Dagblaðið Vísir - DV - 05.12.2000, Blaðsíða 2

2
ÞRIÐJUDAGUR 5. DESEMBER 2000
Fréttir
DV
Niöurstaða komin í mál 25 ára Reykvíkings sem fór norður í land til að innheimta:
Dæmdur til að greiða
sekt fyrir líflátshótanir
- er gert að greiða ríkissjóði 75 þúsund krónur en verjanda sínum 80 þúsund krónur
Héraðsdómur Norðurlands vestra
hefur dæmt 25 ára Reykvíking til að
greiða ríkissjóði 75 þúsund krónur í
sekt fyrir að hafa hótað pilti á tán-
ingsaldri í Skagafirði líkamsmeið-
ingum og lífláti og ítrekað þær við
móður hans i nóvember á síðasta
ári. Hótanimar gengu út á að ef pilt-
urinn greiddi ekki 600 þúsund
króna skuld sem stofnaðist vegna
flutnings á hassi á milli landshluta
þegar Halló Akureyri var haldið
árið 1999 yrði hann líflátinn, það
myndu aðrir menn sjá um.
í málinu kom fram að hótunar-
maðurinn átti að fá greiddar 200
þúsund krónur af framangreindri
upphæð fyrir að innheimta skuld-
ina. Honum var greiddur helming-
urinn af þeirri þóknun áður en
hann fór norður í land til þess m.a.
að hóta þolendunum í málinu. Sá
sem „átti“ hina ólögvörðu skuld var
aldrei leiddur fyrir lögreglu í mál-
inu og var ekki ákærður. Málsaðil-
ar hafa haldið því fram eftir þessa
niðurstöðu héraðsdóms að hótunar-
maðurinn fari í raun með 25 þús-
unda króna gróða út úr málinu þar
sem hann hafði fengið 100 þúsund
krónur greiddar. Á móti kemur að
hann er einnig dæmdur til að greiða
verjanda sínum 80 þúsund krónur
vegna málsins.
,jæja, eg kem nordur i dag ad na
i $, bilinn eda thig thu matt velja“.
Svona hljóðuðu SMS skilaboð sem
sakborningurinn sendi hinum
meinta skuldara áður en hann ók
norður í Skagafjörð og hafði þar í
hótunm við mæðginin augliti til
auglitis. Hótunarmaðurinn hélt því
fram fyrir dómi að hann hefði talið
að skuldin sem hann var að inn-
heimta hefði stofnast af bílavið-
skiptum - ef hann hefði hins vegar
vitað að hún væri vegna fikniefn-
máls hefði hann ekki tekið inn-
heimtuna að sér, að hans sögn.
Héraðsdómur Norðurlands vestra
telur SMS-skilaboðin benda til að
innheimtumaðurinn hafi talið
skuldina til komna vegna bílavið-
skipta enda komi þar fram að hann
hafi ætlað að sækja bílinn. Auk þess
hafði dómurinn hliðsjón af því að
ákærði hafi sjálfur ekki ætlað að
gera alvöru úr hótunum í garð þol-
andans í málinu.
-Ótt
íslandsmet nótaskipsins Barkar NK:
Hef ekki yfir
neinu að kvarta
- segir Sturla Þórðarson skipstjóri
„Þetta er búið að ganga ágætlega
allt árið. Við höfum lítið eða nánast
ekkert lent í leiðindum eins og bilun-
um og skipinu verið haldið stíft út,
við stoppuðum reyndar á Sjómanna-
daginn og um verslunarmannahelg-
ina en ekki mikið meira en það,“ seg-
ir Sturla Þórðarson, skipstjóri á nóta-
skipinu Berki NK frá Neskaupstað,
en Börkur kom inn til heimahafnar
um helgina með 1600 tonn af
kolmunna.
Þar með var afli skipsins á árinu
kominn yfir 71 þúsund tonn en það er
mesti afli sem eitt skip hefur borið að
landi á einu ári til þessa. Hjá Berki er
þessi aílasamsetning þannig að 7 þús-
und tonn eru síld, 36 þúsund tonn
kolmunni og ríflega 28 þúsund tonn
eru loðna.
