Dagblaðið Vísir - DV - 30.10.2000, Qupperneq 12
12
MÁNUDAGUR 30. OKTÓBER 2000
Skoðun
X>V
Hvað eyðirðu miklu
í föt á mánuði?
Kristinn Guðmundsson nemi:
Aö meöaltali 5-7 þúsund kr. á mán-
uöi.
Jóhannes Gíslason þolfimileiöbein-
andi:
Ég myndi seg/a um 15 þúsund kr. á
mánuöi.
Erlendur Sigurösson verslunarstjóri:
Um 3 þúsund kr. á mánuöi.
María Þórhallsdóttir, vinnur í Nýkaupi:
Svona 5-10 þúsund kr. á mánuöi.
Iris Rut Marteinsdóttir flugfreyja
(Nadía Katrín):
Svona 5-7 þúsundum á mánuöi.
Sölvi Guðjónsson nemi:
Svona í mesta lagi 15 þúsundum á
mánuöi.
Dagfari
Hrafnista (DAS) í Hafnarfiröi
Kjarasamningur fallinn úrgildi.
Seinagangur í samningaviðræðum
- opið bréf til fjármálaráðuneytisins
Siguröur T, Sigurösson
f.h. Vlf. Hlífar:
Gildandi kjarasamningur Verka-
kvennafélagsins Framtíöarinnar (nú
Verkalýðsfélagið Hlíf) og fjármálaráð-
herra fyrir hönd ríkissjóðs ásamt
Hrafnistu DAS er með gildistíma frá
1. maí 1997 - 31. október 2000.
Þrátt fyrir að formaður Hlífar hafi
ítrekað eftir því leitað við samninga-
nefnd ríkisins, að viðræður hæfust
um gerð nýs kjarasamnings milli að-
ila hefur ekki ennþá af því orðið. Það
eina sem skeð hefur í því máli er að
aðilar hafa, hvor fyrir sig, lagt fram
hugmyndir um kröfur og útskýringar
þær varðandi.
Seinagangur af hálfu samninga-
nefndar ríkisins, hvað varðar fyrr-
greindan samning, er með ólíkindum
og gengur þvert á allar hugmyndir
um viðræðuáætlanir eins og lög gera
ráð fyrir þeim, og táknrænt er að það
skuli vera fulltrúar ríkisins sem ríða
á vaðið með að brjóta þessi tiltölulega
nýsettu lög. Það er ekki síður tákn-
rænt að á sama tíma og opinberir að-
ilar draga lappirnar þegar á að reyna
„Mér finnst það, vœgast sagt,
hart aðgöngu ef þarf að boða
vinnustöðvun eða hóta henni
til þess eins að fá eðlilegar
umræður um bágborin kjör
kvenna á umönnunarstofnun-
um hér í Hafnarfirði. “
að hækka lág laun starfsfólks á um-
önnunarstofnunum, þá skuli þeir aug-
lýsa á pólsku eftir starfsfólki.
Mjög erfltt er að koma skilaboðum
til samninganefndarinnar því sima-
þjónusta í síma 5609340, þar sem sagt
er að hægt sé að ná i Gunnar Bjöms-
son, formann samninganefndar ríkis-
ins, er með slíkum ólíkindum að þar
er jafnvel neitað að taka við eðlilegum
skilaboðum til formannsins varðandi
kjarasamning, sem er að því kominn
að renna út.
Ég hef verið viðloðandi gerð kjara-
samninga síðan á miðjum sjötta ára-
tugnum, en þetta er í fyrsta sinn sem
ég kynnist því persónulega að starf-
andi samninganefnd reyni ekki að ná
samkomulagi áður en kjarasamning-
ur rennur út. Mér fmnst þaö, vægast
sagt, hart aðgöngu ef þarf að boða
vinnustöðvun eða hóta henni til þess
eins að fá eðlilegar umræður um bág-
borin kjör kvenna á umönnunarstofn-
unum hér i Hafnarflrði.
Nú eru aðeins þrír virkir dagar
þangað til að fyrrgreindur kjarasamn-
ingur fellur úr gildi. Finnst fulltrúum
rikisins eðlilegt að hunsa áfram
beiðnir Verkalýðsfélagsins Hlífar um
viðræður? Sé svo þá er það miklu
heiðarlegra af hálfu samninganefndar
ríkisins að hún staðfesti það opinber-
lega, svo að konumar sem vinna sam-
kvæmt þessum samningi geti farið að
gera viðeigandi ráðstafanir.
Verkalýðsfélagið Hlíf telur eðlilegt
að upplýsa félagsmenn sína um þá al-
varlegu stöðu sem fyrrgreint samn-
ingamál er komið i og hvers vegna
svo er komið. Til þess að koma þeim
upplýsingum, m.a. þessu bréfi, sem
fyrst á framfæri til félagsmanna
sinna, mun félagið að sjálfsögðu nota
alla tiltæka fjölmiðla.
Skattahækkun vegna kennaranna?
