Dagblaðið Vísir - DV - 06.10.2000, Blaðsíða 12

L
12
FÖSTUDAGUR 6. OKTÓBER 2000
Skoðun
DV
purning dagsins
Ætlarðu í leikhús í vetur?
Arni Friöriksson verslunarmaöur:
Já, ég ætla að sjá Lé konung og svo
sé ég alltaf sýningar Hugleiks.
Hulda Osk Þ. Jónasdóttir afgreiöslu-
stúlka:
Já, en ég er ekki búin að ákveða
hvaða sýningar.
Dagbjört Omarsdóttir (Dagur Omar) i
barneignarfríi:
Já, það ætia ég að vona, ef ég
kemst.
Margrét Þórisdóttir sjúkraþjálfari:
Já, endilega, en ég er ekki búin að
ákveða hvaö mig langar að sjá.
Svanhiidur Harðardóttir ritari:
Ég ætla að reyna það, í Ósló þar
sem ég er búsett.
Birgir Pétursson:
Já, ég ætla að sjá hvað sem er með
Jóni Gnarr.
Viö Lagarfljót
Að hækka vatnsborðið veidur miklum spjöllum.
Að tala einni röddu
Siguröur Lárusson
frá Gilsá skrifar:
Laugard. 2. sept. sl. birtist mjög at-
hyglisverð grein í DV eftir Guðmund
Andra Thorsson og leyfi ég mér að
nefna þennan greinarstúf sama nafni.
Ég er greinarhöfundi sammála en mig
langar að bæta nokkrum orðum við.
Ég hef alið allan aldur minn á Aust-
urlandi og tel mig þekkja þar sæmi-
lega til. Ég efast stórlega um að meiri-
hluti atkvæðisbærra Austfirðinga
myndi samþykkja að veita Jökulsá á
Dal í Lagarfljót væru þeir spurðir um
það. Ég held að menn hafi ekki gert
sér ennþá fulla grein fyrir þeim spjöll-
um sem það ylli á landi og lífriki þess
á láglendinu meðfram Lagaríljótinu.
Ekki eru nema 5 ár síðan vatnsborð
Lagarfljóts hækkaði svo mikið í júni
að vatnið komst naumast undir Lag-
arfljótsbrúna og flæddi þá yfir tugi
hektara láglendisins, t.d. yfir stóran
hluta af Egilsstaðatúninu og í kring-
um flugvöllinn svo að aðflugstæki
„Ekki eru nema 5 ár síðan
vatnsborð Lagarfljóts hækk-
aði svo mikið í júní að vatnið
komst naumast undir Lagar-
fljótsbrúna og flæddi þá yfir
tugi hektara láglendisins. “
flugvallarins urðu óvirk um tíma.
Hvemig hefði farið þá ef búið hefði
verið að veita Jökulsá á Dal í Lagar-
fljótið? Flugvöllurinn hefði trúlega
farið undir vatn með ófyrirsjáanleg-
um afleiðingum og margs konar skað-
ar hlotist af. Mér finnst nógur tími til
þess að rífast um þessa hluti þegar
komin er vissa fyrir að samningar
hafa náðst um byggingu álversins og
umfram allt um verð á raforkunni.
Ég hef enga trú á að eigendur vænt-
anlegs álvers borgi nægilega hátt verð
fyrir rafmagnið svo að þá yrði þetta
vonlaus rekstur. Þó að þeir fengjust
til að borga eitthvað hærra verð en ál-
bræðslan í Straumsvík er það engan
veginn nóg.
Ríkisstjórnin er alltaf að gorta af
því að hún sé að greiða niður erlend-
ar skuldir en þá er hún að ráðgera að
taka miklu hærri erlend lán í sam-
bandi við virkjunarframkvæmdirnar.
Mér fmnst að þetta brambolt allt hafi
verið sett á svið af framsóknarmönn-
um til þess að reyna að bæta sér upp
það fylgistap sem þeir urðu fyrir í
Austurlandskjördæmi í síðustu al-
þingiskosningum. Finnur Ingólfsson
fór hamforum í þessum málum og
mætti vel segja mér að fylgishrun
Framsóknarflokksins á Austurlandi,
og kannski víðar, hafi verið ein aðal-
orsökin fyrir fylgistapi flokksins.
Að lokum vil ég minna á að síðan
ísland fékk full yfirráð sinna mála
1944 hefur hagur þjóðarinnar og alls
almennings batnað til stórra muna
jafnt og þétt. En illu heilli hefur frjáls-
hyggjudraugurinn fitnað sem púkinn
á fjósbitanum síðasta áratuginn.
