Dagblaðið Vísir - DV - 30.09.1999, Blaðsíða 19

FIMMTUDAGUR 30. SEPTEMBER 1999
23
DV
Fréttir
Lágheiðarhópurinn skilar áliti sínu:
Mælir með jarðgöngum
- sjónarmið Siglfirðinga fara halloka að talið er
DV, Skagafirði:
Lágheiðarhópurinn svokallaði
mun skila af sér skýrslu um störf
sín á næstunni, væntanlega í lok
næsta mánaðar. Svo virðist sem
heils árs vegur yfir Lágheiði sé ekki
það sem hópurinn muni leggja til
heldur tenging með jarðgöngum. Þó
er heils árs vegur yfir Lágheiði inni
á vegaáætlun í byrjun næstu aldar.
Eftir því sem DV hefur fregnað
verður í þessari skýrslu ekki mælt
með ákveðinni leið varðandi jarð-
gangatenginu, þó svo að fulltrúar
Siglfirðinga í hópnum hafi þrýst á
um það, enda liggi ekki enn fyrir
nægjanlegar rannsóknir og snjó-
mælingar vegna jarðgangagerðar,
t.d. milli Siglufjarðar og Ólafsfjarð-
ar um Héðinsfjörö, og fleiri en ein
leið í skoðún þar.
Vist er að niðurstöðu Lágheiðar-
hópsins er beðið með nokkrum
spenningi og einnig að um eða upp
úr næstu áramótum verður lögð
fram framtíðaráætlun í jarðganga-
gerð hér á landi. Ljóst er að Lág-
heiðarhópurinn í heild sinni mun
ekki leggjast gegn óskum Siglfirð-
inga um jarðgöng um Héðinsfjörð
til Ólafsfjarðar og þar af leiðandi
styðja þær.
Hreinn Haraldsson, verkfræðing-
ur Vegagerðarinnar, sem sæti á í
Lágheiðarhópnum og annast gerð
skýrslunnar, vildi ekki tjá sig um
niðurstöður hópsins og taldi betra
að halda svolítilli spennu i málinu
þar til skýrslan yrði birt. Það mun
m.a. hafa verið verkefni Lágheiðar-
hópsins að afla gagna og upplýsinga
varðandi möguleika á vegtenging-
um um Tröllaskagann milli Eyja-
fjarðar og Skagaijarðar. Þannig
verður t.d. í skýrslunni kynnt
svokölluð „Traustaleið" milli Siglu-
fjarðar og Ólafsfjaöar, hugmyndir
sem Trausti Sveinsson á Bjarnargili
í Fljótum hefur sett fram um jarð-
göng úr Hólsdal í Siglufirði i Fljótin
og þaðan af Holtsdalnum i Skeggja-
brekkudal í Ólafsfirði. Þessar hug-
myndir mega Siglfirðingar hins veg-
ar ekki heyra minnst á, enda stríðir
það gegn tveim meginmarkmiðum
þeirra varðandi jarðgöng, þ.e. að
Siglufjörður verði ekki lengur í
endastöðu og að tengast nálægu at-
vinnusvæði en það mundi taka Sigl-
firðinga talsvert lengri tíma að fara
til Ólafsfjarðar um Fljótin en Héð-
insQörð.
Þá voru einnig kynntar fyrir Lág-
heiðarhópnum hugmyndir Jóhanns
Svavarssonar á Sauðárkróki um
jarðgöng milli Skagafjarðar og Eyja-
fjarðar um Heljardalsheiði. -ÞÁ
Hjalti Gestsson ráðunautur og Ástríður Helgadóttir Andersen voru skólasystkin fyrir 50 árum. Síðan hefur margt á
daga þeirra drifið. í Landréttum á fimmtudag lifnaði í gömlum glæðum þegar þau skólasystkin komu saman og
brostu eins og trúlofað par hvort við öðru. DV-mynd GTK
Hofsós kominn á kort
ferðamannsins
DV, Hofsósi:
„Mér finnst að talsverður
straumur ferðamanna hafi legið
hingað til Hofsóss í sumar, í það
minnsta meira en í fyrra, en lengri
samanburð hef ég ekki,“ sagði Guð-
munda Guðrún Björgvinsdóttir,
veitingamaður í Veitingahúsinu
Sigtúni, í samtali við DV.
Hún segir að mikið af brottfluttu
fólki komi og dvelji um tíma yfir
sumarið. Fólkið sé ánægt með
mikla uppbyggingu ferðaþjónustu á
staðnum, hún segir að Hofsós sé
greinilega komið á kort ferða-
mannsins.
Sigtún var í rekstri þriðja sum-
arið, opnaði upphaflega á þjóðhá-
tíðardaginn 1997. Boðið er upp á
allar almennar veitingar frá 10 til
10 en um helgar er opið til 3 á
nóttu. Húsið er gamalt en afar
skemmtilega upp gert og vinalegt.
Það tekur um 40 manr.s í sæti.
