Dagblaðið Vísir - DV - 17.10.2000, Blaðsíða 12

12
ÞRIÐJUDAGUR 17. OKTÓBER 2000
Skoðun I>V
Tekurðu vítamín?
Erlingur Hólm Valdimarsson málari:
Nei, ég er svo sterkbyggöur aö ég
þarf ekki á því aö halda.
Björgúlfur Ólafsson rithöfundur:
Ekki sérstaklega. Ég boröa hollan og
góöan mat og fæ þar minn vítamín-
skammt.
Ágústa Baldvinsdóttir, vinnur á elli-
heimili:
Já, ég tek inn mikiö af vítamíni. Eöa
þaö sem ég tel mig þurfa.
Róbert Guðmundsson tónlistarmaöur:
Nei, ég hef enga þörf fyrir svoleiöis.
Ólafur Björn Heimisson vagnstjóri:
Já, ég tek vítamín á hverjum morgni.
Hjalti Jóhannsson vagnstjóri:
Nei, ég tek hákarlalýsi.
Atlantaþota á Keflavíkurflugvelli
/ flugfrelsi fyrir 20 þús. kr. til margra staöa í Evrópu.
Flugfrelsi fyrir Islendinga
- frábært framtak
„Auga fyrir auga; látum
ekki níðast á okkur, leyfum
Flugleiðum að fljúga hálf-
tómum flugvélunum um
loftin blá þar til þœr kom-
ast niður á jörðina í verð-
lagningu flugfargjald-
anna.“
Gísli Óskarsson
skrifar:
Samvinnuferðir voru í sumar með
flugfrelsi í samvinnu við Atlanta-flug-
félagið. Þá var hægt að fá miða fyrir
innan við 20.000 kr. til margra staða í
Evrópu og til baka frá einhverjum
öðrum. Þetta var frábært framtak en
því lauk 14. september. Strax eftir það
tvöfólduðu Flugleiðir miðaverð sitt.
Þetta hefur fengist staðfest.
Fram kom í Speglinum sem var á
dagskrá RÚV eftir 18.00 fréttir 4/10 sl.
að flugfélagið GO, sem hætti flugi til
íslands 28/9 sl., væri nú að bjóða m.a.
ferðir til Bilbao á Spáni og Feneyja frá
London fyrir minna en 19.000 kr.
Fréttamaðurinn hringdi í sölufulltrúa
Flugleiða í beinni útsendingu og
spurði um verð Keflavík-Feneyj-
ar-Keflavík í sama tima og á sama
tíma. Jú, það gat hann fengið gegnum
London fyrir 91.785 kr., þ.e. tæplega
flmm sinnum dýrara.
Ég vonast til að forsvarsmenn Flug-
leiða taki sig nú saman í andlitinu og
svari landsmönnum því t.d. af hverju
félagið er að selja okkur flugmiða frá
íslandi suður á bóginn á þreföldu,
fjórföldu eða jafnvel allt að frmmfóldu
verði miðað við það sem aðrir Evr-
ópubúar eiga kost á. Af hverju ekki er
hægt að kaupa flugsæti frá eða til Is-
lands skömmu fyrir brottför á góðu
verði ef laus sæti eru fyrir hendi (oft
hef ég flogið í hálftómri vél)? Af
hverju þrefaldaðist miðabreytingar-
gjald (úr 50 $ í 150 $ eftir að SAS hætti
söluskrifstofurekstri á íslandi? Af
hverju tvöfaldast miðaverð til Islands
(s.b. að ofan) nær samdægurs eftir að
samkeppnisaðilar Flugleiða hætta
flugi til íslands í bili?
Mér var sagt af starfsmanni China
Airlines á Schiphol í Amsterdam og
einnig af starfsmanni SAS á Kastrup
að af lægsta fáanlega flugfargjaldi á ís-
landi (KEF-Bangkok-KEF) þ.e. tæp
90.000 kr. fái Flugleiðir helminginn í
sinn hlut þrátt fyrir að þeir fljúgi að-
eins um 20% af heildarflugtímanum!
Hver skyldi vera hlutur Flugleiða af
þeim miðum á sömu leið sem þeir
geta selt á 140.000 kr.?
Ég skora á ferðaskrifstofur og flug-
rekstraraðila á íslandi að taka hönd-
um saman og reyna að veita Flugleið-
um samkeppni á þeim tíma árs sem
engin samkeppni ríkir og eins skora
ég á ferðamenn að hlúa að samkeppn-
isaðilum Flugleiða á sumrin og not-
færa sér þjónustu þeirra. Leyfum flug-
frelsinu að blómstra og skila hagnaði.
Það gæti þýtt að flugfrelsið yrði til
staðar allt árið. Auga fyrir auga; lát-
um ekki niðast á okkur, leyfum Flug-
leiðum að fljúga hálftómum flugvélun-
um um loftin blá þar til þær komast
niður á jörðina í verðlagningu flugfar-
gjaldanna.
Þingmenn Reykjavíkur gagnslausir?
