Dagblaðið Vísir - DV - 15.11.1999, Blaðsíða 2

20
MÁNUDAGUR 15. NÓVEMBER 1999
Sport
Hvað finnst þér?
Eiga íslendingar
raunhæfa möguleika á að
senda þrjá keppendur til
keppni í badminton á
Ólympíuleikunum í
Sydney árið 2000?
Helgi Magnússon:
Kannski ekki þrjá, en við
eigum góða möguleika á einum
til tveimur, það fer eftir heppni
og því hvemig raðast á mótum.
Broddi Kristjánsson:
Það er ekki víst að við náum
þremur en þau þrjú sem era að
reyna þurfa að ná góðum
árangri á mótum í vetur.
Erla Hafsteinsdóttir:
Já, ég trúi því alveg. Því fleiri
mót sem þau fara á þá eiga þau
betri möguleika og þeirra
möguleikar era eins góðir og
annarra ef þau sækja öll mótin.
Anna Lilja Sigurðardóttir:
Nei, ég myndi ekki segja það,
ég vona að þau komist öll en ég
hugsa samt ekki.
Steinar Petersen:
Já, já, ég held að þau séu
alveg nógu sterk til þess og tel
að þau eigi fullt erindi þangað
eins og íþróttafólk okkar í
öðrum íþróttagreinum.
DV
Stjarnan styrkist
Nýliðar Stjömunnar i úrvalsdeildinni í knattspymu
fengu góðan liðsauka um helgina þegar Kári Jónsson,
sóknarmaður úr Víði í Garði, gekk til liðs við félagið.
Kári er 24 ára og spilaði áöur meö KVA og fleiri
Austfjarðaliðum og hefur gert tæplega 100 mörk í
deildakeppninni. Hann er á fórum til Grikklands og
leikur væntanlega með Panelefsinaikos í B-deildinni
þar til vorsins. „Það er spennandi aö fá loks tækifæri
í úrvalsdeildinni. Mér líst mjög vel á mig hjá Stjöm-
unni, ekki síst þar sem ég hef áður leikið undir stjóm Gorans Kristófers
Micic, hjá Þrótti i Neskaupstað," sagði Kári viö DV. -VS
Anna sló í gegn
Anna Lovísa Þórsdóttir, knattspymukona úr KR, sló
heldur betur í gegn í bandarísku háskólaknattspyrn-
unni í haust en þar leikur hún með Christian Brothers
háskólanum. Á tímabilinu sem var að ljúka var hún
valin bæði besti leikmaðurinn og besti nýliðinn í suð-
austurdeild háskólakeppninnar, og hún var jafnframt
bæði markahæsti og stigahæsti leikmaðurinn i deild-
inni. Anna gerði 17 mörk í 18 leikjum og lagði upp 10
til viðbótar. Anna Lovísa er 22 ára og hefur bæði leik-
ið með 21-árs landsliðinu og stúlknalandsliðinu en hún hefur að mestu
misst af tveimur síðustu tímabilum með KR vegna meiðsla. -VS
Badmintonstúlkan Sara Jónsdóttir vakti mikla athygli:
„Anægjulegt"
Hin átján ára gamla Sara Jóns-
dóttir vakti mikla athygli á alþjóð-
lega mótinu í badminton sem fór
fram í TBR-húsinu um helgina, en
þar náði hún bestum árangri íslend-
inga í einstaklingskeppni. Hún
komst alla leið í undanúrslit og
lagði á leið sinni þangað m.a. Sonju
McGinn frá írlandi, sem er ofarlega
á alþjóðlegum styrkleikalista og var
ein fjögurra keppenda sem var rað-
að í mótið í kvennaflokki. í undan-
úrslitunum mætti Sara Karolinu
Eriksson frá Svíþjóð sem sigraði
Söndra Dimbour frá Frakklandi i
úrslitum.
Kom þessi árangur þér á óvart?
„Já, því ég átti ekki von á þessu
en þetta var mjög ánægjulegt að
komast svona langt á jafnsterku
móti og þessu," sagði Sara.
„Ég æfði fimleika í mörg ár en
þegar ég var 12 ára ákvað ég að
hætta því, sneri mér að badminton
og hef verið í því síðan. Fimleikam-
ir hafa gefið mér góðan grunn og
hafa nýst mér ágætlega í badmint-
oninu.“
Nú ert þú ekki meðal þeirra
þriggja sem keppa að því að kom-
ast á Ólympiuleikana árið 2000,
en þú ert þó vœntanlega búin aö
setja þér markmið i iþróttagrein-
inni?
„Já langtímamarkmiðið er að
komast á Ólympíuleikana árið 2004.
Það era í sjálfu sér engin vonbrigði
að vera ekki meðal þessara þriggja
sem stefna á Ólympíuleikana í Syd-
ney, mér finnst ég enn of ung óg á
eftir að læra svo margt. En hér
heima stefni ég að því að bæta mig
sem mest og ég stefni að því að
verða ís’ mdsmeistari í einliðaleik í
fullorðinsflokki á næsta íslands-
móti.
Brynja Pétursdóttir, sem er í
Ólympíuhópnum, hefur verið að
spila vel og á góða möguleika á að
komast til Sydney, enda æfir hún
við mjög góðar aðstæður erlendis og
það er draumur hjá mér að fá slíkt
tækifæri. Þá fengi ég fleiri æfmgar,
betri þjáifun og miklu fleiri mót.
Hér heima er maður alltaf að spila
við þá sömu og fær ekki nægilega
góða reynslu. Þetta er mjög slæmt
því þegar maður keppir við erlenda
keppendur byrjar maður strax að
bera virðingu fyrir þeim af því að
maður þekkir þá ekki.“
Hvernig gengur að samhœfa
œfingar og skóla?
„Það gengur ágætlega, ég er í MH
á þriðja ári náttúrufræðibrautar og
með góðri skipulagningu er þetta al-
veg hægt en það er oft rosalega mik-
ið að gera. Ég æfi fjórum til fimm
sinnum í viku og svo era mjög oft
mót um helgar sem taka mikinn
tima.
Mér hefur gengið mjög vel á mót-
um. Ég hef tvisvar sinnum komist í
úrslit í tvíliðaleik á Islcmdsmóti í
fullorðinsflokki en á síðasta íslands-
meistaramóti unglinga þá varð ég
þrefaldur meistari. Svo hef ég kom-
ist í undanúrslit í einliðaleik á ís-
landsmóti."
Áttu þér einhverja fyrirmynd í
badmintoninu sem hefur átt sinn
þátt i því að móta þinn stil?
„Nei, ég held ekki. Það hafa allir
sinn sérstaka stil og ég held að ég
hafi ekki enn tileinkað mér neinn
sérstakan stíl. Ég held að ég sé jafn-
víg á flestum sviðum, en það er
alltaf hægt að bæta sig. Fyrir utan
almennar æfingar þá fer ég í einka-
tíma til Huang einu sinni í viku og
það er mjög gott. Ég er ekki viss um
að það myndi bæta mikið að mæta
oftar eða vera lengur, en það mætti
vera meiri agi á æfingunum," sagði
Sara Jónsdóttir badmintonspilari.
-ih