Dagblaðið Vísir - DV - 05.09.2000, Blaðsíða 3

16
ÞRIÐJUDAGUR 5. SEPTEMBER 2000
ÞRIÐJUDAGUR 5. SEPTEMBER 2000
25
Sport
Gljúfurá í Víöidal:
„Laxinn lét sig
vaða niður ána“
- 33 laxar hafa veiöst
„Þetta var sprækur lax og hann
lét sig vaða niður með ánni, þó var
hann orðin leginn,” sagði Júlíus
Sigurbjartsson en hann veiddi 30.
laxinn í Gljúfurá í Víðidal á þessu
sumri í fyrradag á maðkinn.
„Fiskurinn tók maðk og við
veiddum tvo laxa í viðbót, það voru
fleiri laxar þarna ofarlega i ánni,
fiskurinn veiddist í Klapparhyln-
um,” sagði Júlíus en með honum
við veiðar voru bræðumir Hannes
og Magnús Péturssynir.
Áin hefur geflð 33 laxa og hann
er 16 pund sá stærsti enn þá, það
var Magnús Kristinsson sem
veiddi fískinn í Klettastiga. Það er
ekki mikið af fiski í ánni og
bleikjuveiðin hefur oft verið meiri
en núna.
Embla, Killer og Black Zulu
Flugurnar Embla, Killer og
Black Zulu hafa verið að gefa best
í bleikjunni en líklega hafa veiðst
á milli 200 og 300 bleikjur.
Maðkurinn hefur verið sterkur
í ánni í sumar og flestir laxarnir
veiðst á hann.
Laxinn var kominn snemma í
ána á þessu ári og má þakka það
framkvæmdum við ósinn, enda
eru þeir laxar sem eru í ánni orðn-
ir mjög legnir.
Lítið hefur gengið af fiski sið-
ustu vikur, enda áin orðin vatns-
lltil, en einhver hreyfing var við ós-
inn í gærmorgun.
Eitthvaö af urriða
Eitthvað hefur veiðst af urriða og
er það ofarlega en þar halda laxam-
ir sig mest þessa dagana og taka
ekki vel, sama hvað þeim er boðið
girnilegt enda kannski að hugsa um
annað núna og merkilegra.
Við skulum aðeins kíkja á næstu
veiðiár við Gljúfurá, Víðidalsá er
komin í 600 laxa og Miðfjarðará er
á svipuðu róli með 595 laxa.
Blanda er komin í 700 laxa og það
er afrek að veiða fisk í henni núna.
Liturinn á henni er þannig, hún er
ljót ásýndum. -G.Bender
Júlíus Sigurbjartsson með þrítugasta laxinn sem veiddist í Gljúfurá í Víöidal
á þessu sumri en áin hefur gefið 33 laxa. DV-mynd G.Bender
Meistarataktar
- á meistaramóti KPMG sem haldið var um helgina hjá Andvara
Meistaramót KPMG sem fram
fór á félagssvæði Andvara um
helgina sannaði það að lenging
keppnistimabils hestamanna á svo
sannarlega rétt á sér. Mjög góður
árangur einstakra hesta í gæðinga-
keppni og mettímar í skeiði segja
allt sem segja þarf. Logi Laxdal og
Þormóður Rammi eru heldur bet-
ur á fljúgandi skeiði þessa dagana.
Þeir fóru 150 metra skeið á 13,64
á kappreiðum Fáks á fimmtudag-
inn síðasta og á Andvaramótinu
fóru þeir á 13,75 en báðir þessir
tímar eru undir gildandi íslands-
meti. Reyndar náðu Logi og Þor-
móður Rammi hreint ótrúlegum
tímum seinni dag mótsins þegar
þeir renndu sér 150 metrana á
13,16 og 13,26 en varla verða þeir
tímar teknir gildir sökum mikils
meðvinds.
Mætti á Oddi frá Blönduósi
Sigurbjöm Bárðarson mætti
með gamla brýnið hann Odd frá
Blönduósi og sigruðu þeir töltið
með glæsibrag. Svo virðist sem
Oddur, sem er einn sigursælasti
hestur í sögu hestaíþrótta á ís-
landi, sé sífellt að bæta sig.
