Dagblaðið Vísir - DV - 24.07.2000, Blaðsíða 6
22
MÁNUDAGUR 24. JÚLÍ 2000
Sport
A brautinni
Keniamönnunum Daniel
Komen, heimsmethafa í 3000 m
hlaupi, og Christopher Kosgei,
heimsmeistara í 3000 m hindrun-
arhlaupi, tókst hvorugum aö
tryggja sér sæti i ÓL-liði Kenía á
úrtökumóti nú um helgina.
Komen hætti vegna eymsla í
maga og Kosgei brást á enda-
sprettinum, aldrei þessu vant, og
varö fjórði.
Landi þeirra, maraþon-
hlauparinn Moses Tanui, sem
tvisvar hefur unnið Boston-
maraþonið, hefur verið settur út
úr ÓL-liðinu ásamt tveimur öðr-
um. Ástæðan er sögð sú að þeir
séu ekki í nógu góðu formi en
hópur þjálfara var fenginn til að
meta ástand hlauparanna.
Tanui er að vonum ösku-
vondur og segir þessa ákvörðun
fáránlega, þjálfaramir geti lítið
um það sagt í hvemig formi
hann sé, hann fari það leynt með
æfíngar sínar.
Norómaðurinn Vebjorn Ro-
dal hefur sagt að líklega muni
hann leggja skóna á hilluna eftir
Ólympíuleikana í Sydney. Þessi
27 ára Ólympíumeistari í 800 m
hlaupi frá 1996 segir líkamann
vera farinn að slitna af öllum
hlaupunum og að leikarnir í
haust henti vel sem síðasta mót.
Regina Jac-
obs, sem tvisvar
hefur hreppt silf-
urverðlaun á
heimsmeistara-
mótum í 1500 m
hlaupi kvenna,
hljóp á besta tíma
ársins í 5000 m
hlaupi og setti
bandarískt met á
föstudag á tímanum 14:45,35 mín.
Hin 36 ára Jacobs sigraði einnig
í 1500 m hlaupinu á mótinu og
varð fyrst til að vinna tvær
greinar. Hún ætlar að einbeita
sér að styttri vegalengdinni á
ÓL.
Tugþrautarkappinn Chris
Huffins, sem er íslendingum vel
kunnur, var talinn líklegur til að
vinna i þrautinni á mótinu eftir
að Dan O’Brian tilkynnti að
hann yrði ekki með. Það fór hins
vegar svo að Tom Pappas sigraði
og bætti árangur sinn nokkuð og
náði 8467 stigum, tæpum tvö
hundruð stigum meira en
Huflins.
Ólympíumeistarinn í þrí-
stökki frá því Atlanta, Kenny
Harrison, komst ekki áfram í
úrslit greinarinnar, stökk aðeins
16,15 m, og fer þvi ekki á leikana
í Sydney.
Tegla Loroupe, keníski
heimsmethaflnn í maraþon-
hlaupi kvenna, mun keppa í
10.000 m hlaupi á Ólympiuleik-
unum auk maraþonsins. Hún
vann í greininni á úrtökumóti
Kenia á 32:13,50 mín.
Derrick Adkins, Ólympíu-
meistari í 400 m grindahlaupi frá
1996, hefur ákveðið að leggja
hlaupaskóna á hilluna eftir að
honum tókst ekki að komast í
ÓL-lið Bandaríkjanna fyrir leik-
ana í Sydney. Adkins hefur
þjáðst af þunglyndi síðan fyrir
leikana 1996 og hóf eftir leikana
að taka lyf við kvillanum. Þrátt
fyrir aö hafa hætt á lyfjunum
nokkru fyrir úrtökumótið urðu
þau til þess að hann náði sér
ekki á strik.