Björn Sigurðsson
skrífar:
Ætla mætti að viröulegir þingmenn
Reykjavíkur séu vita gagnslausir eða
að minnsta kosti áhrifalausir með öllu.
Utanbæjar- eða svokallaðir lands-
byggðarþingmenn koma því í gegn á
Alþingi að ýmsar stofnanir og fyrir-
tæki, aðallega á vegum ríkisins, sem
hafa verið hér í Reykjavík, skuli flutt
út á land á þeim forsendum að styrkja
þurfi landsbyggðina. - Skítt með allt
fólkið sem missir störf sín, eins og hjá
Landmælingum, Byggðastofnun og
hluta Húsnæðisstofnunar, og nú síðast
Jafnréttisráðs.
„Ætla mætti að illvilji
einn í garð höfuðborgarinn-
ar væri þarna að verki. En
þingmenn Reykjavíkur í
öllum flokkum segja nánast
ekkert. Láta sem ekkert sé“
Allt þetta fólk sem þama vann
missir vinnu sína.
Og það einkennilega er; það virðist
ekki skipta neinu máli, þótt kostnaður
sé mikill samfara flutningunum þá sé
bara allt í hinu besta lagi! Talað var
um 300 eða 400 milljónir er Landmæl-
ingar voru fluttar. - Ætla mætti að ill-
vilji einn í garð höfuðborgarinnar
væri þarna að verki. En þingmenn
Reykjavíkur í öllum flokkum segja
nánast ekkert. Láta sem ekkert sé. Éf
hinir freku þingmenn landsbyggðar-
innar væru sannir og heiðarlegir ættu
þeir að efla atvinnu, t.d. smáiðnað, og
jafnframt að hamra á auknum kvóta
fyrir sín kjördæmi. Af slíku nýtur fólk-
ið í dreifbýlinu góðs. - Ekki með árás-
um á höfuðborgina þótt hún standi
varnarlaus með sína gagnslausu þing-
menn.
Með uppsögn og þökk fyrir samstarfið
Sameinum allt og alla hljómar nú í eyrum
landsmanna eins og hugljúfur svanasöngur í
heiði. Allavega er þetta svanasöngur í einhverj-
um skilningi í það minnsta þurfa bankamenn
ekki að óttast offramboð af störfum á næstunni.
Viðskiptaráðherra hefur nú fengið blessun
Davíðs fyrir því að bræða saman ríkisbankana
tvo í einn alsherjar Landbúnaðarbanka. Það er
þó eins og við manninn mælt, um leið og ríkis-
stjórnin vill hagræða, þá rísa upp afturlappirn-
ar afturhaldsseggir og afætur sem rífast og
skammast út í allt sem ríkisstjórnin gerir. Það
má bara ekki gera nokkum skapaðan hlut leng-
ur!
Ríkisstjórnin hefur ákveðið að það sé hag-
kvæmast fyrir allt og alla að sameina bankana
fyrst og selja síðan allt heila klabbið á einu bretti.
Það auðveldar allan eftirleik og góðvinir þurfa þá
ekki að punga út eins mörgum aurum fyrir draslið
og ella. Á fóstudag var svo gefin út yfirlýsing með
skipun til bankaráðanna að fara að vilja ríkisstjórn-
arinnar og drífa af sameiningarferli þjóðinni til
hagsbóta. Skítt með það þó einhver leiðinda sam-
keppnislög segi að þetta megi ekki. Lög eru jú bara
lög, stafir á blaði sem alltaf má breyta og bæta. Enda
hefur komið í ljós að okkar skelegga bankamálaráð-
herra, eða bankamálafrú, Valgerði Sverrisdóttur,
þykir ekkert tiltökumál að súrra saman nýjum sam-
Haldið þið ekki að það verði munur
hjá þessu fólki að geta loks um
frjálst höfuð strokið og þurfa ekki
lengur að vinna þau drepleiðinlegu
störf að telja peninga sem það kem-
ur aldrei til með að eignast?
keppnislögum. Þetta er lítið og löðurmannlegt skít-
verk sem varla tekur því að tala um. Hún hefur nú
hrist annað eins fram úr erminni eins og þetta lítil-
ræði, tilgangurinn helgar jú meðalið.
Þannig munu Landsbanki og Búnaðarbanki
renna saman í eina lummu fyrir jólin og sam-
runailmurinn mun gleðja bragðlauka lands-
manna á mestu hátíð ljóssins. Að vísu munu þá
renna upp ýmis önnur ljós sem kannski eru
ekki eins skemmtileg fyrir þá sem vinna hjá
þessum gömlu bankastofnunum. Þó má alltaf
deila um hvað er skemmtilegt eða óskemmtilegt.
