Dagblaðið Vísir - DV - 06.09.2000, Blaðsíða 2

2
Fréttir
MIÐVIKUDAGUR 6. SEPTEMBER 2000
DV
Breiðbandið lagt til 5-7000 heimila árlega:

Tafir a tengingum
- Internetið sett inn á kerfið á þessu ári
Lagning breiðbands Landssímans
gengur samkvæmt áætlun. Árlega
er það lagt til 5-7000 heimila í land-
inu. Kostnaður á heimili er áætlað-
ur á bilinu 20-30.000 krónur. Teng-
ing breiðbandsins er hins vegar á
eftir áætlun. Þannig er ekki búið að
tengja öll heimili inn á það sem það
var lagt til á síöasta ári. Þessi seink-
un stafar af miklu framboði verk-
efna á þessu sviði, til dæmis lagn-
ingu ljósleiðara. Reglan hefur verið
sú að hús sem lagt hefur verið í aö
sumri er tengt fyrir áramót.
„Breiðbandið er lagt eftir vissum
reglum," sagði Friörik Friðriksson,
forstöðumaður breiðbandsþjónustu
Landssímans, við DV. „Það er lagt í
öll ný hverfl, svo og eldri hverfi, þar
sem verið er að endumýja eldri
lagnir í samvinnu við Orkuveituna,
svo sem hitaveitu o.fl. Ekki hefur
verið endanlega ákveðið hve víða
breiðbandið muni fara.
Auk þess sem að framan greinir
em til staðir sem hægt er aö leggja
í sem eru tiltölulega hagstæðir. Það
á til dæmis við um fjölbýlishús með
miklum fjölda íbúða. En reglan ræð-
ur og við höldum okkur við þann
framkvæmdahraða sem verið hefur.
Á næstu 3-5 árum verður lokið við
að leggja breiðbandið á stóran hluta
höfuðborgarsvæðisins. Endumýjun-
in í eldri hverfumun gerir það að
verkum að það hefur dreifst mjög
víða.“
Friðrik sagði að mikið rask hlyt-
ist af því þegar væri farið ofan í
eldri götur. Þess vegna væri sam-
starf Orkuveitunnar og Símans hag-
kvæmt, því kostnaðurinn skiptist á
fyrirtækin.
Á landsbyggöinni
Breiðbandið hefur einnig verið
lagt í nokkra staði úti á landsbyggð-
inni. Lokið hefur verið við að leggja
það á Húsavík og Stykkishólmi. Þá
er lagning komin vel áleiðis á Egils-
stöðum, Akureyri, ísafirði og Kefla-
vík. Ekki er þó búið að tengja kerf-
ið og farið að veita þjónustu á þess-
um stöðum, nema á Húsavík.
Mikið er um að fólk hafi samband
við Símann og spyrji hvort það geti
átt von á að fá breiðbandið heim til
sín. Friðrik sagöi að tvennt kæmi
til: „Annars vegar bætir það mynd-
gæðin, enda engin vandamál með
„skuggahverfi“ eða „drauga". Hins
vegar sækist fólk eftir fjölbreytni.
Kerfið er það stórt að við getum
aukið fjölda rása nokkuð lengi. Nú
eru 22 erlendar stöðvar inni á því.
Þeim mun fjölga um 4-6 á næstunni.
Þá eru þar innlendar stöðvar, svo og
útvarpsstöðvar, þ. á m. tíu erlendar
tónlistarrásir sem við tökum um
gervihnött.
Næsta skref hjá okkur verður að
setja Internetiö inn á breiðbandið.
Það verður gert á þessu ári. Með því
móti fá notendur sítengingu en
þurfa ekki að binda símalínu heim-
ilisins við Intemetið. Þetta býður
upp á margbreytilegan flutnings-
hraða og flutningsgetu sem aðrir
geta ekki boðið upp á.
Breiðbandskerfið er hægfara í
uppbyggingu en það er varanlegt,"
sagði Friðrik. „Við munum setja
inn á það þjónustuþætti um leið og
þeir verða tiltækir." -JSS
Stanz-hópurinn:
Heldur borgarafund
- 200 manns skráðu sig á einum degi
í dag kl. 17.30 verður haldinn
borgarafundur í Ráðhúsi Reykjavík-
ur á vegum Stanz, nýstofnaðra sam-
taka gegn umferðarslysum. í lok
fundarins verða pallborðsumræður
þar sem ýmsir þekktir aðilar á sviði
umferðaröryggismála sitja fyrir
svörum. Að sögn Ólínu Þorvarðar-
dóttur þjóðfræöings, eins aðstand-
enda samtakanna, hafa viðbrögð al-
mennings við fréttum af stofnun
hópsins verið mjög sterk og jákvæð.
Um 200 manns skráðu sig í gær í
hópinn á heimasíðu hans og er tala
félaga nú komin upp í um 840. „Viö
teljum að meö þessu sé almenning-
ur að sýna hug sinn til þeirrar
óheillaþróunar sem verið hefur
undanfarin ár. Viö teljum tímabært
að fjölmiðlar, stjórnvöld og almenn-
ingur taki höndum saman og reyni
að stöðva þessa þróun því 20 manns-
líf á ári er of stór fómarkostnaður
fyrir menningarlegt slugs. Umferð-
arslys eru ekkert náttúrulögmál og
því viljum við að tekist verði á við
vandann með ábyrgum og meðvit-
uðum hætti,“ sagði Ólína.