Umönnunarstörf of lágt metin
Gunnar G. Bjartmarsson
skrifar:
Orsökin fyrir því að ekki fást
starfskraftar til að starfa við umönn-
un eru lág laun en alls ekki þenslan i
þjóðfélaginu. Ef þessi störf eru jafn-
mikilvæg og af er látið og það af ráða-
mönnum í þjóðfélaginu hvernig væri
þá að greiða því fólki sem vinnur við
umönnun sjúkra og aldraðra mann-
sæmandi laun?
Stefnan er líklega sú að bjóða þetta
allt út til verktaka og þá þurfa ríkið
og sveitarfélögin ekkert að hafa fyrir
því að semja um kaup og kjör við
launþegafélögin í náinni framtíð. - Er
þetta það sem fólkið í verkalýðshreyf-
ingunni vill sjá? Ég held varla.
Allir sjá hvernig hefur tekist til í
„Stefnan er líklega sú að
bjóða þetta allt út til verk-
taka og þá þurfa ríkið og
sveitarfélögin ekkert að hafa
fyrir því að semja um kaup og
kjör við launþegafélögin í ná-
inni framtíð. - Er þetta það
sem fólkið í verkalýðshreyf-
ingunni vill sjá?“
Svíþjóð með að bjóða út heilbrigðis-
þjónustuna! Það bendir einnig allt til
þess að svo muni fara hér líka. Nú á
dögunum var opnuð öldrunardeild á
Háskólasjúkrahúsinu við Hringbraut,
á deild sem var búin að vera lokuð.
Nú voru allt í einu og skyndilega til
peningar. Þetta er að mínu mati ein-
faldlega undanfari þess að bjóða þessa
starfsemi út til verktaka fyrir eitt-
hvert lágmark. Og þar með verður
veitt einhvers konar lágmarksþjón-
usta. Og þar með losnar ríkið undan
sínum skyldum. Og það sama mun
gerast hjá sveitarfélögunum.
ísland er að verða eitt allsherjar
bananalýðveldi í flestum greinum.
Þrátt fyrir hið margumtalaða góðæri
ríkir hér mikil fátækt víða og einkum
á höfuðborgarsvæðinu. Ráðamenn
þjóðarinnar sjá þetta en vilja ekki við-
urkenna það. Góðærið á aö ná til allra
en gerir það alls ekki.
Skítt með landslög

Á tyllidögum, þegar allt leikur í lyndi, tala
menn innan knattspyrnuhreyfingarinnar á
íslandi um að Knattspyrnusamband íslands
sé rekið eins og hvert annað fyrirtæki. Þeg-
ar fara á að landslögum kveður við annan
tón.
Nýlegur og eðlilegur úrskurður Sam-
keppnisstofnunar þess efnis að KSÍ hafi
brotið lög, er sambandið þvingaði fólk til að
kaupa miða á tvo landsleiki samtímis, fór að
vonum illa í kóngana hjá KSÍ. Þá kom for-
maðurinn grátandi í fjölmiöla og lýsti því
yfir að stofnunin hefði örugglega eitthvað
þarfara að gera en að vasast í saklausum fé-
lagasamtökum.
Skilgreining KSÍ á almenningi, sem enn
hefur áhuga á að sækja fótboltaleiki, er að
þar sé ekki um neytendur að ræða. Það voru
jú Neytendasamtökin sem kærðu viðskipta-
hætti KSÍ til Samkeppnisstofnunar. Virðing-
arleysi KSÍ fyrir því fólki sem hefur áhuga á
fótbolta er algjört. Reyndar kom það mörg-
um á óvart hve margir létu til leiðast og keyptu
miða á Danaleikinn á dögunum og íraleikinn sem
fram undan er.
Þegar formaður KSÍ var spurður að því í fjöl-
miðlum hvort KSÍ hygðist endurgreiða því fólki
Skilgreining KSI á almenningi,
sem enn hefur áhuga á að sœkja
fótboltaleiki, er að þar sé ekki um
neytendur að rœða.
andvirði aðgöngumiðans á Iraleikinn sem
þess óskaði, sagði hann slíkt ekki vera til
umræðu.
Lengi hafa forystumenn KSÍ skorið sig úr
þegar litið er yfir forystumenn íþróttahreyf-
ingarinnar á íslandi. Þar ræður hrokinn
ferðinni og lítilsvirðing í garð þeirra sem
ekki lifa fyrir knattspyrnuna. Allar aðrar
íþróttagreinar eru einskis virði þrátt fyrir
að við íslendingar höfum staðið okkur betur
á erlendum vettvangi í flestum öðrum
íþróttagreinum en knattspyrnu. Nægir þar
að nefna íþróttamenn á borð við Vilhjálm
Einarsson, þristökkvara, spjótkastarana
Einar Vilhjálmsson og Sigurð Einarsson,
Bjarna Friðriksson júdókappa, Völu Flosa-
dóttur, Guðrúnu Arnardóttur, Jón Amar
Magnússon og íslenska landsliðið í hand-
knattleik karla.