„Okkur hefur gengið vel allt árið
og það er ekki yfir neinu að kvarta,“
segir Sturla skipstjóri. Hann segir að
á skipinu séu 15 manns þegar verið er
að veiða í nót en þegar trolliö er not-
að á kolmunnann sé nóg að hafa 11
karla og þá sé ekki ráðið í stað þeirra
Góður gangur
Sturia Þóröarson, skipstjóri á nóta-
skipinu Berki NK frá Neskaupstaöi
segist ekki hafa yfir neinu aö kvarta“
sem fari í frí. „Þetta fer svolítið eftir
þvl hverjir vilja vera á sjó og hverjir
vilja vera í landi. Allt eru þetta
hörkukarlar sem hafa verið á skipinu
um árabil, sumir I áratugi. Það liggur
auðvitað mikil vinna að baki miklum
afla en skipið er líka hörkugott,"
sagði Sturla. -gk
DV-MYND
Bókaúrvalið skoðað
Fjöldi bóka kemur út fyrir þessi jól eins og ávallt og er bóksalan aö hefjast
þessa dagana. Fóik er fariö aö þyrþast í bókabúöir og kaupa bækur handa
sér og öðrum.
Steinn Steinarr á toppnum
Steinn Steinarr, Leit að ævi
skálds, er í efsta sætinu á fyrsta
bókusölulista DV fyrir þessi jól.
„Það gleður mig innilega og sér-
staklega finnst mér að Steinn
Steinarr eigi það skilið því hann
var ekki mikils metinn um sina
daga, „ segir Gylfi Gröndal, höf-
undur bókarinnar. Bókin á sér
langan aðdraganda og segist Gylfi
lengi hafa haft áhuga á Steini.
Hann hefur i gegnum tíðina safnaö
heimildum um Stein en fyrir þrem-
ur árum byrjaði hann skipulega
heimildaleit sem bar miklu meiri
árangur en hann átti von á. „Það
hefur tekist að grafa margt upp
sem ekki hefur áður verið vitaö
um Stein,“ segir Gylfi.
í öðru sætinu á listanum er
nýjasta bókin um hinn göldrótta
Harry Potter sem skrifuð er af
skoska rithöfundinum Jóhönnu K.
Rowling. Hún heitir Harry Potter og
fanginn frá Azkaban. Vinsældir
Harrys Potters koma ekki á óvart og
fyrri bækurnar tvær, Harry Potter
og leyniklefinn og Harry Potter og
viskusteinninn, eru í sjöunda og ní-
unda sætinu. Þýðandi bókanna er
Helga Haraldsdóttir.
20. öldin, Brot úr sögu þjóðar,
sem byggð er á samnefndri sjón-
varpsþáttaröð í umsjá Jón Ársæls
Þórðarsonar, er í þriðja sætinu.
Bókinni ritstýrir Jakob F. Ásgeirs-
son.
Tvær ævisögur eru á þessum
fyrsta lista. í fjórða sæti er þriðja
bindi ævisögu Einars Benediktsson-
ar sem Guðjón Friðriksson hefur
skrifað og í sjötta sætinu er Forsæt-
isráðherrann sem er þriðja bókin
sem Dagur B. Eggertsson skrifar
Listi
yfir söluhæstu bækur
- síðustu viku -
1. Steinn Steinarr, Leit að œvi skálds. Gylfi Gröndal.
2. Harry Potter og fanginn frá Azkaban. johanna K. Rowling.
3. 20. öldin. Brot úr sögu þjóðar. Ritstj.Jakob F. Ásgeirsson.
4. Einar Benediktsson III. Guðjón Friðriksson.
5. Draumar á jörðu. Einar Már Guðmundsson.
6. Forsœtisráöherrann Steingrímur Hermannsson III. Dagur
B. Eggertsson.
7. Harry Potter og leyniklefinn. Johanna K. Rowling.
8. Einn á ísnum. Haraldur Öm Ólafsson.
9. Harry Potter og viskusteininn. Johanna K. Rowling.
10. Matreiðslubók Latabæjar. Magnús Scheving.
um ævi og störf Steingríms Her-
mannssonar, fyrrum forsætiráð-
herra og formanns Framsóknar-
flokksins.
Fimmta sæti listans féll í skaut
nýjustu bókar Einars Más Guð-
mundssonar sem ber nafnið Draum-
ar á jörðu. Hún er sjálfstætt fram-
hald metsölubókarinnar Fótspor á
himnum. Einn á ísnum eftir Harald
Örn Ólafsson er í áttunda sætinu. í
bókinni segir Haraldur frá ferð
sinni á Norðurpólinn og hana prýða
um 200 ljósmyndir. í tíunda sætinu
er síðan Matreiðslubók Latabæjar
eftir Magnús Scheving.
