Dagblaðið Vísir - DV - 25.10.2000, Blaðsíða 13
13
MIÐVIKUDAGUR 25. OKTÓBER 2000___________________________________________________________________________________________
DV Útlönd
Alberto Fujlmori
Perúforseti brá sér af bæ í gær og
ræddi líklega við hataðasta mann
landsins, Vladimiro Montesinos.
Fujimori Perúfor-
seti fór í dular-
fulla flugferð
Alberto Fujimori, forseti Perú, og
helstu hernaðarráðgjafar hans fóru
í liðlega tveggja klukkustunda flug-
ferð í gær og að sögn útvarpsstöðv-
ar í landinu var ferðinni heitið til
síðasta þekkta dvalarstaöar fyrrum
yfirmanns leyniþjónustunnar, Vla-
dimiros Montesinos.
Montesinos flaug heim á mánu-
dag frá Panama þar sem honum
tókst ekki að tryggja sér pólitískt
hæli. Heimkoma hans olli mikilli
reiði og ólgu meðal stjórnarand-
stæðinga og stefndi í hættu kosning-
um sem boðaðar hafa verið á næsta
ári.
Sjónarvottar sáu Fujimori fara
upp í forsetaflugvélina á herflug-
velli í höfuðborginni Lima. í fylgd
með honum voru landvamaráð-
herra landsins, formaður herráðs-
ins og yfirmaður flughersins. Að
sögn útvarpsstöðvarinnar CPN fór
flugvél forsetans til herflugvallar
250 kílómetra suður af Lima þar
sem Montesinos lenti á mánudag.
Formaður Samtaka Ameríkuríkja
reyndi í gær að koma viðræðum um
skipulagningu kosninganna aftur af
staö. Þær leystust upp á mánudag
vegna kröfu stjómvalda um að jafn-
framt yrði veitt sakaruppgjöf þeim
sem hafa brotið mannréttindi.
Montesinos vísaði í gær á bug
ásökunum um mannréttindabrot og
lofaði íbúum Perú að hann myndi
ekki skipta sér af stjómmálum.
Poul Nyrup Rasmussen við Færeyinga:
Kúariðukjöt í
matvöruverslun-
um í Frakklandi
Þrjár matvöruverslanakeðjur í
Frakklandi, Carrefour, Auchan og
Cora, hafa selt kjöt af nautgripum
sem voru með kúariðu. „Að svo
miklu leyti sem okkur er kunnugt
er kjötið uppselt," sagði talsmaður
Auchan-keðjunnar. Það var dýra-
læknir í sláturhúsi sem tók eftir
óeðlilegri hegðun kýr sem send
hafði verið til slátrunar 10. október
síðastliðinn. 10 dögum síðar var
staðfest að kýrin var með kúariðu.
11 kýr frá sama búi höfðu verið
sendar til slátrunar 4. október.
Tveir menn, feðgar, eru í
gæsluvarðhaldi vegna gruns um að
hafa vitað um kúariðusmitið er þeir
seldu kjötið. Smitað kjöt getur
valdið Creutzfeldt-Jacob-veiki.
Mannréttindafrömuður kvaddur
Þúsundir ástralskra frumbyggja, stjórnmálamanna og vina héldu á lofti myndum af Chariie Perkins, baráttumanni fyrir
réttindum frumbyggja í Ástralíu, í iíkfyigd um götur Sydney í morgun. Perkins var oft kallaður Martin Luther King
Ástralíu fyrir baráttu sína fyrir réttindum frumbyggjanna.
SPENNANDI06 OÐRUVISI
HÚSGAGNAÁKLÆÐI!
A
U N A
{IjJ
K LÆ Ð I
SÍMi 555 3986 / 897 6666
HJALLAHRAUNI 8
HAFNARFIRÐI
OPIÐ MÁNUDAGA -
FIMMTUDAGA13 -18
FÖSTUDAGA13 -16
Grunaði að dipló-
matinn væri njósnari
„Ég vona að þetta mál leiði ekki
til þess að eðlileg sambönd við lönd
í A-Evrópu verði gerð grunsamleg,"
segir Jens Stoltenberg, forsætisráð-
herra Noregs, um samskipti sín við
starfsmann sovésku leyniþjónust-
unnar, KGB, snemma á pólitískum
ferli sínum.
Norska sjónvarpið hefur í þætti
greint frá því að forsætisráðherr-
ann hafi árið 1990 verið í sambandi
við sovéskan stjómarerindreka sem
var starfsmaður sovésku leyniþjón-
ustunnar, KGB. Maðurinn var Bor-
ís I. Kirillov og var honum vísað frá
Noregi árið 1991 ásamt sjö öðrum
sovéskum stjómarerindrekum.
KGB hafði geflð Stoltenberg dul-
nefnið Steklov og útbúið skrá með
upplýsingum um stjómmálaferil
hans og einkahagi. Þykir þetta
benda til að KGB hafi litið á Stolten-
berg sem mikilvægan tengilið.
Stoltenberg tjáði fréttamönnum í
gær að hann hefði greint norsku
leyniþjónustunni, POT, frá sam-
skiptunum skriflega árið 1990, um
það leyti sem hann fékk sæti í vam-
armálanefnd Noregs. „POT ráðlagði
mér að greina tengilið minum, Bor-
ís Kirillov, frá þvi að ég vissi að
hann væri KGB-njósnari og það
gerði ég. Eftir það hættu samskipti
okkar,“ sagði forsætisráðherrann.
