Dagblaðið Vísir - DV - 06.10.2000, Blaðsíða 11

11
FÖSTUDAGUR 6. OKTÓBER 2000_
IÚtlönd
Fagnað og dansað
í Belgrad í alla nótt
Stjómarandstæðingar vom enn á
götum Belgrad í morgun eftir að
hafa fagnað alla nóttina bylting-
unni sem gerð var í gær. Hundruð
þúsunda dönsuðu í nótt á götum
úti fram á morgun.
„Serbía er frelsuð," sagði stjóm-
arandstöðuleiðtoginn og forseta-
frambjóðandinn Vojislav Kostunica
frammi fyrir mannfjöldanum.
Áður höfðu brotist út átök þegar
mótmælendur réðust bæði að þing-
húsinu og ríkissjónvarpinu. Um
skeið logaði í báðum byggingunum
og ailar þrjár sjónvarpsstöðvarnar
rufu um kvöldið sendingar sínar.
Ekki leið á löngu þar til þær til-
kynntu: Þetta er nýtt ríkisútvarp
Serbíu."
Óeirðalögregla beitti fyrst
táragasi gegn mótmælendum fyrir
framan þinghúsið en .vék siðan fyr-
ir mannfjöldanum. Nokkrir lög-
reglumenn fleygðu skjöldum sínum
og hjálmum og gengu til liðs við
mótmælendur. Mótmælendur höfðu
unnið orrustuna um þinghúsið. Þá
var röðin komin að sjónvarpshús-
inu sem um árabil hafði sent út
boðskap Slobodans Milosevics
Júgóslavíuforseta. Mannfjöldinn
stefndi að sjónvarpshúsinu sem er i
nokkur hundruð metra fjarlægð frá
þinghúsinu. „Við höfum beðið í 13
ár. Nú getur ekkert stöðvað okkur,“
hrópaði maður. Einhvem veginn
tókst mótmælendum að komast inn.
Lögregla hleypti af skotum. Sumir
sögðu að lögreglan hefði síðan
hjálpað þeim.
Mannfjöldinn var svo gífurlegur
að slökkviliðsbilar komust ekki
leiðar sinnar til þinghússins. Þegar
leið á kvöldið þárust þó þær fregn-
ir að slökkviliðsmenn hefðu ráðið
niðurlögum eldsins, bæði í þinghús-
Atlaga gegn þinginu
Eldar loguðu í þinghúsinu í Belgrad í
gær eftir áhlauþ stjórnarandstæð-
inga.
inu og sjónvarpshúsinu. Greint var
frá því að herbílar hefðu reynt að
aka að þinghúsinu en þeir hefðu
ekki komist áfram.
Samkvæmt fréttastofunni Beta
var stúlka skotin til bana í óeirðun-
um í gær. Samkvæmt öðrum heim-
ildum varð stúlkan undir vélskóflu.
Rúmlega 100 særðust í mótmælun-
um.
Ríkisfréttastofan Tanjug til-
kynnti í gær að hún væri nú á
bandi fólksins i landinu. Blaðið
Politika, sem hingað til hefur stutt
Slobodan Milosevic, hefur einnig
lýst yfir stuðningi við stjómarand-
stæðinga. Á forsíðu blaðsins í
morgun er Vojislav Kostunica kall-
aður nýr forseti landsins og ræða
hans frá í gær birt undir fyrirsögn-
inni: Lýðræði er að komast á í
Serbíu.
Lögreglumaður faðmaður
Lögreglumenn gengu til liös við mót-
mælendur í gær. Herinn gríþur ekki
til aðgerða nema í varnarskyni.
Herinn grípur
ekki til aðgerða
Júgóslavneski herinn mun ekki
grípa til hernaðaraðgerða nema
liðsmönnum hans og búnaði verði
ógnað, að þvi er Tanjug fréttastofan
greindi frá i morgun. Hafði frétta-
stofan þetta eftir heimildarmönnum
nátengdum hernum. Fréttastofan
sagði að yfirstjórn hersins hefði
fundað í morgun en ekki gefið út
neina yfirlýsingu að fundi loknum.
Engin hreyfing er á hernum í
Júgóslavíu.
Clinton fagnar
uppreisn alþýð-
unnar í Belgrad
Bill Clinton
Bandarikjaforseti
fagnaði í gærkvöld
uppreisn almenn-
ings í Júgóslavíu
gegn Slobodan
Milosevic forseta.
„Serbneska þjóð-
in hefur talað með
atkvæðum sínum, hún hefur talað á
götunum. Ég vona að sú stund renni
brátt upp þegar rödd hennar heyrist
og við getum boðið hana velkomna
meðal lýðræðisþjóða, meðal Evrópu-
þjóða og meðal þjóða heims,“ sagði
Clinton í ræðu í Princeton háskóla í
New Jersey.
Bandarískir embættismenn fylgj-
ast grannt með gangi mála í
Júgóslavíu og í morgun voru þeir
ekki tilbúnir að útiloka að Milos-
evic myndi gera úrslitatilraun til að
halda völdum. Þeir sögðu þó ólík-
legt að honum myndi takast að
stöðva lýðræðisbylgjuna sem nú
færi yflr Júgóslavíu.
