Dagblaðið Vísir - DV - 30.11.1999, Blaðsíða 4
4
ÞRIÐJUDAGUR 30. NÓVEMBER 1999
Fréttir_______________________________________pv
Ríkissaksóknari ákærir Þórhall Ölver Gunnlaugsson fyrir ásetningsmanndráp:
Ég lýsi mig alsaklausan
- verjandinn i málinu lætur að því liggja að hann fari fram á frávisun ákæru
„Ég, herra dómari, andmæli
ákærunni. Hún á sér enga stoð. Ég
lýsi mig alsaklausan af að hafa ban-
að Agnari. Ég kom á staðinn . .
Þessi orð mælti Þórhallur Ölver
Gunnlaugsson, títt nefndur Vatns-
beramaður, sem ákærður er fyrir að
hafa banaö Agnari W. Agnarssyni á
heimili hans við Leifsgötu í sumar.
Máiið var þingfest í gær og Þór-
halli birt ákæran. Þegar þama var
komið sögu greip Valtýr Sigurðsson
dómsformaður fram i fyrir sakbom-
ingnum og sagði hann ekki þurfa að
skýra sitt mál frekar að svo stöddu
þar sem hann var einungis beðinn
um að gera grein fyrir því hvort
hann samþykkti efni ákærunnar
eða ekki.
Ríkissaksóknari ákærir Þórhall
fyrir manndráp með því að hafa
„margsinnis" lagt til Agnars heitins
með hnifi eða hnífum - hæði aftan-
vert og að framanverðu. Með öðmm
orðum hinn ákærði er ákærður fyr-
ir manndráp af ásetningi - þyngstu
sakargiftir sem mögulegt var að fá i
þessu máli.
„Ég er sekur um ...
Það vakti verulega athygli við
réttarhaldið í gær að Þórhallur Öl-
ver lýsi sig nú saklausan af verkn-
aðinum. Ákæran er 1 tveimur lið-
um. Varðandi þann síðari, þar sem
sakborningnum er gefið að sök að
hafa strax eftir að hafa banað Agn-
ari stolið skartgripum að verðmæti
285 þúsund krónur úr íbúð hans.
„Ég er sekur um að hafa tekið
þessa hluti,“ sagði Þórhallur og
bætti skömmu síðar við“. . . og
ónýta peningaseöla.“
fm
•«4 ■ >“!*■*!?*(Zfi , ..
t gpk *
Áhorfendur ráku margir hverjir upp stór augu við þingfestinguna í gær þeg-
ar Þórhallur Ölvir, oft nefndur Vatnsberamaðurinn, lýsti sig alsaklausan af
að hafa banað Agnari W. Agnarssyni. DV-mynd Hilmar Þór
Þórhallur viðurkenndi við lög-
reglurannsókn í sumar að hafa átt í
átökum við Agnar á heimili hans.
Hann viðurkenndi líka í tímaritinu
Mannlífl að hafa banað manninum.
Þetta mun allt skýrast betur þegar
réttarhöldin hefjast - hvers vegna
maðurinn lýsir sig nú alsaklausan.
Flækjur fram undan
Hinn fjölskipaði dómur mun
þurfa að taka á ýmsum álitamálum
á næstunni - meira að segja áður en
aðalréttarhöldin og dómsyfirheyrsl-
umar hefjast. Hilmar Ingimundar-
son, verjandi ákærða, óskaði til að
byrja með við þingfestinguna í gær
að öll réttarhöldin þegar að þeim
kemur á næstu vikum verði haldin
fyrir luktum dyrum. Ástæðan er til-
litssemi gagnvart fjölskyldu sak-
bomingsins.
Valtýr dómari bar bækur sínar
saman við meðdómendurna tvo,
Hjört 0. Aðalsteinsson og Sigríði
Ingvarsdóttur. Niðurstaðan var að
hafna kröfunni. Forsendan var ein-
föld. Meginreglan samkvæmt mann-
réttindasáttmála Evrópu væri að
réttarhöld skyldu haldin opinber-
lega.