Merlene Ottey, fertugu
hlaupadrottningunni, tókst ekki
að tryggja sér sæti í 100 m hlaup-
inu á ÓL þar sem hún varð að-
eins fjórða á úrtökumóti
Jamaíku. Búast má við að hún
fari samt á leikana og verði í
boðhlaupsliði þjóðar sinnar. -ÓK
^ Meistaramót Islands í frjálsum íþróttum:
Ut í veður og vind
- ágætur árangur í Laugardalnum þrátt fyrir leiðindaveður
Meistaramót íslands í frjálsum
íþróttum, aðalhluti, fór fram um
helgina á Laugardalsvellinum. Veðr-
ið setti nokkurt strik í reikninginn
báða dagana. Á laugardag gekk á
með skúrum og vindur var allnokk-
ur og strekkingsvindur á sunnudag
en árangur var eftir atvikum mjög
góður.
Jón Arnar yfir íslandsmetiö
Fyrri dagurinn var dagur Jóns
Arnars Magnússonar en hann varð
íslandsmeistari í 100 m hlaupi, 110 m
grindahlaupi, langstökki, þar sem
hann stökk lengra en gildandi ís-
landsmet hans en í ólöglegum vindi,
og 4x100 m boðhlaupi og i þremur
fyrstu greinunum á um hálftíma. Á
sunnudeginum bætti hann síðan 200
m hlaupinu við en lét síðan þar við
sitja enda nóg fram undan.
Jón sagði í samtali við DV-Sport
að hann væri sáttur við árangurinn,
miðað við aðstæður og að hann
kenndi sér einskis meins og væri því
vel stemmdur fyrir tugþrautarmótið
í Talance um næstu helgi. Þar yrðu
flestir þeir sterkustu með og því von
um gott mót.
Fast á hæla Jóni Arnari i bæði 100
m og 200 m hlaupunum kom 18 ára
drengur, að nafni ívar öm Indriða-
son, sem keppir fyrir Ármann. fvar
er efnilegur hlaupari og vert að fylgj-
ast með honum í framtíðinni.
Þórey Edda Elísdóttir, FH, og Vala
Flosadóttir, ÍR, stangarstökkvarar og
Ólympíufarar, kepptu einnig á mót-
inu en eins og í svo mörgum öðrum
greinum varð vindurinn til þess að
árangurinn varð ekki sá besti.
Guðrún Amardóttir var einnig á
fleygiferð um helgina og sýndi enn
og aftur af hveiju hún hefur náð
svona langt í sinni grein, 400 m
grindahlaupi. Hún, eins og aðrir,
sagði þó að árangurinn á mótinu
væri vart til að byggja á en þó liti
hún til þess aö vel hefði tekist til hjá
sér á fyrstu 200 m í grindinni. Hún
hefði loks náð þeim skrefafjölda sem
hún hefði verið að stefna að. Guðrún
sagðist vera orðin nokkuð góð af
hásinameiðslunum sem hafa verið
að hrjá hana og að hún væri í góðu
formi. Næsta mót hjá Guðrúnu er í
Casablanca í Marokkó á fímmtudag.
Björgvin sterkur
Björgvin Víkingsson, 17 ára FH-
ingur, hefúr verið á mikiiii uppleið
að undanfornu og sýndi svo um
munaði að þar er á ferð sterkur
hlaupari. Hann varð annar í 400 m
hlaupi á 49,5 sek. og bætti sig þar um
hálfa sekúndu sem verður að teljast
frábært. í gær gerði hann sér lítið
fyrir og sigraöi í 800 m hlaupi á
1:57,0 mín. og varð á undan þremur
landsliðsmönnum, Daða Rúnari
Jónssyni, FH, Sigurbimi Áma Ama-
grímssyni, HSK, og Bimi Margeirs-
syni, UMSS. Björgvin var að vonum
ánægður með árangurinn.
