Dagblaðið Vísir - DV - 17.10.2000, Blaðsíða 13

13
1'
t
f.
ÞRIÐJUDAGUR 17. OKTÓBER 2000
x>v
DV-MYND PJETUR
Guöríður Þóra Gísladóttir og kórinn
Stúlkan vill ekki ganga í lið skuggabaldra og skrugguvalda.
Ljósið og myrkrið takast á af miklum krafti i
bamaóperunni Stúlkan i vitanum eftir Þorkel
Sigurbjörnsson sem var frumsýnd í Islensku óp-
erunni á sunnudaginn. Þar tekur myrkrið á sig
mynd Óhræsisins, en það er vondur kall sem af-
vegaleiðir böm. 1 efnisskránni segir Hlín Agn-
arsdóttir leikstjóri að Óhræsið sé persónugerv-
ing afskræmdrar æsku sem rekja má til af-
skiptaleysis foreldra á harðaspretti í lífsgæöa-
kapphlaupinu. Óhræsið fangar aðalpersónu óp-
erunnar, unga stúlku, sem flýr óvart inn í greni
hans. En þó að hún sé vanrækt, alltaf ein heima
með vídeóinu og ruslfæðinu, er hún trygg ljós-
inu, og þó að Óhræsið reyni að spilla henni með
allskyns vibbaskap, vill hún ekki ganga í þjófa-
flokkinn hans með öðrum vanræktum bömum.
En þorir hún að koma Óhræsinu fyrir kattar-
nef?
Tónlist___________________j
Texti óperunnar er eftir Böðvar Guðmunds-
son og er byggður á sögunni Stúlkan i tuminum
eftir Jónas Hallgrímsson sem gengur furðuvel
upp í nútímanum. Útkoman er kraftmikil, og
eru tengsl textans við tónlistina sannfærandi.
Hver sögupersóna hefur sínar tónahendingar og
tónlistarlegu sérkenni sem sett eru fram á ein-
faldan hátt, þannig eru persónumar afmarkaðri
og óperan auðskildari en ella. Margs konar blæ-
brigði undirstrika ýmsa þætti sögunnar, tónlist-
in er lagræn og með skarpri hrynjandi sem ætti
að höfða til yngstu áheyrendanna.
Flytjendur em bæði atvinnufólk og nemend-
ur, aðallega úr Tónmenntaskóla Reykjavíkur,
því óperan var samin til að fagna flmmtíu ára
afmæli skólans sem haldið verður upp á eftir
Óhræsið, aðstoöarmaðurinn og fangi þeirra
Bergþór Pálsson hélt sýningunni uppi sem
Óhræsið.
tvö ár. Mikill nemendabragur var á sýningunni,
t.d. var hljómsveitin oft folsk þó að einstaka
hljóöfæraleikarar hafi reyndar staðið sig vel.
Sama má segja um kórinn, sem var í hlutverki
afvegaleiddu bamanna, hann var ekki alltaf
samtaka, þó sönggleðin hafi breitt yflr flesta
hnökrana.
Efnileg söngkona
Unga stúlkan var leikin af Guðríði Þóru
Gísladóttur sem er í námi í Söngskóla Reykja-
víkur. Hún er greinilega efnileg söngkona,
sýndi víða athyglisverð tilþrif og stóð sig í heild
ágætlega, þó að textaframburður hefði mátt
vera skýrari. „Pilturinn", afvegaleidd sál sem
verður hjálparhella ungu stúlkunnar, var oft
prýðilega leikinn af ívari Helgasyni og mun
auðskiljanlegri.
Bergþór Pálsson hélt sýningunni uppi sem
Óhræsið og var sérlega sannfærandi sem sið-
spilltur saurlífisseggur. Fitugt hárið og búning-
urinn hans, hlébarðajakki, gráar buxur og skór
með hnausþykkum sólum hæfðu hlutverkinu
fullkomlega. Og þegar augu hans lýstu upp í
lokaatriðinu og urðu eldrauð vakti það mikla
kátínu meðal bamanna í salnum.
Greinilegt var að krakkamir skemmtu sér
konunglega á frumsýningunni, lítil stúlka við
hliðina á undirrituðum æpti t.d. af hlátri í hvert
skipti sem Óhræsið birtist á sviðinu. í heild er
Stúlkan í vitanum ágætlega heppnuð nemenda-
sýning sem vel þess virði er að sjá, tónlistin er
samin af andríki, og efniviðurinn, vanrækt
böm, vekur mann óneitanlega til umhugsunar.
