Dagblaðið Vísir - DV - 20.12.2000, Blaðsíða 12
12
MIÐVIKUDAGUR 20. DESEMBER 2000
Útlönd
DV
Shlomo Ben-Ami
Utanríkisráðherra ísraels er í Was-
hington þar sem hann ætlar að
freista þess að finna leiðir til að
koma friðarviðræðum aftur i gang.
Lítil bjartsýni á
fundi deilenda í
Mið-Austurlöndum
Lítillar bjartsýni gætti við upphaf
fundar sendinefnda Palestínu-
manna og ísraela vestur í Banda-
ríkjunum í gær um leiðir til að
binda enda á átök undanfarinna
mánaða og koma alvöru friðarvið-
ræðum aftur af stað.
Dennis Ross, sendimaður Banda-
ríkjastjórnar í Mið-Austurlöndum,
ræddi við sendinefndirnar hvora í
sínu lagi í gær áður en Shlomo Ben-
Ami, utanríkisráðherra ísraels,
kom til Washington seint í gær-
kvöld. Fundirnir eru haldnir á her-
stöð í Washington og vonast stjórn-
völd vestra til þess að einangrunin
verki hvetjandi á menn. Bandaríkja-
stjórn er í mun að samið verði um
frið áður en Bill Clinton lætur af
forsetaembættinu 20. janúar.
Færeyska land-
stjórnin er reið
út í Poul Nyrup
Enn á ný hefur soðið upp úr milli
færeysku landstjórnarinnar og
Pouls Nyrups Rasmussens, forsætis-
ráðherra Danmerkur, um stöðu
mála í sjálfstæðismálum Færey-
inga.
Landstjórnin og Poul Nyrup eru
ekki á einu máli um hvernig túlka
beri fundi danska forsætisráðherr-
ans og Anfinns Kallsbergs lög-
manns á Norðurlandaráðsþingi í
Reykjavík. Poul Nyrup telur að
Kallsberg vilji að viðræðurnar
gangi út frá því að Færeyingar
verði áfram í danska ríkjasamband-
inu en fái aukna sjálfstjórn. Færey-
ingar segja á hinn bóginn að mark-
mið sé sjálfstæði Færeyja.
Pútín og Chrétien
Vladímír Pútin Rússlandsforseti og
Jean Chrétien, forsætisráðherra
Kanada, ræddu saman í Ottawa.
Pútín heim frá
Kúbu og Kanada
Vladímír Pútín Rússlandsforseti
hélt í morgun heim úr heimsóknum
sínum til Kúbu og Kanada sem talið
er að hafl haft lítinn áþreifanlegan
árangur í fór með sér.
Heimsóknin til Kúbu varð til þess
að endurnýja samskipti landanna
tveggja en litið gekk að semja um
gríðarlegar skuldir Kúbverja við
Kremlarbúa. Pútín og forsætisráð-
herra Kanada, Jean Chrétien, urðu
sammála um að leggjast gegn hug-
myndum Bandarikjanna um
eldflaugavamakerfl.
George W. Bush á ferð og flugi í Washington:
Stuttar fréttir
Góð ráð Clintons
fyrir Hvíta húsið
George W. Bush, verðandi forseti
Bandaríkjanna, þáði mörg góð ráð
þegar hann heimsótti Bill Clinton
forseta í Hvíta húsið í gær og dvaldi
þar lengi. Fundur Bush og Als Gor-
es, keppinautar hans um forseta-
embættið, var aftur á móti stuttur.
„Ég er hingað kominn til að
hlusta," sagði Bush þegar Bill Clint-
on tók á móti honum. Fundur
þeirra dróst nokkuð á langinn og
stóð í tvær klukkustundir. Forset-
inn og eftirmaður hans ræddu eink-
um utanríkismál, eins og alsiða er
við undirbúning valdaskiptanna í
Washington.
Clinton bauð Bush til hádegis-
verðar og gæddu þeir sér á súpu,
dýrindis nautakjöti, grisku salati og
eplatertu meö ís á eftir.
Clinton var mjög afslappaður en
Bush aftur á móti eilítið óstyrkur
þegar þeir stilltu sér upp fyrir ljós-
myndara og svöruðu spurningum
fréttamanna. Forsetinn var ræðinn
Clinton og Bush
Bill Clinton Bandaríkjaforseti tók á
móti George W. Bush, eftirmanni
sínum, í Hvíta húsinu í gær. Bush
þáði góð ráð frá forsetanum.
en Bush vildi sem minnst segja.
Clinton sagði að heillaráð hans til
Bush hefði verið að ráða góða menn
til starfa og gera síðan það sem
hann teldi rétt að gera.
Fundur Bush með A1 Gore stóð
ekki í nema tuttugu mínútur. Að-
stoðarmenn þeirra sögðu síðar að
viðræður þeirra hefðu verið hlýleg-
ar, enda kveikt upp í arninum í
embættisbústað varaforsetans.
Talsmaður Bush sagði að forset-
inn verðandi hefði metiö það mikils
að vera boðið inn á heimili Gores og
að mennimir tveir hefðu rætt um
að vinna saman að því að græða
sárin sem kosningaslagurinn skildi
eftir sig.
Bush heldur fund með frétta-
mönnum í Texasháskóla í Austin
þar sem hann mun tilkynna skipan
gamals vinar síns, Dons Evans, í
embætti viðskiptaráðherra. Þá mun
hann skipa kúbverskan útlaga frá
Flórída húsnæðisráðherra.
Strandlíf á aðventunni
Ástralski strandvörðurinn Paui Booth fyigist grannt með gestum á hinni frægu Bondi-baöströnd við Sydney í Ástralíu.