Sigurbjörn og Valíant frá Hegg-
stöðum sigruðu B-flokkinn en
gaman er að sjá hvemig Valíant,
þessum mikla keppnishesti, er
stfllt upp á annan hátt að þessu
sinni en hjá eiganda sínum, Haf-
liða Halldórssyni. Klakkur frá Bú-
landi og Vignir Jónasson voru ör-
yggið uppmálað í A-flokki gæðinga
og uppskáru fyrsta sætið en á eftir
þeim komu Sveinn Rangnarsson
og Brynjar frá Árgerði.
í 250 metra skeiði sigraði Ósk
frá Litla-Dal og Sigurbjörn á tím-
anum 21,48 sek. í beljandi roki á
sunnudeginum. Logi og Hraði frá
Sauðárkróki fóru á 21,50 á laugar-
deginum þegar veðr-
ið lék við keppend-
ur. Þórður Þorgeirs-
son og Hnoss frá
Ytra-Dalsgerði urðu
hlutskörpust i 100 m
fljúgandi skeiði á
7,56 sek. og Sveinn
Ragnarsson og
Framtíð frá Runnum
fóru á 7,9 sek.
Kappreiðar Fáks
Það verður spenn-
andi að fylgjast með
komandi kappreið-
um Fáks en þrjár
umferðir eru eftir og
verður sú næsta á
fimmtudaginn.
-HÓ
Sigurbjörn Báröarson
og Oddur frá Blöndu-
ósi mættu á meistara-
mótið. Oddur er sjálf-
sagt sigursælasti
hestur í íslandssög-
unni.
DV-mynd GVA
DV DV
Sport
Úrslitaleikur deildabikars karla:
andræðalitiö
Grindvíkingar unnu auðveldan sig-
ur, 4-0, á Valsmönnum í úrslitaleik
deildabikars karla í gærkvöldi, leik
sem frestað var í vor. Má segja að að
í leiknum hafi komið klárlega i ljós
munurinn á Landssímadeild og 1.
deild og ljóst að Valsmenn þurfa að
styrkja lið sitt rækilega ef ekki á illa
að fara þegar þeir mæta til leiks í
efstu deild að ári.
Það var lítill munur á því hvort lið-
ið var meira með boltann í fyrri hálf-
leiknum. Valsmenn áttu fyrsta færi
leiksins þegar Kristinn Lárusson
skaut að marki og góður markvörður
Grindvíkinga, Albert Sævarsson, rétt
náði að slá boltann yfir. Aðeins tveim-
ur mínútum síðar kom síðan fyrsta
markið á hinum enda vallarins þegar
besti maður vallarins, Grindvikingur-
inn Sverrir Þór Sverrison, fékk bolt-
ann eftir misheppnaða hreinsun Vals-
manna og skoraði með viðstöðulausu
skoti, óverjandi fyrir Hjörvar Hafliða-
son.
Eftir þetta áttu Valsmenn nokkuð
af skotum að markinu en þau voru öll
af löngu færi og stöðvuðust á Alberti í
markinu fyrir utan einn skalla frá
Kristni sem fór í þverslá og yfir. Þrátt
fyrir öll skotin voru Valsmenn tals-
vert mistækir í spili sínu og góð til-
þrif Arnórs Guðjohnsen urðu oft til
einskis þegar hreyfingar meðspilar-
anna voru engan veginn nógu góðar.
Ánnað mark Grindvíkinga hefði
getað komið eftir rúmlega hálftíma
leik þegar Óli Stefán Flóventsson
komst einn inn fyrir en Hjörvar bjarg-
aði frábærlega með góðu úthlaupi.
Markið kom þó skömmu síðar þegar
Sverrir Þór prjónaði sig í gegnum alla
vöm Valsmanna og sendi góða send-
ingu á Goran Lukic sem lagði boltann
laglega í hornið. Staðan í leikhléi 2-0.
Siðari hálfleikur var ekki ósvipað-
ur þeim fyrri. Bæði lið skiptu fjórum
leikmönnum inn á í síðari hálfleik og
þar á meðal báðum markvörðunum.