Þær bækur sem voru næstar því
að komast inn á listann voru t.d.
Nærmynd af Nóbelsskáldi, Þögnin
og Frelsun Berts.
Samstarfsaðilar DV við gerð
bókalistans eru Mál og menning (2
verslanir), Penninn-Eymundsson (5
verslanir), Hagkaup (5 verslanir),
Penninn-Bókval Akureyri, Griffill
Reykjavík, Bókabúðin Hlöðum, Eg-
ilsstöðum, og KÁ á Selfossi. Bók-
sölulistinn tekur mið af sölunni siö-
astliðna viku og er sala síðustu
helgar meðtalin. Bóksalan virðist
vera komin nokkuð af stað í Reykja-
vík en er að hefjast i bókabúðum á
landsbyggðinni.
-MA
Hættulegar vegabætur?
--------- Kristján Pálsson,
_ , J þingmaður Sjálf-
stæðisílokks, telm-
að allt hálfkák í
tengslum við fram-
kvæmdir á Reykja-
nesbrautinni sé
varasamt. Hann er
ekki hrifinn af þeim
vegabótum sem gerðar hafa verið á
akbrautinni undanfarið.
Ekki sameining fyrir áramót
Litlar líkur eru á því að Lands-
banki og Búnaðarbanki sameinist fyr-
ir áramót. Samkeppnisráð hittist í
fyrsta skipti vegna sameiningarinnar
í gær en engin ákvörðun var tekin á
fundinum. - RÚV greindi frá.
Þurrasti nóvember
Óvenju þurrt var í Reykjavík í nóv-
ember á þessu ári og var úrkoma sú
minnsta sem mælst hefur frá upphafi
mælinga árið 1920. Samkvæmt upp-
lýsingum Veðurstofunnar mældist
úrkoman í höfuðborginni 10,1 mm en
í nóvember í fyrra mældist hún 72,1
mm.
Rofi brann
Rafmagnslaust varð á Akranesi í
gær og var orsökin sú að sex
kílóvatta rofi brann yfir hjá Andakíls-
árvirkjun,
Brýnt að hækka
Ingibjörg Pálmadóttir, heilbrigðis-
og tryggingamálaráðherra, sagði í
ávarpi sínu á ráðstefnu um öldrunar-
þjónustu, sem haldin var á Hótel Loft-
leiðum, að launakjör aldraðra þyrfti
að bæta svo laun yrðu samkeppnis-
fær og brýnast væri að hækka laun
þeirra lægst launuðu.
Minni skemmtun á Akureyri
Undanfarin ár
hafa 55-60% af tekj-
um ríkissjóðs af al-
mennu skemmtana-
leyfi fyrir veitinga-
staði komið frá veit-
ingastöðum í
Reykjavík, sam-
kvæmt svari fjár-
málaráðherra við fyrirspurn Krist-
jáns L. Möllers. Á Akureyri hafa tekj-
ur hrapað úr 700 þúsund árið 1997 í
200 þúsund krónur það sem af er ári.
Hlutafé aukið
íslandsflug hefur tekið í notkun
fimmtu Boeing 737-þotuna og er hún
leigð til þriggja ára. Verið er að auka
hlutafé íslandsflugs um 250 milljónir
króna og segir Ómar Benediktsson,
framkvæmdastjóri Islandsflugs, það
vera til að mæta fyrirsjáanlegum
vexti í starfseminni.
Kveikt á jólatré Kringlunnar
Ljósin verða tendruð á jólatré
Kringlunnar í dag, þriðjudag, kl.
16.30. Ingibjörg Sólrún Gísladóttir
borgarstjóri mun sjá um það.
Framkvæmdum lokið í Hrísey
Lokið er framkvæmdum við stækk-
un einangrunarstöðvar fyrir gæludýr
í Hrísey. Um er að ræða tvöfóldun á
rými stöðvarinnar og er þar nú að-
staða til einangrunar fyrir 14 hunda
og 4 ketti samtímis.
Skerðing vaxtabóta
Hækkun fast-
eignamats um 14% á
höfuðborgarsvæðinu
leiðir, að mati Jó-
hönnu Sigurðardótt-
ur alþingismanns,
m.a. til skerðingar
vaxtabóta um allt að
70 milljónir kr.
Hækkunin getur einnig haft þau áhrif
til hækkunar á eignarskatti. -HKr.