Dagblaðið Vísir - DV - 08.11.1999, Blaðsíða 4

4
MÁNUDAGUR 8. NÓVEMBER 1999
Fréttir
Frétt í DV um tindátaleik stórveldanna fyrir 12 árum staðfest:
Ekki útilokad að Rússar
hafi grandað Suðurlandi
- segir Guðmundur Ásgeirsson hjá Nesskipum hf.
1AGBIAQIÐ - VlSIR
Frjálst óháð dagblað
35. TBL - 77. 09 13. ARG. - MIDVIKUDAGUR 11. FEBRÚAR Í9B7~
Ævintýraiegar fréttir í bresku dagbiaði:
Sovéskur kafbátur
í felum undir
sökkvandi Suðuriandí
-flak skipsins sprengt á hafsbotni eftir að njósnakapall bresks kafbáts festist,"segírblaðlö - sjá W$. 6
„Ef Englendingar hafa staöfest
aö þetta hafi verið eins og um er
rætt þá er nauðsynlegt að fá svar
frá Rússum um hvort þetta sé rétt,
að þeir hafi siglt undir Suður-
landi,“ sagði Guðmundur Ásgeirs-
son, forstjóri Nesskipa hf., í samtali
við DV í gærkvöld. „Enn eru þetta
hálfgerðar getgátur en ekki er úti-
lokað að þessi stóri kafbátur hafi
grandað skipinu okkar,“ sagði Guð-
mundur.
Fréttir af bók Óttars Sveinssonar
blaðamanns um Suðurlandsslysið
og þeim mikla tindátaleik stórveld-
anna sem átti sér stað fyrir nær 13
árum hafa vakið mikla athygli. Þær
eru samhljóða fréttum DV sem birt-
ar voru 11. febrúar 1987 og hafðar
eftir Daily Mail. Guðmundur Ás-
geirsson viðurkennir að á þeim
tíma hafi hann ekki lagt mikinn
trúnað á þær fréttir.
Guðmundur segist ekki enn hafa
rætt við utanríkisráöherra um mál-
ið en ráðherrann mun, að sögn,
óska eftir svörum stórveldanna um
atburðinn.
„Ef svona ferlíki, margfalt stærra
en Suðurlandið, 26 þúsund tonn,
rækist á flutningaskip þá gæti kaf-
báturinn auðveldlega rofið stórt gat
á flutningaskipið. Þessir risakafbát-
ar eru eins og massífir stálklumpar
sem mundu ekki bifast við svona
árekstur," sagði Guömundur.
Skipverjar á Suðurlandi náðu tal-
sambandi við Guðmund um kvöldið
og greindu frá þvi að hafa fundið
mikið högg. „Þeim fannst þeir finna
fyrir geysimiklum dynk en auðvitað
sögðu allir að ekki gæti verið um
neitt slíkt að ræða á svo miklu
dýpi,“ sagði Guðmundur. „Þeir
hringdu í Nesradíó og náðu sam-
bandi við mig. Ég var hjá Slysa-
varnafélaginu og Gæslunni alla
nóttina," sagði Guðmundur.
Æsilegir atburðir á hafsbotni
„Á meðan heimurinn fylgdist
með átakanlegum björgunaraðgerð-
mn í sjónvarpi áttu sér stað enn
æsilegri atburðir á hafsbotni," segir
í frétt DV 11. febrúar 1987. Þar segir
frá fréttum Daily Mail af kafbátum
Sovétmanna og Breta sem háðu
furðulegan leik allt í kringum Suð-
urlandið að kvöldi aðfangadags 1986
og aðhöfðust ekkert þegar Suður-
landið sökk og 6 íslenskir sjómenn
fórust.
„Forsaga málsins var sú að
breski njósnakafbáturinn Splendid
veitti rússneska kjarnorkukafbátn-
um Typhoon eftirfor inn á rúss-
neskt hafsvæði. Aftan úr Spendid
hékk 1800 metra langur hlustunar-
kapall sem gerði eftirfórina mögu-
lega,“ segir í DV á sínum tíma. „Á
aðfangadag virðist sem skipstjóra
rússneska kafbátsins hafi orðið ljóst
að honum var veitt eftirfór og greip
þá til gamalkunnugs ráðs - sigldi í
skjól undir farskip á ferð þar sem
næmur rafeindabúnaður i hlustun-
arkapli Splendid náði ekki til hans.“
Suðuriandið sprengt?
