Dagblaðið Vísir - DV - 01.02.2000, Blaðsíða 9
ÞRIÐJUDAGUR 1. FEBRÚAR 2000
9
Utlönd
Haider veldur óróa:
ESB-lönd hóta að
elnangra Austurriki
Austurrískir stjórnmálaleiðtogar
ætla að koma saman til fundar i dag
til að ræða hótanir Evrópusam-
handsins, ESB, um að hætta sam-
skiptum við Austurríki vérði Frels-
isflokki Jörgs Haiders leyfð stjórnar-
þátttaka.
Enn hefur ekkert Evrópusam-
bandsland krafist þess að Austurríki
verði rekið úr sambandinu. í staðinn
hóta margir ráðherrar aðildarríkja
Evrópusambandsins að einangra
Austurríki.
Þulur austurríska ríkisútvarpsins
var skjálfraddaður í gær er hann til-
kynnti að hin Evrópusambandslönd-
in hefðu í raun samþykkt refsiað-
gerðir gegn nýrri stjóm Austurríkis
verði flokkur Haiders aðili að henni.
Það vakt einnig sterk viðbrögð í
Austurríki í gærkvöld er utanríkis-
ráðherra Þýskalands, Joschka
Jörg Haider, leiötogi Frelsisflokks-
ins. Símamynd Reuter
Fischer, tók afstöðu gegn starfsbróð-
ur sínum í Austurríki. Lýsti Fischer
því yflr að Wolfgang Schússel væri í
þann veginn að gera gríðarleg sögu-
leg mistök með því að hefja samstarf
við Haider. Gera þyrfti ráðstafanir
til þess að koma i veg fyrir að
öfgasinnuð hægriöfl tækju þátt í
stjómum Evrópuríkja.
Thomas Klestil, forseti Austurrík-
is, greindi frá því í gærkvöld að
hann hefði kallað á sinn fund Viktor
Klima, starfandi kanslara, og Wolf-
gang Schússel utanríkisráðherra til
þess að ræða hótanir Evrópusam-
bandsins. Schússel, sem er leiðtogi
Þjóðarflokksins og vonast til að
verða kanslari með aðstoð Haiders,
gagnrýndi Evrópusambandslöndin
fyrir hótanir þeirra. Ekki hefði verið
haft samband við Austurríki áður.
Sagði Schússel að Austurríki þarfn-
aðist ekki lýðræðislegrar hjálpar frá
öðrum. „Við erum ekkert þróunar-
land hvað varðar lýðræði og mann-
réttindi. Evrópusambandið ætti að
bíða þar til það sér stefnuskrá okk-
ar,“ lagði Schússel áherslu á.
Hann viðurkenndi að það hefði
verið rétt af Haider að biðjast afsök-
unar á flestum ummælum sínum um
helgina um „spillta" stjórn Belgíu og
„óhæfan" forseta Frakklands. Aust-
urríkismenn eru vissir um að þessi
ummæli hafi verið dropinn sem
fyllti mælinn hjá Evrópusamband-
inu. Haider bað menn þó um að bera
virðingu fyrir úrslitum kosninganna
i Austurriki.
Vinsældir Haiders aukast
stöðugt, einkum á heimaslóðum í
Klagenfurt, vegna þrýstingsins er-
lendis frá. Verði kosið á ný er talið
víst að staða flokks hans styrkist.
Wahid ætlar að
reka Wiranto
hershöfðingja
Forseti Indónesiu, Abdurra-
hman Wahid, ætlar að reka örygg-
ismálaráðherra landsins, hers-
höfðingjann Wiranto. Þessu lýsti
Wahid yflr eftir að indónesísk
rannsóknamefnd ákvað að kanna
gerðir Wirantos og fimm annarra
herforingja í sambandi við óöld-
ina á A-Tímor eftir þjóðarat-
kvæðagreiðsluna þar í fyrra.
Fyrrverandi andspyrnuhreyfing á
A-Tímor fordæmdi í morgun þá
ákvörðun Sameinuðu þjóðanna
að leyfa indónesiskum yfirvöld-
um sjálfum að sækja til saka eig-
in þegna fyrir morðin á A-Tímor.
