Dagblaðið Vísir - DV - 30.11.1999, Blaðsíða 8

8
ÞRIÐJUDAGUR 30. NÓVEMBER 1999
Útlönd_____________________
Fórnaði lífi sínu
fyrir farþega á
ferjunni Sleipni
Leif Larsen, sjómaður á
norsku ferjunni Sleipni sem
sökk á fóstudagskvöld, lét það
verða sitt síðasta verk að láta
farþega fá björgunarbúning
sinn. Larsen er einn þeirra sem
saknað er eftir slysið. Allt að
nítján manns fórust með ferj-
unni þar sem hún sökk undan
Haugasundi eftir að hafa steytt á
skeri.
Sjónvarvottur sagöi norska
blaðinu Aftenposten að Larsen
hefði farið úr flotbúningi sínum
og síðan hjálpað farþega aö kom-
ast í hann. Fljótlega á eftir hvarf
Larsen í ólgandi hafið.
„Þannig munum við eftir
Larsen. Alltaf tilbúinn að hjálpa
öðrum,“ segir fyrrum starfs-
félagi hans við Aftenposten.
Forstöðumaður norsku sigl-
ingamálastofnunarinnar sagði í
gær að Sleipnir hefði aðeins haft
leyfi tO að sigla í tiltölulega lygn-
um sjó. Skipið hafði aðeins verið
þrjá mánuði í rekstri og mátti
aðeins sigla í eins meters háum
öldum þar sem björgunarbúnað-
urinn um borð hafði ekki verið
prófaður í ólgusjó. Strandgæslan
telur að ölduhæöin hafi verið
tveir til þrír metrar kvöldið sem
skipið fórst.
STORM
Cl LB E R T
Lauqaveqi 62- Sími: 551 4100
STOPP!
Lóttu ekki innbrotsþjófa valsa
um eigur þinar.
ELFA-GRIPO
innbrots-, öryggis- og brunakerfin
eru ódýr trygging!
Kynningartilboð
Þróilous kerfi fró 15.912 stgr.
Þráðkerfi frí 13.410 stgr.
ÚRVAL AUKAHLUTA:
Sirenur, reykskynjarar,
hreyfiskynjarar, fjarstýringar,
hringibúnaður o.fl.
Veitum tækniráðgjöf og önnumst
uppsetningu ef óskað er.
Mmi Farestveit & Co.hf.
___________Borgntúni 28 V 562 2901 og 562 2900
Blóövellir mexíkóskra eiturlyfjabaróna fundnir:
Eitt hundrað lík
í fjöldagröfum
Allt að eitt hundrað lík mexíkóskra
og bandarískra borgara kunna að
vera grafin í fjöldagröfum mexíkóskra
eiturlyfjabaróna sem fundust nærri
landamæraborginni Juarez, gegn E1
Paso í Texas. Mexíkóskir hermenn og
lögregluþjónar, ásamt sveit frá banda-
rísku alríkislögreglunni FBI, byrjuöu
að grafa upp líkin í gær.
Að sögn bandarísku sjónvarps-
stöðvarinnar CBS eru allt að eitt
hundrað lík grafin á landareignum
tveggja búgarða nærri Juarez. Tvö
hundruð starfsmenn FBI koma að
rannsókninni, stærsta samvinnuverk-
efni lögreglu í Mexíkó og Bandaríkj-
unum um nokkurt skeið.
„Rannsóknin miðar að því að upp-
lýsa fjölda morða og mannshvarfa
sem tengjast eiturlyfjaviðskiptum,"
sagði í tilkynningu frá skrifstofu
dómsmálaráðherra Mexíkós. Talið er
félagar í eiturlyfjahring sem kenndur
er við Juarez hafi staðið fyrir morð-
unum og mannshvörfunum.
Eiturlyfjahringurinn sem hefur
höfuðstöðvar sínar í Juarez er talinn
einhver sá illskeyttasti í öllu Mexíkó.