Hann lagði áherslu á að hann
hefði aldrei, hvorki skriflega né
munnlega, afhent trúnaðarskjöl.
POT var kunnugt um að KGB hefði
útbúið skrá um Stoltenberg en var-
aði hann ekki við þar sem litið var
á upplýsingarnar sem skaðlausar.
Forsætisráðherrann vissi ekkert
um að hann hefði fengið dulnefni
hjá KGB fyrr en siðastliðið mánu-
dagskvöld.
Fulltrúi POT, Stein Yale, fullyrð-
ir í viðtali við norska blaðið Ver-
dens Gang að Stoltenberg hafi ekki
framið neitt lögbrot. „POT hafði
samband við Stoltenberg og honum
„Steklov"
Stoltenberg fékk dulnefnið Steklov
hjá KGB.
tjáð að lögreglan vissi að nafn-
greindur KGB-foringi 'hefði haft
samskipti við hann. Við báðum Stol-
tenberg að segja að við vissum um
samskiptin og þá hættu þau.
Stoltenberg fylgdi þeim ráðlegging-
um sem hann fékk frá POT.“
Jan-Erik Larsen, ráðuneytisstjóri
forsætisráðuneytisins, segir að POT
hafi staðfest grunsemdir Stolten-
bergs sjálfs. Hann hefði sjálfan
grunað að Kirillov væri njósnari.
Stoltenberg hefði haft samband við
marga diplómata og gert ráð fyrir
að einhverjir þeirra væru njósnar-
ar.
Þaö var KGB-njósnarinn Mikhail
Butkov, er leitaði hælis í Bretlandi
1991, sem fullyrti að Stoltenberg
hefði verið leynilegur tengiliður
KGB í varnarmálanefndinni 1990.
Butkov býr í Bretlandi og var
dæmdur í fangelsi fyrir fjársvik þar
1998.
Samningaviðræður ekki sama
og samþykki fyrir sjálfstæði
Poul Nyrup Rasmussen, forsætis-
ráðherra Danmerkur, sagði í viðtali
við færeyska útvarpið að þótt dönsk
stjórnvöld hafi fallist á viðræður
sem færeyska landstjórnin óskar
eftir að leiði til sjálfstæðis eyjanna,
sé ekki þar með sagt að danska
stjómin hafl fallist á það.
„Við erum jú einmitt að semja
um það og við getum ekki sagt fyrir
um niðurstöður samningaviðræðn-
anna,“ sagði Poul Nyrup. Fíórða
lota samningaviðræðna Færeyinga
og Dana hefst í forsætisráðuneytinu
í Kaupmannahöfn á morgun.
Hann benti jafnframt á að jafnvel
íslenskur sérfræðingur í þjóðarétti
gæti ekki breytt þeirri staðreynd.
Danski forsætisráðherrann vísaði
þar til álits Guðmundar Alfreðsson-
ar, þjóðréttarfræðings við háskól-
ann í Lundi í Svíþjóð, þar sem hann
Poul Nyrup Rasmussen
Færeyingar ætla að krefja danska
forsætisráðherrann sagna.
bendir á að Færeyingar uppfylli öll
skilyrði þess að geta kallast þjóð
með réttindum á sviði þjóðaréttar.
Guðmundur vann greinargerð
um málið að beiðni Hogna Hoydal,
ráðherra sjálfstæðismála í færeysku
landstjórninni. í greinargerðinni
kemur einnig fram að þar sem
dönsk stjórnvöld hafa fallist á samn-
ingaviðræöur við Færeyinga um
sjálfstæði, hafi þau um leið viður-
kennt Færeyinga sem þjóð sem þar
meö hafi sjálfsákvörðunarrétt um
eigin framtíð.
Anfinn Kallsberg, lögmaöur Fær-
eyja, sagði í gær að á fundinum á
morgun yrði Poul Nyrup krafinn
skýringa á þeim orðum sínum í
bréfi að Danir viðurkenni Færey-
inga ekki endilega sem sjálfstæða í
þjóðréttarlegum skilningi, þótt rætt
sé við þá.
w
Fé/agsþjónustan
Sjúkraliði
Sjúkraliði óskast í 50% starf við Félags- og þjónustumiðstöðina,
Aflagranda 40. Þyrfti aö geta hafið störf um næstu mánaðamót.
í starfinu felst m.a. aðstoö við bööun og önnur tilfallandi aöstoð
við notendur miðstöðvarinnar.
Laun skv. samningum Reykjavíkurborgar og Sjúkraliðafélags
íslands.
Nánari upplýsingar gefur Droplaug Guðnadóttir forstöðumaður
í síma 562 2571.
Fólagsþjónustan er fjðlmennur vinnustaður sem veitir
borgarbúum á öllum aldri fjölbreytta þjónustu. Stofnunin leggur
mikla áherslu á fræðslu og símenntun fyrir starfsfólk sitt, að
upplýsa það um stefnu stofnunarinnar og Reykjavíkurborgar í
málefnum starfsmanna og að kynna markmið þeirrar þjónustu
sem veitt er. Allir nýir starfsmenn fá sérstaka fræðslu og
kynningu um Fólagsþjónustuna og borgari<erfið og fróttabróf
reglulega um starfsemi stofnunarinnar.