Dagblaðið Vísir - DV - 14.01.2000, Blaðsíða 18
18
FÖSTUDAGUR 14. JANÚAR 2000
Fréttir
Sýknudómur í Vatneyrarmálinu hitamál um land allt:
„Annað að gelta í héraði en
á heimavelli auðvaldsins“
- rætt viö þrjá beitningarmenn viö höfnina á ísafirði í gær
Sýknudómur Héraðsdóms Vest-
fjarða í Vatneyrarmálinu hefur vak-
ið gríðarleg viðbrögð í þjóðfélaginu.
Mikil ólga er gagnvart stjórnvöldum
og aðgerðaleysi þeirra við að taka á
úthlutun fiskveiða. Á sunnudag
verður haldinn almennur fundur í
stjórnsýsluhúsinu á Vestfjörðum
um erfiða stöðu vestfirskra byggða.
Davíð Oddssyni er sérstaklega boð-
ið til fundarins ásamt þingmönnum
Vestfirðinga.
DV fór á stúfana í gær og leit inn
í beitningarskúr við höfnina á ísa-
firði til að þreifa fyrir sér um kvóta-
málin. Þar hittum við þá að vinnu
félagana Reyni Torfason, Júlíus
Ólafsson og Ólaf Thorarensen og
fengum álit þeirra á málinu.
Reynir Torfason: „Dómurinn
kom, hann var birtur, en það fer eft-
ir mafíunni sem stjórnar hvort
hann er kominn til að vera. Það er
annað að gelta í héraði en á heima-
velli auðvaldsins. Davíð má fara til
Kanari og ég væri alveg til í að
borga fyrir hann, en bara aðra leið-
ina. Ef Hæstiréttur staðfestir ekki
dóminn þá er ekki lengur réttarríki
hér.
Júlíus og Olafur viö beitningu - rfkisstjórnin hefur brotlent.
DV-myndir Kolbrún Sverrisdóttir
Blaðberar óskast
í eftirtalin hverfi:
Aragata, Grettisgata, Hverfisgata,
Eggertsgata, Frakkastígur, Vatnsstígur,
Fossagata, Klapparstígur, Lindargata,
Flókagata, Sóleyjargata,
Háteigsvegur, Fjólugata.
Upplýsingar veitir afgreiðsla
DV í síma 550 5777
éJSí Jggii . 1
1 /
1/ '
m H ' f\ Í|pl| ,
m
||
il j
“li: j&v . -
m V
H
Reynir Torfason - til í að borga aðra leiðina fyrir Davíð.
Júlíus Ólafsson sagði: „Það gat
ekkert annað gerst, spurningin er
hvað gerist í Hæstarétti, hvort þeir
sýna af sér bleyðuhátt gagnvart hin-
um háa herra, það er kominn tími á
Davíð, hann má fara að hvíla sig.
Ólafur Thorarensen sagðist myndu
vilja senda ríkisstjórnina og alla
hennar fylgifiska til Mars. „Þá er ör-
uggt að við fengjum þá ekki aftur,
þeir hafa brotlent í öllum málum og
Kanarí er ekki inni í myndinni". -KS
Lionsklúbbur Grundarfjaröar blandaður klúbbur:
Ekki lengur bara
karlaklúbbur
- 7 af 10 nýliðum eru konur
DV, Grundarfiröi:
Lionsklúbbur Grundarfjarðar, sem
stofnaður var árið 1972, hélt síðasta
fund sinn á öldinni sem leið þann 29.
des. sl. Fundurinn var með glæsilegu
yfirbragði enda mörg tilefhi til að
gera fundinn eftirminnilegan. Fyrir
það fyrsta voru teknir inn 10 nýir fé-
lagar, sjö þeirra voru konur. Þar með
er klúbburinn orðinn einn fárra
blandaðra klúbba á landinu.
Eiður Öm Eiðsson, hótelhaldari að
Hótel Framnesi, þar sem fundir
klúbbsins em haldnir í vetur, töfraði
fram gómsæta rétti úr villibráð eins
og honum er lagið. Tónlistarfólk úr
Tónlistarskóla Eyrarsveitar kom fram
og kryddaði hátíðina með viðeigandi
tónlistaratriðum. Eftir forréttinn
hófst inntökuathöfnin og var það for-
maður klúbbsins, Gunnar Kristjáns-
son, sem stjómaði henni. Endaði inn-
tökuathöfnin með því að nýliðum var
afhentur hluti fósturjarðarinnar í
formi steinvölu úr Eyrarsveit.
Tveir af stofnfélögum Lionsklúbbs
Grundarfjarðar, Guðmundur Runólfs-
son og Njáll Gunnarsson, voru sæmd-
ir Melvin Jones-viðurkenningu Lions-
hreyfingarinnar. í hvert sinn er Mel-
vin Jones-félagi er tilnefndur er
greidd ákveðin upphæð í Alþjóða
hjálparsjóð Lions en sjóður þessi er
neyðarsjóður sem leggur til fjármagn
þegar skyndileg neyð skapast. Hér á
landi minnast menn framlaga sjóðsins
eftir snjóflóðið á Flateyri og Vest-
mannaeyjagosið, svo eitthvað sé
nefnt. -DVÓ/GK
Þeir fengu Melvin Jones-viðurkenningu. Gunnar Kristjánsson, formaður
klúbbsins, er lengst til vinstri. DV-myndir GK
Lionsklúbbur Grundarfjarðar færði Grundarfjarðarkirkju 200 þúsund krónur
fyrir skömmu og er myndin tekin við það tækifæri. Það er Móses Geir-
mundsson, gjaldkeri klúbbsins, sem afhendir Hallgrími Magnússyni, gjald-
kera sóknarnefndar, peningaupphæöina.