Vonandi gera forystumenn knattspyrnu-
hreyfingarinnar á íslandi sér grein fyrir því
fljótlega að þeirra er, eins og annarra, að
fara að landslögum íslendinga. Þeir eru ekki hafn-
ir yfir landslög þrátt fyrir að þeir hafi áhuga á
knattspyrnu.

Of lágir umferðar-
ljósastaurar
LeigubTlstjóri skrifar:
Það verður sífellt
erfiðara og erfiðara
að koma auga á um-
ferðarljósin á þess-
um gömlu, lágu um-
ferðarlj ósastaurum.
Þetta á einkanlega
við þegar háir bílar
eru fram undan og
maður bíður eftir
grænu ljósi - og þarf
ekki háa bíla til.
Þetta á við víða i _____________
Reykjavík, t.d. á
Miklatorgi er maður kemur
I umferðar-
kraðakinu
Ljósln verða að
sjást vel.
austur
eftir Hringbrautinni og vill beygja til
vinstri. Næsta illmögulegt að sjá ljós-
in sé maður ekki fyrstur í röðinni.
Umferðarljós þurfa að vera á háum
skiltum eða staurum, og þau eru kom-
in allvíða, en betur má ef duga skal.
Erlendis eru umferðarljós víðast ofar-
lega svo að þau sjást vel úr fjarlægð.
Þannig á það að vera hér.
íþróttamenn
og þjálfun þeirra
Þórir Olafsson skrifar:
Ég hef verið að lesa skrif þeirra
sem fjalla um íþróttir og afrek okkar
fólks í Sydney á Ólympíuleikunum.
Einhvers staðar las ég að þessi þrjú
sem lengst komust af okkar fólki
mættu þakka árangurinn góðri þjálf-
un erlendra manna. Ég reikna með að
það sé nærri sanni. Víkverji í Mbl.
ræddi nýlega þessi mál í sínum pistli
og varð tíðrætt um styrkina úr Af-
reksmannasjóðnum og hina og þessa
fjármögnunarmöguleika til handa
íþróttafólki okkar. Ekki minntist
hann á þetta atriði um þjálfunina. Það
er eins og það sé of viðkvæmt atriði
til að ræða opinberlega. En sjón er
sögu ríkari. Menn vita betur.
Norðmenn skúbba
í þorskinum
Pétur Pétursson skrifar:
í þröngum hópi
innan sjávarútvegs-
áhugamanna heyr-
ist að Norðmenn
séu í þann veginn
að taka frumkvæði í
þorskeldi í tjörðum
sínum og annars
staðar þar sem skil-
yrði eru best hjá
þeim. Er þetta ekki
eitt af því sem ein-
hverjir framsýnir
íslendingar ætluðu
Fiskurinn fóðr-
aður
Norðmenn í far-
arbroddi?
sér en ekkert hefur orðið úr frekar
venju? Hætt er við að Norðmenn
skúbbi algjörlega í þessari framtíðar-
atvinnugrein en þeir eru svo heppnir
að ekki munu margir aðrir verða til
þess að fylgja í fótspor þeirra í þess-
um efnum. Aðeins tvær þjóðir, Norð-
menn og íslendingar, hafa þarna
möguleika en Norðmenn munu lík-
lega hafa vinninginn úr því sem kom-
ið er.
GSM í Færeyjum
Hákon skrifar:
Það er ekki ofsögum sagt af land-
vinningum okkar íslendinga víða
um heim í verðbréfum, fjarskiptum
og fjárfestingum almennt. Nú síðast
heyrir maður að íslenskt fjarskipta-
fyrirtæki ætli sér að gera strand-
högg i Færeyjum með því að síma-
væða eyjaskeggja með GSM-símum
vegna þess að þar sé enn lítið um að
menn noti GSM-síma. Það mun þó
verða erfitt verkefni. Færeyingar
eru ekki ginnkeyptir fyrir svona
nokkru, þeir eru rólegir í tíðinni og
það er einmitt þess vegna sem þeir
berast ekki mikið á með GSM-sím-
tólum. En það sakar ekki að reyna!

Lesendur geta hringt allan sólarhring-
inn í síma: 550 5035.
Eöa sent tölvupóst á netfangiö:
gra@ff.is
Eöa sent bréf til: Lesendasíða DV,
ÞverhoHi 11, 105 ReyKjavík.
Lesendur eru hvattir til aö senda mynd
af sér til birtingar meö bréfunum á
sama póstfang.