Dagblaðið Vísir - DV - 13.12.1999, Blaðsíða 12

12
MÁNUDAGUR 13. DESEMBER 1999
Spurningin
Finnst þér Helga Jóns-
dóttir hæf sem banka-
stjóri Seðlabankans?
Edda Benediktsdóttir efnafræð-
ingur: Hvemig á ég að vita það?
Brynja Harðardóttir kokkur: Hef
ekki myndað mér skoðun á því.
Oddgeir Jóhannsson skipstjóri:
Hún er varla síðri en aðrir.
Hörður Harðarson sölumaður:
Hver er það?
Jóhann Jóhannsson sjómaður: Ég
hef bara ekki skoðun á því.
Lesendur
Svinið meira
stutt en kindin
Kristín Kahnansdóttir skrifar:
Þann 8. desember sl. varði DV
heilli síöu til umijöllunar um sauð-
kindina og styrki til þeirrar bú-
greinar.
Tilefni þessara skrifa hér er þó
það sem haft var eftir svínabónda í
þessu sambandi. OECD metur ár-
lega stuðning (PSE) við landbúnað í
aðildarlöndunum.
Ef skoðaður er stuðningur við
þessar tvær búgreinar, svinarækt
og sauðíjárrækt, í þeim löndum sem
við bermn okkur saman við í lífs-
kjörum (Noregi, Sviss og ESB-lönd-
unum) og á Nýja-Sjálandi, kemur í
ljós að aðeins á íslandi mælist meiri
stuðningur við svínakjötsfram-
leiðslu en kindakjötsframleiðslu.
ísland er auk þess með minni
stuðning við kindakjötsframleiðslu
en öll hin löndin, að Nýja-Sjálandi
undanskildu, sem hefur reyndar
hreina sérstöðu meðal mnræddra
landa.
Svinakjötsbændur í Vestur-Evr-
ópu njóta þess einnig að kornfram-
leiðsla er niðurgreidd. Niður-
greiðsla ESB og fleiri aðila á korni
hefur þar á ofan áhrif á heimsmark-
aðsverð á komi, því til lækkunar.
Þess njóta íslenskir svínabændur
likt og aðrir þeir sem framleiða kjöt
af korni.
Stuðningur við svína- og kindakjötsframleiðslu 1998 sem hlutfall af verðmæti til bænda (PSE%).
Bráðabirgðatölur:
Land ívlnakjöt 1998 Kindakjöt 1998
ESB 8 65
ísland 68 55
Noregur 48 70
Sviss 69 73
PSE (Producer support estimate):
Mælikvarði á árlegar peningalegar
tilfærslur frá neytendum og skatt-
greiðendum til búvöruframleiðenda,
sem stafa af aðgerðum sem styðja við
landbúnað, óháð eðli þeirra og til-
gangi eða áhrifum á framleiðslu bú-
anna eða tekjur. PSE% er þá heildar
PSE mælt sem hlutfall af heildar-
verðmæti afurða á verði til bænda
(án flutningskostnaðar).
Einn annars flokks aumingi sem ekki þorir að flytja af landsbyggðinni:
Fjölgáfuð skáld og verð-
bréfaprangarar
Einn annars flokks aumingi sem
ekki þorir að flytja af lands-
byggðinni skrifar:
Jón Kristjánsson skrifar um at-
gervisflótta af landsbyggðinni. Mig
langar að bæta um betur og leggja
hér nokkur orð að grein þinni, Jón.
Dálítið finnst mér þú grunnhygginn
maður og ályktir heldur léttvægt í
sambandi við flutning fólks af lands-
byggðini. Þú heldur því fram að eng-
inn maður þrífist á landsbyggðinni
nema hugsunarlitlir vesalingar og
aðrir þeir sem eru til lítils fram-
dráttar vorri þjóð sökum leti og ann-
arra galla og sé því sama hvar þeir
hírast svo fremi að þeir fari ekki
fram á neins konar fyrirgreiðslu né
annað úr hendi hins opinbera. En
öðru máli gegni með þá sem hafa
áræði, kjark og þor og flytjast í
burtu.
Það eru að sögn Jóns fjölgáfaðir
menn, skáld og verðbréfaprangarar
sem eiga tölvur og síma og eru því
nýtustu þegnar þjóðarinnar. Og
flykkjast þar af leiðandi suður í hóp
sér um líkra. Þá eru þeir fyrst orðn-
ir menn meðal manna og þeim skulu
landsfeður þjóna. En ég spyr: Hvað-
an fengu hinir fjölgáfuðu dreifbýlis-
flóttamenn fé fyrir tölvu, síma og til
verðbréfakaupa? Heldur Jón að það
sé aðalatvinna þjóðarinnar að sitja
við tölvur og síma og pranga með
vafasöm skuldabréf eða skrifa
reyfara og ævisögur? Nei, kæri Jón,
ætli það verði ekki nú eins og fyrr
að fé til hlutanna kemur frá því ann-
ars flokks fólki sem ekki hefur haft
manndóm í sér til að flytja á Suður-
landið á vit gáfnaljósanna. Ég
reikna nú með að í framtiðinni eins
og var í fortíðinni að þeir sem á
landsbyggðinni búa fái að róa til
fiskjar og bændur fái að yrkja jarðir
sínar. Við verðum áfram sá annars
flokks lýður sem Jón kallar svo og
komum til með að bera þungann af
þeirri fjáröflun sem þjóðin þarf í
framtíð eins og fortíð.
