta
eftir að það er borið á.
Brunnið hár eftir
heimalitanir
Ekki lita hárið heima. Það get-
ur farið mjög illa með það, því i
litunum era sterk efni sem geta
brennt hárið og hársvörðinn.
Þegar fólk er t.d. að aflita hárið
og það er ekki orðið nógu ljóst
fer það gjaman og litar hárið aft-
ur. Svo fer fólk ef til vill og setur
permanent í hárið á eftir og þá er
hárið og hársvörðurinn orðinn
ein bmnarúst sem er erfitt að
lagfæra. Til þess að hægt sé að
fara með efni af þessu tagi þarf
að læra á þau í fjögur ár og þess
vegna er e.t.v. ekki skrýtið að
slys verði þegar fólk er að fikta
við litinn án kunnáttu.
Leitið ráðlegginga hjá fagfólki
ef þið hafið flösu eða húðsjúk-
dóma. Mörg sjampó sem fást út í
búð em sterk og hafa slæm áhrif
á þessa kvilla. Fagfólk getur oft
bent á mild sjampó sem fara vel
með húðina. -HG