Dagblaðið Vísir - DV - 14.08.2000, Blaðsíða 8

24
25
MÁNUDAGUR 14. ÁGÚST 2000 MÁNUDAGUR 14. ÁGÚST 2000
Sport
DV DV
Fylkismenn áfram í bikarnum:
Arbæjarskul
- svífur seglum þöndum
Þaö má ljóst vera, eftir leik Breiðabliks og
Fylkis í 8 liöa úrslitum Bikarkeppni KSÍ, aö
Fylkismenn eru að festa sig í sessi sem eitt
af toppliðunum á Islandi. Þeir eru nú efstir
í Landssímadeildinni og komnir í undanúr-
slit bikarsins og ef að líkum lætur eru
stuðningsmenn félagsins famir að eygja
þann möguleika að vinna tvöfalt í ár.
Rétt áður en leikurinn byrjaði köstuðu
leikmenn Breiöabliks ógrynni af súkkulaði-
stykkjum til áhorfenda og svo virtist sem
Andri Marteinsson, varnarmaður Breiða-
bliks, væri enn með hugann við súkkulaöið
þegar leikurinn hófst því strax eftir tuttugu
sekúndur misreiknaði hann boltann illilega
og missti hann inn fyrir sig þar sem Krist-
inn Tómasson þakkaði gott boð, óð upp að
marki Blika en Atli Knútsson bjargaöi frá-
bærlega með úthlaupi.
Fylkismenn voru miklu sterkari en Blik-
ar fyrstu mínútur leiksins. Þeir voru einum
manni fleiri á miðsvæðinu og höfðu yfir-
burði þar. Það virtist ekki koma að sök þó
einn þeirra besti leikmaður, Gylfi Einars-
son, væri ekki í byrjunarliðinu í þessum
leik en hann hefur verið veikur að undan-
fómu.
Kristinn Tómasson var mjög ógnandi í
framlínu Fylkismanna í byrjun og á 10. mín-
útu átti hann gott skot frá vitateig sem Atli
varði vel.
Frábær markvarsla Kjartans
Eins og áður sagði voru Blikar mjög dapr-
ir í byrjun leiks og það var ekki fyrr en um
miöjan háifleikinn sem eitthvað líf færðist í
leik þeirra. Á 26. mínútu braut Þórhallur
Dan Jóhannsson á Bjarka Péturssyni rétt
fyrir utan vítateig. Kjartan Einarsson tók
aukaspyrnuna en nafni hans Sturluson
varði frábært skot hans efst í markhorn
Fylkismarksins á glæsilegan hátt. Undir lok
fyrri hálfleiks átti síðan Bandaríkjamaður-
inn Robert Russell, sem lék sinn síðasta leik
fyrir Breiðablik á þessu tímabili á laugar-
daginn, fallega sendingu inn fyrir vöm Fylk-
ismanna þar sem Ásmundur Arnarsson var
einn en skot hans fór framhjá. Staðan í hálf-
leik var því 0-0 en þrátt fyrir markaleysið
skemmtu hinir 790 áhorfendur, sem lögðu
leið sína á Kópavogsvöllinn, sér konunglega.
Blikar byrjuðu seinni hálfleikinn af mikl-
um krafti og á 47. mínútu átti Salih Heimir
Porca frábæra sendingu á Bjarka Pétursson
sem var aleinn í vítateig Fylkis en hann var
of lengi að athafna sig og Ólafur Stígsson
náði að bægja hættunni frá. Porca var svo
aftur á ferðinni tveimur mínútum síðar þeg-
ar hann átti fallega sendingu á Ásmund
Amarsson en Ásmundur missti boltann frá
sér og ekkert varð úr færinu. Fylkismenn
komust síðan meira inn í leikinn og á 52.
mínútu átti Gylfi Einarsson, sem kom inn á
sem varamaður fyrir Sverri Sverrisson und-
ir lok fyrri hálfleiks, fallega sendingu fyrir
mark Blika þar sem Kristinn Tómasson var
í ákjósanlegu færi en hitti ekki boltann.