Þaö er sárt að vera tilrauna-
dýr Flugskóla íslands
76 prosom tall f Ftugskóla íslands:
Ánægjulegt að
þessir menn fái'
’ekki að fljúga
- segir frumkvæmdastjóri LoOfcfðaoAiiiitsins
Eiríkur, fallinn flugnemi, skrifar:
Ég er einn þeirra ólánsömu nem-
enda við Flugskóla íslands sem
lentu í því að ná ekki óréttlátum
prófum í vélfræði og eðlisfræði. Ég
segi farir mínar ekki sléttar hvað
varðar það próf Flugmálastjómar
og einnig varðandi kennsluna á vél-
fræðinni við skólann sjálfan.
Það er alltaf vont að vera til-
raunadýr og það var nú meinið því
að þama var skólinn að fara nýjar
leiðir í kennslu sinni, nánar tiltekið
að kenna námsefni frá JAA, sem er
samevrópskt námsefni, en það gekk
ekki betur en svo að nú sitja 76%
nemenda af þeim 58 sem tóku próf-
ið eftir með sárt ennið.
Flugmálastjóm prófaði einungis
úr afmörkuðum 30% af því náms-
efni sem kennt var og skólinn lagði
ekki það mikla áherslu á en að sjálf-
sögðu hefði skólinn átt að gera þvi
efni betri skil. Hvað varðar ummæli
Sigurðar Jónssonar, yfirkennara
flugskólans, í frétt DV
þar sem komið er inn á
prófin hjá skólanum
sjálfum vil ég benda Sig-
urði á það að vélfræði-
prófið sem ég þreytti
þar og stóðst með ágæt-
um var ekkert í sam-
ræmi við það vélfræði-
próf sem ég síðar tók
hjá Flugmálastjórn og
féll með fylgjandi von-
brigðum.
Að lokum vil ég taka
undir með Pétri Maack,
framkvæmdastjóra Loft-
ferðaeftirlitsins, að það
sé „ánægjulegt að þessir
menn fái ekki að
fljúga", eins og hann
orðaði það svo skemmti-
lega, en jafnframt vil ég
hvetja Flugmálastjóm í framtíðinni
til að kynna sér það námsefni sem
kennt er við JAA-skólana og prófa
úr því. Hvet ég alla skólafélaga
mína sem tilheyra þessum 76% fall-
hópi til að leita réttlætis. Það mun
ég að sjálfsögðu gera.
Eins og sjá má voru dagprísar á
kókinu í Hagkaupi í síðustu viku.
Dagprísar
á kókinu
Guðborg skrifaði:
Ég verslaði hjá Hagkaupi í
Smáranum í síðustu viku. Á
þriðjudegi kostaði 2 lítra
kókkippa 177 krónur. Daginn eft-
ir kom Hagkaupsblaðið í hús til
okkar og var þar sagt aö kók
væri á 10% afslætti til jóla. Síð-
an fór ég á fimmtudeginum í
Hagkaup þá var búið að hækka
kókið upp í 187 krónur. Þetta eru
alveg stórfuröulegir viðskipta-
hættir.
Of ungá
skemmtistað
Sigurður A. Sigurðsson
skrifaði:
Ung stúlka, 17 ára, fór með
fleira fólki á skemmtistað í mið-
bæ Reykjavíkur laugardags-
kvöldið 20. nóvember og hlaut
varanlegan augnskaða eftir
spark dyravarðar. Ljóst er að
stúlkan getur á vissan hátt
sjálfri sér um kennt. Hún er und-
ir lögaldri og hafði því ekkert á
þennan skemmtistað að gera,
aldurstakmark á slíkum stöðum
er 20 ár. Hún var því ólögleg á
staðnum og dyravörðurinn var
þvi í fullum rétti að skipta sér af
veru hennar á staðnum og vísa
henni á dyr. En auðvitað gekk
hann of langt.
En mér sem Keflvíkingi finnst
það með ólíkindum að fólk úr
bítlabænum skuli koma alla leið
til Reykjavíkur að skemmta sér.
Eða hvað sagði Karl Hermanns-
son í textanum: „Gaman er aö
koma í Keflavík/kvöldin þar þau
eru engu lík...“ og svo framvegis.
Þau hefðu betur skemmt sér í.
héraði og þá hefði enginn
meiðst.
Megi ófarir ungu stúlkunnar
verða jafnöldrum hennar til
vamaðar og skilaboð um að
virða lög og reglur.
LokíöÁTVR
og kránum á
aðfangadag
T. K. skrifar:
Allir vita aö jólin era fyrst og
fremst hátíð bamanna, en að
sjálfsögðu allra annarra líka.
Börnin hlakka mikið til jólanna
og gleðjast með öðrum um jólin.
Enn eru einstaklingar sem sækja
á krár fyrir jól og alveg fram að
hátíðinni. Þeir koma svo heim
fullir eöa hálffullir. Þessir menn
eru búnir að eyðileggja jólin hjá
börnunum.
ÁTVR og kráareigendur um
allt land ættu að óska öllum
landsins börnum gleðilegra jóla
með því að hafa lokað á aðfanga-
dag. Þið væruð meiri menn fyrir
það.