Dagfara hefur alltaf þótt hundleiðinlegt að
skríða fyrir bankastjóra með enn leiðinlegri er-
indi. Þar af leiðandi hefur Dagfari sett samasem
merki á milli banka og leiðinda. Af þeim sökum
hlýtur að vera leiðinlegt að vinna í banka. Þau
tíðindi sem nokkrum hundruðum starfsmanna
gömlu ríkisbankanna verður væntanlega borin
heim í formi jólakorts með uppsögn og þökk fyrir
samstarfið, eru því aðeins til að gleðjast yfír. Haldið
þið ekki að það verði munur hjá þessu fólki að geta
loks um frjálst höfuð strokið og þurfa ekki lengur að
vinna þau drepleiðinlegu störf að telja peninga sem
það kemur aldrei til með að eignast? Undan þessari
áþján munu Valgerður og Davíð nú sameinast um að
losa þetta ágæta fólk. Hvort fólkið þarf á vinnu að
halda til að draga fram lifið er hinsvegar bara ekki
til umræðu hér! _ n ,
VAÁfíWí.
íslenskar spurning-
ar á Manhattan
Þorsteinn Jðnsson hringdi:
I sjónvarpsfréttum hér var nýlega
sýnt frá Manhattan í stórborginni
New York, þar sem íslenskur frétta-
maður gekk um götur og tók fólk tali.
Ekki vitlaus hugmynd. En undarlegar
voru þær spurningar sem fréttamað-
urinn lagði fyrir vegfarendur og aðra,
t.d. þá sem sinntu störfum sínum á
götuhornum: Eru launin ekki lág? -
Er ekki erfitt að standa svona allan
daginn (maður sem seldi vegfarend-
um vaming)? Og þannig héldu „aum-
ingjaspurningar“ áfram. Var ekki ís-
lendingurinn þama ljóslifandi kom-
inn úr heimatilbúnum sjónvarpsfrétt-
um með volið og vílið? En það var
bara enga eymd að finna á Manhatt-
an, þar voru allir glaðir og ánægðir.
Gervitunglin
og táningurinn
C.ETskrifar:
Fyrirbærið sem sást á hreyfingu á
himni um daginn með gufubólstra eða
reyk á eftir sér hefur hugsanlega bara
verið háfleyg vél sem flaug inn í raka-
yfirmettað loft eða leifar af hrapandi
geimrusli sem var að brenna upp og
eyðast. - Búið að tapa mesta hraðan-
um. Táningurinn hefði væntanlega
vitað að gervitunglin sem endurvarpa
CNN- og Sky News-fréttunum standa
(næstum) kyrr miðað við jörð og eru
yfir miðbaug. Þau eru miklu lengra
frá jörð en þau gervitungl sem hring-
sóla um jörðina og sem einnig eru fyr-
ir ofan gufuhvolfið. Einn hjá RÚV
kenndi hlustendum eitt sinn að sólar-
hringurinn á Mars væri lengri en sól-
arhringurinn á jörðunni vegna þess
að Mars væri lengra frá sólinni. Hann
hefði betur spurt stjörnufræðinginn
áður en hann uppfræddi hlustendur.
Á Júpíter og þeim stóru er sólarhring-
urinn ca 10-15 klst. en endalaus á
Merkúr.
Auölindir
á landgrunninu
Ragnar skrifar:
Utarríkisráðu-
neytið, iðnaðar- og
viðskiptaráðuneytið
ásamt Hafréttar-
stofnun íslands
gengust fyrir ráð-
stefnu, mjög tíma-
bærri raunar, um ís-
lenska landgrunnið
og auðlindir þess.
Segja má að aðalefni
ráðstefnunnar hafi
verið það hvort olíu
eða gas sé að finna á íslensku yfir-
ráðasvæði, en frumvarp til laga um
leit, rannsóknir og vinnslu kolvetnis
er i bígerð af hálfu iðnaðarráðherra.
Það var því einstaklega klaufalegt að í
þeim tveimur Ijölmiðlum sem sögðu
frá þessari merku ráðstefnu, Morgun-
blaðinu og Stöð 2, skyldi orðið „olía“
eða „gas“ hvergi koma fyrir. - En því
meira fimbulfambað um Hatton Roc-
kall-svæðið, langt suður í hafi!!
Ógeðfellt mynd-
band fyrir börn
Árni Árnason skrifar:
Stöð 2 sýndi nýlega myndband í há-
deginu, þar sem Robin Williams var
sýndur við að fækka fotunum. En
hann fækkaði fleiru en fótunum,
nefnilega húðinni af sér og öllum inn-
yflunum og stóð eftir á beinagrindinni
einni. Ég var höndum seinni að
bjarga þriggja ára syni minum frá
þessum viðbjóði, en hann hafði kom-
ist að sjónvarpstækinu, opnað það og
starði stjarfur á óhugnaðinn. Ég skora
á íslenska útvarpsfélagið að taka tillit
til bamafjölskyldna hvað sýningar á
svona hroða snertir og sýna hann að
minnsta kosti ekki fyrr en upp úr
skikkanlegum svefntíma barna á
kvöldin.
Skjálfanda
Orkustofnun
viö rannsóknir.
wsamm
Lesendur geta hringt allan sólarhring-
inn í síma: SSO S035.
Eða sent tölvupóst á netfangiö:
gra@ff.is
Eða sent bréf til: Lesendasíöa DV,
Þverholti 11,105 Reykjavík.
Lesendur eru hvattir til að senda mynd
af sér til birtingar með bréfunum á
sama póstfang.