Fjórum mínútum síðar átti Gunnar Þór Pét-
ursson frábæra sendingu inn fyrir vöm
Blika á Kristinn en skot hans fór yfir. Blik-
ar fengu besta færi sitt í leiknum á 70. mín-
útu. ívar Sigurjónsson átti sendingu inn fyr-
ir vöm Fylkismanna þar sem Hreiðar
Bjamason komst upp að endamörkum. Eftir
darraðadans í teignum fékk Bjarki Péturs-
son boltann einn og óvaldaður á markteig
en Kjartan Sturluson bjargaði snilldarlega
með fótunum.
Einn í heiminum
Það var svo á 76. mínútu sem fyrsta mark
leiksins leit dagsins ljós. Helgi Valur Daní-
elsson lagði boltann á vinstri kant þar sem
Gunnar Þór Pétursson kom á fleygiferð og
gaf boltann fyrir. Þar stóð Kristinn Tómas-
son einn í heiminum á markteig Blika,
þakkaöi pent fyrir sig og skoraði með góð-
um skalla framhjá varnarlausum Atla
Knútssyni.
Eftir þetta lögðu Blikar allt kapp á að
jafna og breyttu meöal annars um leikaöferð
til þess að setja meiri pressu á Fylkismenn.
Sigurður Grétarsson, þjálfari Blika, setti
vamarmanninn hávaxna, Þorstein Sveins-
son, inn á í sóknina en allt kom fyrir ekki.
Vamarmenn Fylkis áttu svör við öllum
sóknaraðgerðum Breiðabliks og rétt áður en
Kristinn Jakobsson, dómari leiksins, flaut-
aði leikinn af skoraði svo Gylfi Einarsson
annað mark Fylkis og gerði endanlega út
leikinn. Hann fékk boltann í vítateignum
eftir klafs og sendi hann örugglega í netið.
Blikar geta sjálfum sér um kennt. Þeir
börðust vel og hefðu getað verið búnir að
skora á undan Fylkismönnum ef þeir hefðu
nýtt eitthvað af fjölmörgum fæmm sínum í
leikum. Vörnin var óöragg og svo virtist
sem Andri Marteinsson væri á fullum laun-
um við að hleypa spennu í leikinn. Hann
tefldi oft óþarflega djarft og nokkrum sinn-
um hefði það getað endað illa ef ekki hefði
komið til klaufaskapur Fylkismanna. Miðju-
menn Blika náðu sér ekki á strik ef undan
er skilinn Hreiðar Bjamason sem var best-
ur Blika í leiknum ásamt Atla Knútssyni
markverði.
„Leikurinn þróaðist þannig að þeir sóttu
meira en við bökkuðum og reyndum að
beita skyndisóknum. Við fengum fleiri færi
en þeir og hefðum átt aö geta verið komnir
yfir. Síðan gleymum við okkur í markinu
sem Kristinn skorar og eftir það var þetta
erfitt. Það er svekkjandi að gefa sig alla í
leikinn og uppskera ekki nokkurn skapaðan
hlut,“ sagði Atli Knútsson, sem átti góðan
leik í marki Blika.
Fylkismenn spiluðu ekki sérlega vel í
þessum leik. Þeir gerðu þó það sem þurfti og
þegar upp er staðið skiptir sigurinn öllu
máli. Kjartan átti góðan leik i markinu,
Sverrir Sverrisson var sterkur á miðjunni
þann tíma sem hans naut við og frammi var
Kristinn Tómasson mjög ógnandi og réðu
vamarmenn Blika litið við hann. Þaö er
ljóst að það er sigling á Fylkismönnum
þessa dagana og verður spennandi að sjá
hvað þeir gera næstkomandi sunnudag
þegar þeir mæta KR-ingum í Frostaskjóli í
leik sem kemur til með að hafa mikla
þýðingu fyrir bæði lið.
-ÓHÞ

Hrafnkell Helgason heilsar
hér upp á þá Gunnar Þór
Pétursson og Gylfa Einars-
son í tilefni af markinu sem
sá síðastnefndi skoraði eftir
að hafa komið inn á sem
varamaöur en Gylfi hefur
legið í veikindum að undan-
förnu. DV-mynd E.ÓI.