Verjandinn óskaði þá eftir að
dómurinn legði fram úrskurö um
höfnunina og verður hann við því á
næstunni..
Ákæru verði vísað frá?
Verjandinn lét ekki þar við sitja
og sagði að hann mundi jafnvel fara
fram á að ákæranni yrði vísað frá
dómi. Ástæðan fyrir því er sú að
hann telur lögreglurannsókninni í
manndrápsmálinu hafa verið ábóta-
vant.
Næsta réttarhald í málinu verður
klukkan 16.30 á miðvikudag í næstu
viku, þann 8. desember. Þá verður
væntanlega lögð fram krafa um frá-
vísun ákæru ef því verður að skipta
og síðan ákveðið hvenær dómsyfir-
heyrslumar hefjast með öllum til-
heyrandi vitnum í málinu.
-Ótt
Hættulegir kjánar
Náttúruvemdarsamtök-
in World Wildlife Fund
eiga i dag fund með stjórn-
endum Norsk Hydro vegna
Eyjabakkasvæðisins og
væntanlegra virkjunar-
framkvæmda á Austur-
landi. Fundurinn verður
væntanlega í höfuðstöðv-
um Norks Hydro í Noregi.
Vafamál er hvort eitthvert
vit verði í þessum fundi,
hann verði hreinlega hálf
kjánalegur og litt að
márka niðurstöður hans -
ef einhveijar verða. Ekki
vegna þess að fulltrúar
nefndra náttúruverndar-
samtaka séu einhveijir
kjánar heldur gestgjafam-
ir, forráðamenn Norsk
Hydro. Þeir hafa nefnilega
gert þá skyssu að vilja
ekki leyfa Steingrími Her-
mannssyni, fyrirverandi
forsætisráðherra og lista-
smið, að sitja fundinn. Og
það þótt Steingrímur hefði
verið meira en til í að fara.
Hvað annað? Norðmenn
em ekki uppnumdir yfir
ferðagleði Steingríms og
skynja hættuna af nær-
vera hans. Því er ljóst að
fulltrúar World Wildlife
Fund verða eins og kjánar á fundinum vegna
þess kjánaskapar Norðmannanna að hafna
Steingrími og Áma Finnssyni, framkvæmda-
stjóra Náttúruvemdarsamtaka íslands. Hvorki
þeir né forráðamenn Norsk Hydro mimu heyra
raddir íslenskra umhverfissinna. Þeim hefur
verið hafnað.
Þó Steingrímur og Ámi séu ekki hættulegir
þýðir það ekki að þeir séu einhverjir kjánar.
Öðru nær. Þeir vita sem er að á nýrri öld mun
hreinlega verða hættulegt að vera umhverfis-
sóði og þeir vilja koma þeim boðskap á fram-
færi á fundi með norsku álkóngunum. En kján-
ar skynja yfirleitt ekki hættu og sjá því enga
ástæðu til að hlusta á Steingrím eða Árna eða
aðra hættulega menn sem skynja hættuna af
þeim kjánaskap sem felst í að stunda sóðaskap
i umhverfinu. Steingrímur veit að hættulegir
menn eru kjánalegir og kjánar era hættulegir.
Þess vegna er útséð með að Steingrímur
muni hafa nokkur áhrif á norsku álkóngana.