Suöurland varð fyrir áfalli og
lenti í hafsnauð með risakafbátinn
Typhoon undir sér djúpt i sjó. Þegar
Suðurlandið sökk um miðnætti
mátti litlu muna að Rússarnir yrðu
undir skipinu. Splendid kom á fullri
siglingu og þá gerðist það að Suður-
land lenti á hlustunarkapli Bret-
anna og dró hann niður á 2000
metra dýpi.
Reyndar fær það ekki staðist að
kafbáturinn hafi sokkið svo djúpt. í
11 sólarhringa lá Splendid fastur á
hafsbotni. Þá fyrst tók skipherrann
ákvörðun um að losa njósnakapal-
inn og sigla brott.
Strax 7. janúar fóru skip frá Nor-
egi, segir Daily Mail, og vörpuðu
djúpsprengjum á skrokk Suður-
landsins. Er þess getið að Suður-
landið og kapallinn hafi verið
sprengd í tætlur. -JBP
Rjúpnaveiðileyfi:
Engin söluaukning
DV, Húnaþingi vestra:
„Menn tala um að það hafi ekki
verið nein rjúpa. Þetta var þokka-
legt fyrst en síðan hafa menn ekki
verið að fá það sem þeir eru
ánægðir með,“ segir Sigurður
Bjömsson, ferðaþjónustubóndi á
Kolugili í Húnaþingi vestra, en
hann selur veiðileyfi á vinsælasta
rjúpnaveiðisvæðið, Gaflinn, og á
V íðidalstunguheiðina.
Sigurður segist ekki merkja
neina aukningu á sölu veiðileyfa
þetta haustið þrátt fyrir að tals-
verð umfjöllun hafi verið um
rjúpnaveiðileyfin nú í haust eftir
að hreppsnefnd Húnaþings vestra
samþykkti sölu þeirra og ákveðn-
ar reglur í því sambandi.
„Þetta eru mikið til sömu
mennimir sem koma til okkar
haust eftir haust,“ segir Sigurð-
ur.
Þorvarður Guðmundsson er
ferðamálafulltrúi Húnaþings
vestra. Hann taldi að ef til vill
hefði snjóleysið haft þau áhrif að
minna væri um rjúpana, hún
héldi sig ofar af þeim sökum en ef
til vill mundi nú rætast úr þegar
snjórinn væri kominn. -ÞÁ
Græn sjónarmið
DiiihS'fí
Halldór Ásgrímsson, formaður
Framsóknarflokksins, fór mikinn
þegar miðstjórnarfundur flokks-
ins var settur á föstudag. Hann
hjó til hægri og vinstri, þó aðal-
lega vinstri. Enda þurfti hann að
horfa framan í flokkssystkin sín
með þá staðreynd á bakinu að
fylgi Framsóknarflokksins er
orðið minna en fylgi Vinstri-
grænna, sem rænt hafa fylginu af
Framsókn. Vinstri grænir fengu
því að finna til tevatnsins hjá
Halldóri. Hann sagði: „Vinstri
græna kalla þeir sig og enginn ef-
ast um vinstrimennsku þeirra.
Hins vegar sjá allir sem vilja sjá
að það sem þessir vinstrimenn
segja að sé grænt er rautt, eins og
þeir fánar og þær hugsjónir sem
liðsmenn þessa flokks hafa barist
fyrir undanfarin ár og áratugi, á
móti tímans straumi."
Dagfari er eins og fleiri, átta-
villtur í landslagi stjómmálanna.
Hægri er ekki lengur hægri og
vinstri ekki lengur vinstri. Og
ætli menn að styðjast viö litrófið
fer í verra þar sem blátt er bæði helblátt og ljós-
blátt og rautt fer út í bleikt og grænt verður bæði
bláleitt og gult. En þar sem Dagfari og fleiri
svamla um í pólitiskri sætsúpu nútímans er
hjálpin aldrei langt undan. Þökk sé Halldóri for-
manni. Halldór, sem er í forystu fyrir grænum
flokki, hefur áttað sig á því að það sem er grænt
er ekki grænt heldur rautt. Hið græna Vinstri-
hreyfingarinnar græns framboðs
er bara dulargervi sett upp í því
skyni að ræna atkvæðum frá
sauðsvörtum almúganum sem
áttar sig ekki á þvl að það er í
raun græn stefna að gera græna
náttúru bláa en rauð stefna að
vilja hafa hana áfram græna.
Þess vegna verða þeir sem vilja
grænt að kjósa rautt en hinir sem
vilja blátt að kjósa grænt. Þetta
verða þeir að skilja sem horfa
munu á landakort nýrrar aldar.