Guðmunda Guðrún er búsett í
Njarðvík en kemur norður á vorin
og veitir Sigtúni forstöðu yfir sum-
arið en hverfur svo aftur suður að
hausti. Hún er ekki ókunnug veit-
ingarekstri, hefur um áraraðir
starfað á sjómannastofunni Vör í
Grindavík. -ÖÞ
Guðmunda Guðrún Björgvinsdóttir í Sigtúni (f miðið) ásamt starfsliði sínu, Ingibjörgu Sigurðardóttur til vinstri og
Jóhönnu Gunnarsdóttur. DV-mynd Örn
Tilhlökkunarefni að eldast og eyða ævikvöldinu á Eskifirði:
Þeir gömlu inn-
réttuðu sjálfir
- 1100 vinnustundir og glæsileg félagsmiðstöð opnuð
DV, Eskifirði:
Leiðtogar Fjarðabyggðar afhentu
fyrr í sumar Félagi eldri borgara
gamla leikskólann á Eskifirði sem
var áður leikskóli staðarins. Síðan
þá hafa 20 til 30 eldri borgarar á
Eskifirði haft í nógu að snúast við
að taka húsið í gegn, breyta og
bæta, mála og snurfusa.. Ríflega
1100 vinnustundir eru að baki verk-
inu og hefur aldrei verið slegið
slöku við.
Hefur bæjarsjóður annast efnis-
kaupin en fullorðna fólkið séð um
vinnuþáttinn. Þann 19! september
var Félagsmiðstöðin Melbær opnuð
með virðulegri vígsluathöfn. Hús-
næðið gjörbreytir félagsstarfl aldr-
aðra til betri vegar og skapar nýja
möguleika á tómstundastarfl hvers
konar.
í tilefni árs aldraða var guðsþjón-
usta haldin í Eskifjarðarkirkju en
síðan gengið til Melbæjar. Vígslu-
ræðuna flutti okkar ástkæri prest-
ur, séra Davíð Baldursson. Hinn öt-
uli formaður Félags eldri borgara,
Ölver Guðnason, bauð viðstadda
velkomna. Hilmar Bjamason sagði
sögu Melbæjar en vitað er um bú-
setu á staðnum frá 1884 og til 1952.
Gamla húsið var svo rifið 1967, ári
áður en bygging leikskólans Mel-
bæjar hófst. Var leikskólinn síðan
starfræktur á þeim stað >þar til í
vor er nýi leikskólinn var tekinn í
notkun.
Bamakór kirkjunnar söng lög. Þá
söng Georg Halldórsson hinn nýja
Söng Melbæjar eftir þá bræður Ell-
ert Borgar og Guðmann Þorvalds-
syni. Bæjarstjórinn í Fjarðabyggð,
Guðmundur Bjarnason, og Ölver
Guðnason, formaður Félags eldri
borgara, undirrituðu samning um
afnot af húsnæðinu. Þá bauð félagið
upp á rausnarlegt kaffi og meðlæti í
tilefni merkra tímamóta.
Ég verð nú að segja það að mér
flnnst alveg til fyrirmyndar hvemig
búið er að öldruðum hér á Eskiflrði
og álykta ég að það sé út af fyrir sig
tilhlökkunarefni að eldast og geta
eytt ævikvöldinu í heimabyggð í
góðum, öflugum félagsskap sam-
ferðafólksins og njóta fulltingis
skilningsríkra stjórnvalda.
Þess skal að lokum getið að Félag
eldri borgara var stofnað 1993 og
hefur Ölver Guðnason verið formað-
ur frá upphafi. -Regína
Melbær, Félagsmiðstöð eldri borgara á Eskifirði, sem þeir innréttuðu sjálfir.
Aukin fikniefnaneysla á Akranesi:
14-18 ára unglingar
staðnir að neyslu
DV, Akranesi:
Fíkniefnaneysla á Akranesi virð-
ist vera að aukast og meiri fikniefni
eru í umferð en fyrr. Þetta kom fram
hjá Ingu Sigurðardóttur, einum af
fjórum fulltrúum Akraneslistans í
bæjarstjórn Akraness, á fundi bæjar-
stjórnar í gærdag.
Orðrétt sagði Inga: „Ég hef upplýs-
ingar um það frá félagsmáladeildinni
hér að það hefur svolítið verið um
tilkynningar eða hringingar frá lög-
reglunni, ekki endilega lögreglunni
hér heldur lögeglunni víða um land,
um unglinga 14-18, sem eru búsettir
hér á Akranesi, sem hafa verið
staðnir að neyslu og fundist efni hjá
og í slíkum tilvikum er yfirleitt haft
samband við foreldra og tekin
ákvörðum í samráði við þá hvað gert
er enda er þetta að vissu leyti barna-
verndarmál.
„Við höfðum vitneskju um það
seinni partinn í sumar að þetta vanda-
mál er orðið mun alvarlegra en við
höfðum vitneskju um á þessu svæði,“
sagði Sigríður Gróa Kristjánsdóttir,
annar af tveimur fulltrúum Fram-
sóknarflokksins, í gær. -DVÓ