Leik Grindavíkur og ÍA lauk ekki fyrr en í vítaspyrnukeppni:
Ólafur Þór hetja ÍA
- í vítaspyrnukeppni í Grindavík
Ólafur Þór Gunnarsson markvörður var hetja
Skagamanna með því að verja tvær vítaspymur
í leik ÍA og Grindavíkur í 8 liða úrslitum Coca
Cola-bikarkeppninnar í Grindavík í gærdag.
Jafnt var 1-1 eftir framlengingu og þurfti því að
grípa til vítaspymukeppni. Kollegi Ólafs í
Grindavíkurmarkinu, Albert Sævarsson,
skoraði úr fyrstu spyrnunni fyrir Grindavík en
Sigurður Jónsson svaraði fyrir Skagamenn. Óli
Stefán Flóventsson kom Grindavík í 2-1 en
Jóhannes Harðarson jafnaði jafnharðan. Þá var
komið að Ólafi sem varði spyrnu Zoran Djuric
og Alexander Högnason skoraði, 2-3. Scott
Ramsey skaut síðan en Ólafur sá einnig við
honum og Une Arge tryggði síðan ÍA sæti í 4
liða úrslitum með síðustu spymunni, 2-4 fyrir
ÍA.
„Þetta hafðist í lokin. Það var frábært að
verja þarna í vítaspyrnukeppninni. Maður
reynir að lesa út hvar boltinn kemur og svo er
þetta kannski heppni. Ég veit að það eru góð lið
með okkur í pottinum og vona bara að við fáum
heimaleik," sagði Ólafur kampakátur í leikslok.
Leikurinn var mikill baráttuleikur og
Eyjólfur Ólafsson hafði í mörg horn að líta.
Fyrri hálfleikur var frekar tíðindalítill.
Skagamenn höfðu suðaustanvindinn heldur
með sér og voru aðgangsharðari í
sóknaraðgerðum sínum meðan Grindvíkingar
léku meira til baka og voru ekki með mikla
tilburði í sóknaraðgerðum sínum. Une Arge
fékk upplagt færi til að skora fyrir Skagamenn
á 17. mínútu en skaut framhjá. Þrátt fyrir að
vera meira með boltann vom sóknaraðgerðir
Skagamanna einhæfar og enduðu oftar en ekki
með sendingu inn í vítateig þar sem
Grindvíkingar voru fastir fyrir og áttu auðvelt
með að hreinsa frá. Besta færi Grindvíkinga
fékk Paul McShane hins vegar rétt fyrir
hálfleikslok og segja má að það hafi verið besta
færið í leiknum því Sverrir Þór Sverrisson
sendi boltann fyrir frá vinstri en Paul skallaði
framhjá aleinn fyrir framan mark Skagamanna
af markteig.
Á 57. mínútu komust heimamenn yfir. Róbert
Sigurðsson sem átti góðan leik fékk boltann
fyrir utan vítateig Skagamanna vinstra megin,
lék til hægri á hvem Skagamanninn af öðrum,
inn í vítateiginn þar sem hann skoraði undir
Ólaf sem kom hlaupandi á móti honum.
Skagamenn lögðu af stað í sókn og eftir nokkurn
darraðadans í vítateig Grindvíkinga gerðist
umdeilt atvik þegar Ray Jónsson sparkaði
boltanum til Alberts markvarðar að því er
virðist í nauðavörn. Albert tók hann með
höndum við vítateigspunkt og Eyjólfur dómari
dæmdi aukaspymu á hann eftir mótmæli
Skagamanna. Þeir stilltu upp og Sigurður
Jónsson skoraða með firnafóstu skoti úr
spymunni. Þetta fór ákaflega illa í Grindvíkinga
og sérstaklega þjálfara þeirra, Milan Stefán
Jankovic, sem átti ýmislegt vantalað við Eyjólf
og enduðu viðskipti þeirra þannig að Milan var
rekinn af bekknum. Grindvíkingar hresstust
heldur eftir markið og gerðu oft harða hríð að
marki Skagamanna. Sigurður Jónsson var hins
vegar sá sem stöðvaði flestar sóknarlotur þeirra
og átti ákaflega góðan leik í vöminni. Þá greip
Ólafur markvörður einnig vel inn i leikinn.
