Dagblaðið Vísir - DV - 28.02.2000, Blaðsíða 14

14
MÁNUDAGUR 28. FEBRÚAR 2000
Skoðun
Hver er þinn
uppáhaldsmatur?
Jónas Þór Guðmundsson:
Lambalæri, stökkt aö utan og safa-
ríkt inn aö beini.
Hjördís Guðný Guðmundsdóttir nemi:
Jólamaturinn hjá pabba (og
mömmu), hamborgarhryggur meö til-
heyrandi.
Edda Guðrún Pálsdóttir nemi:
Þaö hlýtur aö vera lambalæri meö
gratíneruðum kartöflum.
HJörtur Brynjólfsson nemi:
Akurhæna meö bökuöu kartöflum.
Tómas Kjartansson 9 ára:
Pitsa.
M (■
Frá olíuvinnslu Norömanna.
Ætla íslendingar aö sitja hjá ef Færeyingar og Grænlendingar hefja olíuvinnslu á sínu yfirráöasvæöi?
Fá íslendingar olíuna?
Magnús Sigurðsson
skrifar:___________________________
Smám saman er að færast yfir okk-
ur sá heimsborgarablær sem við höf-
um svo lengi þráð að hrærast í. Verð-
bréfaviðskipti eru skollin á af fullum
þunga, vantar bara alvöru kauphöll.
Það eru komnar fleiri en tvær sjón-
varpsstöðvar, og það eru staðsettar
hér stofnanir á heimsmælikvarða -
íslensk erfðagreining t.d. - og það eru
boðin hér til sölu eiturlyf á götum úti,
rétt eins og í stórborgunum. Þetta er
af hinu góða segja menn, og vildu
sennilega ekki missa héðan af þótt
ekki sé nema bara fyrir það eitt að
geta talist góðir og gildir heimsborg-
arar.
Og svo kemur olían. Vonandi. Ég
tel hana með betri kostunum, jafhvel
betri en alla hina sem ég taldi upp
hér að ofan. Sannleikurinn er nefni-
lega sá að okkur íslendinga vantar
fastan grmrn að standa á efnahags-
„Sanrileikurinn er
nefnilega sá að okkur
íslendinga vantar fastan
grunn að standa á efna-
hagslega. Olían myndi
skapa hann.“
lega. Olían myndi skapa hann. Fastar
árlegar tekjur af olíusölu, rétt eins
Norðmen hafa og fLetri olíuþjóðir.
Fiskurinn myndi hverfa meira eða
minna enda fæst enginn landsmaður
lengur í þá atvinnugrein, utan tug-
milljónatekjumenn á fiskiskipunum.
Allir aðrir forðast fiskinn.
Nú hefur erlent olíufélag sótt
formlega um olíuleitarleyfi. Það hef-
ur skeð áður, en öllu slíku hefur
verið neitað einmitt vegna og fyrir
hönd útgerðarinnar, sem hefur séð
rautt þegar valta hefur átt yfir
svipulan sjávaraflann. Útgerðin hef-
ur löngum átt leikinn hér og séð um
að hér rekist enginn inn fyrir með
viðlíka verðmæta starfsemi. Setlög
hafa fundist úti fyrir norðaustur-
landi og staðhæft er að þau kunni
að lofa góðu til olíuvinnslu en nið-
urstöður könnunar sérfræðinga
myndu segja til um það.
Nú höfum við fengið dugandi iðn-
aðaráðherra sem er hlynnt því að
láta gera þessa könnun, enda sjálf-
sagt að láta ekki happ úr hendi
sleppa ef setlög geymdu þvílík verð-
mæti að við gætum lifað meira eða
minna af þessum auðlindum ásamt
inngripi í önnur verksvið (erfða-
greiningu, hugvitsbúnað og stöku
sjósóknara). Og enginn þarf að segja
manni að íslendingar sitji hjá þegar
bæði Færeyingar og Grænlendingar
hefja olíuvinnslu úr þeim setlögum
sem þeir hafa yfir að ráða. Svo mik-
ið er víst.
Skynsemi skapar fátækt
J.M.G.
skrifar:
Þegar skoðaðar eru aðsendar
greinar í Morgunblaðinu sést að
þær eru margar skrifaðar af lög-
fræðingum og hagfræðingum en
harla fáar af verkamönnum, sjó-
mönnum, bændum eða öðrum púls-
mönnum.
