Dagblaðið Vísir - DV - 13.10.2000, Blaðsíða 10

10
Útlönd
FÖSTUDAGUR 13. OKTÓBER 2000
ÐV
Arafat fordæmir morðin á ísraelsku hermönnunum:
Hafnar friðarvið-
ræðum við ísrael
Kínverji fær bókmenntanóbel
Kínverski rithöfundurinn Gao Xingjian
er ánægöur meö nóbelsverölaunin.
Kínverskur flótta-
maður fékk bók-
menntanóbelinn
Kínverski rithöfundurinn og leik-
skáldið Gao Xingjian, sem flúði frá
heimalandi sinu, fékk nóbelsverð-
launin í bókmenntum í gær fyrir
verk sem hafa alþjóðlega skírskot-
un. Verk hins sextuga Gaos hafa
verið bönnuð í Kína frá árinu 1986
og árið eftir yfirgaf hann heimaland
sitt og settist að í París.
„Þetta er mikil hamingja, mikil
heppni. Mér hefur ekki enn gefist
ráðrúm til að átta mig á hvaða þýð-
ingu þetta hefur fyrir mig,“ sagði
Gao við sjónvarpsþjónustu Reuters
á heimili sínu í verkamannahverfi í
París. Gao fær í sinn hlut rúmlega
sjötíu milljónir íslenskra króna.
Kínversk stjórnvöld gagnrýna út-
hlutunina og segja að pólitískar
hvatir liggi þar að baki. Gengið hafi
verið fram hjá verðugri kínverskum
höfundum.
Konur í Útlend-
ingaherdeildina
Síðasta vígi óheftrar karl-
mennsku er nú fallið. Frönsku Út-
lendingaherdeildinni hefur verið
gert að taka konur í raðir sínar.
Franska utanríkisráðuneytið til-
kynnti þetta í gær.
Háttsettur embættismaður í ráðu-
neytinu viðurkenndi að liðsmenn
herdeildarinnar væru ekki mjög
hrifnir af uppátækinu. Yfirmenn Út-
lendingaherdeildarinnar munu
sjálfir leggja fram tillögur um hvaða
störfum konur myndu gegna innan
vébanda hennar, ef einhverjar sækj-
ast eftir að komast í karlahópinn og
standast inntökuprófin.
Hague gagnrýnir
menningarárásir
William Hague, leiðtogi breska
íhaldsflokksins, sakaði vinstriöflin í
morgun um árásir á breska menn-
ingu og sögu. Tilefnið var skýrsla
áhrifamikillar stofnunar sem kom
út í vikunni og þar sem segir að orð-
in „breskur" og „breska“ fælu í sér
kynþáttafordómaa. Skilgreina þyrfti
þau betur eða hreinlega afleggja.
Yasser Arafat, leiðtogi Palestinu-
manna, hafnaði i morgun öllum
friðarviðræðum við ísraela á meðan
ísraelski herinn héldi áfram árás-
um sínum á Palestínumenn.
Stjórnarerindrekar höfðu eftir
Arafat að loknum fundi hans með
Robin Cook, utanríkisráðherra
Bretlands, í nótt að hann fordæmdi
morð æsts múgs á að minnsta kosti
tveimur ísraelskum hermönnum í
bænum Ramallah á Vesturbakkan-
um í gær. Palestínsk ungmenni réð-
ust inn í löOgreglustöð þar sem her-
mennirnir voru í haldi og börðu þá
til bana. Að minnsta kosti einu líki
var síðan kastað út um glugga til
æsts múgsins úti á götu.
ísraelski herinn svaraði með því
að gera loftárásir á palestínsk skot-
mörk á Vesturbakkanum og Gaza.
ísraelskar árásarþyrlur skutu meðal
annars flugskeyti að bústað Arafats.
Pelstínumenn sögðu að sautján
manns hefðu slasast í árásunum.
Ehud Barak, forsætisráðherra
Israels, vann að þvi hörðum hönd-
um í gærkvöld og nótt að mynda
neyðarstjórn og fór fram á það við
hinn hægrisinnaða Ariel Sharon,
einn helsta fjandmanna friðarsamn-
inga við Palestínumenn, að taka
þátt í stjómarmynduninni.
Stjómarerindrekar sögðu eftir
fund Arafats og Cooks að forseti
Palestínumanna hefði ekki tekið
ólíklega í fund með Barak í Egypta-
landi, en þó ekki á meðan ísraelskir
hermenn héldu árásum sínum
áfram. Ráðgert er að Cook ræði við
Barak í dag.
Stöðvið árásirnar
„Mikilvægast er að stöðva árás-
imar á þjóð okkar áður en af leið-
togafundi getur orðið,“ var haft eft-
ir Yasser Arafat.