Ástralir flykkjast gjarnan á baðstrendur landsins á jólunum, enda hásumar nú í þessum hluta heimsins. Kannanir
hafa leitt í Ijós að margir, einkum þó karlmenn, synda utan þeirra svæða þar sem standverðir eru á vakt.
Tugir þúsunda fluttir
burt vegna eldgoss
Yfir 30 þúsund Mexíkóbúa yfir-
gáfu heimili sín í gær við rætur eld-
fjallsins Popocatepeti sem er kallað
Popo. Mikið gos hófst í fjallinu á
mánudagskvöld og hélt það áfram í
gær. Fjallið er í um 80 kílómetra
fjarlægð frá Mexíkóborg.
Þrátt fyrir eldgosið neituðu marg-
ir bændur að hlýða skipuninni um
að yfirgefa svæðið. Bændurnir
vildu ekki fara frá eigum sínum
fyrr en þeir sæju hraunið koma æð-
andi.
Popo lét ekkert á sér kræla á ár-
unum 1927 til 1994 en þá varð lítið
gos í fjallinu.
Síðan hefur virknin aukist og hef-
ur það sent frá sér gufu- og ösku-
stróka öðru hverju. í apríl 1996 létu
fimm fjallgöngumenn lífið skammt
frá gígbarminum þegar sprengigos
varð skyndilega í fiallinu sem talið
Eldgos í Mexíkó
Eldgos er hafið í Popo sem er ekki
langt frá Mexíkóþorg. Fiytja þurfti
tugi þúsunda burt vegna gossins.
er hafa myndast fyrir 300 þúsund
árum.
Indíánar í grennd við fiallið dýrk-
uðu það eins og guð og færðu því
mannfórnir, að því er kemur fram í
ritum sagnfræðinga. Höfundur
dálks um efnahagsmál í blaðinu
Reforma skrifaði í gær að efnahag-
skreppa hefði orðið í Mexíkó þegar
Popo gaus fyrir 6 árum. „Við skul-
um vona að gosið nú boði ekki slæm
efnahagsleg tíðindiskrifaði dálka-
höfundurinn. Bent er á að nýlega
hafi orðið vendipunktur í sögu
Mexíkó. Við valdatöku Vicentes Fox
1. desember síðastliðinn hafi sjö
áratuga stjóm PRI-flokksins lokið.
Að minnsta kosti 20 gos í Popo
hafa verið skráð frá þvi á 13. öld.
íbúar í þorpum við Popo halda á
hverju vori sérstaka messu til að
sefa reiði fiallsins.
Reikningurinn borgaður
Breska blaðið
The Mirror sagði
frá því í morgun að
það hefði fengið
ávísun upp á 24,70
pund frá banda-
ríska sendiráðinu í
London vegna
reiknings sem
blaðamaður Mirror greiddi fyrir
Bill Clinton Bandaríkjaforseta á krá
í Notting Hill í London. Forsetinn
fór út án þess að greiða fyrir sig.
Ráðist gegn föngum
Öryggislögregla í Tyrklandi réðst
til inngöngu í um 20 fangelsi víðs
vegar í landinu til að neyða 200
fanga til að hætta hungurverkfalli.
15 fangar brunnu til bana eftir að
hafa kveikt í sér við aðgerðir lög-
reglunnar. Tveir lögreglumenn biðu
bana í átökunum.
Gaf sig fram við lögreglu
Einn þeirra sem lýst var eftir
vegna ráns á jafnvirði 400 milljóna
króna í Danmörku í nóvember gaf
sig fram við lögreglu í gær. Pening-
arnir eru enn ófundnir.
Gagnrýnir friðargæsluliða
Vojislav Kostunica, forseti
Júgóslavíu, sagði í gær að friðar-
gæsluliðum í Kosovo hefði ekki tek-
ist að hafa nægilegt eftirlit með alb-
önskum uppreisnarmönnum og
hefta for þeirra frá Kosovo inn í
suðurhluta Serbíu þar sem þeir
hafa gert árásir á lögreglumenn.
Milljarður allt of feitur
Af sex milljörðum íbúa heimsins
er rúmlega 1 milljarður allt of feit-
ur. Og of feitum fiölgar stöðugt, að
því er stofnunin Worldwatch
Institute í Washington greinir frá.
Kohl hylltur í Dresden
Tugir þúsunda
íbúa Dresden i
Þýskalandi fognuðu
í gær Helmut Kohl,
fyrrverandi kansl-
ara, er hann kom til
borgarinnar, 11 ár-
um eftir að hann
flutti sögulega ræðu
þar um sameiningu þýsku ríkjanna.
Einræktun á fósturvísum
Neðri deild breska þingsins sam-
þykkti í gær aukna möguleika á
stofnfrumum fósturvísa. Svo virðist
sem Bretland verði fyrsta landið í
Evrópu sem heimilar einræktun allt
að 14 daga gamalla fósturvísa
mannsins.
Talíbönum refsað
Kofi Annan, framkvæmdastjóri
Sameinuðu þjóð-
anna, varaði í gær
við afleiðingum sam-
þykktar Öryggisráðs-
ins um refsiaðgerðir
gegn stjórn Talíbana
í Afganistan.
Úrskurðað um
Pinochet
Hæstiréttur í Chile úrskurðaði i
gær um hvort tilskipunin um að
Augusto Pinochet, fyrrverandi ein-
ræðisherra, verði settur í stofufang-
elsi eigi að taka gildi. Úrskurðurinn
verður opinberaður í dag.