Scott Ramsey sem byrjaði sem varamaður í
leiknum kom inn á fyrir Sverri Þór á 56. mínútu
hressti einnig upp á sóknarleik Grindvíkinga.
Hann átti skot framhjá á 71. mínútu eftir góða
sendingu frá Róberti og hann fékk einnig
tækifæri til að vinna leikinn fyrir heimamenn
undir lok venjulegs leiktíma þegar hann fékk
sendingu inn fyrir vörn Skagamanna og var
einn á móti Ólafi í markinu sem lokaði vel og
skotið var framhjá. Framlenging og enn fékk
Scott tækifæri á 105. mínútu, einn á móti
markverði, en var of seinn þannig að Reynir
Leósson náði boltanum af honum.
Leikurinn var allan tímann leikur mikilla
snertinga án þess að vera beinlínis grófur og
hvorki fleiri né færri en 52 aukaspymur vom
dæmdar í honum, Eyjólfur lyfti gula spjaldinu 5
sinnum í leiknum og einu sinni því rauða þegar
Kári Steinn Reynisson fékk sitt annað gula
spjald i fyrri hluta framlengingar. Auk þess fékk
Milan brottrekstur eins og fyrr segir. Segja má
þó að Grindvíkingar geta engu um kennt nema
sjálfum sér að hafa ekki nýtt tækifærin sem
gáfust í leiknum.
„Ég er ákaflega óhress með þessi úrslit. Við
erum sjálfum okkur verstir með því að klára
ekki þau færi sem við fengum í leiknum. Við
vorum betri aöilinn í þessum leik, fengum
dauðafæri í leiknum sem við nýttum ekki.
Ég er náttúrulega óhress með aukaspyrnuna
sem við fáum á okkur sem mér finnst
gjörsamlega út í hött. Þarna var dæmd
aukaspyma á sendingu á markvörö í nauövöm.
Við eram mjög óhressir með þetta.“ sagði Helgi
Bogason, aðstoðarþjálfari Grindvíkinga, eftir
leikinn.
t
Sport
Ótrúlegt
- vogun vinnur, vogun tapar
Lokamínútumar í leik Leifturs
og Stjörnunnar í Landssímadeild
karla í gærkvöldi hefðu getað verið
úr vísindaskáldsögu. Hvort lið um
sig skoraði mark eftir að venjulegur
leiktími var úti og má segja að hár-
in hafi verið farin að rísa á mönn-
um i blálokin. Niðurstaðan 3-3 jafn-
tefli botnliðanna í einstakri blíöu á
Ólafsfjarðarvelli.
Heimamenn fóru síður en svo vel
á stað í leiknum og strax eftir
þriggja minútna leik voru gestimir
komnir yfir með góðu skallamarki
Vladimirs Sandulovic eftir auka-
spymu Veigars Páls Gunnarssonar.
Eins og þetta hafi ekki verið nægi-
lega blaut tuska fyrir Leiftursmenn
en þá tók Rúnar Páll Sigmundsson
sig til á 12. mínútu og kom gestun-
um í 2-0. Má segja að þá hafi verið
farið að fara um menn á vellinum,
kannski enn eitt stórtapið á heima-
velli í uppsiglingu.
Leikmenn Leifturs voru þó ekki á
þvi að gefa sig og átta mínútum síð-
ar minnkaði Alexandre Santos
muninn með fallegu skoti. Skömmu
síðar fengu heimamenn síðan kjörið
tækifæri til að jafna en Zoran Stoja-
dinovic, markvörður Stjömunnar,
varði boltann í stöng. Gestirnir
náðu boltanum, brunuðu fram og
Ragnar Ámason komst einn inn fyr-
ir en skaut boltanum í hliðarnetið.
Vægast sagt viðburðaríkur fyrri
hálfleikur.
Síðari hálfleikur var nánast al-
görlega eign heimamanna. Þeir
höfðu boltann innan sinna raða
lengst af og skutu ógrynni skota að
marki Stjömunnar en þeir blá-
klæddu náðu að verjast, með
Sandulovic sem sinn besta mann,
allt þar til varamaðurinn Hörður
Már Magnússon jafnaði metin eftir
góða sendingu Johns Petersen.
