Dagblaðið Vísir - DV - 28.09.1999, Blaðsíða 2

m m
Úr sögu Intel-örgjörvanna:
Frá 4004 til Pentium III
1971
Fyrsti Intel-ör-
gjörvinn, sem
kallaður var
4004, varð að
veruleika.
Hann var notaður til að keyra
Busicom- reiknivélina og ruddi
leiðina í átt að þróun einmenn-
ingstölvanna.
1972
Intel 8008 örgjörvinn var
tvisvar sinnum hraðvirkari en
4004 örgjörvinn. Með 8008 smíðaði
Don Lancaster, sem var áhuga-
maður um tölvur, forvera þess
sem kalla má fyrstu einmennings-
tölvuna. Blaðið Radio Electronics
kallaði fyrirbærið sjónvarps-rit-
vél.
1974
Þetta ár kom fram örgjörvi sem
kallaður var 8080 og varð heili
fyrstu tölvunnnar sem kölluð var
Altair, en hún var nefnd eftir
ákvörðunarstað geimskipsins
Enterprise i Star Trek-sjónvarps-
þáttunum. Áhugamenn gátu
keypt ósóimsett „kit“ af þessari
tölvu á 395 dollara og innan fárra
mánaða var búið að selja tugi þús-
unda af þessari vél sem var fyrsta
söluævintýri Personal Computer
(PC) í heiminum.
1978
Örgjörvinn 8088 var notaður í
einmenningstölvu sem var sú
fyrsta sem hitti virkilega í mark
frá IBM. Árangur IBM með Intel
8088 örgjörvann kom Intel á
spjöld tímaritsins Fortune sem
kaus þetta framtak sem einn af
viðskiptasigrum áttunda áratug-
arins.
1982
Örgjörvinn 286, líka þekktur
sem 80286, var fyrsti Intel-ör-
gjörvinn sem gat keyrt öll forrit
sem skrifuð voru fyrir forvera
þess örgjörva. Þetta olli vatnaskil-
um í sögu þessarar örgjörvafjöl-
skyldu og innan sex ára höfðu
selst 15 milljónir 286 PC-tölva í
heiminum.
1985
Intel 386TM örgjörvinn sam-
svaraði 275.000 transistorum sem
var meira en 100 sinnum meira
en upphaflegi 4004 örgjörvinn.
Hann var með 32 bita flögur og
gat reiknað margar aðgerðir í
einu, en það kallast „multi task-
ing“ á fagmáli.
1989
486TM DX CPU örgjörva-kyn-
slóðin gerði það að verkum að
menn gátu horfið frá því að fram-
kvæma allar aðgerðir með löng-
um skipunum á lyklaborði yfir í
það - að benda og smella. Lit-
vinnsla varð möguleg og eins það
sem kallað var „desktop publis-
hing“. Þá var 486 fyrsti ör-
gjörvinn með raunverulegan inn-
byggðan reikniörgjörva.
1993
Pentium kemur á markað og
gat auðveldlega meðhöndlað
hljóð, myndir og ritað mál.
1995
Haustiðl995 kemur fram Penti-
um Pro örgjörvi sem ætlað var að
gera tölvuna að sannkölluðum
„vinnuhesti". Þessi öflugi ör-
gjörvi náði meira en afkastagetu
5,5 milljóna transistora.
1997
7,5 milljóna transistora Penti-
um II örgjörvi byggði á Intel
MMXTM tækni, sem var sérstak-
lega ætlað að vinna með hljóð,
hreyfimyndir og grafik. Hann gat
unnið með stafrænar ljósmyndir
sem gerði fólki mögulegt að senda
myndir um Internetið og senda
vídeómyndir um venjulegar sima-
línur.
1999
Pentium III kemur á markaðinn,
öflugri en nokkru sinni fyrr. Aðal-
nýjungar örgjörvans eru á sviði
margmiðlunar, þar sem geta ör-
gjörvans til að ráða við margmiðl-
un hefur verið aukin til muna og
möguleikum fjölgað. Markaðssetn-
ing örgjörvans fór þó ekki átaka-
laust af stað, því talsmenn per-
sónuleyndar á Netinu mótmæltu
mjög nýju raðnúmerakerfi sem
innbyggt var í örgjörvann og ætlað
var að tryggja að hægt væri að
bera kennsl á alla notendur slíkra
örgjörva. -HKr
bíimíóiu
i..,.,.. ...