Þrír fastamenn Grindvfkinga komu
inn á og eftir það varð Grindavíkur-
liðið enn sterkara.
Sinisa Kekic hafði verið 10 mínútur
inni á þegar hann setti mark sitt á
leikinn með skalla eftir góða sendingu
Ólafs Arnar Bjarnasonar. Grindvík-
ingar voru meira með boltann en
sköpuðu sér frekar fá færi en Vals-
menn fengu tvö þokkaleg færi en Ad-
olf Sveinsson og Ólafur Ingason náðu
ekki að nýta þau.
Ólafur Öm lokaði síðan marka-
reikningnum á 90. mínútu þegar hann
skaut bylmingsskoti framhjá John
Mills í Valsmarkinu eftir gott þrí-
hymingsspil við Goran Lukic.
Kristinn, fyrirliði Valsmanna,
sagði leikinn ekki þeirra besta. „Við
ætluðum okkur að vinna leikinn en
það er erfitt að hvetja menn til dáða í
vormóti að hausti, kannski hafði það
áhrif. Menn hafa kannski hugsað of
mikið um leikinn á laugardaginn
gegn KA, en auðvitað er það þannig
að menn eiga að einbeita sér að leikn-
um sem verið er að spila en ekki ein-
blína á þann næsta.“
„Við vorum að spila þokkalega, við
náðum að spila boltanum vel á milli
manna, vorum að skapa okkur færi og
nýttum þau eins og við þurftum, stað-
reyndin sigur og sanngjarn að mér
finnst,“ sagði Guðjón Ásmundssson
Grindvíkingur með bikarinn í hönd-
unum. „Við fórum í þennan leik til að
vinna og notuðum hann einnig til að
slípa menn inn í liðið vegna manna-
breytinga sem þurfa að koma til
vegna leikbanna í deildinni."
-ÓK
Undanúrslit í bikarkeppninni í knattspyrnu:
Tvísýnn slagur
í Eyjum í dag
- þar sem heimamenn og Fylkir mætast
Eyjamenn og Fylkismenn eigast
við í undanúrslitum bikarkeppninn-
ar í knattspyrnu í Eyjum í dag og
hefst leikurinn klukkan 17.30. Hin
viðureignin, þar sem etja kappi
saman Skagamenn og FH, verður
háð á morgun á Akranesi. Leikur
ÍBV og Fylkis verður án efa mjög
tvísýnn og hart barist til síðustu
mínútu enda sæti í úrslitaleiknum í
boði.
Njáll Eiðsson, þjálfari 1. deildar-
liðs ÍR, segist eiga von á hörku-
viðureign og það verði eflaust mjög
erfitt fyrir Fylki að sækja Eyjamenn
heim þar sem þeir hafa ekki tapað
leik í langan tíma.
„Mér finnst Fylkisliðið vera það
gott að það eigi góða möguleika í
þessum leik. Fylkir á að skipa besta
sóknarliðinu í dag og ef eitthvað lið
á möguleika úti í Eyjum þá eru það
Fylkismenn. Bjarni Jóhannesson,
þjálfari liðsins, þekkir allar aðstæð-
ur vel þarna og getur því undirbúið
sína menn vel fyrir þennan leik,“
sagði Njáll.
Sóknarleikur Fylkis beittari
en ÍBV hefur reynsluna
- Hver er munurinn á þessum lið-
um að þínu mati?
„Sóknarleikur Fylkis er beittari.
Þeir eru með hraðari leikmenn í
stöðum frammi en Eyjamenn. Styrk-
ur Fylkis liggur í því að liðið er fljótt
að sækja en margir leikmenn eru
með góðan hraða. Theódór, Gylfi og
Sævar eru geysilega fljótir og þurfa
Eyjamenn að hafa góðar gætur á
þeim. Segja má að Fylkir sé í alla
staði vel spilandi lið í dag og staða
liðsins í deildinni kemur ekki á óvart
í Ijósi þess. Maður sér varla nokkum
veikleika á liðinu og það er í heild
sinni þrælgott lið. Eyjamenn hafa
hins vegar reynsluna sem getur gert
útslagið. Leikmenn á borð við Hlyn,
Birki og Inga þekkja það vel að taka
þátt í leikjum sem þessum. Ég spái
því að þetta verði hörkuleikur og það
kæmi mér ekki á óvart að hann yrði
framlengdur," sagði Njáll Eiðsson.