Á þessum tímapunkti snerist síð-
an vindurinn í átt til jafnteflis en
það var hvorugt liðið tilbúið að
sætta sig við. Ekkert gerðist þó
markvert þar til nokkuð var liöið
fram yfir venjulegan leiktíma að
Stjömumenn voru allt í einu komn-
ir í gegn, nokkurt klafs varð í teign-
um og að lokum kom Garðar Jó-
hannsson boltanum yfir markklín-
una. Þá fór nú að fara um heima-
menn en þeir spýttu í lofana og ör-
fáum sekúndum fyrir lokaflautið
náði Örlygur Helgason að jafna leik-
inn og kóróna alveg ótrúlegar
lokamínútur.
Fátt virðist nú geta komið í veg
fyrir að bæði lið verði falldraugin-
um að bráð en þó er of snemmt að
fullyrða um það enn eða eins og
Einar Einarsson, aðstoðarþjálfari
Leifturs, sagði eftir leik: „Við gef-
umst aldrei upp, ekki fyrr en við
sjáum það [fallið] á prenti."
Leiftur-Stjarnan 3-3
Hálfleikur: 1-2. Leikstaóur: Ólafsfjarðarvöllur. Áhorfendur: 250.
Dómari: Gísli H. Jóhannesson (2). Gœði leiks: 4.
Gul spjöld: Joensen, Páll, Hlynur J., Jens Martin (Leiftri), Veigar Páll, Ásgeir,
Friðri, Ragnar (Stjörnunni).
Skof 19-8. Horn: 8-4. Aukaspyrnur fengnar: 21-16. Rangstöður: 21-16.
Mörkin: 0-1 Vladimir Sandulovic (3., með skalla úr teig eftir aukaspyrnu Veigars
Páls), 0-2 Rúnar Páll Sigmundsson (12., úr teig eftir sendingu inn fyrir frá Veigari
Páli.), 1-2 Alexandre Santos (20., klippti boltann frá vítateigspunkti eftir sendingu
Rasmussens), 2-2 Hörður Már Magnússon (82., úr teig eftir sendingú Silva), 2-3
Garðar Jóhannsson (90. potaði boltanum yfir línuna eftir klafs í teignum) 3-3
örlygur Helgason (90., úr teig eftir sendingu Pedersens).
Maður leiksins: Vladimir Sandulovic, Störnunni.
Einkunnagjöf
DV-sport
Leiftur-Stiarnan 3-3
Leiftur (3-5-2)
Jens Martin Knudsen, 2, Aibert Ara-
son, 3, Jens Erik Rasmussen, 3 (71.,
Hörður Már Magnússon, 4), Ingi H.
Heimisson, 3 (58., Alexandre Silva 3),
Örlygur Þór Helgason, 3, Sámal Joen-
sen, 3, Hlynur Birgisson, 2 (77., Þor-
valdur Guðbjömsson -), John Peter-
sen, 4, Páll Gislason, 4, Alexandre
Santos, 4, Hlynur Jóhannson, 2.
Stjarnan (3-5-2)
Zoran Stojadinovic, 4, Rúnar PáU Sig-
mundsson, 3 (66., Bernharður M.
Guömundsson, 2), Vladimir
Sandulovic, 4, Ásgeir G. Ásgeirsson, 3
(53., Boban Ristic, 3), Valdimar Krist-
ófersson, 3 (83., Garöar Jóhannsson,
-), Ragnar Árnason, 3, Friðrik
Ómarsson, 2, Ólafur Gunnarsson, 3,
Zoran Stocic, 3, Birgir Sigfússon, 3,
Veigar Páll Gunnarsson, 4.
Einkunnaskali DV-Sport
6 - Stórkostlegur, 5 - Mjög góður, 4 -
Góður, 3 - í meðallagi, 2 - Slakur, 1 -
mjög lélegur, - Takmörkuð þátttaka.
# X
i LANDSSÍHA
' -^DEILDIN
'2:00-0
Fylkir
14 8 5 1 31-11 29
KR 13 7
ÍBV 14 6
Grindavík 14 5
ÍA 14 6
Keflavík 14 4
Breiðablik 14 5
Fram 14 4
3 3 19-12 24
5 3 23-13 23
6 3 17-12 21
3 5 14-12 21
5 5 14-21 17
1 8 21-23 16
3 7 16-23 15
Stjarnan 14 3 3 8 12-23 12
Leiftur 13 1 6 6 16-33 9
Ncestu leikir í deildinni fara fram
þann 20. ágúst þegar 15. umferð hefst
meö fjórum leikjum.