Hann er talinn hafa flutt mörg tonn af
kólumbísku kókaíni yfir Rio Grande-
ána sem skilur að Mexíkó og Banda-
ríkin.
Jaime Hervella, forseti alþjóðlegra
samtaka ættingja og vinafólks sem
hefur horfið, sagði fréttamanni
Reuters að samtökin hefðu verið að
leita að 196 manneskjum sem hafa
horfið í Juarez frá árinu 1990. Átján
hinna horfnu eru bandarískir borgar-
ar.
„Við bíðum í ofvæni eftir fréttum,"
sdagði Hervella. Hann sagði að starfs-
menn dómsmálaráðuneytisins heföu
sagt honum að hundruð líka kynnu að
vera grafrn á búgörðunum tveimur.
í fréttum CBS sagði að margir
þeirra sem saknað er hefðu síðast sést
í vörslu mexíkósku lögreglunnar, sem
hefði hugsanlega tekið við fyrirmæl-
um frá eiturlyíjaklíkunum.
Sjónvarpsstöðin KVIA í E1 Paso
hafði eftir embættismönnum banda-
ríska dómsmálaráðuneytisins að
bandarískir og mexíkóskir laganna
verðir hefðu verið að leita að tveimur
bandarískum lögreglumönnum, öðr-
um frá FBI og hinum frá fíkniefna-
löggunni DEA, og fundið þá báða
látna á skotæfingasvæði sunnan við
Juarez. Ekki var greint frá því
hvenær mennirnir voru drepnir eða
hvenær þeir fundust.
Uppgreftinum á búgörðunum
tveimur verður fram haldið í dag og
er talið að verkið geti tekið allt að
þrjátíu daga.
Tracie McGovern og stöffur hennar í ástralska kvennalandsliðinu í knattspyrnu hafa gefið út dagatal með nektar-
myndum af öllum liðskonunum. Tilgangurinn er að vekja athygli á liðinu, sem gengur undir nafninu Matthildurnar,
fyrir ólympíuleikana í Sydney á næsta ári. Upplagið var aukið úr 5 þúsund í 45 þúsund eintök.
Stjórn mótmælenda og
kaþólikka á N-írlandi
í kjölfar sögulegrar myndunar
heimastjórnar mótmælenda og kaþ-
ólikka á N-írlandi mun breska
stjómin leggja fram lagabreytingu á
þingi um að völd Breta á N-írlandi
verði framseld til heimastjómarinn-
ar. Heimastjómin mun síðan koma
formlega saman á fimmtudaginn. Þá
fá norður-írsku stjórnmálamennirn-
ir ábyrgð á meðal annars landbúnað-
armálum, umhverfismálum, menn-
ingar- og menntamálum, heilbrigðis-
og félagsmálum og viðskiptum.
108 n-írskir stjómmálamenn hitt-
ust í gær í Stormontkastala og tU-
nefndu 10 ráðherra nýju heima-
stjómarinnar. Stærsti sambands-
flokkurinn, Ulsterflokkurinn, og
Jafnaðarmannaflokkurinn fá þrjú
sæti hvor en Lýðræðislegi sam-
bandsflokkurinn og Sinn Fein,
pólítískur armur IRA, írska lýðveld-
Leiðtogi Sinn Fein, Gerry Adams,
og Martin McGuinness, mennta-
málaráðherra nýju heimastjórnar-
innar.
ishersins, fá tvö sæti hvor.
Framtíð þessarar fyrstu heima-
stjómar N-íra í 25 ár er háð því
hvort IRA standi við loforð sitt og út-
nefni mUligöngumann sem semja á
við óháða nefnd um afhendingu
vopna og skotfæra.
Það þykir þó tU marks um bjart-
sýni á að stjórnin eigi framtíö fyrir
sér að fyrrverandi leiðtogi IRA og
núverandi samningamaður Sinn
Fein, Martin McGuinness, var skip-
aður í embætti menntamálaráð-
herra.