-JKS
Nígeriski leikmaðurinn
Kanu hjá Arsenal hefur ósk-
að eftir því við nígeriska
knattspyrnusambandið að
leika ekki með landsliðinu á
Ólympíuleikunum í Sydney.
Kanu er einn þriggja leik-
manna sem fengu sérstakt
leyfi til að leika á ÓL. Einu at-
vinnumennirnir sem mega
taka þátt í knattspymukeppni
leikanna verða að vera 23 ára
eða yngri.
Flest bendir til þess að króat-
íski landsliðsmaðurinn Ro-
bert Prosinecki sé á leið til
belgíska liðsins Standard
Liege. Prosinecki, sem er fyrr-
um leikmaður Rauðu Stjöm-
unnar og Barcelona, er að von-
ast eftir að skrifað verði undir
tveggja ára samning.
Arsenal gekk í gær frá kaup-
unum á lettneska landsliðs-
manninum Igor Stepanovs
frá Skonto í Riga. Stepanovs
er 24 ára og á að baki 37
landsleiki.
Arsenal verður án Patrick
Viera gegn Chelsea annað
kvöld þegar liðin mætast í úr-
valsdeildinni. Viera byrjar þá
að taka út fimm leikja bannið
sem hann fékk á dögunum
fyrir tvær brottvikningar.
Veigar Páll Gunnarsson,
Stjörnunni, er rangnefndur
Veigar Páll Guðmundsson í
umfjöliun um U-21-landsleik-
inn sem birtist í gær. Þá er
einnig sagt í myndatexta að
myndin sem birtist sé af Veig-
ari Pál en réttar er að Guð-
mundur Steinarsson, Kefla-
vík, er sá sem á myndinni er.
Jean Tigana, knattspyrnu-
stjóri Fulham, hefur verið
kosinn knattspyrnustjóri
mánaðarins í ensku 1. deild-
inni fyrir ágústmánuð. Lið
hans hefur unnið alla fjóra
leiki sína til þessa.
Ray Graydon, stjóri Walsall,
hlaut sama heiður í 2. deild-
inni en lið hans er einnig með
fullt hús stiga.
Tennisstjarnan Martina
Hingis tryggði sig áfram í
fimmtu umferð á Opna
bandaríska meistaramótinu
eftir tveggja daga baráttu.
Leik hennar og og hinnar
frönsku Sandrine Testud var
frestað vegna rigninga i fyrra
dag og þegar honum var
framhaldið í gær náði Hingis
að vinna örugglega, 6-2 og
6-1.
Mary Pierce frá Frakklandi,
sem er fjórða á styrkleikalista
tenniskvenna, féll hins vegar
úr keppni á mótinu fyrir
Anke Huber frá Þýskalandi
sem er tíunda á sama lista.
Glasgoui Rangers mun ein-
ungis taka með sér 250 áhang-
endur þegar liðið heldur til
Tyrklands til að mæta Evr-
ópumeisturum Galatasaray í
meistaradeildinni 27. septem-
ber. Þessi ákvörðun var
byggð á dauða tveggja Leeds-
aðdáenda fyrr á árinu í Istan-
búl þegar enska liðið mætti
Tyrkjunum þar.
Bandariska ólympiuliðió í
körfuknattleik mætti á æf-
ingamót í Japan í gær þar
sem það mun mæta liðum
heimamanna og Spánverja,
aðeins tveimur vikum áður
en titilvöm þess hefst í Sydn-
ey.
Eunice Barber, sem Frakkar
hafa vonað að myndi sækja
hart gullið í sjöþraut á ÓL, er
tognuð á læri. Ekki er vitað
hversu alvarleg meiðslin eru
en hún vonar að hún verði
komin í stand fyrir leikana.
-JKS/ÓK
f
-fe
<
4«