Dagblaðið Vísir - DV - 25.10.1999, Blaðsíða 8

8
MÁNUDAGUR 25. OKTÓBER 1999
Útlönd
Stuttar fréttir i>v
Bush eldri segir
bók um nafna
sinn tóma lygi
George Bush, fyrrum Banda-
ríkjafoseti, réðst harkalega í gær
að ævisögu son-
ar síns og naftia,
Georges yngri,
ríkisstjóra í
Texas, þar sem
segir að ríkis-
stjórinn hafi
verið handtek-
inn með kókaín
í fórum sínum 1972 og kallaði bók-
ina illkvittna lygi.
„Þetta er lygi, illkvittin lygi og
ég skal segja ykkur að þetta er ein
ástæðan fyrir því að margt fólk
veigrar sér við að bjóða sig fram
til opinberra embætta. Hver vill
láta skrifa um sig bækur sem fara
með rangt mál?“ sagði Bush í við-
tali við Fox-sjónvarpsstöðina.
Útgefendur bókarinnar hættu
dreifingu hennar á fostudag vegna
frétta um að höfundur hennar
hefði verið dæmdur fyrir mis-
heppnaða morðtilraun árið 1988.
Deilt um öryggi
í kjarnorkustöö
Yflrmaður öryggismála í Ald-
ermaston kjarnaoddaverksmiðj-
unni 80 kílómetra frá London seg-
ir ekkert hæft i fréttiun um að ör-
yggismál þar séu I miklum ólestri.
Breska sunnudagsblaðið Obser-
ver sagði í gær að það hefði kom-
ist yfir trúnaðarupplýsingar um
að öryggisreglur hefðu verið
brotnar meira en hundrað sinnum
á undanförnu ári og stórslys hefði
getað hlotist af.
Afslappað hjá
Chirac og Jiang
Jacques Chirac Frakklandsfor-
seti og Jiang Zemin Kínaforseti
ræddu mannréttindamál á afslöpp-
uðum fundi á sveitasetri franska
forsetans um helgina.
Haft var eftir kínverska forset-
anum að hann hefði aldrei fyrr
rætt þessi mál jafnvítt og breitt við
nokkurn erlendan þjóðhöfðingja.
Nokkur hundruð mannréttinda-
baráttumenn og útlagar frá Tíbet
komu saman í París til að mót-
mæla heimsókn Jiangs. En rétt
eins og í London fengu þeir ekki
að koma nærri gestinum.
Trump er hætt-
ur
Bandaríski kaupsýslumaðurinn
Donald Trump tilkynnti í gær að
hann hefði sagt sig úr
Repúblikanaflokknum og gengið
til liðs við umbótaflokk Ross Per-
ots. Trump, sem hefur áhuga á að
bjóða sig fram til forseta á næsta
ári, sagði að repúblikanar væru
klikk og of langt til hægri.
Svisslendingar kusu sér nýtt þing í gær:
Hægriöfgamenn
unnu stórsigur
Flokkur hægriöfgamanna, Þjóðar-
flokkurinn (SVP), vann yfirburðasig-
ur í þingkosningunum í Sviss í gær.
Búist er við að flokkurinn geri kröfu
um að fá annað ráðherraembætti í
stjóm landsins.
Kosningaspár bentu til að flokkur-
inn, sem er bæði á móti innflytjend-
um og Evrópusambandinu, fengi flest
atkvæði en hann varð í fjórða sæti í
síðustu kosningum. Fylgisaukning
hans minnir mjög á frammistöðu
hægriöfgamanna í kosningunum í
Austurríki fyrr í mánuðinum.
Vegna kjördæmaskipunar í Sviss
gerðu spár ráð fyrir því að Þjóðar-
flokkurinn yrði þriðji stærsti flokkur-
inn í neðri deild þingsins, á eftir jafn-
aðarmönnum og róttækum demókröt-
um sem er frjálslyndur flokkur.
Næsta víst þykir að úrslitin muni
þrýsta mjög á að gerðar verði breyt-
ingar á samsteypustjómarfyrirkomu-
laginu sem hefur verið lýði í Sviss
undanfarin fjörutíu ár. Fjórir flokkar
eiga nú sæti í samsteypustjóminni.
Christoph Blocher, formaður
Zurich-deildar svissneska Þjóðar-
flokksins, er greinilega ánægður
með það sem upp úr kjörkössunum
kom í gær. Flokkurinn vann mikinn
sigur, fékk flest atkvæði.
„Það er alveg ljóst að SVP þarf ann-
að sæti í stjórninni," sagði flokksfor-
maðurinn Úli Maurer.
Varaformaður flokksins gegnir
embætti landvamaráðherra.
Hinir þrír flokkarnir í stjóminni,
jafnaðarmenn, róttækir demókratar
og kristilegir demókratar hafa tvo
ráðherra hver flokkur, meðal annars
til að jafnvægi ríki milli hagsmuna
einstakra héraða og tungumálahópa,
svo og flokkanna sjálfra.
„Þjóðin hefur verðlaunað okkur
fyrir stelhu okkar, svo sem baráttuna
gegn misnotkun laga um þá sem leita
hér hælis og fyrir umbætur á ríkis-
ijármálunum með skattalækkunum.
Hún vill enn flokk sem vill ekki ganga
í ESB og sem stendur vörð um sjálf-
stæði landsins. Þegar allt kom til alls
var það uppskriftin að velgengni okk-
ar,“ sagði Maurer við svissneska sjón-
varpið.
Endanleg úrslit kosninganna liggja
fyrir síðar i dag.
