Dagblaðið Vísir - DV - 25.11.1999, Blaðsíða 4

4
FIMMTUDAGUR 25. NÓVEMBER 1999
Fréttir
Páll Pétursson félagsmáilaráðherra segist ekki á útleið:
Hef gott bakland
- forysta flokksins í vanda vegna afstöðu Páls
Pattstaða er í Framsóknarflokkn-
um eftir að í ljós kom að Páll Pét-
ursson félagsmálaráðherra berst
gegn því að ráðherraskipti fari fram
um áramót. Gert hafði verið sam-
komulag við Pál eftir kosningar um
að hann viki sæti fyrir Valgerði
Sverrisdóttur, alþingismanni Norð-
urlands vestra. Þessi ákvörðun var
tekin að höfðu samráði við Pál sem
nauðugur féllst á það á sjúkrabeði
eftir hjartauppskurð. Þá hafði þing-
ftokkurinn í raun ákveðið að fara að
tillögu Halldórs Ásgrímssonar for-
manns og skipta Páli út strax vegna
veikinda hans og með hliðsjón af
því að hann gæti ekki haldið áfram
að starfa undir því álagi sem fylgir
ráðherrastarfmu. Það var í nauð-
vöm sem Páll samþykkti að víkja á
kjörtímabilinu í stað þess að hætta
strax. í samræmi við þessa ákvörð-
un gaf Valgerður Sverrisdóttir frá
sér þau embætti sem hún hafði
gegnt í flokknum, svo sem for-
mennsku þingflokksins og fast sæti
í Norðurlandaráði, auk mikilvægra
nefndarstarfa. Þetta er Valgerður
sögð hafa gert í trausti þess að sam-
komulagiö héldi og hún tæki við
ráðherradómi um áramót. Væntan-
legt brotthvarf Páls um áramót var
tilefni uppskipta milli stjómarflokk-
anna. Seðlabankinn fer undan for-
ræði Finns Ingólfssonar viðskipta-
ráðherra til Daviðs Oddssonar for-
sætisráðherra en Finnur fær
Byggðastofnun í staðinn. Talið er
víst að forysta Framsóknarflokksins
hafi ætlað Páli hlutverk í nýrri
Byggðastofnun þar sem hann gæti
sinnt byggðamálum. Viðmælendur
DV innan Framsóknarflokks eru
sammála um að sú staðreynd að
Páll spymir við fótum hafi slegið
forystuna út af laginu og nú sé ákaft
leitað leiða til að fá Pál út úr ráðu-
neytinu með góðu eða illu til að
rýma fyrir áhrifalausri Valgerði.
Sjálfur sagði Páll við DV að sér væri
ekki kunnugt um að hann væri á út-
leið. Hann væri hinn hressasti eftir
hjartaaðgerðina.
„Það liggur fyrir að ég verð ekki
ráðherra til eilífðamóns. Ef þing-
flokkurinn óskar eftir því að ég láti
af störfum þá verð ég auðvitað að
beygja mig undir þaö,“ segir Páll.
Valgerður Sverrisdóttir bíður þess áhrifalaus að Páll Pétursson taki pokann sinn.
„Ég bý að góðri heilsu og er i
sæmilegu lagi til að sinna þessu
embætti og hef ekki neitt óskað eft-
ir að láta af embætti hvað sem síðar
verður. Ég hef ekki verið að slást
fyrir embættinu
enda hef ég ekkert
verið ónáðaður. "
Ég hef gott bak-
land,“ segir Páll.
Frétftaljós
Reynir Traustason
Páll eins og
ótemja
Svo er að skilja
sem málin séu komin í baklás og
Páll ekkert á þeim buxunum að
hætta sem ráðherra nema þing-
flokkurinn hreinlega þröngvi hon-
um til þess. Deildar meiningar era
innan flokksins um það hvort Páll
eigi að fara eða vera. Málið er ofur-
viðkvæmt og vildu viömælendur
ekki tjá sig undir nafni. Framsókn-
armaður á Norðurlandi eystra og
stuðningsmaöur Valgerðar sagði
Pál eiga að standa við samkomulag-
ið. Geri hann það ekki verði þing-
flokkurinn að fjarlægja hann úr
ráðuneytinu.
„Haxm lætur eins og ótaminn
graðhestur en verður að standa við
orð sín,“ sagði Norðlendingurinn og
vísaði til alþekktra
ummæla Páls í DV
" þar sem hann sagð-
ist vera álíka heilsu-
hraustur og sex
' vetra graðfoli.
Heima í héraði
. Páls, Norðurlandi
vestra, kveður við
annan tón og stuðn-
ingsmenn hans segja hann hafa stað-
ið sig vel á ráðherrastóli og engin
ástæða til að stugga við honum. Þar
bíða menn þess með kreppta hnefa að
flokkurinn stuggi við Páli. Skiptar
skoðanir eru þó þar sem sumir stuðn-
ingsmanna Áma Gunnarssonar vara-
þingmanns vilja láta rýma fyrir sín-
um manni.