ÍBV komst í undanúrslit bikarsins eftir sigur á Val:
- Hásteinsvöllur reynist enn ókleif hindrun fyrir gesti
Valsmenn, sem í dag eru í 2.
sæti 1. deildarinnar, mættu
ákveðnir til leiks í Vestmannaeyj-
um þegar þeir mættu ÍBV í 8 liða
úrslitum bikarkeppni KSÍ.
Strax frá fyrstu mínútu léku
þeir af miklum krafti og virtust
koma heimamönnum í opna
skjöldu. Gestimir uppskáru sam-
kvæmt því og skoruðu strax á 7.
mínútu þegar Matthías Guðmunds-
son komst einn inn fyrir vöm
Eyjamanna og skoraði örugglega
framhjá Birki Kristinssyni í marki
ÍBV.
Valsmenn héldu uppteknum
hætti en þegar kom fram í miðjan
fyrri hálfleik hresstust Eyjamenn
og komust meira inn í leikinn. En
harður dómur Egils Más Markús-
sonar á 32. minútu varð vendi-
punktur í leiknum. Þá rak hann
Frikret Alomareic, einn sterkasta
mann Vals, út af eftir brot á Inga
Sigurðssyni.
Eyjamenn voru fljótir að nýta
sér liðsmuninn þegar Steingrímur
Jóhannessyni tókst að skora fram-
hjá Hjörvari Hafliðasyni. Þrátt fyr-
ir góða baráttu áttu gestirnir
aldrei von úr þessu því heima-
menn tóku öll völd á vellinum og
áður en yfir lauk höfðu þeir náð að
koma boltanum þrisvar í viðbót í
mark Vals. Þar með var 35. leikur
ÍBV á Hásteinsvelli án taps orðinn
að veruleika og Eyjamenn komnir
í undanúrslit bikarsins.
Annað mark ÍBV skoraði Mileta
á 73. mínútu, beint úr aukaspyrnu
á 25 metra færi, þriðja markið
skoraði Steingrímur og Baldur
Bragason það fjórða á 90. mínútu.
„Þetta var erfitt hjá okkur eftir
að maðurinn var rekinn út af,“
sagði Kristinn Lárusson, fyrirliöi
Vals, eftir leikinn og var hann
langt í frá sáttur við dómarann.
„Það er bara eitt orð yfir suma
dómarana, þeir eru asnar og taki
þeir það til sín sem eiga. Ég er ekki
að kenna dómara leiksins um að
við töpuðum heldur er hann alltof
mikil gunga. Það þarf að segja
dómurunum einhvern tíma til
syndanna því þeir bera alltof mikla
virðingu fyrir liðum í efstu deild-
inni. Það voru allt of mörg vafaat-
riði í stöðunni 0-1 og 1-1 sem voru
okkur í óhag. Það er kominn tími
til að dómararnir fái sína lexíu.“
En þiö voru greinilega komnir til
aö vinna?
„Á meðan við vorum 11 vorum
viö betra liðið og getum unnið
hvaða lið sem er í efstu deildinni,"
sagði Kristinn.
Steingrímur Jóhannesson hefur
verið á skotskónum undanfarið og
var hann að vonum ánægður með
úrslitin og sinn þátt í leiknum.
„Þetta var baráttuleikur og dómar-
inn missti fljótt tökin á honum en
kom sér svo inn í hann aftur,“
sagði Steingrímur.
Valsmenn sýndu í leiknum að
þeir vom til alls vísir. „í bikamum
gefur ekkert lið eftir þvi menn fá
ekki annað tækifæri og Valsmenn
eiga heiður skilinn fyrir baráttu.
Það er ekkert gefið í svona leikjum
en heimavöllurinn er sterkur og
hann brást okkur ekki núna. Ég á
enga sérstaka ósk um andstæðinga
í undanúrslitunum en þaö væri
plús að fá heimaleik. Heimavöllur-
inn heföi reynst okkur vel.“