Barak hitti Ariel Sharon, leiðtoga
Likud-bandalagsins, í nótt og upp-
lýsti hann um þróun mála. Síðan
var Sharon boðið að taka þátt í
myndun þjóðstjórnar.
Sharon hefur áður skotið sér und-
an því að taka þátt í samsteypu-
stjórn Baraks.
Átökin sem hafa nú staðið yfir í
hálfan mánuð hófust einmitt eftir
umdeilda heimsókn Sharons á
Musterishæðina í Jerúsalem þar
sem eru helgidómar bæði múslíma
og gyðinga.
Enn var skipst á skotum í borg-
inni Hebron á Vesturbakkanum í
nótt og í Jeríkó sem er undir stjóm
Palestínumanna. ísraelskar þyrlur
skutu í gær flugskeytum að lög-
regluskóla í bænum.
Erlendir leiötogar, þar á meðal
Kofi Annan, framkvæmdastjóri
Sameinuðu þjóðanna, hafa lagt leið
sína til ísraels síðustu daga til að
reyna að stilla til friðar. Öryggisráð
SÞ ákvað í nótt að halda ekki fund
um ástandið fyrir botni Miðjarðar-
hafsins í bráð, þrátt fyrir beiðni
áheyrnarfulltrúa Paslestínumanna
um að ráðið tæki þegar í stað í
taumana.
Arafat í heimsókn á sjúkrahúsi
Yasser Arafat, forseti Palestínumanna, kyssir hönd ungs landa síns sem slasaöist i loftárásum ísraelska hersins á
skotmörk f Gazaborg i gær. ísraelar skutu meöal annars aö bústaö Arafats í borginni. Háttsettur palestínskur emb-
ættismaöur sakaöi ísraela í gær um aö heyja allsherjarstríö gegn Palestínumönnum og hvatti til erlendrar íhlutunar.
UPPBOÐ
Framhald uppboðs á eftirfarandi
eignum verður háð á þeim sjálf-
um sem hér segir:
Eyjabakki 20, 50% ehl. í 90,4 fm íbúð á
3. hæð t.h. m.m., Reykjavík, þingl. eig.
Stefán Steingrímsson, gerðarbeiðendur
Ibúðalánasjóður, Landsbanki Islands hf.,
höfuðstöðvar, og Tollstjóraskrifstofa,
þriðjudaginn 17. október 2000, kl. 13.30.
Grænamýri 5,0104, neðri hæð, Mosfells-
bæ, þingl. eig. Stuðlar ehf., gerðarbeið-
andi Tollstjóraembættið, þriðjudaginn 17.
október 2000, kk 11.30.
Hraunbær 128, 107,8 fm íbúð á 3. hæð
ásamt geymslu, merkt 0108, m.m.,
Reykjavík, þingl. eig. Jón Óskar Carls-
son, gerðarbeiðandi Tollstjóraskrifstofa,
þriðjudaginn 17. október 2000, kl. 11.00.
Laugavegur 140, Reykjavík, þingl. eig.
Halldóra Lilja Helgadóttir, gerðarbeið-
endur Húsasmiðjan hf. og Tollstjóraemb-
ættið. þriðjudaginn 17. október 2000, kl.
15.00.
Ránargata 2, 2ja herb. íbúð á 3. hæð t.v.,
Reykjavík, þingl. eig. Guðrún Johnsen,
gerðarbeiðandi Tollstjóraembættið,
þriðjudaginn 17. október 2000, kl. 14.30.
Stórholt 24,0201, 3ja herb. íbúð á 2. hæð
í A-enda, Reykjavík, þingl. eig. Ragn-
heiður Hauksdóttir, gerðarbeiðandi
Ibúðalánasjóður, þriðjudaginn 17. októ-
ber 2000, kl. 14.00,________________
Tryggvagata 8, 0101, lager og þjónustu-
húsnæði á 1. hæð, 328,1 fm m.m.,
Reykjavík, þingl. eig. Mænir ehf., gerðar-
beiðendur Eimskipafélag íslands hf.,
Tollstjóraembættið og Valgarð Briem,
þriðjudaginn 17. október 2000, kl. 15.30.
Viðarhöfði 2, 0203, 92,3 fm eining,
Reykjavík, þingl. eig. Sigfmnur Þór Lúð-
víksson, gerðarbeiðendur Hlutabréfasjóð-
urinn hf. og Tollstjóraembættið, þriðju-
daginn 17. október 2000, kl. 10.30.
Viðarhöfði 2, 0204, 96,2 fm eining,
Reykjavík, þingl. eig. Sigfmnur Þór Lúð-
víksson, gerðarbeiðendur Hlutabréfasjóð-
urinn hf. og Tollstjóraembættið, þriðju-
daginn 17. október 2000, kl. 10.15.