Halldór Ásgrímsson þolir enga
grámyglu. Hann lætur enga
græningja segja sér að rautt sé
grænt.
Nú má búast við því að hagur
Framsóknar í könnunum eigi eft-
ir að batna. Fólk þekkir litróf
stjómmálanna eftir helgarnám-
skeið á vegum Framsóknar. Og
Halldór sér straum tímans sem
Steingrímur Joð og fleiri af sama
sauðahúsi berjast og hafa barist
gegn undanfarin ár og áratugi.
Straumur tímans mun hafa betur
og bera þá sofandi á sínu græna
að feigðarósi rauðra öfgasjónarmiða. Framsókn-
arstraumurinn mun hins vegar liggja um miðlun-
arlón, aðveituskurði og túrbínur stöðvarhúsa.
Því ráða græn sjónarmið. Dagfari
Ríða út saman
Við opnunarhátíð Landsmóts
hestamanna í Reykjavík á næsta ári á
m.a. að efna til mikillar hópreiðar
umhverfis Rauðavatn. Þar eiga að
fara fremst í
flokki forseti ís-
lands, Ólafur
Ragnar Gríms-
son, borgarstjór-
inn í Reykjavík,
Ingibjörg Sól-
rún Gísladótt-
ir, og síöan ráðherrar,
væntanlega með Davíð Oddsson í
broddi fylkingar. Alls eiga að vera
2000 hestar i þessari miklu reið og
auðvitaö jafnmargir knapar. Er nú
bara að vona að allt gangi slysalaust
fyrir sig og allir komist knapamir
heim heilu og höldnu. Ekki er vitað
hvort Dorrit mætir...
Þraut kraft
Erlendu körfuboltamennirnir eru
sem fyrr á faraldsfæti til landsins og
frá því. Þórsarar á Akureyri eiga
von á sínum þriðja bandaríska leik-
manni á nokkrum
vikum og sömu sögu
er að segja af meist-
urununum í Njarð-
vík. Njarðvíking-
arnir sendu þann
fyrsta heim vegna
þess að hann var
meira fyrir það að
skemmta sér og
hafa það huggulegt
en að leggja sig fram á æfingum eða
í keppni. Sá sem kom í staðinn,
Jason Hoover, bað hins vegar um
að fá að fara heim og verður það lát-
ið eftir honum. Friðrik Ingi Rún-
arsson, þjálfari Njarðvíkinganna,
sagði opinberlega af þessu tilefhi að
Hoover hefði verið áhugasamur í
byrjun en síðan hefði hann þrotið
kraft. Hitt er annað mál að mörgum
finnst víst lítil eftirsjá að þessum
leikmanni, hann hafi eins og t.d.
leikmennimir tveir sem Þór á Akur-
eyri hefur skartað í vetur ekki verið
til stórræðanna á leikvellinum.
Fín auglýsing
Guðjón „Gaupi“ Guðmunds-
son, íþróttafréttamaður á Bylgjunni,
„skúbbaði" því að Pétur Pétursson
yrði ráðinn þjálfari Islands- og bik-
armeistara KR í
knattspyrnu og sagði
m.a. við það tæki-
færi að nú yrðu
brúðhjón að fara að
snúa sér annað
varðandi mynda-
tökur en Pétur hef-
ur starfrækt eigin
ljósmyndastofú
um nokkurt skeið. „Gaupi“
sagði svo frá því á Bylgjunni síðar
sama dag að Pétur hefði haft sam-
band og látið vita að hann myndi
áfram munda myndavélina góðu.
Lagði hann mikla áherslu á þetta og
margendurtók með áherslum mikl-
um eins og honum einum er lagið.
Góðui’ „Gaupi“.
Ljósið daprast
Ragnar Ingi Aðalsteinsson
kennari er þekkt ljóðskáld og hag-
yrðingur, enda hefur hann gefið út
margar ljóðabækur og bækur um
bragfræði. Ragnar
Ingi er frá Vað-
brekku í Jökuldal
og af miklu skálda-
kyni og meðal
bræðra hans er
einn frægast hag-
yrðingur landsins,
Hákon Aðal-
steinsson. En enginn verður
ríkur af skáldskap einum saman og
um siðustu mánaðamót var glugga-
pósturinn til Ragnars Inga óvenju-
mikill. Blöskraði skáldinu þessi
mikli bunki rukkana og orti:
Þung er lundin, lífið puð,
Ijósið daprast hjá mér.
Taktu þegar, góði guð,
gluggapóstinn frá mér.
Umsjón: Gyifi Kristjánsson
Netfang: sandkom @ff. is