Dagblaðið Vísir - DV - 06.12.1999, Blaðsíða 8

Dagblaðið Vísir - DV - 06.12.1999, Blaðsíða 8
MANUDAGUR 6. DESEMBER 1999 Utlönd Stuttar fréttir Tuttugu iétust í sprengingum í fjölbýlishúsum Að minnsta kosti ellefu létust er sprenging varð í fjögurra hæða fjölbýlishúsi í Dijon í Frakklandi aðfaranótt sunnu- dags. Alls bjuggu 14 manns í hús- inu en þar sem afmælisveisla var í einni íbúðinni var í gær ekki vitað hversu margir væru grafn- ir í rústunum. í bænum Zernograd í suðurhluta Rúss- lands hrundi hluti fjölbýlishúss, sem í bjuggu 44, á laugardaginn. í gær höfðu björgunarmenn fund- ið 10 lik í rústunum. Afvopnunarvíð- ræður hafnar á Norður-írlandi Irski lýðveldisherinn, IRA, til- kynnti í gær að hafnar væru við- ræður um afvopnun við John De Chastelain, formann alþjóðlegrar nefndar um afvopnun skæruliða kaþólikka og mótmælenda. í til- kynningu IRA sagði að milli- göngumaður samtakanna hefði átt fund með alþjóðlegu nefnd- inni. IRA nafngreindi ekki milli- göngumann sinn. Fangelsismálayfirvöld visuðu á bug vangaveltum um að fang- inn Padraig Wilson, sem situr í Mazefangelsinu, hefði fengið að fara úr fangelsinu um helgina til fundar við afvopnunarnefndina. Breskt blað hafði greint frá því að Wilson væri milligöngumaður IRA. Vill takmarka stækkun ESB Evrópusambandið, ESB, á ekki að veita fleiri löndum aðild þegar stækkuninni, sem nú stendur fyr- ir dyrum, er lokið. Þetta segir Chris Patten, sem fer með utan- ríkismál í framkvæmdastjórn sambandsins, í viðtali í nýjasta tölublaði þýska tímaritsins Der Spiegel. Fimm riki bíöa nú inn- göngu í bandalagið: Tékkland, Eistland, Ungverjaland, Pólland og Slóvenía. Patten telur nauðsynlegt að gera langt hlé á inntöku nýrra landa eftir að fyrrgreind lönd eru orðin aðilar. Hann segir nauð- synlegt að ákveða hvar mörk Evrópu séu. Á komandi leiðtoga- fundi ESB í Helsinki munu bæði Spánn og Þýskaland krefjast þess að stækkun ESB haldi áfram. Engar fregnir frá Mars Ekkert hafði í gær heyrst frá könnunarfarinu sem lenda átti á Mars á föstudagskyöld. Óvíst þótti í gær hvort könnunarfarið og tveir minni sendar hefðu yfir- höfuð lent á Mars. Vísindamenn NASA, banda- rísku geimferðastofnunarinnar, voru þó bjartsýnir í gær og töldu ekki alla von úti. í september misstu vísinda- menn annað Marsfar vegna mannlegra mistaka. Verkefnið nú kostar um 12 milljarða ís- lenskra króna. Saksóknarinn í Bonn: Ihugar rannsokn á þætti Kohls Saksóknarinn í Bonn, Dieter Irs- feld, íhugar nú að hefja rannsókn á þætti Helmuts Kohls, fyrrverandi kanslara Þýskalands, í meintri spill- ingu flokks hans, kristilegra demókrata. Þýska blaðið Bild am Sonntag greindi frá þessu í gær. „Saksóknaraembættið verður að meta málið vegna ummæla herra Kohls á þriðjudaginn og vegna kæru sem barst skrifstofu okkar á föstudaginn," sagði fulltrúi sak- sóknarans í viðtali við blaðið. Stjórn kristilegra demókrata er enn með skrifstofu í Bonn og það er þess vegna sem saksóknarinn þar ber ábyrgð á mögulegri rannsókn. Kohl viðurkenndi á þriðjudaginn að hafa borið ábyrgð á leynireikn- ingum flokks síns. Sjálfur hefur hann ekki sýnt mikinn vilja til að kafa til botns í málinu. Hann hefur einungis greint opinberlega frá smá- atriðum í málinu þegar þrýstingur- Kohl segist aldrei hafa látifl peninga hafa áhrif á pólitískar ákvarðanir sínar. Símamynd Reuter inn hefur einnig verið orðinn óbærilegur innan Kristilega demókrataflokksins. Kohl lætur einnig sem að málið skipti hann litlu. „Stormurinn sem geisar utandyra fer hjá," sagði hann í sjónvarpsvið- tali síðastliðinn föstudag. „Ég hef lifað af aðra storma og ég mun lifa þennan af." Hann ítrekaði að hann hefði ekki sjálfur gerst brotlegur. „Það er óhugsandi að peningar hafi haft áhrif á pólitískar ákvarðanir mínar. Ég hef aldrei látið þá gera það," sagði kanslarinn. Traust Þjóðverja á pólitíska kerfinu hefur minnkaö í kjölfar hneykslismála að undanförnu hjá bæöi kristilegum demókrötum og jafnaðarmönnum. 