SÝSLUMAÐURINN í REYKJAVIK
Carl Bildt:
Milosevic er búinn að
vera í stjórnmálum
Bill Clinton Bandaríkja-
forseti aflétti í gær olíu- og
flugbanni á Serbíu. Kvaðst
Clinton aflétta banninu þar
sem bandarísk yfirvöld
vildu styðja nýja forystu-
menn í Júgóslavíu.
Skömmu síðar lýsti ný-
kjörinn forseti Júgóslavíu,
Vojislav Kostunica, þvi yfir
að hann væri reiðubúinn að
taka upp á ný diplómatískt
samband við Bandarikin.
Sambandinu var slitið í
kjölfar loftárása NATO á Júgóslavíu
í fyrra.
Alþjóðagjaldeyrissjóðurinn sagði
í gær að Júgóslavía gæti fengið að-
ild á ný innan nokkurra mánaða.
Júgóslavía var rekin úr sjóðnum
fyrir átta árum vegna þáttar síns í
stríðunum á Balkanskaga og
fyrir að neita að endurgreiða
skuldir sínar.
Carl Bildt, sérlegur sendir-
maður Sameinuðu þjóðanna á
Balkanskaga, kvaðst í gær
vera þeirrar skoðunar að
Slobodan Milosevic, fyrrver-
andi Júgóslavíuforseti, og
bandamenn hans væru búnir
að vera í stjómmálum. Lét
Bildt i Ijós þessa skoðun sína
er hann kom til fundar við
Kostunica í Belgrad.
Stuðningsmenn Milosevics hafa
hingað til neitað að láta af hendi
ýmsar valdastöður. Umbótasinnar
óttast að þeir geti hindrað breyting-
ar í lýðræðisátt. Orðrómur um að
Milosevic undirbúi gagnbyltingu
hefur verið á kreiki.
Kostunica
Júgóslavíufor-
seti vill diplót-
matisk sam-
skipti viö
Bandaríkin.
Albright til Noröur-Kóreu
d ráðherra Banda-
heimsækja N-Kóreu
JM síðar i þessum mán-
j komu Clintons for-
Sprengjuárás á sendiráö
Sprengju var varpað í garð
breska sendiráðsins í Sanaa í
Jemen í morgun. Engar fréttir
höfðu borist af því hvort einhverjir
hefðu særst.
Mafíuforingi gripinn
ítalska lögreglan handtók í gær
sikiieyska mafiuforingjann Sal-
vatore „Toto“ Genovese sem þegar
hefur verið dæmdur í lífstíðarfang-
elsi fyrir sjö morð.
Gagnrýna frumvarp
Kúbanskir embættismenn gagn-
rýndu í gær málamiðlunarfrum-
varpið um sölu á lyfjum og matvæl-
um til Kúbu sem fulltrúadeild
Bandaríkjaþings samþykkti í fyrra-
dag. Sögðu embættismennirnir
ákvæði í frumvarpinu gera við-
skipti við Kúbu í raun ómöguleg.
Kúbumenn sögðu einnig forseta-
frambjóðenduma í Bandaríkjunum
leiðinlega og atkvæðalitla.
Flokkurinn ólöglegur
aHerstjórnin í
morgun að stjórnar-
andstaðan undir
forystu friðarverð-
launahafans Aung
San Suu Kyi væri
ekki löglegur fiokk-
ur. Vekur yfirlýs-
ingin ótta um að stjórnin ráðgeri
hertar aðgerðir til að þagga niður í
andstæðingum sínum.
Bílasprengja í Grosní
Að minnsta kosti fimmtán
manns, flestir lögreglumenn, létu
lífið í gær þegar uppreisnarmenn
sprengdu öfluga sprengju í bíl utan
við lögreglustöð í Grosníu í Tj-
setsjeníu.
Neitað um ný réttarhöld
Alríkisdómari
vísaði í gær á bug
beiðni Timothys
McVeighs, sem
dæmdur var fyrir
sprengjuárásina í
Oklahoma í Banda-
ríkjunum, um ný
réttarhöld vegna
þess að aðalverjandi hans hefði haft
meiri áhuga á að skrifa bók en verja
hann.
Kveikt í bænahúsi í París
KveikLbar í bænahúsi og skóla
gyðinga í úthverfi Parísar í nótt.
Spenna er miUi gyðinga og araba í
París vegna ástandsins í Miðaustur-
löndum.
Rekinn úr flokknum
Borgarstjóri Parísar, Jean Tiberi,
var í gærkvöld rekinn úr gaullista-
flokknum. Hneykslismálin í ráðhús-
inu urðu of mörg. Borgarstjórinn er
bitur og sár en ákveðnari en nokkru
sinni að bjóða sig fram til næstu
kosninga. Hann kveðst saklaus af
öllum ásökunum.