George MitcheU, samningamaður
Bandaríkjanna í friðarviðræðunum
á N-írlandi, kvaðst í gær viss um að
líðan sín yrði frábær á flmmtudag-
inn þegar nýja heimastjórnin kemur
saman í fyrsta sinn. Hann varaði þó
við að áfram mætti búast við ofbeldi.
Stuttar fréttir i>v
Óveður í Svíþjóð
Margir slösuðust alvarlega í
versta óveðrinu sem gengið hefur
yfír Svíþjóð í 30 ár. MikU röskun
varð á umferð og rafmagn fór af
heimUum tuga þúsunda.
Sleppt úr varðhaldi
Veronicu og Per Kristian
Orderud var sleppt úr 5 mánaöa
gæsluvarðhaldi í Noregi í gær. Þau
voru hneppt í varðhald í kjölfar
morða á systur og foreldrum Pers
Kristians.
Vollebæk vonsvikinn
Það var ískalt andrúmsloft á
sameiginlegmn fréttamannafundi
Knuts
VoUebæks, utan-
ríkisráðherra
Noregs, og Igors
Ivanovs, utan-
ríkisráðherra
Rússlands, í
Moskvu í gær.
Rússar vUja ekki
segja hvenær sendinefnd ÖSE, Ör-
yggis- og samvinnustofnunar Evr-
ópu, fær að koma tU Tsjetsjeníu
undir forystu VoUebæks. Norski ut-
anríkisráðherrann kvaðst vera von-
svikinn.
Mjósnari afhjúpaður
Háttsettur bandarískur sjóliðs-
foringi njósnaði árið 1994 fyrir er-
lent ríki, að því er yfirmaður
bandaríska flotans tilkynnti í gær.
Sparifé undir dýnuna
Nokkrir Danir óttast 2000 vand-
ann. Hafa þeir tekið fé sitt úr bönk-
um. Bankaráögjafar segja hættu-
legra að geyma fé sitt undir dýn-
unni en í bönkunum.
Þreyttir á jólunum
Bandarikjamenn eru orðnir
þreyttir á jólunum. Síðustu ár hafa
58 prósent þeirra reynt að draga úr
prjálinu sem fylgir jólunum.
Jeltsín á sjúkrahús
Borís Jeltsín Rússlandsforseti
var í gær fluttur á sjúkrahús.
Læknar töldu sig hafa séð merki
þess að forsetinn
væri að fá
lungnabólgu of-
an í lungnakvef
sem hann fékk í
síðustu viku. Á
undanförnum
tveimur árum
hefur Jeltsín
tvisvar fengið lungnabólgu.
Deila um 5 ára dreng
5 ára kúbverskur drengur
fannst á floti í bílslöngu á Atlants-
hafi eftir flótta frá Kúbu. Móðir
drengsins drukknaði. Faðir
drengsins vill fá drenginn heim
til Kúbu en ættingjar í Bandaríkj-
unum vilja halda honum þar.
Kærður fyrir morð
Lögreglan kærði í gær 26 ára
gamlan mann fyrir morðtilraun eft-
ir að hann réðist nakinn með sverði
á kirkjugesti í London á sunnudag.
í fangelsi um áramótin
Egon Krenz, fyrrverandi leið-
togi A-Þýskalands, mun byrja af-
plánun sex og hálfs árs fangelsis-
dóms fyrir lok þessa árs.
Vilja einangra Baska
Spænska ríkisstjórnin hvatti
stjórnmálaflokka í landinu i gær til
að einangra ETA, aðskilnaðarhreyf-
ingu Baska, eftir að hún batt enda á
14 mánaða langt vopnahlé um helg-
ina.
Strauss-Kahn á teppið
Dominique Strauss-Kahn, fyrr-
um fjármála-
ráðherra
Frakklands,
hefur verið
kallaður fyrir
rannsóknar-
dómara og sæt-
ir nú formlegri
rannsókn vegna
gruns um aðild að fjársvikamáli.
Strauss-Kahn sagöi af sér í
nóvemberbyrjun til að reyna að
hreinsa nafn sitt.