Einar Kristjánsson
skrifar:
Fram hefur komið í fréttum að
óvanalega mikill afgangur sé hjá rík-
inu vegna góðærisins, og afgangur á
ríkissjóði á næsta ári samsvari ríflega
100 þúsund krónum á hvem lands-
mann. Sannleikurinn er auðvitað sá
að fjármálaráðherra hefur enga heim-
Od til að halda þessum afgangi að
fullu, án þess að skila verulegum
hluta þessara Ijármuna til skatt-
borgaranna, þeirra hinna sömu og
unnu fyrir þeim.
Landsmenn hrópa því að vonum
ákaft: skattalækkun, skattalækkun.
„Hætt er við að ef kennarar
standa fast á tveimur launa-
hækkunum eins og þeir túlka
þœr nú, þá verði aðeins um að
ræða skattahækkanir á allan
almenning. “
Stór hluti kennara, þ.e. þeir í fram-
haldsskólunum vilja líka sinn hlut, en
í formi launahækkana. Hvernig á að
samræma þetta tvennt; launahækkun
kennara og skattalækkun til fólksins?
Hætt er við að ef kennarar standa fast
á tveimur launahækkunum eins og
þeir túlka þær nú, þá verði aðeins um
að ræða skattahækkanir á allan al-
menning.
Eru nú allir búnir að gleyma kenn-
urunum sem ekki skiluðu aftur of-
greiddum eða ofteknum launum sem
ríkið sendi þeim vegna mistaka? Ég
segi því við kennara: Ef þið dragið
helming launakrafna ykkar til baka,
og hvetjið sjálftökumenn í ykkar hópi
til að skila ofgreiddu laununum, þá
mun allt hitt veitast ykkur að auki;
eðlilegar launahækanir og skatta-
lækkanir sem allir landsmenn eiga
kröfu á.
Skilja þeir ekki...?
íbúar Dalvíkurbyggðar kunna greinilega ekki
gott að meta. Nú, þegar þeir Samherjamenn á Ak-
ureyri hafa lagt lykkju á leið sína og komið í
þennan litla kaupstað við nyrstu strönd til bjarg-
ar atvinnulífi staðarins, leyfa heimamenn sér að
lýsa yfir áhyggjum af því að störfum í bænum '
muni fækka. Þeir leyfa sér að halda þvi fram að
Samherjamenn séu einungis að sækjast eftir 10
þúsund tonna kvóta þeirra og muni fara með
hann burt úr bænum en sjáliir muni þeir einung-
is lepja dauðann úr skel í framtíðinni.
Þeir ættu að vita betur. Muna þeir t.d. ekki
þegar Samherjamenn komu sem frelsandi englar til
ísafjarðar um árið og björguðu þar með einu
pennastriki útgerðinni í bænum þegar þeir keyptu
aflaskipið Guðbjörgina, hvers útgerð var á vonar-
völ, og störfum fjölgaði í bænum í kjölfarið?
Og hvers eiga KEA-menn að gjalda? Fólk í Dal-
víkurbyggð er með einhvem pirring út í forsvars-
menn Kaupfélags Eyflrðinga vegna þess að þeir eru
að taka þátt í því með Samherjamönnum að bjarga
atvinnulífinu í Dalvíkurbyggð með því að selja
Samherja hlutabréf sin i BGB-Snæfelli. Er ekki for-
maður KEA, þessa bjargs atvinnulífsins í Eyjafirði,
margbúinn að lýsa því yfir að störfum á Dalvík
muni ekki fækka þótt Samherji eignist nær öll
hlutabréf i útgerðinni og flskvinnslu á Dalvík og
Þeir leyfa sér að halda því fram að Sam-
herjamenn séu einungis að sækjast eftir
10 þúsund tonna kvóta þeirra og muni
fara með hann burt úr bœnum en sjálfir
muni þeir einungis lepja dauðann úr skel
í framtíðinni.
KEA verði um leið stærsti einstaki hluthafmn í
Samherja? Vita Dalvíkingar ekki að Kaupfélag Ey-
firðinga verður áfram sem hingað til rekið með
hagsmuni fólksins að leiðarljósi? Vita þeir ekki að
KEA, sem er svo nátengt Framsóknarflokknum,
fann upp kjörorðin „fólk í fyrirrúmi" og lánaði
flokknum sínum fyrir síðustu kosningar? Vita Dal-
víkingar ekki að KEA hefur ekkert annað að leið-
arljósi í sínum rekstri en hagsmuni fólksins eins
og viðvarandi taprekstur fyrirtækisins undanfar-
in ár sýnir svo ekki verður um villst?