Jónas Sen
íslenska óperan sýnlr: Stúlkan í vitanum eftir Þorkel
Sigurbjörnsson. Texti: Böövar Guömundsson. Hljóm-
sveltarstjóri: Þorkell Sigurbjörnsson. Leikmynd: Stígur
Steinþórsson. Búningar: Hulda Kristín Magnúsdóttir.
Leikstjóri: Hlín Agnarsdóttir.
Raftónlistarhátíð hefst
Hilmar Þórðarson.
Þorsteinn
Hauksson.
Þorkell
Sigurbjörnsson.
Fyrsta alþjóðlega raf- og tölvutónlist-
arhátíðin sem haldin hefur verið á is-
landi hefst í Salnum annað kvöld og
stendur til 28. október. Markmiðið er að
vekja fólk til umhugsunar um áhrif
tækniframfara á tónlist, tónsköpun og
tónflutning, leita svara við þeirri áleitnu
spumingu hver þáttur tækninnar verð-
ur í tónlist á nýrri öld og hvemig hún
kemur til með að þróast og síðast en
ekki síst kynning á tónlist sem gerð hef-
ur verið með hjálp rafeinda- og tölvu-
tækni. Raf- og tölvutónlist er eina ný-
sköpunin í hljóðfæragerð á 20. öldinni
og hún er líka sú tónlist sem á eftir að
þróast hvað mest á nýrri öld sem sjálfstætt
listform og hluti af margmiðlunarlist. Sam-
hliða hátiöinni verður haldin ráðstefna um
raf- og tölvutónlist. Þar verður með fyrirlestr-
um og sýningum fjallað mn þróun hennar og
reynt að spá í hvemig þróunin verði næstu
100 árin.
Flugeldasýning
Á upphafstónleikum hátíðarinnar i Salnum
kl. 20 annað kvöld verður flutt verkið „Ég er
hætt að flnna fyrir hendinni á mér en það er
allt í lagi, liggðu hara lengur" fyrir harmon-
iku og tónband eftir Gyðu Valtýsdóttur. Sýnd-
arveruleikaferð verður í boði Landmats og
tónleikar í boði Tónskáldafélags íslands þar
sem flutt verða verk eftir Magnús Blöndal Jó-
hannsson, Ríkharð H. Friðriksson, Hilmar
Þórðarson, Þorstein Hauksson, Þorkel Sigur-
bjömsson og Lárus H. Grímsson. Lifandi flytj-
endur em Camilla Söderberg og Peter Máté.
Kvöldinu lýkur svo utandyra frá ART2000
með 3 pýramídum eftir Jóhann G. Jó-
hannsson og verkinu „Target" (Skot-
mark) eftir Áke Parmerud sem samið er
fyrir tónband og flugelda!
Næstu tónleikar verða á fimmtudags-
kvöldið kl. 20 í Salnum og svo áfram
kvöld eftir kvöld. Á hátíðinni verða alls
ellefu tónleikar þar sem fortíð, nútíð og
framtíð raf- og tölvutónlistar er megin-
þemað. Einnig verða ýmsar uppákomur,
svo sem innsetningar, bíósýningar o.fl.
þar sem raf- og tölvutónlist kemur við
sögu. Verða flestar uppákomur í Salnum
en einnig leggja raftónlistarmenn undir
sig Café 22 og Gauk á Stöng.
Fyrirlestrar í tengslum við tónleikana
halda svo öllu saman og munu margir af
þekktustu tónsmiðum og fræðimönnum á
þessu sviði í heiminum stíga á svið Salarins
og tala um þetta hugðarefni sitt. Fyrstu fyrir-
lestrar eru í Salnum kl. 17 á föstudaginn, þá
tala tónskáldin Bernhard Gúnter og Clarence
Barlow. Nánari upplýsingar um hátíðina og
dagskrá hennar er að flnna á Netinu á slóð-
inni www.musik.is/art2000.