Miklir fagnaðarfundir urðu í gær þegar Xanana Gusmao, leiðtogi aðskilnaðarsinna á Austur-Tímor, hitti gamla félaga
sína í hreyfingu uppreisnarmanna í þorpi einu nærri héraðshöfuðborginni Dili. Gusmao hafði ekki ávarpað þessa fé-
laga sína í mörg ár, eða þann tíma sem hann sat í fangelsum indónesískra stjórnvalda. Gusmao vöknaði um augun
þegar hann ræddi við félagana og meðal skæruliða var hvergi þurran hvarm að sjá.
Frír prufutími
Fj jira ur
'rwmiu;
Russar drepa
tugi í loftárás á
tsjetsjenskt þorp
Russneskar orrustuflugvélar
Grensásvegi 50 • Símí 553 30 iB
Russneskar orrustuflugvélar
vörpuðu sprengjum á þorp í
Tsjetsjeníu í gærmorgun og féllu að
minnsta kosti tuttugu og sjö manns,
þar af nfu böm.
íbúar þorpsins Serzhen-Júrt
sögðu fréttamanni Reuters að mikill
flöldi særðra, þar á meðal gamalt
fólk og böm, hefði verið fluttur til
bæjar í næsta dal.
Talsmaður rússneska vamar-
málaráðuneytisins neitaði að tjá sig
um árásina.
í vesturhluta Tsjetsjeníu reyndi
hópur flóttamanna að komast yfn-
landamærin til nágrannaríkisins
Ingúsjetíu en rússneskir hermenn
höfðu lokað veginum.
Leiðtogar á Vesturlöndum hafa
Iýst þungum áhyggjum af vaxandi
mannfalli í röðum óbreyttra borg
ara í árásum Rússa á Tsjetsjeníu að
undanförnu.
Búist er við að Pútfn forsætisráð-
herra ræði ástandið við Jeltsín for-
seta á fundi í dag.
Serbar stofna þing
Fulltrúar serbneska minnihlut-
ans í Kosovo mynduðu sérstakt
þing í gær til að knýja á um rétt-
indi sin í héraðinu. Serbar óttast
mjög um hag sinn vegna hefndar-
árása albanska meirihlutans.
Cook tjaslar upp á
Robin Cook, utanríkisráðherra
Bretlands, reyndi í gær að tjasla
upp á samskipti
ísraels og Bret-
lands með því
að lofa ísraelsk
stjórnvöld í há-
stert fyrir fram-
göngu þeirra í
friðarviðræðun-
um við Palest-
ínumenn upp á síðkastið. Sam-
skipti ríkjanna stirðnuðu mjög
eftir síðustu heimsókn Cooks til
ísraels í fyrra.
Koddaslagur á sýningu
Hið virta Tate-listasafh í
London lokaði dyrum sínum í
gær eftir að tveir menn fóru í
koddaslag á einu listaverkanna
sem þar eru til sýnis, óumbúnu
rúmi með tilheyrandi notuðum
smokkum og skítugum nærfötum.
Hugur í kennurum
Færeyskir kennarar hafa hótað
að fara í verkfall frá 1. nóvember
ef stjómvöld koma ekki til móts
við kröfur þeirra. Kennaramir
vilja fá laun og starfsaðstöðu í
samræmi við ný lög um gmnn-
skóla í Færeyjum.
VW á Grænlandsjökli
Þýsku bílaverksmiðjumar
Volkswagen hafa komist að sam-
komulagi viö grænlensku heima-
stjómina um að leggja 35 km lang-
an veg svo hægt verði að aka upp
á Grænlandsjökul og prufukeyra
þar nýjar gerðir bíla við erfiðar
aðstæður.
Góöur afgangur
Anfinn Kallsberg, lögmaður
Færeyja, getur glaðst yfir því að
tekjuafgangur-
inn á fiárlögum
þessa árs verð-
ur um tvöfalt
meiri en áætlað
var. Fjárlaga-
fmmvarpið
gerði ráð fyrir
um 2,5 milljarða
afgangi en hann verður rúmir
fimm milljarðar, samkvæmt nýj-
ustu tölum frá færeyska fiármála-
ráðuneytinu. Það eru einkum
tekjuskattar og virðisaukaskatt-
urinn sem gefa meira af sér.
Forsetinn sigrar
Ömggt má telja að Zine al-Abi-
dine Ben Ali, forseti Túnis, og
flokkur hans hafi farið með sigur
af hólmi í kosningum í gær. Úrslit
verða kunngjörð í dag.
Kohl vinsæll á ný
Helmut Kohl, fyrrum Þýska-
landskanslari, nýtur nú meiri
vinsælda en Schröder kanslari og
er bara kátur með það, að því er
fram kemur í tímaritsviðtali.
De la Rua vinnur
Ef marka má útgönguspár vann
Femando de la Rua, frambjóðandi
stjórnarandstöðunnar, yfirburða-
sigur í forsetakosningunum í
Argentínu í gær.
Sækja um náðun
Lögmenn Maurice Papons, sem
dæmdur var í
tíu ára fangelsi í
Frakklandi fyrir
að aðstoða nas-
ista við að senda
hundruð gyð-
inga í útrýming-
arbúðir, ætla að
fara fram á það
við Jacques Chirac forseta að
hann náði sakborninginn af
heilsufarsástæðum. Papon, sem
er 89 ára gamall, flúði Frakkland
til að komast hjá fangelsisvist en
hann var handtekinn í Sviss á
fimmtudagskvöld og fluttur í
fangelsi í Frakklandi.