ég er mjög áhugasamur um það sem
ég er að gera og það heldur mér í
þessu. Það er mjög gott unglingastarf
hjá FH, haldið mjög vel utan um
þetta, aðstaðan er góð, góðir félagar
og við krakkarnir erum samvisku-
söm. Það var mjög gaman að vinna
strákana í 800 metrunum en ég átti
satt að segja ekki von á þessu. Hlaup-
ið fór það hægt af stað að ég gat nýtt
hraðann í lokin þar sem ég er 400 m
hlaupari. Stefnan er eflaust sett á 800
metrana í framtíðinni, ég verð bara
aö sjá hvemig hraðinn þróast. Síðan
væri gaman að prófa 400 m grinda-
hlaup líka,“ sagöi Björgvin.
Vigdís náði ekki lágmarkinu
Vigdís Guðjónsdóttir, spjótkastari
úr HSK, er einn þeirra íslendinga
sem eygja möguleika á Ólympíulág-
marki en því miður kom það ekki á
mótinu um helgina. Vigdís hefur
kastað heldur styttra í ár en í fyrra
og á enn nokkuð í það að ná lág-
markinu.
„Það verður bara reynt aftur á
næsta móti, þó svo ég sé ekki búin að
skipuleggja það enda nýkomin heim.
Ég er ekki búin að kasta eins mikið
og í fyrra og þarf að fá fleiri mót. Ég
byijaði að kasta í apríl í ár en í nóv-
ember í fyrra. Ég sé alveg þessa 57
metra fyrir mér. Yfirleitt hef ég
kastað lengra á mótum en á æfmg-
um, ég er svo mikil keppnismann-
eskja. Upp á síðkastið hef ég verið að
kasta betur á æfingum en ég hef trú
á því að þetta sé allt að koma. Það er
smápirringur og stífleiki í mér en
annars er allt í lagi,“ bætti Vigdís
við.
Vindurinn stríddi Magnúsi
Magnús Aron Hallgrímsson,
kringlukastari úr HSK, hefur nú þeg-
ar tryggt sér farseðilinn á ÓL en fékk
um helgina öfluga keppni frá sex er-
lendum keppendum. Vindurinn
stríddi kringlukösturunum eins og
öðrum og því var árangurinn ekki
afgerandi en þó var Vésteinn Haf-
steinsson, þjálfari Magnúsar, nokk-
uð ánægður og sagði Magnús oft
hafa kastað verr, vindurinn hefði
einfaldlega verið erflður við að eiga
Magnús sjálfur var einnig nokkuð
sáttur.
„Þetta var nú alveg þokkalegt,
miðað við aðstæður, ég var að von-
ast eftir 60 m í dag. Það hefði verið
gott en vindurinn var beint á móti.
Tæknin er í nokkuð góðum skorðum
en það er alltaf hægt að laga eitt-
hvað. Samt sem áður var þetta ágætt
tæknilega í dag, þó svo að mér
tækist ekki alveg að klára þetta. Það
er nokkuð sem við þurfum að vinna
í næstu daga og vikur.“
Magnús er að fara á fyrsta stór-
mót sitt í haust þegar hann fer á ÓL.
Hann er nokkuð brattur fyrir mótið
og segir ekkert að hræðast. „Mér líð-
ur mjög vel, ég er spenntur fyrir
mótið og bíð eftir að sýna það sem í
mér býr, bíð spenntur eftir að kom-
ast í hringinn. Ég ber fullkomna
virðingu fyrir mönnum eins og Lars
Riedel en ég hræðist þá ekki, þeir
eru bara mannlegir og því ekkert að
hræðast. Ólympíuleikamir eru bara
byijunin. Þetta verður góð reynsla
og vonandi að maður nái að sýna
það sem í manni býr,“ sagði Magnús
Aron.
Það leiðinlega við mótið var
hversu illa er búið að frjálsum
íþróttum á þjóðarleikvanginum. Það
voru engar línur í kastgeirum,
grindur komu seint á brautina og
kastbúrið er skammarlega lélegt.
Ljóst er að þama er úrbóta þörf.
-ÓK
Guðrún Arnardóttir kemur fyrst í
mark í 200 m hlaupinu.
DV-myndir E.ÓI.