Nei. Dalvíkingar eiga ekki að vera með neinar
áhyggjur. Að vísu er forstjóri Samherja farinn að
tala utan í það að skipin sem gerð hafa verið út
frá Dalvík verði seld en það sé ekki ákvörðun
Samherjamanna heldur hafi fyrri eigendur út-
gerðarinnar á Dalvík verið búnir að ákveða það
og við það verði að standa. Samherjamenn geta
ekki verið að taka fram fyrir hendumar á fyrri eig-
endum útgerðar á Dalvík í þeim efnum. Og hafa
ekki Dalvíkingar tekið eftir því hvað stjómarfor-
maður Samherja hefur verið að segja í íjölmiðlum
að undanfómu? Hann hefur lagt á það áherslu að
störfum í Dalvíkurbyggð muni ekki fækka „vegna
sameiningar BGB-Snæfells og Samherja". Þurfa
Dalvíkingar frekari vitnanna við? Nei. Þeir eiga að
skilja það að hinn frelsandi engill Samherji er kom-
inn til bjargar atvinnulifinu og hefur fengið vængi
að láni frá Kaupfélagi Eyflrðinga til að tryggja að
það takist. Þótt því fylgi að Samherji verði að taka
að sér 10 þúsund tonna kvóta Dalvíkinga til ráðstöf-
unar sætta menn í höfuðstöðvum fyrirtækisins sig
við það, það fylgir þessu bara.
Björgum
Mývatni
Ásmundur Geirsson skrifar:
Ég vil skora á
alla sanna um-
hverflsvemdar-
menn að láta til
sín heyra í fjöl-
miðlum og annars
staðar og mótmæla
kröftuglega fyrir-
hugaðri leyfisveit-
ingu fyrir áfram-
haldandi kísilgúr-
námi úr Mývatni.
Kísilgúrvinnsla
- dauðadóm-
ur?
Náttúruvísindamenn, erlendir sem
innlendir, telja það dauðadóm yfir líf-
ríki vatnsins ef hafm verður dæling
úr Syðri-Flóa. Þótt þeir hafi orðað
skýrslur sínar varfærnislega, verður
ekki annað af þeim ráðið en þetta.
Þakkir til þeirra sem hafa mótmælt
kísilgúrvinnslunni, þeir eru bara
alltof fáir. Þeir sem fylgjandi em hafa
því miður vaðið uppi með órökstudd-
ar klisjur og rógburð um virta vís-
indamenn. Mál er að linni.
Karlar
í vændinu
Helga Benediktsdðttir skrifar:
Þann 23 þ.m. las ég pistil í lesenda-
dálki DV þar sem vakin var athygli á
mjög grófum myndum af ungri stúlku
í blaðinu Bleiku og bláu. Ég sá þetta
blað og tek undir með bréfritara, að
þessar myndir em ekki við hæfi, og
þær era siðlausar með öllu. í blaðinu
er og grein eftir 25 ára vændiskonu
sem segir frá viðskiptum sínum við
stóran hóp giftra manna, þar á meðal
prest og prófessor, svo og við stjórn-
málamann sem oft sést í sjónvarpsvið-
tölum. Hún segir frá bakhúsi við
Laugaveg þar sem allt niður í 15 ára
stúlkur selja sig fyrir dóp. Það er ekki
furða, þótt sorinn sé látinn viðgangast
þegar þeir sem gætu gert eitthvað til
að uppræta óþverrann eru sjálflr á
kafi í spillingunni og jafnvel nýta sér
ógæfu þessara unglinga. Við megum
þó ekki loka augunum fyrir því sem
er að gerast. Ég skora á þá valdamenn
sem ekki era í sukkinu sjálfir að upp-
ræta þetta og hreinsa sitt mannorð í
leiðinni, því allir liggja undir grun
þegar engin nöfn eru nefnd, og maður
spyr því sífellt: Skyldi það vera þessi,
eða þessi?
Við Nauthólsvík
Borgarfulltrúar gæti sín á atkvæöa-
missinum.
Enga nýja
flugstöö
Sigurgeir Jónsson skrifar:
Nú heyrum við að samgönguráð-
herra undirbúi nýja og mikla bygg-
ingu fyrir flug- og bílaþjónustu í
grennd við Nauthólsvíkina. Ef bygg-
ing þessi á að vera einkaframkvæmd
og ekki í eigu ríkisins, hví er þá sam-
gönguráðherra að koma nálægt undir-
búningnum og skipa nefnd um málið?
Þar sitja m.a. einn Flugleiðamaður
(þótt nú væri!), nokkrir borgarfulltrú-
ar, verkfræðingur og einn hótelstjóri
(af landsbyggðinni!!). Ég vona bara að
borgarfulltrúamir a.m.k. þekki sinn
vitjuartíma og veiti þessari ótíma-
bæra og ónauðsynlegu framkvæmd
eða öðrum á svæðinu ekki brautar-
gengi. Geri þeir það ekki, skulu þeir
ekki láta sér detta í hug að fá nein at-
kvæði á ný frá þeim sem málið varð-
ar mest. Reykvíkingum sjálfum.
Afc
DV Lesendur
Lesendur geta hringt allan sólarhring-
inn í síma: 550 5035.
Eöa sent tölvupóst á netfangið:
gra@ff.is
Eða sent bréf til: Lesendasíða DV,
Þverholti 11, 105 Reykjavík.
Lesendur eru hvattir til aö senda mynd
af sér til birtingar meö bréfunum á
sama póstfang.