Merming
Umsjón: Siija Abalsteinsdóttir
Einsöngur í Salnum
Tónleikaröð kennara Tónlistarskóla
Kópavogs heldur áfram í Salnum í kvöld
kl. 20 með ljóðatónleikum Önnu Júlíönu
Sveinsdóttur mezzósópran og Sólveigar
Önnu Jónsdóttur píanóleikara. Á efnis-
skrá eru Vedasálmar eftir Gustav Holst,
Wesendonk-Lieder eftir Richard Wagner,
Zueignung eftir Richard Strauss auk
sönglaga eftir Sigvalda S. Kaldalóns, Karl
O. Runólfsson, Atla Heimi Sveinsson,
Árna Björnsson og Sigurð Þórðarson.
Sögulegt augna-
blik
Tónlistarmönnum
er í fersku minni þeg-
ar Salurinn í Kópa-
vogi var vígður í árs-
byrjun 1999. Einir
tónleikarnir i vígslu-
vikunni voru á veg-
um Rotaryklúbbs
Reykjavíkur, stórtónleikar með söngvur-
unum Auði Gunnarsdóttur og Gunnari
Guðbjömssyni, flautuleikurunum Guð-
rúnu Birgisdóttur og Martial Nardeau og
píanóleikaranum Carl Davis. Þessir tón-
leikar fengu frábærar umsagnir í blöðum
og voru teknir upp. Það var fyrsta upp-
takan sem gerð var í Salnum og diskur-
inn sem nú er kominn út geymir því
sögulegt augnablik.
Diddú og karlarnir
Karlakór Reykja-
víkur hefur gefið út
upptöku af tónleik-
um I tónlistarhúsinu
Ými í vor sem leið:
Vor 2000. Þar syngur
kórinn undir stjóm
Friðriks S. Kristins-
sonar og einsöngvarar eru Sigrún
Hjálmtýsdóttir og Björn Björnsson. Alls
eru á diskinum 26 lög, bæði mörg kunn-
ustu karlakóralögin og ljóðrænar perlur.
Anna Guðný Guðmundsdóttir leikur með
á píanó.
Nemendur leika
og syngja
I tilefni af 70 ara afmæli Tónlistarskól-
ans i Reykjavík er kominn út tvöfaldur
geisladiskur þar sem nemendur hans
leika og syngja. Þetta eru hljóðritanir frá
afmælisárinu 2000, m.a. tónleikar einleik-
araprófsnemenda þar sem Sinfóníuhljóm-
sveit íslands leikur með. Útgefandi er
Polarfonia Classics. Japis sér um dreif-
ingu.
’TPKI
Timbúktú
Löngum hefur þótt
stutt á milli læknis-
fræði og tónlistar.
Þetta minnir Páll
Torfi Önundarson, yf-
irlæknir Blóðfræði-
deildar Landspítala, á
með útgáfu á geisla-
diskinum Timbúktú og tólf önnur sem
Skífan dreifir. Páll er gítarleikari úr
hljómsveitunum Diabolus in Musica og
Six-pack Latino og eru öll lögin 13 eftir
hann.
Tónlsitin er „hánorræn, léttdjössuð
afró-latnesk samsuða", eins og segir í
fréttatilkynningu. Hana leika með Páli
margir þekktir tónlistarmenn, m.a. Jóel
Pálsson, Matthías Hemstock, Olivier
Manoury og Tómas R. Einarsson. Egill
Ólafsson, Jóhanna V. Þórhallsdóttir og
Kristjana Stefánsdóttir syngja.
Dansk-íslenskar
bókmenntir
Á fundi Félags ís-
lenskra fræða í Skólabæ
við Suðurgötu annað
kvöld kl. 20.30 heldur
Jón Yngvi Jóhannsson,
bókmenntafræðingur og
gagnrýnandi DV, erind-
ið „Jaklens Storm
svalede den kulturtrætte
Danmarks Pande“. Þar
verður fjallað um fyrstu skáldverk Gunn-
ars Gunnarssonar, Jóhanns Sigurjóns-
sonar, Guðmundar Kambans og Jónasar
Guðlaugssonar á dönsku og viðtökur
þeirra í Danmörku og athygli beint að
áhrifum þjóðernishyggju og almennra
viðhorfa danskra gagnrýnenda til tslands
og táknræns gildis þess í dönsku menn-
ingarlífl. Eftir framsögu fara fram al-
mennar umræður. Allir eru hjartanlega
velkomnir.