Madeleine Albright utanríkisráð-
herra sagði atburðina í Júgóslavíu
þá mikilvægustu á nærri fjögurra
ára embættisferli sinum.
Robin Cook, utanríkisráðherra
Bretlands, sagði í morgun að refsi-
aðgerðum Evrópusambandsins gegn
Júgóslaviu yrði aflétt á mánudag ef
Vojislav Kostunica, leiðtogi stjórn-
arandstöðunnar, yrði settur í emb-
ætti forseta um helgina.
Kostunica segist hafa fengið
hreinan meirihluta atkvæða í for-
setakosningunum í Júgóslavíu í
september. Vesturlönd styðja þá
fuflyrðingu Kostunica.
ígor ívanov ræðir
við bæði Kostun-
ica og Milosevic
ígor ívanov, utanríkisráðherra
Rússlands, hittir bæði Slobodan
Milosevic Júgóslavíuforseta og
stjórnarandstöðuleiðtogann Voj-
islav Kostunica í heimsókn sinni tfl
Belgrad í dag, að því er júgóslav-
neska fréttastofan Tanjug hafði eftir
stjómarerindrekum í morgun.
Tanjug sagði einnig að ívanov,
sem kom til Belgrad snemma í
morgun, myndi hitta patríarka
serbnesku rétttrúnaðarkirkjunnar
og júgóslavneska utanríkisráðherr-
ann, Zivadin Jovanovic.
Rússneski forsætisráðherrann
Míkhaíl Kasjanov sagði i morgun að
rússnesk stjómvöld væru ekki að
íhuga að veita Milosevic hæli í
Rússlandi. Rússar hafa lengi verið
helstu bandamenn Júgóslavíu.
PHOSPHATIDYLSERINE
BETRA MINNI - SKARPARI HUGSUN
BRAINBOW er fæðubótarefni sem eflir starfsemi
heilans og talið er bæta verulega minnið með því
að hjálpa taugaboðum að berast á milli taugamóta,
Eldar í Belgrad
Mótmælendur virða fyrir sér þrennandi þílflak í miðborg Belgrad, höfuðborgar
Júgóslavíu, seint í gærkvöld. Hundruð þúsunda manna þustu út á götur
Belgrad í gær og lögðu undir sig þinghúsiö og aðrar oþinberar byggingar.
Milosevic sagður
vera enn í Belgrad
Slobodan Milosevic
Júgóslavíuforseti er
enn í Belgrad, að því
er bróðir hans,
Borislav Milosevic,
sem jafnframt er
sendiherra Júgóslavíu
í Rússlandi, greindi
frá í morgun.
„Slobodan Milosevic
er í Belgrad. Þið getið
fullvissað ykkur um
það eftir nokkrar
klukkustundir þegar
hann hittir ígor
ívanov, utanríkisráð-
herra Rússlands,"
sagði Borislav Milos-
evic í viðtali við sjón-
varpsfréttaþjónustu Reuters.
Sendiherrann sagði einnig í við-
talinu að stjómarandstaðan gæti
ekki litið á sig sem lögmæta stjóm-
endur landsins nema síðari umferð
forsetakosninganna færi fram.
Heimildarmenn úr röðum stjóm-
arandstæðinga héldu því fram fyrr í
morgun að Milosevic forseti hefði
flúið frá Belgrad og hefðist nú við í
neðanjarðarbyrgi í
þorpinu Beljanica, sem
er um 40 kílómetra
vestur af borginni Bor,
nærri landamærunum
að Rúmeníu og Búlgar-
íu. Stjórnarandstæð-
ingar sögðu að þar
nyti hann vemdar liðs-
manna úr júgóslav-
neska hemum.
Stuðningsmenn
Milosevics fengu að
finna fyrir reiði al-
mennings í gær þegar
þeir urðu fyrir barð-
inu á mótmælendum í
hefndarhug. í bænum
Leskovac í sunnan-
verðri Serbíu lögðu mótmælendur
eld að húsi leiðtoga flokks Milos-
evics í bænum, að því er óháða
fréttastofan Beta greindi frá í nótt.
Mótmælendurnir létu greipar
sópa um húsið áður en þeir kveiktu
í því. Þá kveiktu þeir einnig í skrif-
stofum sósíalistaflokksins.
Enn í Belgrad
Slobodan Milosevic
Júgóslavíuforseti ku víst
halda til í höfuöborginni.
Starfsmenn í
byggingavinnu
Byggingafélag Gylfa og Gunnars ehf. óskar eftir að
ráða eftirfarandi starfsmenn nú þegar.
Verkamenn í byggingavinnu.
Verkstaðir:
Lyngháls, upplýsingar gefur Gunnar í síma: 696 8562
Barðastaðir, upplýsingar gefur Þorkell í síma: 861 2966
Naustabryggja, upplýsingar gefur Ómar í síma: 696 8565
Skógarhlíð, upplýsingar gefur Árni í síma: 696 8563
Ársalir, upplýsingar gefur Knstján í síma: 892 1148
Byggingafélag Gylfa og Gunnars ehf. var stofnaó árið 1984. BYGG
hefur byggt þúsundir fermetra af húsnæói á höfuóborgarsvæóinu og
er nú eitt öflugasta byggingaféLag Landsins.