Þann 16. febrúar sl. skrifar einn
af hagfræðingurinn um launamálin
og talar um „skynsemi í gerð kjara-
samninga" á þessum áratug. í þessu
sama tölublaði Morgunblaðsins seg-
ir formaður Hlífar í Hafnarfirði að
lægsti taxti verkafólks sé innan við
66 þúsund krónur á mánuði.
Illuga Gunnarssyni virðist finn-
„Sannleikurinn er sá,
að þessir skynsamlegu
launasamningar hafa
skapað svo mikla fátœkt
og eymd að Rauði krossinn
hefur séð ástœðu til að láta
málið til sín taka. “
ast þetta há laun því hann talar um
að nú þurfi að „verja þessi kjör“ og
skapa „enn meiri kaupmátt".
Sannleikurinn er sá, að þessir
skynsamlegu launasamningar hafa
skapað svo mikla fátækt og eymd að
Rauði krossinn hefur séð ástæðu til
að láta málið til sín taka, samanber
blaðið Dag, 15. þ.m. Þar eru heldur
ófagrar lýsingar á aðstæðum ís-
lenskrar lágstéttar. Og á sínum tíma
hélt borgarstjórinn sérstaka ráð-
stefnu um fátækt - mitt í „góðær-
inu“.
Nú er i tísku að fjandskapast við
opinbera starfsmenn og Illugi Gunn-
arsson segir þá þiggja laun af skatt-
fé samborgara sinna. Það hlýtur að
vera fróðlegt fyrir kennara hans
fyrr og síðar að sjá svart á hv¥tu
hvers virði hann telur störf þeirra.
Og sannleikurinn er enn sá, að rik-
isstarfsmenn framleiða upp í laun
sín en eru ekki sníkjudýr á einum
eða öðrum.
Dagfari
Eldgosið sem enginn sá
íslendingar elska eldgos, að minnsta kosti
ef þau eru ekki nærri byggð. Byrji eldgos fer
allt þjóðfélagið á annan endann. Allir þurfa
að sjá, skoða og skilgreina. Þúsundir manna
verða skyndilega jarðfræðingar, að minnsta
kosti með pungapróf. Dagskrá fjölmiðla
raskast, útvarpsstöðvar ólmast og sjónvarps-
stöðvar halda úti aukafréttatímum. Blöðin
senda sína menn á vettvang og skilgreina allt
til botns. I nýbyrjuðu Heklugosi náði gleðin
toppi er fréttastofa Rikisútvarpsins byrjaði
kvöldfréttir á því að tilkynna landslýð að gos
byrjaði eftir korter. Það stóðst að kalla upp á
mínútu.
Þetta korter var hinum æstustu nægur
undirbúningur. Þeir stukku í gallann og út í
jeppana. Þeir voru komnir upp undir Lög-
berg þegar gosið hófst. Þvílíkt var atið. Flug-
vélar fjölmiðlanna náðu jeppunum ekki fyrr en í
Skíðaskálabrekkunni. Lýsingamar á fegurð goss-
ins voru hafnar áður en nokkur sá til þess. Ekki
var dregið úr, hraunár flæddu niður hliðarnar,
mökkinn, eldingamar og bjarmann bar við himin.
Vandinn var bara sá að þegar jeppakallarnir
komu á vettvang sást eiginlega ekki neitt. Eldfjall-
ið glæsilega var skýjum hulið úr öllum áttum. Það
var alveg sama hversu fjálglega gosinu var lýst í
Þeir sem komust austur sáu gosið
ekki frekar en aðrir en þeir náðu að
festa sig á Hellisheiðinni í staðinn.
útvarpinu. Það var ekkert að sjá. Jú, stöku eld-
ingu, bleikan bjarma og heyra mátti drunur. Þeir
áköfustu þeystu upp að virkjunum, að Hrauneyj-
arfbssi og Dómadalsleið til baka. Aðrir fóra
neðri leiðina upp Landsveit og þriðji hópur-
inn að Keldum. Það kom þó í sama stað nið-
ur. Allir hóparnir urðu fyrir sömu vonbrigð-
unum. Þeir heppnustu lentu í öskufalli og
vonuðust til þess að lakkskemmdir á bílun-
um sönnuðu að þeir hefðu verið á staðnum
við upphaf hins volduga Heklugoss.