Páll Pétursson hefur setið á þingi
allt síðan 1974 og verið grimmur í
umræðum. Menn eru sammála um að
hann hafi notið þess mjög að sitja á
ráðherrastóli og taka þátt í umræðum
þingsins sem slikur. Sérstaklega mun
hann hafa gaman af því að takast á
við Jóhönnu Sigurðardóttur, fyrrver-
andi félagsmálaráðherra, sem á þaö
til að hjóla í hann. Það er því skoðun
meðal samþingmanna Páls að hann
geti vart hugsað sér að láta frá sér
ráðherrastólinn til að verða óbreyttur
þingmaður. Því spymi hann við fót-
um Halldóri formanni til ómælds
ama. Þegar litið er til styrleika þeirra
Valgerðar og Páls er jafnt á komið.
Bæði töpuðu manni í síðustu kosn-
ingum og styrkleikamunur þar er
enginn. Talið er að Valgerður njóti
stuðnings formannsins. Heimildar-
menn DV segja að lyktir ráðherra-
málsins velti á því hvort Valgerður
beri sig að hörku eftir embættinu.
Erfitt verði fyrir forystuna að standa
gegn réttmætri kröfu hennar um að
erfa ríki Páls. Þar geti hún vísað til
þess að hafa hleypt Guðna Ágústssyni
og Siv Friðleifsdóttur frarn fyrir sig í
ráðherrastólnum í trausti þess að
samkomulagið sem gert var á sjúkra-
beði Páls héldi.
Illvígur dómari
Það er nóg að gera hjá útvarpsráði
að hemja þá hjörð sem jarmar á öldum
ljósvakans. Nú er í tísku að nefna til
sögunnar alla þá einstaklinga sem
fjallað er um í einstökum þáttum. Út-
varpsþulir telja sig hafa frjálsar hend-
ur hvað nafnbirtingar varðar og þvi er
hver nafnarunan á fætur annarri les-
in. Útvarpsráð hefur af þessu máli
þungar áhyggjur enda ábyrgt með
endemum. Sá ktrnni útvarpsmaður,
Illugi Jökulsson, hefúr tekið upp á því
að endurskoöa dóma Hæstaréttar í
tveimur þáttum sínum og í þvi skyni
nafngreinir hann sakbominga án til-
lits til sektar eða sakleysis. Svo sem
fram hefur komið í máli hæstaréttar-
lögmannsins Jóns Steinars Gunn-
laugssonar eiga dómarar Hæstaréttar
það til að misstíga sig og dæma þannig
ranglega; hvort sem um er að ræða
sekt eða sýknu. Illugi mun hafa áttað
sig á því að dómaramir em alls ekki
óskeikulir og tekið til við að gera bet-
ur.
Sjálfur er Illugi litt umdeildur dóm-
ari úr Gettu betur, keppni framhalds-
skólanna, hvar hann hefúr kveðið upp hvem
Salómonsdóminn á fætur öðrum án þess að vé-
fengt væri. Hann ákvað því að víkka út dómara-
starf sitt og hverfa frá framhaldsskólunum og
takast á hendur úrskurði fyrir þjóðfélagið allt. 111-
ugi þykir illvígur útvarpsmaður en siðblindur er
hann ekki. Hann byrjaði því á því að segja af sér
sem dómari Gettu betur áður en hann hófst handa
við að tugta til kollega sína í Hæstarétti. Með
hreina samvisku að vopni fann hann strax dóm
sem var á skjön við réttlætið og fjallaði að sjálf-
sögðu um það í þáttum sínum með sínum hætti.
Nú brá svo undarlega við aö jómfrúarmál Illuga
dómara fór fyrir brjóst Jóns Steinars og hann
brást illa við úrskurði Illuga og heimtaði að fá
sjálfúr eigin útvarpsþátt til að andmæla hinum
nýja yfirdómara sem var að skammast í dómurun-
um sem hann sjálfur hafði áður skammað.
Jón Steinar sendi því útvarpsráði erindi þar
sem hann krafðist þess að fá eigin útvarpsþátt til
að lýsa sínum skoðunum á Hæstarétti. Ráðið stóö
því frammi fyrir einhverjum erfiðustu málum fyrr
og síðar; annars vegar þurfti að taka afstöðu til
óskar Jóns Steinars um að fá eigin vettvang til að
dæma lifandi sem dauða og hins vegar að taka af-
stöðu til hins nýja þáttar Illuga í dómskerfi lands-
manna. Eftir nokkrar bollaleggingar var ráðið
sammála um að hafna hæstaréttarlögmanninum.
Þegar kom að þriðja dómstiginu vandaðist málið.