Og því síður á uppeldissyni sína í ríkisstjórn-
inni. Þeir hafa hafnað Steingrími eins og Norð-
mennimir. Steingrímur og Ámi eiga ekki upp
á pallboröið hjá álkóngunum í Framsókn frek-
ar en hjá þeim norsku. Forystan í Framsókn
virðist skynja hættuna af Steingrími. Og Stein-
grímur veit eins og er að hann á ekki lengur er-
indi í Framsóknarbrúnni og vill ekki flækjast
þar fyrir. Enda þýðir það ekkert þar sem hon-
um hefur verið hafnað og ekkert mark á hon-
um tekið vegna hættunnar sem af honum stafar
sem aftur er til komin vegna þess að hann
skynjar hreinlega hættuna af umhverfissóðum
nýrrar aldar. Dagfari
sandkorn
Fjölskylduvirkjun
Það þykir einkennileg tilviljun
hvernig ein fjölskylda tengist
Fljótsdalsvirkjun frá ýmsum hlið-
um. Friðrik Soph-
usson, forstjóri
Landsvirkjunar, og
Guðmundur
Gunnarsson, for-
maður Rafiðnaðar-
sambandsins, em
bræðrasynir. Guð-
mundur hefur
gagnrýnt ríkisstjóm-
ina fyrir að setja virkjunina ekki í
umhverfismat en Friðrik vill ólm-
ur virkja. Nú hefur Björk, dóttir
Guðmundar, gengið í lið með karli
foður sinum. Hún ætlar að gefa út
lag sem verður sett á heimsvefinn
en tekjur af þvi eiga að renna í ný-
sköpunarsjóð fyrir ungt fólk á
landsbyggðinni. Daníel Ágúst Har-
aldsson í Gus Gus, tengdasonur
Friðriks, ætlar að syngja með. Loks
hefur Guðmundur Hálfdánarson
í Háskólanum sett fram kenningar
um hvemig umhverfisvernd hefur
komið í stað sjálfstæðisbaráttunn-
ar í hugum landsmanna. Faðir
Guðmundar er einmitt bróðir feðra
þeirra Guðmundar í RSÍ og Frið-
riks. Það þarf því vart mikið hug-
myndaflug til að ímynda sér hvert
umræðuefnið verður í jólaboðum í
þeirri fjölskyldu...
Hve góð er hún?
Þá er jólabókaflóðið skollið yfir
og hefðbundinn slagur um sölu
byijaður á fullu. Nokkrar ævisögur
er að venju að finna í
flóðinu. Ein þeirra er
ævisaga Ólafs Ólafs-
sonar, fyrrum land-
læknis. Sagan er ef-
laust full af skemmti-
legum firásögnum að
hætti Ólafs, líflegu
orðfæri hans og
hnyttnum svörum,
Og fyrst verið er að tala um hnytt-
in tilsvör segir sagan að maður
hafi hitt mann á götu og hafi tal
þeirra borist að ævisögu landlækn-
is sem annar hafði lesið. Hinn
spurði lesandann hvernig bókin
hefði verið og svarið þótti vel við
hæfi: Alveg sjúklega góð...
Pósturinn Páll
Önnur bók í fyrmefndu flóði er
smásagnasafn Páls Kristins Páls-
sonar, Biu-ðargjald
greitt. I sögunni er
að sjálfsögðu komið
inn á póstinn eins
og nafnið gefur til
kynna. Þar að auki
mun fjallaö um
forlagahyggju og
einkennilegar til-
viljanir. Skemmti-
legasta tilviljunin í sambandi við
bókina þykir þó kannski að eigin-
kona Páls, Elsa María Ólafsdótt-
ir, réð sig til starfa sem dreifingar-
stjóri hjá íslandspósti daginn sem
Páll skilaði inn handritinu...
Smekkleysa
Frelsarinn.is, vefur Heimdallar,
fjallaði um helgina um hugmynd
Árna Johnsens, fyrsta þingmanns
Sunnlendinga, um göng milli lands
og eyja. Frelsarinn, sem segist eiga
ættir að rekja til Eyja,
segir að fyrst göngin
verði svona mikið not-
uð hljóti einhver að
vilja taka áhættuna af
því að bora og fá síð-
an að rukka veggjald.
En meðan enginn _
vill taka áhættuna geti Árni
ekki talað um hlutimir séu hag-
kvæmir og góðir fyrir landsmenn.
Svo segir. „Mr. Jolmsen. Næst þeg-
ar þú vilt að Frelsarinn borgi und-
ir þínar vinsældir skaltu vinsam-
legast ekki fela það með einhverju
aumkunarverðu þvaðri um þjóðar-
hag eða almannaheill. Vér Vest-
mannaeyingar kærum okkur ekki
um smekkleysu af þvi tagi.“
Umsjón Haukur L. Hauksson
Netfang: sandkorn @ff. is