Miklir vatnavextir voru í ánni Elbe í Þýskalandi í gær í kjölfar úrhellisrigningar um helgina. Pessi mynd var tekin við
gömlu höfnina í Hamborg í gær þar sem drengur og stúlka skoðuöu herlegheitin.
Breskur læknir fundinn sekur um fjöldamorö:
Talið að fórnarlömbin
geti verið nálægt 200
Versti íjöldamorðingi í sögu Bret-
lands, heimilislæknirinn Harold
Shipman, var dæmdur í fimmtánfalt
lífstíðarfangelsi í gær fyrir að
myrða fimmtán konur sem voru
sjúklingar hans með því að sprauta
í þær heróíni.
Lögreglan íhugar að ákæra lækn-
inn fyrir 23 morð til viðbótar og úfi-
lokar ekki að hann kunni að hafa
myrt allt að tvö hundruð manns á
tuttugu ára tímabili.
Þegar Thayne Forbes dómari
kvað upp úrskurð sinn fordæmdi
hann ódæðisverkin. „Ég efast ekki
um að fórnarlömbin þín hafi brosað
og þakkað þér fyrir þegar þú drapst
þau,“ sagði dómarinn.
Hann sagði að aldrei fyrr hefði
nokkurt 'mál krafist rannsóknar á
jafnmörgum morðum frömdum af
einum manni.
Breski læknirinn og fjöldamorðing-
inn Harold Shipman.
Réttarhöldin yfir Shipman stóðu í
fjóra mánuði og það tók kviðdóm-
inn sex daga að komast að niður-
stöðu. Shipman hefur ávallt neitað
öllum ákæruatriðunum.
Lögreglan stendur enn ráðþrota
yflr því hvers vegna Shipman, sem
starfaði í bænum Hyde. nærri
Manchester, myrti svona marga
sjúklinga sína.
Fórnarlömbin voru öll konur,
margar hverjar ekkjur eða fráskild-
ar og bjuggu yfirleitt einar. í einu
tilviki falsaði Shipman erfðaskrá
fórnarlambs en annars virtist hann
ekki hafa neinn áhuga á að stela frá
þeim.
Fram kom í réttinum að Shipman
hefði verið háður verkjalyfjum.
Hann var fundinn sekur árið 1976
fyrir að falsa lyfseðil vegna þessar-
ar fiknar sinnar.
Nýjar sannanir um tilvist
viðamikils njósnakerfis
Nýjar sannanir um tilvist Echelon,
viðamikils njósna- og hlerunarkerfis
sem stjórnað er frá Bandaríkjunum,
hafa komið fram í dagsljósið, að því er
danska dagblaðið Information greindi
frá í gær. Blaðið vísar í skjöl frá
bandarísku þjóðaröryggisstofnuninni
(NSA) og frá leyniþjónustu Nýja-Sjá-
lands sem nýlega voru gerð opinber.
Information segir að enda þótt skjöl-
in staðfesti tilvist Echelon gefi þau
ekki skýra mynd af þvi hverjum það
hefur auga með.
Því er haldið fram að Echelon-kerf-
ið stundi kerfisbundnar hleranir á
símtölum óbreyttra borgara og fylgist
með samskiptum fyrirtækja, hvort
sem þau fara fram í gegnum síma,
tölvupóst eða fax. Helstu þátttakend-
urnir í samstarfinu eru Bandaríkin,
Bretland, Kanada, Ástralía og Nýja-
Sjáland.
Bandaríski öryggismálasérfræðing-
urinn Jeffrey Richelson fékk i hendur
gögnin sem staðfesta tilvist
njósnakerfis þessa.
• Dúkur Texstyle 1,2x50 m 3.954 kr.
• Servéttur 40x40 cm 2-laga, hvítar 150 stk. 335 kr.
• Kaffikanna Handy 1.245 kr. I
• Glös 31 cl Granity blá 12 stk. 909 kr.
• Skál Emp 23 cm 189 kr.
Rekstrarvörur
- svo jbú getir sinnt þínu
Réttarhálsi 2*110 Reykjavík • Sími 520 6666 • Fax 520 6665
Iðavöllum 3 • 230 Keflavík • Sími 421 4156 • Fax 421 1059
borðbúnaður