Hin döpru sannindi komu svo í ljós þegar
sjónvarpmenn mættu á staðinn. Þeir gátu að
'vísu sýnt eldgos úr lofti en af jörðu niðri
sást ekki neitt. Þeir bröttustu í hópi frétta-
mannanna reyndu að beina hljóðnemanum
að drunum eldfjallsins en það heyrðist bara
i vindinum.
Bjartsýnir íslendingar létu þetta þó ekki á
sig fá. Þeir fóru á öllum tíkum sem hreyfð-
ust austur yfir fjall þegar dagaði í gær,
sunnudag. Þeir sem komust austur sáu gosið ekki
frekar en aðrir en þeir náðu að festa sig á Hellis-
heiðinni í staðinn. Það gerði nefnilega íslenskt
vetrarveður, enda enn febrúar. Það þurfti björg-
unarsveitir til þess að losa þá. Vart mátti á milli
sjá hvorir skemmtu sér betur.
Helginni var reddað.

Illa farið með
Helmut Kohl
Árni Einarsson skrifar:
Ég tel engan
vafa á því að Kohl,
fyrrv. kanslari
Þýskalands, er
blóraböggull fyrir
þá sem róa öllum
árum gegn sam-
einingu Evrópu-
ríkjanna. Frakk-
land og Þýskaland
eru burðarríki f
Evrópusamstarf-
inu. Mitterrand,
fyrrv. Frakklands-
forseti, og Kohl
voru samstiga og
sannfærðir um að sameining Evr-
ópu væri það eina sem bjargað gæti
álfunni frá styrjöld á ókomnum
árum. Það var þess vegna sem Mitt-
errand studdi Kohl með ráðum og
dáð, líklega einnig með fjármunum
til flokks Kohls í kosningabarátt-
unni í Þýskalandi. Að mínu mati
var ekkert rangt við það. Nú er
Kohl farinn frá og andstæðingar
hans geta nú hafíð leikinn eins og
þeim hentar. Úti er um friðartíma í
sameiginlegri Evrópu.
Leigubílar í miöborginni.
Þeir eru mun ódýrari erlendis.
Helmut Kohl.
Úti um
friöartíma í
Evrópu?
Leigubílar
of dýrir hér
Hafdis Jðnsdóttir skrifar:
Það er auðvitað hægt að æra
óstöðugan á því að tala um verðlags-
mál hérlendis, því allt er dýrt í
þessu landi. Miklu dýrara en í ná-
grannalöndunum. Eitt kemur upp í
hugann þessa dagana öðru fremur
vegna þess að ég hef verið að taka
leigubíla í ófærðinni. Þeir eru mun
dýrari hér en t.d. í Þýskalandi þar
sem ég þekki talsvert til. Þar er
startgjald að degi til DM 3,90 (120
kr.), hér er startgjaldið 320 kr. í
Þýskalandi kostar svo DM 1,20 á
hvern ekinn km (41 kr.), hér kostar
km rúmar 64 kr. Þýskaland er þó
ekki með ódýrustu löndum Evrópu.
Mér þykir heldur mikið að greiða
tæplega þrisvar sinnum hærra
startgjald hér í leigubíl en í Þýska-
landi. En þetta er bara rétt eitt
dæmið um fáránleika í verðlagn-
ingu hjá okkur.
Samkomulag
um flugvallar-
flutning?
Einn í fluginu sendiUþennanpistik
Ég er einn þeirra sem vilja að
Reykjavíkurflugvöllur verði lagður
niður. Það verður aldrei gerður
fullkominn flugvöllur í Vatnsmýr-
inni héðan af. Allt mælir gegn þvi
að viðhalda gömlum og löngu úr-
eltum gildum hvaö það varðar að
flugvöllur verði að vera í miðri
Reykjavík. Nú ættu samgönguráð-
herra og borgarstjóm að taka sam-
an höndum og gera samkomulag
um flutning alls flugs til Keflavík-
ur á næstu tveimur árum. Með
breikkun Reykjanesbrautar og/eða
samhliða samgöngubótum ætti
enginn að þurfa að liða fyrir,
hvorki höfuðborgarbúar né dreif-
býlisfólk.
DVl Lesendur
Lesendur geta hringt allan sólarhring-
inn í síma: 550 5035.
Eða sent tölvupóst á netfangið:
gra@ff.is.
Eða sent bréf til: Lesendasíða DV,
Þverholti 11, 105 Reykjavík.
Lesendur eru hvattir til að senda mynd
af sér til birtingar meö bréfunum á
sama póstfang.