70 prósent Þjóðverja segjast ekki treysta stjórnmálamönnum jafn vel og áður. Fimm stúlkur, 14 til 21 árs, létu lífifl þegar þær tróðust undir á snjóbrettasýningu fyrir utan Innsbruck í Austurríki á laugardagskvöld. Fjöldi áhorfenda reyndi að klifra yfir járnhlið á leið út af sýningarsvæðinu þar sem um 40 þúsund manns höfðu safnast saman. Hliðið lét undan þunga áhorfendanna. Margir duttu við það í snjóinn og tróðust undir fótum annarra í öngþveitinu sem varð. Lögreglan skaut viðvörunarskotum en vegna skelfingarópa og óláta heyrði enginn í lögreglunni sem ekki tókst að fá áhorfendur til að hætta að þrýsta á þá sem fyrir framan voru. Alls slösuðust 16 manns, þar af fjórir alvarlega. Símamynd Reuter Forræðisdeila orðin að milliríkjadeilu: Castro vill 6 ára dreng aftur heim til Kúbu Forræðisdeilan um Elian Gonza- les, 6 ára dreng sem missti móður sína á flótta frá Kúbu, harðnaði í gær þegar Fidel Castro Kúbuforseti krafðist þess að Bandaríkin sendu drenginn til baka til Kúbu innan þriggja daga. Elian, sem á 6 ára afmæli í dag, fannst undan strönd Bandaríkjanna fyrir viku. Bátnum, sem hafði flutt hann, móður hans og stjúpa auk nokkurra annarra flóttamanna, hvolfdi. Elian komst lífs af þar sem hann náöi taki á gúmmíslöngu. Drengurinn er nú hjá ættingjum á Miami i Flórída. Faðir Elians og aðrir ættingjar hans krefjast þess að honum verðí skilað heim þegar í stað. Fidel Castro sakaði bandarísk yf- irvöld um mannrán í sjónvarps- ávarpi i gær. Sagði Kúbuforseti að Elian Gonzales er nú hjá ættingjum sínum á Miami í Flórída. Kúbumenn væru reiðubúnir til að efna til fjöldamótmæla gegn Banda- ríkjunum. „Hafi Bandaríkjamenn ekki skilað drengnum innan 72 klukkustunda munu milljónir manna þyrpast út á göturnar og krefjast frelsis drengsins. Mótmæl- unum verður ekki hætt fyrr en drengurinn hefur verið sendur til baka. Þessi barátta er rétt að hefj- ast," sagði Castro. Hann hvatti einnig til alþjóðlegr- ar baráttu fyrir frelsi drengsins. Fullyrti Kúbuforseti að öfl andstæð honum sjálfum hefðu séð til þess að drengurinn hafði ekki samband við föður sinn fyrr en á laugardaginn. Castro fullyrtí einníg að verið væri að reyna að kaupa drenginn til að vera um kyrrt í Bandaríkjunum. Bandarískir embættismenn segja að dómstóll eigi að skera úr um málið. tt 20 létust í óveðri Um 20 manns létust í óveðrmu sem gekk yfir Danmörku, Þýska- land, Pólland og Svíþjóð um helg- ina. Gífurlegt tjón varð af völdum fárviðrisins. Gegn Kínasamkomulagi Pat Buchanan, forsetaframbjóð- andi Umbótaflokksins í Banda- ríkjunum, sagði í gær að sömu samtök og efndu til mótmæla á fundi Heimsvið- skiptastofnunar- innar í Seattle myndu reyna að hindra við- skiptasamning Bandaríkjanna og Kína. Sjálfur kvaðst Buchanan styðja slíkar aðgerðir. Myrti fimm barna sinna Maður skaut til bana fimm af sjö börnum sínum á laugardaginn í fátækrahverfi í Sacramento í Kaliforníu. Tveimur elstu börn- unum, 9 og 14 ára drengjum, tókst að flýja. Faðirinn svipti síðan sjálfan sig lífl. Móðir barnanna sat á meðan hjá nágrannakonu við sauma. Mannskæð átök Átök bnftust út á ný milli krist- inna og múslíma á Mólúkkaeyj- um í Indónesiu um helgina, með þeim afleiðingum að 31 beið bana. Hart barist við Grosní Harðir bardagar voru í gær sagðir háðir sunnan við Grosní þrátt fyrir að herforingjar Rússa hefðu áður tilkynnt að borgin hefði verið umkringd. Uppreisn- armenn búa sig nú undir árás á borgina. Fleiri byggingaleyfi ísraelsk friðarsamtök og Palest- ínumenn sökuðu í gær Ehud Barak, forsætis- ráðherra ísra- els, um að hafa veitt fleiri bygg- ingaleyfi á Vest- urbakkanum á hálfu ári en fyr- irrennari hans, Benjamin Net- anyahu, veitti á einu ári. Er stefna Baraks talin stofna friðar- ferlinu í hættu. Hungurverkfall Fimm palestínskir mennta- menn, sem sitja í fangelsi vegna gagnrýni á Yasser Arafat Palest- ínuleiðtoga, hófu í gær hungur- verkfall. Lögmaöur handtekinn Serbneska lögreglan handtók i gær kosovo-albanskan lögmann, tveimur dögum áður en hann átti að verja nokkra þeirra 2 þúsund Kosovo-Albana sem sitja í fangels- um í Serbíu. Kona í forystu gaullista Frakkar fengu á' laugardaginn fyrsta kvenkyns flokksleiðtoga sinn er Michele Alliot-Marie var kjörin leiðtogi gaullista, flokks Jacques Chiracs forseta. Rak lögreglusljórann Borís Jeltsín, forseti Rússlands, hefur rekið lögreglustjórann í Moskvu. Segir Jeltsín lögreglu- stjóranum hafa orðið lítt ágengt í baráttunni gegn glæpum. Brottrekstur lögreglustjór- ans, Nikolajs Kulikovs, kom ekki á óvart. Er brottreksturinn talinn beinast gegn borgarstjóra Moskvu, Júrí Luzhkov, sem gagnrýnt hefur Jeltsín. Páfi biður um blóð Jóhannes Páll páfi hvatti í gær kaþólikka í Róm til að gefa meira blóð. Skortur er á blóði í Róm þangað sem allt að 26 milljóna pílagrima er að vænta á næsta ári.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.