Minnihluti ráðsins taldi að fllugi hefði fyrir mis-
skilning tekið til við að endurskoða hæstaréttar-
dóma í beinni útsendingu en meirihlutinn var sem
endranær á annarri skoðun og taldi Dluga vera
viljandi að stofna til þriðja dómstigsins. Það var
því samþykkt að skamma hann lauslega fyrir
dómana en láta annars kyrrt liggja. Bókað var það
viðhorf minnihlutans að rangt væri að skamma
fyrir það sem menn gera óvart. Illugi mun því
áfram hafa fijálsar hendur á meðan hendur Jóns
Steinars Gunnlaugssonar eru bundnar. Skilnings-
leysi útvarpsráðs á dómsmálum og endurupptöku
þeirra er því takmarkað. Dagfari
sandkorn
Vakinn og sofinn
Nú, þegar Vinnslustöðin hefur
ákveðið að hætta við sameiningu, er
óvíst hver verður forstjóri Vinnslu-
stöðvarinnar. Sigurgeir Brynjar
Kristgeirsson, nú-
verandi fram-
kvæmdastjóri, er
ekki búsettur í Eyj-
um og er samkvæmt
heimildum Sand-
koms ekki á leið-
inni að flytja þang-
að. Sandkornsrit-
ari rakst á það að
á heimasíðu Verð-
bréfaþings kemur fram að Sig-
hvatur Bjarnason sé enn forstjóri
Vinnslustöðvarinnar en margir
mánuðir eru síðan hann hætti. Þeg-
ar hann hætti kvartaði hann yfir
því að hafa ekki sofið þessi sjö ár
sem hann rak Vinnslustöðina. Gár-
ungamir í Eyjum hafa kallað hann
Sighvat svefhlausa síðan. Það skyldi
þó ekki vera að hann sé á leið aftur
í slaginn - úthvíldur...
Reiðikast Moggans
Reykjavíkurbréf Moggans um
helgina var lagt undir frásögn Ævi-
sögu Steingríms Hermannssonar
af tilurð ríkisstjómar Gunnars
Thoroddsen sem fyr-
ir 20 árum klauf
Sjálfstæðisflokkinn.
Harkalega er vikið
að gömlu kempun-
um Friðjóni Þórð-
arsyni og Pálma
Jónssyni, Bene-
dikt Gröndal fær
vel útilátið spark,
Ragnar Amalds og
Svavar Gestsson eru sakaðir um
hugleysi og Gunnar heitinn
Thoroddsen er gerður að sérstökum
svikara. Helstu skýringamar á
þessu reiðikasti höfundar Reykja-
víkurbréfs gagnvart mönnum sem
eru löngu hættir í pólitík og sumir
látnir, virðist það helst að lína rit-
stjóranna fyrir 20 árum um söguleg-
ar sættir kommanna og íhaldsins
gekk ekki eftir og eftir allan þennan
tíma hafa þeir ekki enn jafnað sig...
•
Fornkappar myndaðir
Guðlaugtu- Tryggvi Karlsson
situr nú með sveittan skallann í um-
broti á framættarrannsókn Sigur-
geirs heitins Þorgrímssonar, ætt-
fræðings og eins
frumkvöðuls ætt-
fræðisíðna DV. Eins
og gefur að skilja
koma margir land-
námsmenn við sögu
en lítið er um
myndefni af fom-
mönnum. Því bar
Guðlaugur sig upp
við bekkjarsystur sína, Guðrúnu
Karlsdóttur á Landsbókasafni, í
von um lausn á þeim vanda. Lögðu
þau höfuðið í bleyti og nú er lausn-
in fundin. Þau ætla að fá bekkjar-
systur sína, Sigrúnu Guðmunds-
dóttur, kennara og myndhöggvara,
til að gera myndirnar eftir teikning-
um. Munu Auðunn skökull, Ketifl
hængur og fleiri kappar þá „lifna
við“ á ný og ætti myndataka þá ekki
lengur að vefjast fyrir Guðlaugi...
Hafnfirskir flugmenn
I tilefni hugmynda Helga Hjörv-
ars, forseta borgarstjómar, um eina
flugbraut í Reykjavík benda kunn-
ugir á að ekki verði hægt að lenda í
austan- og vestanátt.
Helgi verði því að
beita sér fyrir því að
flugfélögin ráði til
sín hafnfirska flug-
menn. Margir
muna eflaust eftir
munnmælasög-
unni um hafn-
firsku flugmenn- _
ina sem komu inn til lendingar
og annar sagði; Nei, sjáðu hvað flug-
brautin er rosalega stutt. Og hinn
svaraði: Já, og breið...!
Umsjón: Reynir Traustason
PnNPpqHHPPHPNHHHNPPPHHHPPP^NPbhN.
Netfang: sandkom @ff. is
t