Þriggja daga busavígsla
- líkur á meiri háttar uppákomu á morgun
Busavígsla Verkmenntaskólans á
Akureyri hófst fomlega í gær en
henni mun ekki ljúka fyrr en á
morgun. Ólafur Pálsson, formaður
nemendafélags Verkmenntaskólans,
var mjög var um sig þegar DV hafði
samband við hann í gær.
Hann sagöi þó að merkilegir hlut-
ir væru í uppsiglingu og Akureyr-
ingar myndu trúlega varla komast
hjá þvi að verða þessarar busa-
vígslu varir.
Hann segir böðla skólans stýra
aögeröum og helst sé óvissa um það
hvort hlutirnir fari úr böndum þeg-
ar sjálf vígslan fer fram á fimmtu-
daginn. „í hópnum eru um 250
manns og spurning er hvernig tekst
til við að hemja mannskapinn,“
sagði Ólafur.
Sagðist hann vita til að flestir
helstu fjölmiðlar landsins væru í
startholunum vegna hugsanlegrar
uppákomu á morgun. -HKr.
Að gefnu tilefni
Vegna greinar Jakobs Frí-
manns Magnússonar í Morgun-
blaðinu í gær skal eftirfarandi.
tekið fram: Lýsing Jakobs Fri-
manns á samskiptum viö rit-
stjórn DV á ekkert skylt við
sannleikann. Ærumeiðandi um-
ínæli Jakobs Frímanns um nafn-
greindan blaðamann DV hitta
hann sjálfan fyrir. - ritstj.
DV-MYND ÞÖK
Mikil öryggisgæsla
Kanslari Þýskalands, Gerhard Schröder, átti fund meö Davíö Oddssyni
forsætisráöherra í Biáa lóninu í gær. Gríöarmikil öryggisgæsla var á svæöinu
og hér má sjá vígalega gæsiumenn meö enn vígalegri hund á vettvangi.
Davíð í New York
Davíð Oddsson
forsætisráðherra
sækir árþúsunda-
mótafund Samein-
uðu þjóðanna sem
hefst í New York í
dag. Þetta er
stærsti leiðtoga-
fundur sem hald-
Eðlan salmonellulaus
Eðlan sem fannst viö Eiðisgranda
hýsti ekki salmonellubakteríu, að
sögn Eggerts Gunnarsonar, dýra-
læknis á Keldum. Mbl. sagði frá.
íslendingar fluttu vopn
Flugvél og áhöfn íslensks fragt-
flugfélags, Ice-Cargo, tók þátt í flutn-
ingum á vopnum fyrir Líbýustjóm
árið 1981, að því er fram kemur í
væntanlegri ævisögu fyrrverandi
sérsveitarmanns í breska hernum.
Mbl. sagði frá.
209 á biðlista
Alls eru 209 á biðlista eftir hús-
næði fyrir fatlaða, að sögn Stur-
laugs Tómassonar, deildarstjóra fé-
lagsmálaráðuneytisins. Samkvæmt
upplýsingum frá Þroskahjálp eru
einnig langir biðlistar eftir skamm-
tíma- og dagvistun. Mbl. sagði frá.
Verður sprengd
Skemma stálbræðslunnar í
Kapelluhraimi, sem er um 3.000 fer-
metrar og 30 metra há, stendur nú
auð og bíður þess að verða sprengd
til jarðar. Mbl. sagöi frá.
Kærir Áburðarverksmiðjuna
Konan sem ætlar að fara i mál við
Áburðarverksmiðjuna vegna eitrun-
ar sem hún telur sig hafa orðið fyr-
ir með tilheyrandi heilsubresti seg-
ist hafa sannanir fyrir því að
ammóníaki hafi verið hleypt út í
andrúmsloftið frá verksmiðjunni.
Stöð tvö sagði frá.
Prestur í Hiallasókn
Séra Guðmundur Karl Brynjars-
son hefur verið valinn prestur í
Hjallásókn í Kópavogi. Valnefnd
komst að einróma niðurstöðu á
fúndi í síðustu viku. Séra Guðmund-
ur Karl hefur verið sóknarprestur á
Skagaströnd undanfarin ár.
UndirskrHtir flæktu máliö
Vígslubiskup og prófastur völdu
að sitja hjá við val valnefndar á
sóknarpresti fyrir Seltjarnarnes-
prestakall vegna þess að með undir-
skriftasöfnun fyrir valið hafi val-
nefndin verið beitt þrýstingi. Mbl.
sagði frá.
inn hefur verið.
Halldór í sundi
Gerhard Schröder,
kanslari Þýskalands,
sat i gær hádegis-
verðarboð í sumarbú-
stað forsætisráðherra
á Þingvöllum. Á með-
an syntu utanríkis-
ráðherramir Joschka
Fischer og Halldór
Ásgrímsson um í Bláa lóninu.
Dilkakjötið miðpunkturinn
Goði hf. hefur ákveðið að greiöa
fimm krónum hærra verð fyrir inn-
lagt dilkakjöt í fyrsta verðflokki en
áður hafði verið gefið út til að mæta
verðhækkunum keppinauta. Mbl.
sagði frá.
Sammála höfnun
Ingibjörg Sólrún
Gísladóttir borgar-
stjóri er sammála
kæranefnd útboðs-
mála í að hafna kröfu
Landssímans um að
því verði beint til
borgarinnar að fram
fari útboð á þjónustu vegna skóla-
nets grunnskólanna. Hún segir fjár-
málaráðuneytið vanhæft í málinu.
Dagur sagði frá. -GAR