Craig Barrett, framkvæmdastjóri Intel, kynnti síðasta vetur Pentium III ör-
gjörvann, nýjustu afurð fyrirtækisins sem verið hefur framarlega f flokki vél-
búnaðarframleiðenda f nær 30 ár.
Ný rannsókn á verkjalyfjum:
Geta aukið líkur á krabbameini
- ef skammtarnir eru mjög stórir
Fólk sem notar
reglulega stóra
skammta af
verkjalyfjum,
eins og
aspiríni, para-
setamól og íbúfen, eykur með því
líkurnar á krabbameini í nýrum,
ef marka má nýja rannsókn sem
birt var fyrir skömmu í bresku
tímariti um krabbamein.
Með spurningalista sem lagður
var fyrir yfir 1.000 manns kom í
ljós að þeir sem tóku meira en 20
grömm af verkjalyfjum á viku
voru i tvöfalt meiri hættu á að fá
Verkjalyf geta reynst hættuleg séu
þau tekin reglulega í mjög stórum
skömmtum.
þessa tegund krabbameins heldur
en þeir sem minna tóku. Jafnvel
þeir sem tóku aðeins tvær töflur á
dag virðast vera í meiri hættu en
aðrir.
En þeir sem tóku smærri
skammta eins og t.d. 325
millígrömm sem er u.þ.b. ein tafla
af aspirini á dag virðast ekki
auka líkur á að fá krabbamein í
nýrun, óháð því hve lengi við-
komandi hafði tekið lyfin reglu-
lega.
Þessar niðurstöður virðast þvi
sýna að þeir sem taka verkjalyf
regltilega til að minnka líkur á
hjartasjúkdómum geti haldið því
áfram óhræddir, svo lengi sem
skömmtunum er haldið í hófi. Ef
hins vegar töflurnar eru orðnar
Með spurningalista
sem lagður var fyrir
yfir 1.000 manns kom f
ijós að þeir sem tóku
meira en 20 grömm af
verkjalyfjum á viku
voru i tvöfalt meiri
hættu á að fá þessa
tegund krabbameins
heldur en þeir sem
minna tóku.
tvær eða fleiri á dag er betur
heima setið en af stað farið.
Kínverjar í 2000-vanda:
Þriðjungur veit ekkert
Rúmlega þriðj-
ungur fólks sem
svarað hefur
könnunum í 11
borgum í Kína
að undanförnu
hefur ekki hugmynd um orsakir
eða mögulegar afleiðingar 2000-
vandans, samkvæmt frétt dag-
blaðsins China Daily í síðustu
viku.
Þar segir að aðeins 63% þeirra
4.500 manna sem spurðir voru út í
2000-vandann áttuðu sig á því að
hann orsakaðist af því að eldri
tölvur skilja ekki breytinguna á ár-
talinu vegna þess að þær nota að-
eins tvær síðustu tölur ártalsins
við útreikninga sína. Sumir þeirra
sem svöruðu töldu meira að segja
að 2000-vandinn hefði eitthvað með
orma, steingervinga eða spillta op-
inbera starfsmenn að gera.
Kínverjar í talsverðum
2000-vanda
En það kom einnig í ljós að þeir
sem áttu tölvur þekktu vandann
mun betur, um 86% þeirra vissu
um hvað málið snerist. Jafnframt
var fundið út að þeir sem bjuggu í
borgum í suðausturhéruðum Kina
vissu meira um 2000-vandann en
þeir sem bjuggu inni í miðju landi.
Könnun þessi var gerð í kjölfar
þess að gefin var út í Bandaríkjun-
um skýrsla um 2000-vandann víðs
vegar í heiminum. Þar kom m.a.
fram að ýmsar borgir í Kína ættu í
mikilli hættu á að lenda í 2000-
tengdum vanda í bönkum, fjar-
skiptum, heilbrigðisstofnunum og
rafveitum. Þessar borgir eru flest-
ar í miðhluta Kína, enda hafa
stjórnvöld beitt sér frekar gegn
2000-vandanum í borgum við
strandlengju landsins en þær eru
tæknivæddari en aðrar borgir
Kína.
Sumir þeirra sem svör-
uðu töldu meira að
segja að 2000-vandinn
hefðí eitthvað með
orma, steingervinga
eða spillta opinbera
starfsmenn að gera.
Þrátt fyrir að Kína sé í talsverðri hættu á að verða illa úti vegna 2000-vand-
ans vita sumir Kínverjar ekki einu sinni hver sá vandi er.